აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ და განათლებისა და კულტურის მინისტრმა ბექა ღვაჩლიანმა, ახალი სასწავლო წლის დაწყება, აფხაზეთიდან დევნილ მოსწავლეებს, ზუგდიდში მდებარე აფხაზეთის N1 საჯარო სკოლიდან მიულოცეს.

მთავრობის თავმჯდომარემ, აფხაზეთის განათლებისა და კულტურის მინისტრთან ერთად, მოსწავლეებს სიტყვით მიმართა და ოქროს მედალოსანი მოსწავლეები დააჯილდოვა.

აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი, ასევე აფხაზეთის N15 საჯარო სკოლაში იმყოფებოდა, სადაც მასწავლებლებსა და მოსწავლეებს სასწავლო წლის დაწყება პირადად მიულოცა.

დღესვე, ახალი სასწავლო წლის დაწყება, აფხაზეთის მთავრობის წევრებმა თბილისსა და საქართველოს რეგიონებში მდებარე აფხაზეთის საჯარო სკოლების მოსწავლეებსა და მასწავლებლებს მიულოცეს.

15 სექტემბერს მთელი საქართველოს მასშტაბით, საჯარო სკოლებში, სასწავლო პროცესი ოფიციალურად დაიწყო.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე აფხაზეთის №1 საჯარო სკოლას ეწვია და საოკუპაციო ხაზის ორივე მხარეს მყოფ მოსწავლეებსა და მასწავლებლებს სწავლის დაწყება ზუგდიდიდან მიულოცა.

გიორგი ჯინჭარაძემ, აფხაზეთის განათლებისა და კულტურის მინისტრ ბექა ღვაჩლიანთან ერთად, მოსწავლეებს სიტყვით მიმართა და ოქროს მედალოსანი მოსწავლეები დააჯილდოვა.

„დღეს ზუგდიდში ჩამოსვლის გადაწყვეტილება მივიღე და სწორედ აქედან ვულოცავ ახალი სასწავლო წლის დაწყებას აფხაზეთიდან დევნილ და დროებით ოკუპირებულ ტერიტორიაზე მცხოვრებ სკოლის მოსწავლეებს, რომლებიც ჯერ კიდევ ახერხებენ ქართულ ენაზე განათლების მიღებას.

აქვე განსაკუთრებით მინდა მივულოცო პედაგოგებს, რომლებიც დიდი რისკისა და შიშის ფასად ახერხებენ სასწავლო პროცესის ქართულ ენაზე წარმართვას და ამით აფხაზეთში საქართველოსა და მის მომავალს ინარჩუნებენ“, - განაცხადა გიორგი ჯინჭარაძემ.

დღესვე, ახალი სასწავლო წლის დაწყება, აფხაზეთის მთავრობის წევრებმა თბილისსა და საქართველოს რეგიონებში მდებარე აფხაზეთის საჯარო სკოლების მოსწავლეებსა და მასწავლებლებს მიულოცეს.

აფხაზეთის ავტონომიური რესპუბლიკის მთავრობის მხარდაჭერით და აფხაზეთის ჯანმრთელობისა და სოციალური დაცვის სამინისტროს ორგანიზებით ქუთაისში, დევნილთა კომპაქტურ ჩასახლებაში უფასო სამედიცინო გამოკვლევები ჩატარდა.

სამედიცინო აქციის მიმდინარეობას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის ჯანმრთელობისა და სოციალური დაცვის მინისტრ ბესიკ კუსიდისთან ერთად დაესწრო.

მთავრობის თავმჯდომარე გამოკვლევების პროცესს გაეცნო და დევნილ ბენეფიციარებსა და სამედიცინო პერსონალს გაესაუბრა.

„აფხაზეთის ჯანდაცვის სამინისტრო აქტიურად ახორციელებს უფასო სამედიცინო გამოკვლევებს დევნილთა კომპაქტურ ჩასახლებებში. ჩვენთვის მნიშვნელოვანია, რომ ეს გამოკვლევები და სამედიცინო სერვისები იყოს მოქნილი და ბენეფიციარების საჭიროებებზე მეტად მორგებული“, - განაცხადა გიორგი ჯინჭარაძემ.

სამედიცინო აქციის ფარგლებში დევნილ ბენეფიციარებს თბილისის წამყვანი კლინიკების 10-მდე ექიმ სპეციალისტმა სხვადასხვა სახის კვლევები ჩაუტარა. ასევე დევნილ ბენეფიციარებს დანიშნულების შესაბამისად უფასო მედიკამენტები გადაეცათ.

აფხაზეთის მთავრობის ხელშეწყობით საქართველოს რეგიონებში, კომპაქტურ ჩასახლებებში მცხოვრები დევნილი მოსახლეობისთვის უფასო სამედიცინო გამოკვლევები პერიოდულად ტარდება.

აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი ქალაქ სენაკში მდებარე თემურ ბოკუჩავას სახელობის აფხაზეთის N7 საჯარო სკოლაში იმყოფებოდა სადაც სკოლის დირექტორსა და პედაგოგებს შეხვდა.

შეხვედრაზე მინისტრმა, უშუალოდ პედაგოგებისგან მოისმინა სკოლაში არსებული საჭიროებები, დაათვალიერა სასკოლო ინფრასტრუქტურა და სამომავლოდ განსახორციელებელ შესაძლებლობებზე ისაუბრა.

აფხაზეთის განათლებისა და კულტურის მინისტრი აფხაზეთის სკოლებში არსებულ მდგომარეობას ეტაპობრივად ეცნობა.

შეხვედრას თემურ ბოკუჩავას სახელობის აფხაზეთის N7 საჯარო სკოლის დირექტორი ელისო სიჭინავა, სკოლის ადმინისტრაცია და მასწავლებლები ესწრებოდნენ.

ანაკლიაში დასრულდა შემეცნებითი ტური, რომელიც აფხაზეთიდან დროებით დევნილი ახალგაზრდებისთვის აფხაზეთის კულტურის, სპორტის და ახალგაზრდულ საქმეთა სააგენტოს მხარდაჭერით გაიმართა.

ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრ ბექა ღვაჩლიანთან ერთად დაესწრო.

მთავრობის თავმჯდომარემ ბანაკის მონაწილე ახალგაზრდების შეკითხვებს უპასუხა და სამშვიდობო პროცესებში ახალგაზრდების განსაკუთრებულ როლზე ისაუბრა.

დახურვის ღონისძიებაზე დევნილმა ახალგაზრდებმა საკუთარი იდეები, სამომავლო ხედვები და პროექტები წარადგინეს.

სამდღიანი ბანაკის ფარგლებში ახალგაზრდებმა მონაწილეობა მიიღეს თეორიულ სემინარებსა და პრაქტიკულ აქტივობებში, რომლებიც ოკუპირებულ ტერიტორიაზე მცხოვრები ახალგაზრდების საზოგადოებაში ინტეგრაციის ხელშეწყობას ისახავდა მიზნად.

აფხაზეთის კულტურის სპორტის და ახალგაზრდულ საქმეთა სააგენტოს ორგანიზებით ანაკლიაში ახალგაზრდული ბანაკის „შემოქმედებითი ტური ანაკლიაში“ დახურვის ღონისძიება გაიმართა, სადაც აფხაზეთიდან დევნილმა 40-მა ახალგაზრდამ მიიღო მონაწილეობა.

ბანაკის მონაწილეები ჩართულები იყვნენ სხვადასხვა შემეცნებით და გასართობ აქტივობებში, მათ შორის გამოცდილება მიიღეს გუნდური მუშაობის, ლიდერობის, საჯარო გამოსვლის ტექნიკების, პირველადი დახმარების და პროექტების მართვის მიმართულებით.

ბანაკის დახვურვის ღონისძიებას აფხაზეთის მთავრობის თავმჯდომარე გიორგი ჯინჭარაძე, აფხაზეთის განათლების და კულტურის მინისტრ ბექა ღვაჩლიანთან ერთად დაესწრო, სადაც ახალგაზრდებს სიტყვით მიმართეს და ისაუბრეს ახალგაზრდული ბანაკების მნიშვნელობასა და აფხაზეთიდან დევნილი ახალგაზრდების სამოქალაქო ინტეგრაციის საკითხებზე.

ღონისძიება კითხვა-პასუხის რეჟიმში წარიმართა, სადაც აფხაზეთიდან დევნილ ახალგაზრდებს წარმოდგენილი ქონდათ სამომავლო ხედვები და პროექტები აფხაზეთში მცხოვრებ ახალგაზრდებთან ინტეგრაციისა და დაახლოების თემაზე.

შეხვედრას ასევე აფხაზეთის კულტურის, სპორტის და ახალგაზრდულ საქმეთა სააგენტოს დირექტორი ავთანდილ ძაგანია ესწრებოდა.

აფხაზეთის ავტონომიური რესპუბლიკის განათლების და კულტურის სამინისტროსა და Skillwill-ის ურთიერთთანამშრომლობის ფარგლებში ახალი საგანმანათლებლო პროექტის პრეზენტაცია გაიმართა.

საგანმანათლებლო პროექტი აფხაზეთიდან დევნილ 140-მდე ახალგაზრდაზეა გათვლილი, რომელიც მათ საშუალებას აძლევს დაეუფლონ ისეთ თანამედროვე, მოთხოვნად და მაღალანაზღაურებად პროფესიებს, როგორიც არის IT პროექტების მართვა, გრაფიკული დიზაინი, UX/UI დიზაინი, ფულ-სტეკ ვებდეველოპმენტი, სოციალური მედიის მართვა და კიბერუსაფრთხოება.

ახალი საგანმანათლებლო პროექტის პრეზენტაცია Skillwill-ში გაიმართა და მას აფხაზეთის მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრ ბექა ღვაჩლიანთან ერთად დაესწრო.

ღონისძიებაზე შეკრებილ აფხაზეთიდან დევნილ მოსწავლეებს აფხაზეთის მთავრობის თავმჯდომარემ სიტყვით მიმართა, რომელმაც პროექტის მნიშვნელობასა და აფხაზეთის  მთავრობის ჩართულობაზე ისაუბრა.

პროექტი აფხაზეთის მთავრობის, პროფესიული უნარების განვითარების სააგენტოსა და რეზო თურნავას ფონდის ხელშეწყობით ხორციელდება.

პრეზენტაციას საქართველოს განათლების, მეცნიერებისა და ახალგაზრდობის სამინისტროს პროფესიული განათლების განვითარების დეპარტამენტის უფროსის მოადგილე ნათია გვირჯიშვილი, Skillwill-ის დამფუძნებელი და აღმასრულებელი დირექტორი გიორგი მარიამიძე, პროფესიული უნარების განვითარების სააგენტოს ხელმძღვანელი კახა ხანდოლიშვილი ესწრებოდნენ

აფხაზეთის განათლებისა და კულტურის სამინისტროსა და Skillwill-ს ერთობლივი თანამშრომლობის ფარგლებში აფხაზეთიდან დევნილი ახალგაზრდებისთვის ახალი საგანმანათლებლო პროექტი დაიწყო.

პროექტის ფარგლებში 137 დევნილი ახალგაზრდა სწავლების თანამედროვე, მაღალანაზღაურებად პროფესიებს დაეუფლება, მათ შორის IT პროექტების მართვას, გრაფიკული დიზაინს, UX/UI დიზაინს, ფულ-სტეკ ვებდეველოპმენტს, სოციალური მედიის მართვასა და კიბერუსაფრთხოებას.

ახალი საგანმანათლებლო პროექტის პრეზენტაცია დღეს „Skillwill“-ში გაიმართა, რომელსაც აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე და აფხაზეთის განათლებისა და კულტურის მინისტრი ბექა ღვაჩლიანი ესწრებოდნენ.

ღონისძიების მონაწილეებს სიტყვით გიორგი ჯინჭარაძემ მიმართა, რომელმაც ახალგაზრდებისთვის პროექტის მნიშვნელობასა და აფხაზეთის მთავრობის მხრიდან მათ ხელშეწყობაზე ისაუბრა.

პროექტი აფხაზეთის მთავრობის, პროფესიული უნარების განვითარების სააგენტოსა და რეზო თურნავას ფონდის ხელშეწყობით ხორციელდება.

აფხაზეთის ავტონომიური რესპუბლიკის განათლების და კულტურის მინისტრი ბექა ღვაჩლიანი, ქართველი მწერალის, ელენე გუჯეჯიანის წიგნის „მდუმარე ფრონტი“ პრეზენტაციას დაესწრო.

ნაწარმოები აფხაზეთის შეიარაღებული კონფლიქტის და ცამეტი ომგამოვლილი ქალის, რეალურ ფაქტებზე დაფუძნებულ, ტრაგიკულ ისტორიას მოგვითხრობს, რომლებმაც მიუხედავად ყველაფრისა, შეძლეს წარმატების მიღწევა.

პრეზენტაციას წიგნის მთავარი გმირები ესწრებოდნენ, რომლებიც ღონისძიების დასასრულს, მწერალთა კავშირის თავმჯდომარე მაყვალა გონაშვილმა მადლობის სიგელებით დააჯილდოვა.

ღონისძიებას აფხაზეთის უმაღლესი საბჭოს დეპუტატები და აფხაზეთის კულტურის, სპორტის და ახალგაზრდულ საქმეთა სააგენტოს დიერქტორი ავთანდილ ძაგანია ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ, მოსახლეობასთან შეხვედრებისა და კომპაქტურ ჩასახლებებში მათი საჭიროებების გაცნობის შემდეგ, აფხაზეთის იძულებით გადაადგილებულ პირთა მინისტრ დავით ფაცაციასთან და აფხაზეთის ფინანსთა და ეკონომიკის მინისტრ თენგიზ ნასარიძესთან ერთად, აფხაზეთის ავტონომიური რესპუბლიკის მომსახურების სააგენტოს ტერიტორიული ორგანოების ხელმძღვანელებთან სამუშაო შეხვედრა გამართა.

შეხვედრის მონაწილეებმა დეტალურად განიხილეს ქვეყნის მასშტაბით ყველა კომპაქტურ ჩასახლებაში არსებული საჭიროებები, მათ შორის კრიტიკული საჭიროებების, საცხოვრებელი პირობების გაუმჯობესების, ინფრასტრუქტურის მოწესრიგებისა და სოციალური მომსახურების ხელმისაწვდომობის საკითხები.

გიორგი ჯინჭარაძემ ყურადღება გაამახვილა საჭიროებების დროულ და ეფექტიან იდენტიფიცირებაზე. ასევე, მთავრობის აპარატისა და ტერიტორიული ორგანოების კოორდინირებული მუშაობის აუცილებლობაზე.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ ქუთაისში იმყოფებოდა, სადაც დევნილთა ჩასახლებების რეაბილიტაციის პროექტის ფარგლებში მიმდინარე სამუშაოები დაათვალიერა და აფხაზეთიდან დევნილ მოსახლეობას შეხვდა.

შეხვედრები ავტომშენებლის ქუჩა №41-ში, „აეროპორტის ადმინისტრაციის შენობასა“ და „აეროპორტის სასტუმროში“ გაიმართა. მთავრობის თავმჯდომარემ ადგილზე არსებულ მდგომარეობას და დევნილ მოსახლეობის საჭიროებებს გაეცნო.

გიორგი ჯინჭარაძის თქმით, მნიშვნელოვანია დევნილთა საცხოვრებელი პირობების გაუმჯობესება და მათი საჭიროებების დროული იდენტიფიცირება, სწორედ ამიტომ, აფხაზეთის მთავრობა აქტიურად არის ჩართული კომპაქტურ ჩასახლებებში არსებულ პრობლემათა გადაჭრის პროცესში.

„ძალიან მნიშვნელოვანი შეხვედრა გავმართეთ დევნილ მოსახლეობასთან ქუთაისში. ჩვენ იდენტიფიცირებული გვქონდა ის პრობლემები, რომელიც ამ კომპაქტურ ჩასახლებაშია და ადგილობრივი ხელისუფლების მნიშვნელოვანი მხარდაჭერით ყველა ეს საკითხი მოვაგვარეთ, რისთვისაც მადლობა მინდა გადავუხადო მათ. აფხაზეთის მთავრობის მიზანზე ორიენტირებული პროექტის გათვალისწინებით, სამომავლოდ ჩვენ დევნილებს ღირსეული საცხოვრებელი პირობები ექნებათ“, - განაცხადა გიორგი ჯინჭარაძემ.

დევნილთა კომპაქტურ ჩასახლებებში სარემონტო სამუშაოები ადგილობრივი ხელისუფლების აქტიური ჩართულობით განხორციელდა.

დევნილი მოსახლეობის საჭიროებების დროული იდენტიფიცირებისა და მათი გადაჭრის მიზნით, აფხაზეთის მთავრობა შეხვედრებს ეტაპობრივად ყველა კომპაქტურ ჩასახლებაში გამართავს.

წყალტუბოს მუნიციპალიტეტში პროექტ „ტექნოლოგიური კვირეული 2025“-ის დახურვის ღონისძიება გაიმართა, რომელსაც აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის იუსტიციისა და სამოქალაქო ინტეგრაციის მინისტრ ალიონა ჩხოტუასთან ერთად დაესწრო.

ღონისძიების მონაწილე ახალგაზრდებს სიტყვით აფხაზეთის მთავრობის თავმჯდომარემ და იუსტიციისა და სამოქალაქო ინტეგრაციის მინისტრმა მიმართეს, რომელთაც ახალგაზრდებთან ტექნოლოგიური ინოვაციების შესწავლის ხელშეწყობასა და ამ მიმართულებით სხვადასხვა პროექტის განხორციელებაზე ისაუბრეს.

„მოხარული ვარ, რომ ასეთი კარგი და მიზანზე ორიენტირებული პროექტი გამოვიდა. სამომავლოდ აფხაზეთის მთავრობა კვლავ აქტიურად გააგრძელებს ჩვენი დევნილი ახალგაზრდების მხარდაჭერას, რათა მათ შეიძინონ ის მნიშვნელოვანი უნარები, რაც ტექნოლოგიური მიმართულებით განვითარებას შეუწყობს ხელს“, - განაცხადა გიორგი ჯინჭარაძემ.

შეხვედრის მონაწილეებმა ახალგაზრდების კითხვებს უპასუხეს და „ტექნოლოგიური კვირეულის“ მონაწილეები სერტიფიკატებით დააჯილდოვეს.

ღონისძიებას აფხაზეთის ავტონომიური რესპუბლიკის მთავრობის წევრები და ადგილობრივი ხელისუფლების წარმომადგენლები ესწრებოდნენ.

ტექნოლოგიური კვირეულის ფარგლებში, 5 დღის განმავლობაში, აფხაზეთიდან დევნილი ახალგაზრდები გაეცნენ თანამედროვე ინოვაციებს, გაიღრმავეს ცოდნა ტექნოლოგიების მიმართულებით და მონაწილეობა მიიღეს თემატურ დისკუსიებში.

პროექტი აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ორგანიზებით გაიმართა.

სოხუმის გიორგი რატიანის სახელობის მოზარდ მაყურებელთა პროფესიული სახელმწიფო თეატრი, ყაზახეთის ქალაქ თალდიყორღანში მესამე საერთაშორისო თეატრალურ ფესტივალ „BIKEN FEST“-ში მიიღებს მონაწილეობას, სადაც 16 სექტემბერს მაყურებელს სპექტაკლს „რომეო და ჯულიეტა“ წარუდგენს.

საფესტივალო სამზადისის ფარგლებში, აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრ ბექა ღვაჩლიანთან ერთად, სოხუმის გიორგი რატიანის სახელობის მოზარდ მაყურებელთა პროფესიული სახელმწიფო თეატრის სპექტაკლის რეპეტიციას დაესწრო.

მთავრობის თავმჯდომარე დასის წევრებს შეხვდა, საერთაშორისო ფესტივალზე წარმატება უსურვა და ქართულ-აფხაზური კულტურის პოპულარიზაციის საქმეში სოხუმის მოზარდ მაყურებელთა თეატრის მნიშვნელოვან როლზე ისაუბრა.

თეატრი საერთაშორისო ფესტივალზე საქართველოს კულტურის სამინისტროს ფინანსური მხარდაჭერით მონაწილეობს.

აფხაზეთის ავტონომიური რესპუბლიკის განათლების და კულტურის მინისტრი ბექა ღვაჩლიანი, აფხაზეთის კულტურის სპორტის და ახალგაზრდულ საქმეთა სააგენტოს დირექტორ ავთანდილ ძაგანიასთან ერთად სოხუმის უნივერისტეტის რექტორ თეა ჯუღელს შეხვდა.

მხარეებმა სამუშაო შეხვედრის ფარგლებში აფხაზეთის განათლებისა და კულტურის სამინისტროსა და სოხუმის სახელმწიფო უნივერსიტეტს შორის თანამშრომლობის გაღრმავების შესაძლებლობები განიხილეს.

ყურადღება გამახვილდა აფხაზეთიდან დევნილი ახალგაზრდებისთვის სასწავლო პროცესების ხელშეწყობაზე, უნივერსიტეტში მიმდინარე სიახლეებზე სამინისტროში არსებულ პროგრამებსა და სამომავლოდ განსახორციელებელ საკითხებზე.

შეხვედრას სოხუმის სახელმწიფო უნივერსიტეტის ადმინისტრაციის ხელმძღვანელი, პროფესორი დავით ჯალაღონია და პროფესორი დევი შონია ესწრებოდნენ.