აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

აფხაზეთის მთავრობის წარმომადგენლები აფხაზეთიდან გადმოსვენებულთა სამოქალაქო პანაშვიდს დაესწრნენ

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე,  აფხაზეთის მთავრობის წევრებთან ერთად, სამების საკათედრო ტაძარში აფხაზეთიდან გადმოსვენებულთა სამოქალაქო პანაშვიდს დაესწრო.

90-იან წლებში აფხაზეთში განვითარებული ტრაგიკული მოვლენების დროს დაღუპული 12 იდენტიფიცირებული პირის ნეშტის (9 სამხედრო და 3 სამოქალაქო პირი) გადმოსვენება შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და წითელი ჯვრის საერთაშორისო კომიტეტის ერთობლივი ძალისხმევით, ორმხრივი, ქართულ-აფხაზური საკოორდინაციო მექანიზმის ფარგლებში გახდა შესაძლებელი.

შეიარაღებული მოქმედებების დროს აფხაზეთში დაღუპულთა სამოქალაქო პანაშვიდი სამების საკათედრო ტაძარში ორი დღის განმავლობაში გაიმართება.

იდენტიფიცირებული 5 მებრძოლის ნეშტს ხვალ დიღმის ძმათა სასაფლაოზე სამხედრო პატივით დაკრძალავენ.

„სამოქალაქო ინტეგრაციის მხარდაჭერის“ პროგრამის მონაწილეებთან შეხვედრა გაიმართა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი გიორგი გაბედავა „სამოქალაქო ინტეგრაციის მხარდაჭერის“ პროგრამის მონაწილე აფხაზეთიდან დევნილ სტუდენტებს შეხვდნენ.

შეხვედრა მიზნად ისახავდა ევროკავშირის შესახებ ცნობიერების ამაღლებასა და ახალგაზრდების სამშვიდობო პროცესებში ჩართულობის ხელშეწყობას.

შეხვედრაში საქართველოს საგარეო საქმეთა სამინისტროს ევროინტეგრაციის გენერალური დირექტორატის ევროკავშირის დახმარებისა და სექტორული ინტეგრაციის დეპარტამენტის დირექტორი დავით ბუჯიაშვილი, EPLO-ს რეგიონული წარმომადგენლობის ხელმძღვანელი იოსებ ნანობაშვილი და იუსტიციისა და სამოქალაქო ინტეგრაციის საკითხებში მინისტრის აპარატის წარმომადგენლები მონაწილეობდნენ.

„სოხუმი-საქართველო“ საქართველოს საკალათბურთო „ა“ ლიგის პლეი-ოფის ფინალში გავიდა

თელავში, თამაზ ანთაძის სახელობის სპორტსკოლაში საქართველოს საკალათბურთო „ა“ ლიგის პლეი-ოფის ნახევარფინალური სერიის მეორე მატჩი გაიმართა, რომელშიც ერთმანეთს თელავის „ბურჯი“ და „სოხუმი-საქართველო“ დაუპირისპირდნენ. სერიის გადამწყვეტ მატჩში სოხუმის გუნდმა მეტოქე 7-ქულიანი უპირატესობით, ანგარიშით 75:68 დაამარცხა და პლეი-ოფის ფინალში გავიდა.

საკალათბურთო შეხვედრას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, კახეთის მხარის სახელმწიფო რწმუნებული გიორგი ალადაშვილი, აფხაზეთის მთავრობის წევრები და ადგილობრივი ხელისუფლების წარმომადგენლები ესწრებოდნენ.

რუსლან აბაშიძე სიონის საკათედრო ტაძარში სადღესასწაულო წირვას დაესწრო

საქართველოს მართლმადიდებელი ეკლესიის ავტოკეფალიის აღდგენის დღესასწაულთან დაკავშირებით სიონის საკათედრო ტაძარში სრულიად საქართველოს კათოლიკოს-პატრიარქის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) სადღესასწაულო წირვა-ლოცვა აღავლინა.

სადღესასწაულო წირვას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, საქართველოს პარლამენტის თავმჯდომარე შალვა პაპუაშვილი და საქართველოს საკანონმდებლო ხელისუფლების წარმომადგენლები ესწრებოდნენ.

საქართველოს პარლამენტში აფხაზეთის ავტონომიური რესპუბლიკის განათლებისა და კულტურის სამინისტროს საქმიანობის ანგარიში მოისმინეს

საქართველოს პარლამენტის განათლების, მეცნიერებისა და ახალგაზრდულ საქმეთა კომიტეტის სხდომაზე აფხაზეთის ავტონომიური რესპუბლიკის განათლებისა და კულტურის სამინისტროს საქმიანობის ანგარიში მოისმინეს.

პარლამენტის წევრებს სამინისტროს ანგარიში აფხაზეთის ავტონომიური რესპუბლიკის განათლებისა და კულტურის მინისტრმა ნანა გაბელიამ გააცნო.

სხდომაზე, რომელიც დახურულ ფორმატში წარიმართა, განათლებასთან დაკავშირებული საკითხები განიხილეს და თანამშრომლობის სამომავლო გეგმებზე იმსჯელეს. მინისტრმა დეპუტატების შეკითხვებს უპასუხა.

სხდომას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველი მოადგილე ლია გიგაური, საქართველოს განათლების, მეცნიერებისა და ახალგაზრდობის მინისტრის მოადგილე ნოდარ პაპუკაშვილი და აფხაზეთის განათლებისა და კულტურის მინისტრის მოადგილე ნინო ლობჟანიძე ესწრებოდნენ.

რუსლან აბაშიძემ საქართველოს პარლამენტში აფხაზეთის ავტონომიური რესპუბლიკის განათლებისა და კულტურის სამინისტროს საქმიანობის ანგარიში მოისმინა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე საქართველოს პარლამენტის განათლების, მეცნიერებისა და ახალგაზრდულ საქმეთა კომიტეტის სხდომაზე აფხაზეთის ავტონომიური რესპუბლიკის განათლებისა და კულტურის სამინისტროს საქმიანობის ანგარიშის მოსმენას დაესწრო.

პარლამენტის წევრებს სამინისტროს ანგარიში აფხაზეთის ავტონომიური რესპუბლიკის განათლებისა და კულტურის მინისტრმა ნანა გაბელიამ გააცნო. სხდომაზე, რომელიც დახურულ ფორმატში წარიმართა, განათლებასთან დაკავშირებული საკითხები განიხილეს და თანამშრომლობის სამომავლო გეგმებზე იმსჯელეს.

მინისტრმა დეპუტატების შეკითხვებს უპასუხა.

სხდომას აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველი მოადგილე ლია გიგაური და განათლების, მეცნიერებისა და ახალგაზრდობის მინისტრის მოადგილე ნოდარ პაპუკაშვილი ესწრებოდნენ.

აფხაზეთიდან დევნილი წარმატებული ახალგაზრდა სპორტსმენები ვიქტორ სანეევის სახელობის სტიპენდიით დააჯილდოვეს

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, აფხაზეთის განათლებისა და კულტურის მინისტრმა ნანა გაბელიამ და საქართველოს მთავრობის ადმინისტრაციის უფროსის მოადგილე ილია შამუგიამ აფხაზეთიდან დევნილი წარმატებული ახალგაზრდა სპორტსმენები ვიქტორ სანეევის სახელობის სტიპენდიით დააჯილდოვეს.

ვიქტორ სანეევის სახელობის სტიპენდია ენიჭებათ, საკონკურსო წლისა და წინა სპორტული სეზონის განმავლობაში, როგორც ოლიმპიური, ისე არაოლიმპიური სპორტის სახეობებში დადასტურებული მიღწევების მქონე აფხაზეთიდან დევნილ ახალგაზრდა სპორტსმენებს.

საკონკურსო კომისიამ სამი გამარჯვებული გამოავლინა:

ირაკლი ვეკუა - ძალოსნობაში 17-წლამდელთა შორის 2023 წლის მსოფლიო ჩემპიონი და 2023 წლის ევროპის ჩემპიონი.

საბა ადამია - ძალოსნობაში 17-წლამდელთა შორის 2023 წლის მსოფლიო ვიცე-ჩემპიონი და 2023 წლის ევროპის ჩემპიონი.

ალექსანდრე ლოლაძე - ძიუდოში 2023 წლის მსოფლიო ვიცე-ჩემპიონი ახალგაზრდებს შორის და 2021 წლის ევროპის ჩემპიონი ჭაბუკებში.

ვიქტორ სანეევის სახელობის სტიპენდიატებს სიგელები და ფულადი ჯილდოები გადაეცათ.

დაჯილდოების ცერემონიას აფხაზეთის ავტონომიური რესპუბლიკის მთავრობის, საქართველოსა და აფხაზეთის სპორტული ფედერაციების წარმომადგენლები და მოწვეული სტუმრები ესწრებოდნენ.

 

ვიქტორ სანეევის სახელობის სტიპენდიატების დაჯილდოება გაიმართა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, აფხაზეთის განათლებისა და კულტურის მინისტრმა ნანა გაბელიამ და საქართველოს მთავრობის ადმინისტრაციის უფროსის მოადგილე ილია შამუგიამ აფხაზეთიდან დევნილი წარმატებული ახალგაზრდა სპორტსმენები ვიქტორ სანეევის სახელობის სტიპენდიით დააჯილდოვეს.

ვიქტორ სანეევის სახელობის სტიპენდია ენიჭებათ საკონკურსო წლისა და წინა სპორტული სეზონის განმავლობაში დადასტურებული მიღწევების მქონე აფხაზეთიდან დევნილ ახალგაზრდებს როგორც ოლიმპიური, ასევე არაოლიმპიური სპორტის სახეობის სპორტსმენებს.

საკონკურსო კომისიამ სამი გამარჯვებული გამოავლინა:

ირაკლი ვეკუა - ძალოსნობაში 17-წლამდელთა შორის 2023 წლის მსოფლიო ჩემპიონი და 2023 წლის ევროპის ჩემპიონი.

საბა ადამია - ძალოსნობაში 17-წლამდელთა შორის 2023 წლის მსოფლიო ვიცე-ჩემპიონი და 2023 წლის ევროპის ჩემპიონი.  

ალექსანდრე ლოლაძე - ძიუდოში 2023 წლის მსოფლიო ვიცე-ჩემპიონი ახალგაზრდებს შორის და 2021 წლის ევროპის ჩემპიონი ჭაბუკებში.

ვიქტორ სანეევის სახელობის სტიპენდიატებს სიგელები და ფულადი ჯილდოები გადაეცათ.

ღონისძიებას აფხაზეთის ავტონომიური რესპუბლიკის მთავრობის, საქართველოსა და აფხაზეთის სპორტული ფედერაციების წარმომადგენლები და მოწვეული სტუმრები ესწრებოდნენ. 

საქართველოს საკალათბურთო „ა“ ლიგის პლეი-ოფის მატჩი გაიმართა

ოლიმპიურ სასახლეში საქართველოს საკალათბურთო „ა“ ლიგის პლეი-ოფის ნახევარფინალური სერიის პირველი მატჩი გაიმართა, რომელშიც ერთმანეთს „სოხუმი-საქართველო“ და თელავის „ბურჯი“ დაუპირისპირდნენ. მატჩი სოხუმის უპირატესობით წარიმართა და საბოლოოდ მათი გამარჯვებით, ანგარიშით 90:79 დასრულდა.

საკალათბურთო შეხვედრას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე დაესწრო.

დავით ფაცაცია ამერიკის შეერთებულ შტატებში მოქმედი საზოგადოებრივი გაერთიანების „ქართველი ვეტერანების ამერიკელი მეგობრების“ პრეზიდენტს ნიკოლოზ ქარჩავას შეხვდა

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია ამერიკის შეერთებულ შტატებში მოქმედი საზოგადოებრივი გაერთიანების „ქართველი ვეტერანების ამერიკელი მეგობრების“ პრეზიდენტს ნიკოლოზ ქარჩავას შეხვდა.

შეხვედრის ფარგლებში, მხარეებმა ურთიერთთანამშრომლობის მემორანდუმი გააფორმეს და შეთანხმდნენ, აფხაზეთიდან დევნილი ახალგაზრდებისთვის სხვადასხვა საერთაშორისო ბანაკების, აფხაზეთიდან დევნილი ვეტერანებისა და მათი შვილების, აფხაზეთის ოკუპირებულ ტერიტორიაზე მცხოვრები და აფხაზეთიდან იძულებით გადაადგილებული პირების მხარდაჭერისა და მათი სოციალური მდგომარეობის გაუმჯობესების მიზნით მნიშვნელოვანი პროექტების ერთობლივად განხორციელების საკითხებზე.

მნიშვნელოვანია ისიც, რომ მხარეების ხელშეწყობით, შესაბამისი ქმედითი ღონისძიებების განხორციელების მიზნით, დაიგეგმა შეხვედრები აფხაზეთიდან დევნილ ვეტერანებთან და საერთაშორისო დონორ ორგანიზაციებთან.

„თითოეული ჩვენგანის ვალდებულებაა, ჩვენი გმირების, ვეტერანების მხარდაჭერა, რაშიც ქართული დიასპორების, საერთაშორისო ორგანიზაციების ხელშეწყობა ძალიან მნიშვნელოვანია. აქტიურად ვმუშაობთ ამ მიმართულებით და განსაკუთრებულ მადლობას ვუხდი ბატონ ნიკოლოზ ქარჩავას აფხაზეთიდან დევნილი მოქალაქეების მხარდაჭერის საქმეში თანადგომისთვის.“ - დავით ფაცაცია

 

 

აფხაზეთის მთავრობის თავმჯდომარემ ჟურნალისტებს პროფესიული დღე მიულოცა

21 მარტს ქართული ჟურნალისტიკის დღე აღინიშნება. ამ დღესთან დაკავშირებით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ აფხაზეთის საინფორმაციო-ანალიტიკური ცენტრის ხელმძღვანელს და ჟურნალისტებს აფხაზეთის მთავრობაში უმასპინძლა.

რუსლან აბაშიძემ მედიის წარმომადგენლებს პროფესიული დღე და 7-წლიანი პაუზის შემდეგ სატელევიზიო ეთერში დაბრუნება მიულოცა. მთავრობის თავმჯდომარემ საინფორმაციო-ანალიტიკურ ცენტრს მომავალი წარმატებები უსურვა და ჟურნალისტებს სიმბოლური საჩუქრები გადასცა.

პროგრამა „აფხაზეთის მეცნიერთა მხარდაჭერა“ დაიწყო

პროგრამის მიზანია აფხაზეთიდან დევნილი მეცნიერების მხარდაჭერა და მათი სამეცნიერო კვლევებში ჩართულობის ხელშეწყობა.

პროგრამის ფარგლებში შესაძლებელია დაფინანსდეს:

სამეცნიერო ლიტერატურის/კვლევის გამოცემა.

სამგზავრო ხარჯები მეცნიერებისა და დოქტორანტურის სტუდენტებისთვის.

აფხაზეთის მკვიდრი მეცნიერი, რომელიც წარმოადგენს კვლევას მეცნიერების რომელიმე დარგში.

მეცნიერი, რომელიც არაა აფხაზეთის მკვიდრი, მაგრამ მისი კვლევა თემატურად დაკავშირებულია საქართველოს ამ კუთხესთან.

განაცხადების შემოტანის ვადებია:

2024 წლის 1 ნოემბრამდე მიიღება ბეჭდვასთან დაკავშირებული პროექტები.

2024 წლის 30 ნოემბრამდე მიიღება მეცნიერებისა და დოქტორანტურის აკრედიტებული უმაღლესი საგანმანათლებლო პროგრამების სტუდენტებისთვის სამგზავრო ხარჯებთან დაკავშირებული განცხადებები.

პროექტების ავტორებმა უნდა წარმოადგინონ შემდეგი დოკუმენტები:

განცხადება მინისტრის სახელზე.

სარეკომენდაციო წერილი წარმომდგენი დაწესებულებიდან.

განსახილველი პროექტის თაობაზე შევსებული განაცხადის/ანკეტის ფორმა.

არანაკლებ ორი რეცენზია გამოსაცემ ნაშრომზე.

გამოსაცემი ნაშრომის ელექტრონული ვერსია.

პროექტის წარმომდგენი რეკომენდირებული პირის ავტობიოგრაფია (cv).

პირადობის და დევნილის მოწმობების ასლები.

ინვოისები არანაკლებ ორი გამომცემლობიდან, ხოლო სამგზავრო ხარჯების დაფინანსებისას შესაბამისი კომპანიებიდან.

ქვეყნის ფარგლებს გარეთ სამეცნიერო საქმიანობასთან, კონფერენციებში მონაწილეობასა და დოქტორანტურის პროგრამებზე სწავლასთან დაკავშირებული სამგზავრო ხარჯების დასაფინანსებლად წარმოდგენილი უნდა იყოს ასევე მიწვევის, სწავლის დამადასტურებელი დოკუმენტის ნოტარიულად დამოწმებული თარგმანი.

უცხო ქვეყანაში შესვლის ნებართვა, ანუ ვიზა.

დამატებითი ინფორმაცია იხილეთ მოცემულ ლინკზე:

 https://abkhazia.gov.ge/banner/25

რუსლან აბაშიძე და გიორგი გაბედავა ნიდერლანდებში ქართული კულტურის ცენტრის ბაზაზე არსებულ ცეკვის ანსამბლს ესტუმრნენ

ნიდერლანდების სამეფოში სამუშაო ვიზიტის ფარგლებში, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი გიორგი გაბედავა ნიდერლანდების სამეფოს ქართული კულტურის ცენტრის ბაზაზე არსებულ ცეკვის ანსამბლ „საქართველოს“ ესტუმრნენ. რუსლან აბაშიძემ ანსამბლს შესაძლებლობის ფარგლებში მხარდაჭერა აღუთქვა და ახალგაზრდებს აფხაზეთის ქალაქების სახელებიანი მაისურები გადასცა.

შეხვედრას ქართველი ემიგრანტებიც ესწრებოდნენ, სადაც აფხაზეთის მთავრობის წარმომადგენლებმა დიასპორების ჩართულობას, სამშვიდობო პროცესებში აფხაზეთის თემატიკის პოპულარიზაციასა და არაღიარების პოლიტიკის მხარდაჭერას გაუსვეს ხაზი.

ღონისძიებას საქართველოს ელჩი ნიდერლანდების სამეფოში დავით სოლომონია, იუსტიციისა და სამოქალაქო ინტეგრაციის საკითხებში აფხაზეთის მინისტრის მოადგილე მარინე გითოლენდია და საქართველოს საელჩოს წარმომადგენლები ესწრებოდნენ.

დაიწყო განაცხადების მიღება პროგრამაზე "დევნილთა სამეწარმეო საქმიანობის ხელშეწყობა"

აფხაზეთის ავტონომიური რესპუბლიკის ფინანსთა და ეკონომიკის სამინისტრო

 სსიპ „ეკონომიკური პროგრამების სააგენტო“ აცხადებს კონკურსს და განაცხადების მიღებას ქვეპროგრამის - „დევნილთა სამეწარმეო საქმიანობის გაძლიერების“ - ფარგლებში, რომლის მიზანია აფხაზეთიდან დევნილი მეწარმეების საქმიანი წინადადებებისა და ბიზნეს-პროექტების  მხარდაჭერა, შესაბამისი მატერიალურ-ტექნიკური აქტივებით უზრუნველყოფის გზით (მაქსიმუმ სამი ერთეული/აქტივი ჯამური/კრებსითი ღირებულებით არა უმეტესი 7.000 ლარისა).

  1. ქვეპროგრამაში მონაწილეობის მიღება შეუძლია:
  • აფხაზეთიდან დევნილ მეწარმეს/იურიდიულ პირს (მათ შორის: ინდმეწარმე; შპს; სააქციო საზოგადოება და ა.შ.), რომელიც ახორციელებს ეკონომიკურ-სამეწარმეო საქმიანობას და გააჩნია ამის დამადასტურებელი დოკუმენტი; ამასთან მას არ გააჩნია საგადასახადო დავალიანება.

 

  1. ინფორმაცია კონკურსის პირობების, კრიტერიუმებისა და შესავსები განაცხადის ფორმის შესახებ იხილეთ ქვეპროგრამის დებულებაში ლინკზე

 

  1. განაცხადების მიღება ელექტრონული ან მატერიალური ფორმით ხორციელდება 2024 წლის 19 მარტის 12:00 საათიდან 2024 წლის 30 აპრილის 17:00 საათამდე, მისამართზე: ქ. თბილისი, თამარაშვილის ქ. N15ა, სსიპ „ეკონომიკური პროგრამების სააგენტო“ ან ელ. ფოსტაზე -  lepl.applications@gmail.com

 

  1. საკონტაქტო პირები: ჯანო ქირთბაია - 599467770; ნიკა ჯანგირაშვილი - 591931461; თეა კვარაცხელია - 591931463
აფხაზეთის მთავრობის წარმომადგენლებმა ამსტერდამში საკვირაო სკოლა მოინახულეს და ქართული დიასპორის წარმომადგენლებს შეხვდნენ

ნიდერლანდების სამეფოში სამუშაო ვიზიტის ფარგლებში, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ და იუსტიციისა და სამოქალაქო ინტეგრაციების საკითხებში აფხაზეთის მინისტრმა გიორგი გაბედავამ ამსტერდამში მდებარე საკვირაო სკოლა „სიხარული“ მოინახულეს, სადაც ქართველი ემიგრანტები, მათ შორის აფხაზეთიდან დევნილი მოზარდები სწავლობენ.

ქართული დიასპორის წარმომადგენლებთან შეხვედრაზე სამშობლოსთან კავშირის შენარჩუნების მნიშვნელობასა და აფხაზეთის თემატიკის პოპულარიზაციას გაესვა ხაზი.  

აფხაზეთის მთავრობის წარმომადგენლებმა სკოლას აფხაზეთის თემატიკის წიგნები, ქართული ლიტერატურა და სპეციფიკური გზამკვლევები გადასცეს.

ვიზიტის ფარგლებში, ასევე, რუსლან აბაშიძე და გიორგი გაბედავა ამსტერდამის ჯვართამაღლების ქართულ ეკლესიაში საკვირაო წირვას დაესწრნენ.

ღონისძიებას საქართველოს ელჩი ნიდერლანდების სამეფოში დავით სოლომონია, იუსტიციისა და სამოქალაქო ინტეგრაციების საკითხებში აფხაზეთის მინისტრის მოადგილე მარინე გითოლენდია და საქართველოს საელჩოს წარმომადგენლები ესწრებოდნენ.