აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებითა და ორგანიზაცია „ქართული ოცნება ჯანმრთელი მომავალის“ მხარდაჭერით, სამედიცინო ცენტრ „ვივამედში“ აფხაზეთიდან დევნილი მოქალაქეებისთვის უფასო სამედიცინო აქცია მოეწყო.

აქციის ფარგლებში, აფხაზეთიდან იძულებით გადაადგილებულ პირებს სამედიცინო ცენტრ „ვივამედში“ სხვადასხვა პროფილის მაღალკვალიფიციური ექიმ-სპეციალისტის კონსულტაცია და კვლევები ჩაუტარდათ.

გამოკვლევების მიმდინარეობას აფხაზეთის ავტონომიური რესპუბლიკის იძულებით გადაადგილებულ პირთა სამინისტროს თანამშრომლები ესწრებოდნენ.