უწყებები
-
მთავრობის აპარატი
-
განათლებისა და კულტურის სამინისტრო
-
ჯანმრთელობისა და სოციალური დაცვის სამინისტრო
-
ფინანსთა და ეკონომიკის სამინისტრო
-
იძულებით გადაადგილებულ პირთა სამინისტრო
-
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
-
წარმომადგენლობა ზემო აფხაზეთში
ფინანსთა და ეკონომიკის სამინისტრო
ახალი ამბები
ფინანსთა და ეკონომიკის სამინისტრო
2025-02-07
აფხაზეთის ა/რ სავაჭრო-სამრეწველო პალატამ, სააგენტოსთან “აწარმოე საქართველოში” თანამშრომლობით აფხაზეთიდან დევნილი მეწარმის არჩილ გობეჯიშვილის სოციალურ საწარმო "დადარს" საერთაშორისო გამოფენაში მონაწილეობისათვის აუცილებელი ხარჯების თანხა დაუფინანსა.
სოციალური საწარმო "დადარი" მსოფლიოში ერთ-ერთი უმნიშვნელოვანესი და მასშტაბური სათამაშოების გამოფენის - "Spielwarenmesse 2025" მონაწილე გახდა, რომელიც 28 იანვრიდან 1 თებერვლის ჩათვლით მიმდინარეობდა.
აღნიშნული გამოფენა ყოველწლიურად გერმანიაში, ქალაქ ნიურნბერგში იმართება.
"Spielwarenmesse" 70 წელზე მეტია, რაც სათამაშოების ინდუსტრიის წამყვანი ღონისძიებაა, რომელიც აერთიანებს მწარმოებლებს, დისტრიბუტორებს, მაღაზიების ქსელებსა და ინოვატორებს მთელი მსოფლიოდან.
გამოფენა საუკეთესო ადგილია ახალი ტენდენციების, ინოვაციური მიმართულებების გასაზიარებლად, საერთაშორისო პარტნიორებთან თანამშრომლობის გასაფორმებლად.
მცირე და საშუალო მეწარმეების ხელშეწყობის პროგრამის, პირველი კომპონენტის - "საერთაშორისო გამოფენებში მონაწილეობა“ ფარგლებში, რომელიც აფხაზეთის ფინანსთა და ეკონომიკის სამინისტროს მხარდაჭერით ხორციელდება, შპს სოციალური საწარმო "დადარისთვის" ეს იყო უნიკალური შესაძლებლობა, წარმოედგინა საკუთარი წარმოების ეკომეგობრული, ხელნაკეთი ხის სათამაშოები, ამასთანავე გაეცნო საერთაშორისო ბაზრის მოთხოვნები და დაემყარებინა მნიშვნელოვანი კონტაქტები.
ფინანსთა და ეკონომიკის სამინისტრო
2025-02-05
აფხაზეთის ავტონომიური რესპუბლიკის ფინანსთა და ეკონომიკის სამინისტრო, აფხაზეთიდან დროებით დევნილი მოსახლეობის ეკონომიკური და სოციალური მდგომარეობის გაუმჯობესების მიზნით, ახორციელებს 1 პროგრამას 2 მიმართულებით:
პროგრამა: „მცირე და საშუალო მეწარმეების ხელშეწყობა“
საერთაშორისო გამოფენებში მონაწილეობა;
საერთაშორისო სისტემებისა და სტანდარტების შემუშავება და დანერგვა.
დამატებითი ინფორმაციის მისაღებად დაგვიკავშირდით:
ცხელი ხაზი: 143
ტელეფონი: (+995 32) 214 00 83
ელექტრონული მისამართი: info@mofa.ge
ვრცლად პროგრამების შესახებ იხილეთ : https://abkhazia.gov.ge/social-program/6/ge
ფინანსთა და ეკონომიკის სამინისტრო
2025-01-29
აფხაზეთის ავტონომიური რესპუბლიკის ფინანსთა და ეკონომიკის მინისტრის პირველი მოადგილე თამარ გელაშვილი საქართველოს მთავრობის დადგენილებით შექმნილი სახელმწიფო შიდა ფინანსური კონტროლის სისტემის განვითარების უწყებათაშორისი საბჭოს პირველ შეხვედრას დაესწრო.
სხდომა საქართველოს ფინანსთა მინისტრის მოადგილის მიხეილ დუნდუას თავმჯდომარეობით ჩატარდა.
უწყებათაშორისი საბჭოს მიზანია სახელმწიფო შიდა ფინანსური კონტროლის სისტემის განვითარების 2025-2028 წლების სტრატეგიისა და მასთან დაკავშირებული სამოქმედო გეგმის შემუშავება.
აღნიშნული სისტემის განვითარება გათვალისწინებულია საქართველოსა და ევროკავშირს შორის ასოცირების შესახებ შეთანხმებით და ევროკავშირთან ინტეგრაციის მნიშვნელოვან წინაპირობას წარმოადგენს.
უწყებათაშორისი საბჭოს წევრები არიან 12 ცენტრალური სამინისტროს მინისტრის მოადგილეები, აფხაზეთისა და აჭარის ა/რ ფინანსთა და ეკონომიკის მინისტრები, ასევე საქართველოს მთავრობის ადმინისტრაციის, სახელმწიფო აუდიტის სამსახურის, ანტიკორუფციული ბიუროს და საჯარო სამსახურის ბიუროს ხელმძღვანელების მოადგილეები.
ფინანსთა და ეკონომიკის სამინისტრო
2024-12-30
აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის გადაწყვეტილებით, აფხაზეთიდან დროებით დევნილ 1500-მდე პირს საახალწლო ნობათი გადაეცა.
ინიციატივის ფარგლებში, აფხაზეთის ა/რ ფინანსთა და ეკონომიკის მინისტრმა ლაშა დოლბაძემ აბაშაში, ხობსა და სენაკში მცხოვრებ აფხაზეთიდან დევნილ ოჯახებს სადღესასწაულო ნობათები გადასცა.
„საახალწლო ნობათების გადაცემა აფხაზეთიდან დროებით დევნილი ოჯახებისთვის ჩვენი მთავრობის ერთ-ერთი პრიორიტეტული ამოცანაა. ჩვენი მიზანია, თითოეული დევნილი ოჯახის მხარდაჭერა და მათი სოციალური პირობების გაუმჯობესება“, - განაცხადა ლაშა დოლბაძე.
სადღესასწაულო ნობათი აფხაზეთიდან იძულებით გადაადგილებულმა მრავალშვილიანმა, სოციალურად დაუცველმა, ომის ვეტერანმა და განსაკუთრებული საჭიროების მქონე პირებმა მიიღეს.
ფინანსთა და ეკონომიკის სამინისტრო
2024-12-27
აფხაზეთის ავტონომიური რესპუბლიკის ფინანსთა და ეკონომიკის სამინისტროს განკარგულებაში არსებულ ფულად სახსრებზე, 2025 წელს პროცენტის დარიცხვის მიზნით, მომსახურე ბანკის შესარჩევი კონკურსის გამარჯვებულად გამოცხადდა სს "თიბისი ბანკი"
ფინანსთა და ეკონომიკის სამინისტრო
2024-12-23
აფხაზეთის ავტონომიური რესპუბლიკის ფინანსთა და ეკონომიკის მინისტრმა ლაშა დოლბაძემ, 2024 წლის 23 დეკემბერს გამართულ მთავრობის სხდომაზე “აფხაზეთის ავტონომიური რესპუბლიკის 2025 წლის რესპუბლიკური ბიუჯეტის შესახებ“ აფხაზეთის ავტონომიური რესპუბლიკის კანონპროექტი წარადგინა.
მინისტრმა ასევე, "აფხაზეთის ავტონომიური რესპუბლიკის ფინანსთა და ეკონომიკის სამინისტროს დებულების დამტკიცების შესახებ" აფხაზეთის ავტონომიური რესპუბლიკის მთავრობის 2019 წლის 30 აგვისტოს №22 დადგენილებაში ცვლილების შეტანის თაობაზე აფხაზეთის მთავრობის დადგენილების პროექტის შესახებ ანგარიში წარადგინა.
სხდომაზე აფხაზეთის ავტონომიური რესპუბლიკის მთავრობის წევრებმა 2025 წლის გეგმები განიხილეს.
ლევან მგალობლიშვილის განცხადებით, აფხაზეთის მთავრობის მომავალი წლის ბიუჯეტი მაქსიმალურად გამჭვირვალე და დევნილთა საჭიროებებზე ორიენტირებული იქნება.
დევნილთა პრობლემების იდენტიფიცირებისა და მათზე დროული რეაგირებისთვის აფხაზეთის ავტონომიური რესპუბლიკის მთავრობაში ცხელი ხაზი - 143 ამოქმედდა. აფხაზეთიდან იძულებით გადაადგილებული მოქალაქეები მათთვის საჭირო ყველა კითხვაზე დროულ და ამომწურავ ინფორმაციას მიიღებენ.
ფინანსთა და ეკონომიკის სამინისტრო
2024-12-10
,,აფხაზეთის ავტონომიური რესპუბლიკის ფინანსთა და ეკონომიკის სამინისტროს განკარგულებაში არსებულ ფულად სახსრებზე პროცენტის დარიცხვის მიზნით მომსახურე ბანკის შესარჩევი კონკურსის ჩატარების წესის“ დამტკიცების შესახებ“ აფხაზეთის ავტონომიური რესპუბლიკის ფინანსთა და ეკონომიკის მინიტრის 2024 წლის 4 დეკემბრის №01/82 ბრძანებისა და „მომსახურე ბანკის შესარჩევი საკონკურსო კომისიის შექმნის შესახებ“ 2024 წლის 9 დეკემბრის N01/83 აფხაზეთის ავტონომიური რესპუბლიკის ფინანსთა და ეკონომიკის მინისტრის ბრძანების თანახმად, სამინისტრო აცხადებს სამინისტროს განკარგულებაში არსებულ ფულად სახსრებზე პროცენტის დარიცხვის მიზნით მომსახურე ბანკის შესარჩევ კონკურსს.
კონკურსის საგანია: სამინისტროს ეროვნული ვალუტის ანგარიშზე არსებული ნაშთის სრულ მოცულობაზე დასარიცხი წლიური საპროცენტო სარგებლის განსაზღვრა.
კონკურსის შესახებ ინფორმაცია იხილეთ ლინკზე : http://abkhazia.gov.ge/banner/82
ასევე იხილეთ თანდართული ფაილები: განცხადება; პირობები; ბანკის შესარჩევი კონკურსის ჩატარების წესი.
ფინანსთა და ეკონომიკის სამინისტრო
2024-11-19
აფხაზეთის ავტონომიური რესპუბლიკის ფინანსთა და ეკონომიკის სამინისტროს ლაშა დოლბაძე უხელმძღვანელებს.
ახლად დანიშნული მინისტრი თანამშრომლებს აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილმა წარუდგინა.
აღნიშნულ თანამდებობაზე ლაშა დოლბაძემ ლევან თევზაია შეცვალა. ლევან მგალობლიშვილმა ყოფილ მინისტრს გაწეული საქმიანობისთვის მადლობა გადაუხადა და იმედი გამოთქვა, რომ ახალი მინისტრი თავის გუნდთან ერთად ღირსეულად უპასუხებს ყველა გამოწვევას, რომელიც აფხაზეთიდან დროებით დევნილი მოსახლეობის წინაშე დგას.
ლაშა დოლბაძეს კერძო და საჯარო სექტორში მუშაობის მრავალწლიანი გამოცდილება აქვს.
2024 წლის სექტემბრიდან დღემდე აფხაზეთის ავტონომიური რესპუბლიკის ფინანსთა და ეკონომიკის მინისტრის პირველი მოადგილის თანამდებობას იკავებდა.
ლაშა დოლბაძეს სხვადასხვა საპასუხისმგებლო და ხელმძღვანელ პოზიციებზე მუშაობის მრავალწლიანი გამოცდილება გააჩნია.
2024 წლის იანვრიდან აგვისტომდე იკავებდა შპს „აბგრეიდ ქონსთრაქშენ“
ფინანსური დირექტორის პოზიციას;
2024 წლის თებერვლიდან აგვისტომდე, შპს „მონოლით საქართველო“ დამფუძნებელი, დირექტორი;
2018 წლის ივნისიდან 2024 წლის აგვისტომდე იყო შპს „ენსი გრუპ“
ფინანსური დირექტორი;
2017 - 2018 წწ - შპს „გლობალ აუდიტი“
პარტნიორი, მთ. აუდიტორი;
2014 - 2017 წწ -შპს „სამთო კომპანია ფარავანპერლიტი“
ფინანსური დირექტორი;
2012- 2014 წწ- შპს „ვესტ-ინვესტ“ გენერალური დირექტორი;
2010 - 2012 წწ- შპს „ვესტ-ინვესტ“ ფინანსური დირექტორი;
2008 - 2010 წწ- აუდიტორი კომპანია შპს „კოლხი 2005“ მთავარი აუდიტორი;
2005- 2008 წწ- საქართველოს შემოსავლების სამსახურის ქ. თბილისის საგადასახადო ინსპექციის ვაკე- საბურთალოს განყოფილება, ანალიტიკური განყოფილების უფროსი;
1997-2005 წწ -საქართველოს ფინანსთა სამინისტროს საგადასახადო ინსპექცია
აკრეფის განყოფილების უფროსი;
1995 - 1997 წწ -სოციალური უზრუნველყოფისა და სამედიცინო დაზღვევის ერთიანი სახელმწიფო
ფონდი უფროსი სპეციალისტი;
1997 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის სოხუმის ფილიალი -სპეციალიზაცია წარმოების ეკონომიკა და მართვა;
2000 წელს კი საქართველოს ეკონომიკის სამინისტროსთან არსებული „ეკონომიკისა და სოციალური პრობლემების კვლევითი ინსტიტუტი“
ასპირანტურა - მიკროეკონომიკა;
2014 წელს ივ. ჯავახიშვილის სახელობის თბილისის სახელმწიფო უნივერსიტეტის სოხუმის ფილიალი სამართალმცოდნეობა.
ფინანსთა და ეკონომიკის სამინისტრო
2024-11-09
დასაქმების ხელშეწყობის სახელმწიფო სააგენტოს ორგანიზებით, იძულებით გადაადგილებული პირებისთვის დასაქმებაში ხელშეწყობის პროექტის განხორციელება დაიწყო.
პროექტის ფარგლებში, 12-დან 15 ნოემბრის ჩათვლით, დევნილ მოქალაქეებს შესაძლებლობა მიეცემათ, გაიარონ კარიერული კონსულტირება - დასაქმების ხელშეწყობის სახელმწიფო სააგენტოს კონსულტანტებს გაუზიარონ საკუთარი პროფესიული გამოცდილება, უნარები და დასაქმების სასურველი სფეროები.
რეგისტრაციის დასრულების შემდეგ, პროექტის მეორე ეტაპზე, სააგენტო უზრუნველყოფს ვაკანსიების მოძიებას და სამუშაოს მაძიებლებისა და ბიზნესის ურთიერთდაკავშირებას.
პროექტი თბილისში, შიდა ქართლში, იმერეთსა და სამეგრელოში ხორციელდება. კონსულტირებისათვის დევნილი მოქალაქეები უნდა ეწვიონ სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტოს რეგიონულ სერვის-ცენტრებს შემდეგ მისამართებზე:
<img class="xz74otr" src="https://static.xx.fbcdn.net/images/emoji.php/v9/t2d/1/16/1f4cd.png" alt="
ფინანსთა და ეკონომიკის სამინისტრო
2024-11-06
ლევან თევზაიამ პლენარულ სხდომაზე სამთავრობო პროგრამის შესრულების შესახებ მოხსენება წარადგინა.
6 ნოემბერს აფხაზეთის უმაღლესი საბჭოს პლენარული სხდომა გაიმართა.
სხდომაზე მინისტრის საათის ფორმატში, ლევან თევზაიამ ფინანსთა და ეკონომიკის სამინისტროს მიერ ბოლო ერთ წელში გატარებული რეფორმების, ღონისძიებების, პროგრამებისა და იმ პროექტების შესახებ ისაუბრა, რომლებიც აფხაზეთის ავტონომიური რესპუბლიკის სამთავრობო პროგრამის შესაბამისად პოლიტიკურ, სოციალურ-ეკონომიკურ და ინსტიტუციურ მიმართულებებს მოიცავდა.
აფხაზეთის ა/რ უმაღლეს საბჭოში ფინანსთა და ეკონომიკის მინისტრის მოხსენება მოისმინეს.
ლევან თევზაიამ ისაუბრა ფინანსთა და ეკონომიკის სამინისტროს მიერ ჩატარებული მნიშვნელოვანი რეფორმების, ღონისძიებების, პროგრამებისა და პროექტების შესახებ.
მოხსენებაში წარმოდგენილი იყო სამინისტროს მიერ 2023 წლის მე 4 კვარტალსა და 2024 წლის 9 თვეში განხორციელებული საქმიანობა.
“საანგარიშო წელი როგორც პოლიტიკური, ისე ეკონომიკური თვალსაზრისით, გამორჩეული გახლდათ, თუმცა საქართველოს მთავრობის ერთ-ერთ უმთავრეს პრიორიტეტად კვლავ აფხაზეთისა და ცხინვალის რეგიონების სრული დეოკუპაცია და იძულებით გამოდევნილი მოსახლეობის საკუთარ სახლებში უსაფრთხო და ღირსეული დაბრუნება რჩება. პარალელურად კი, სამინისტროს საქმიანობის ძირითად მიმართულებებს, საფინანსო სისტემის მართვასა და საფინანსო-საბიუჯეტო პოლიტიკის რეგულირებასთან ერთად, იძულებით გადაადგილებულ პირთა დასაქმების ხელშეწყობა, დევნილი მეწარმეების მცირე ბიზნესის მხარდაჭერა და აგრარული, გარემოსდაცვითი და სხვადასხვა დარგობრივი მიმართულებით არსებული პრობლემების გადაჭრაზე ზრუნვა წარმოადგენს”, - განაცხადა მინისტრმა მოხსენებაში.
სხდომას მინისტრთან ერთად მისი მოადგილეები - ლაშა დოლბაძე, თამარ გელაშვილი, ელისო გვასალია და მთავარი მრჩეველი ავთანდილ ხაზალია ესწრებოდნენ.