ორშ სამ ოთხ ხუთ პარ შაბ კვ
          01 02
04 05 07
10 11 12 13 14 15 16
17 18 19 20 21 22 23
24 25 26 27 28 29 30
31            

 

ახალი ამბები

ბერძნულ-რომაულ ჭიდაობაში ახალგაზრდებს შორის აფხაზეთის ღია პირველობა გაიმართა

აფხაზეთის ავტონომიური რესპუბლიკის განათლებისა და კულტურის სამინისტროს სპორტისა და ახალგაზრდობის საქმეთა სამსახურის ორგანიზებითა და საქართველოს ჭიდაობის ეროვნული და აფხაზეთის ჭიდაობის ფედერაციების მხარდაჭერით, ევროპული კვირეულის ფარგლებში ბერძნულ-რომაულ ჭიდაობაში ახალგაზრდებს შორის აფხაზეთის ღია პირველობა ჩატარდა. ტურნირი აფხაზეთის ომში დაღუპული გმირების ხსოვნას მიეძღვნა.

ტურნირში სულ 100-ზე მეტი სპორტსმენი მონაწილეობდა, ხოლო 10 სპორტსმენი აფხაზეთის სახელით ასპარეზობდა. აფხაზეთიდან დევნილი ახალგაზრდები ასევე წარმოდგენილი იყვნენ საქართველოს სხვადასხვა რეგიონის ნაკრებ გუნდებშიც.

აფხაზეთის სპორტსმენებმა სხვადასხვა წონით კატეგორიასა და ასაკობრივ ჯგუფებში შემდეგი საპრიზო ადგილები დაიკავეს:

ბართლომა ბიჭაშვილი - პირველი ადგილი, ლუკა გეჯაძე - მეორე ადგილი, საბა სეფერთელაძე, ანდრო გულორდავა, ოთარ სამუშია, ნიკოლოზ გოგებაშვილი, მიხეილ მებონია და გიორგი შუბითიძე - მესამე ადგილები.

ტურნირის გამარჯვებულები და პრიზიორები მედლებით, თასებით და დიპლომებით დაჯილდოვდნენ.

ტურნირის საუკეთესო სპორტსმენებს სპეციალური პრიზების სახით, აფხაზეთის ომში დაღუპული სპორტის ოსტატის მურთაზ გაბიძაშვილის სახელობის თასი და ლეგენდარული ფალავნის ნესტორ ესებუას სახელობის თასი გადაეცათ.

<< უკან