ფინანსთა და ეკონომიკის სამინისტრო
ახალი ამბები
აფხაზეთის ა/რ ფინანსთა და ეკონომიკის მინისტრმა თენგიზ ნასარიძემ სამინისტროს თანამშრომლებს მოადგილეები წარუდგინა. პირველი მოადგილის პოზიცია ლევან თევზაიამ და მოადგილის პოსტი კი მიხეილ ანჩაბაძემ დაიკავა.
ორივე მათგანს საჯარო სამსახურში მუშაობის მრავალწლიანი გამოცდილება აქვთ და ხელმძღვანელ პოზიციებზე საქმიანობდნენ.
სამინისტრო დევნილი მოსახლეობის ეკონომიკური გაძლიერებისა და განვითარების ხელშეწყობას განახლებული შემადგენლობით განაგრძობს.
აფხაზეთის ა/რ სავაჭრო-სამრეწველო პალატის ორგანიზებით და აფხაზეთის ავტონომიური რესპუბლიკის ფინანსთა და ეკონომიკის სამინისტროს მხარდაჭერით სასტუმრო "პულმანში“ ღონისძიება "შეხვედრა ბიზნესთან“ გაიმართა.
ღონისძიების მიზანი აფხაზეთიდან იძულებით გადაადგილებული მეწარმეების მხარდაჭერა და კერძო სექტორის ჩართულობით მათი ეკონომიკური გაძლიერების ხელშეწყობა იყო.
ღონისძიების ფარგლებში მინისტრისა და ბიზნესის წარმომადგენლების მონაწილეობით გაიმართა პანელური დისკუსია, სადაც განიხილეს მეწარმეებისთვის აქტუალური საკითხები, საჭიროებები და მათზე მორგებული მხარდაჭერის სამომავლო გეგმები.
ასევე, დამსწრე საზოგადოებას შესაძლებლობა ჰქონდა დაეთვალიერებინა და შეეძინა დევნილი მეწარმეების პროდუქცია სპეციალურ სივრცეში მოწყობილ გამოფენა-გაყიდვაზე.
ღონისძიებას აფხაზეთის ა/რ მთავრობის თავმჯდომარე გიორგი ჯინჭარაძე, თავმჯდომარის მოადგილე ანზორ მარგიანი, ფინანსთა და ეკონომიკის მინისტრი თენგიზ ნასარიძე, „აწარმოე საქართველოს“, სოფლის მეურნეობის სააგენტოსა და ქალაქ თბილისის მერიისა და საკრებულოს წარმომადგენლები ესწრებოდნენ
აფხაზეთის ა/რ ფინანსთა და ეკონომიკის მინისტრი თენგიზ ნასარიძე სოხუმის დრამატულ თეატრში, საქართველოს დამსახურებული არტისტის, მსახიობ ლიანა მიქაშავიძის შემოქმედებით საღამოს დაესწრო, რომელიც მისი წიგნის - "სოხუმის ქართული თეატრი გისმენთ" პრეზენტაციას მიეძღვნა.
სოხუმის თეატრის თითოეულ მაყურებელს კიდევ ერთხელ ჰქონდა საშუალება, გასცნობოდა ქართულ-აფხაზურ კულტურას, რომელიც ჩვენი შერიგების საფუძველს ქმნის.
საღამოს აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე და მთავრობის წევრები ესწრებოდნენ.
შემოქმედებითი საღამო აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით გაიმართა.
აფხაზეთის ავტონომიური რესპუბლიკის ფინანსთა და ეკონომიკის მინისტრად თენგიზ ნასარიძე დაინიშნა. ახლად დანიშნული მინისტრი თანამშრომლებს აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ წარუდგინა.
თენგიზ ნასარიძე ქალაქ სოხუმში დაიბადა. განათლება მიღებული აქვს სამართალმცოდნეობის მიმართულებით. სწავლობდა ჯორჯ ვაშინგტონის უნივერსიტეტის ბიზნესის სკოლაში. მას საჯარო და კერძო სექტორში მუშაობის მრავალწლიანი გამოცდილება აქვს. სხვადასხვა დროს იკავებდა საქართველოს გარემოს დაცვისა და სოფლის მეურნეობის მინისტრის მოადგილისა და "საქართველოს მელიორაციის" გენერალური დირექტორის თანამდებობებს.
თენგიზ ნასარიძემ აღნიშნულ თანამდებობაზე ლაშა დოლბაძე შეცვალა.
ახალი მინისტრი აფხაზეთის ავტონომიური რესპუბლიკის ფინანსთა და ეკონომიკის მინისტრის უფლებამოსილების შესრულებას დღეიდან შეუდგა.
აფხაზეთის ა/რ სავაჭრო-სამრეწველო პალატამ, აფხაზეთის ფინანსთა და ეკონომიკის სამინისტროს მხარდაჭერით და პროგრამა "აწარმოე საქართველოში” თანამშრომლობით, აფხაზეთიდან დევნილ მეწარმე ანასტასია ფრუიძეს საერთაშორისო გამოფენაში მონაწილეობისათვის საჭირო ხარჯები დაუფინანსა.
2025 წლის 23-25 თებერვალს, მილანში გაიმართა MICAM / MIPEL - ფეხსაცმლისა და ტყავის ნაწარმის ერთ-ერთი უმნიშვნელოვანესი საერთაშორისო გამოფენა, რომელსაც ყოველწლიურად 42,000-ზე მეტი სტუმარი ჰყავს მსოფლიოს სხვადასხვა ქვეყნიდან.
გამოფენაში მონაწილეობდა ქართული ბრენდი „SummuS“. ანასტასია ფრუიძისთვის ეს იყო უნიკალური შესაძლებლობა, გაეცნო საერთაშორისო ბაზრის ტენდენციები, წარედგინა საკუთარი პროდუქცია და დაემყარებინა მნიშვნელოვანი საქმიანი კონტაქტები.
გამოფენა საუკეთესო ადგილია ახალი ტენდენციების, ინოვაციური მიმართულებების გასაზიარებლად და საერთაშორისო პარტნიორებთან თანამშრომლობის გასაფორმებლად.
აფხაზეთის ავტონომიური რესპუბლიკის ფინანსთა და ეკონომიკის მინისტრი ლაშა დოლბაძე საქართველოს საგარეო საქმეთა სამინისტროს ორგანიზებით დიასპორის დღისადმი მიძღვნილ ფორუმს - “დიასპორა სამშობლოსთვის - ტრადიცია, ერთიანობა, განვითარება” დაესწრო.
ღონისძიება საქართველოს საგარეო საქმეთა მინისტრმა მაკა ბოჭორიშვილმა გახსნა. ფორუმის სტუმრებს ასევე სიტყვით მიმართეს საქართველოს პრეზიდენტმა მიხეილ ყაველაშვილმა, პრემიერ-მინისტრმა ირაკლი კობახიძემ, პარლამენტის თავმჯდომარემ შალვა პაპუაშვილმა, საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ და საქართველოს პარლამენტის დიასპორისა და კავკასიის საკითხთა კომიტეტის თავმჯდომარე ირაკლი ზარქუამ.
ღონისძიებას ასევე აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის მთავრობის წევრები, აღმასრულებელი და საკანონმდებლო ხელისუფლების, დიასპორისა და საქართველოს ეკლესიის წარმომადგენლები ესწრებოდნენ.
ქართული დიასპორის დღისადმი მიძღვნილი ფორუმი ყოველწლიურად იმართება და მიზნად ისახავს სახელმწიფოსა და დიასპორას შორის კავშირებისა და თანამშრომლობის გაღრმავებას, არსებულ გამოწვევებსა და შესაძლებლობებზე მსჯელობას და ქვეყნის განვითარებაში დიასპორის წარმომადგენელთა როლის გაზრდას.
გახსნის ცერემონიის შემდეგ, ფორუმის ფარგლებში თემატური პანელები ჩატარდა.
25 მარტს აფხაზეთის ავტონომიური რესპუბლიკის ფინანსთა და ეკონომიკის მინისტრი, ლაშა დოლბაძე, აფხაზეთის უმაღლესი საბჭოს საფინანსო-საბიუჯეტო კომიტეტის სხდომას დაესწრო.
სხდომაზე აფხაზეთის ავტონომიური რესპუბლიკის სავაჭრო-სამრეწველო პალატის პრეზიდენტმა, გოგიტა თედორაძემ, დამსწრეებს ორგანიზაციის პროექტების შესახებ დეტალური ინფორმაცია მიაწოდა.
მომხსენებელმა ყურადღება გაამახვილა სავაჭრო-სამრეწველო პალატის მრავალმხრივ საქმიანობაზე, მათ შორის, აფხაზეთიდან დევნილი მეწარმეებისათვის გაწეულ სხვადასხვა სახის დახმარებაზე და მათთვის გამოყოფილი საბიუჯეტო სახსრების ძირითად პარამეტრებზე.
სხდომაზე აღინიშნა, რომ აფხაზეთის ა/რ სავაჭრო-სამრეწველო პალატა აქტიურად თანამშრომლობს სხვადასხვა ორგანიზაციებთან და ახერხებს ბიუჯეტიდან გამოყოფილი თანხის რაციონალურად გამოყენებას.
სტატისტიკური მონაცემების თანახმად ბოლო წლების განმავლობაში 450-მა დევნილმა მეწარმემ მიიღო მონაწილეობა გამოფენებში, სადაც მათი საშუალო დღიური შემოსავალი 200-დან 300 ლარამდე მერყეობდა.
ორგანიზაციის ძალისხმევა მიმართულია დევნილი მეწარმეების განვითარებისკენ როგორც მათი ბიზნესის გაძლიერების, ისე ცოდნისა და უნარების ამაღლების კუთხით.
აფხაზეთის ა/რ სავაჭრო-სამრეწველო პალატის პრიორიტეტებს შორის განსაკუთრებული მნიშვნელობა ენიჭება მისი საქმიანობის პოლიტიკურ ასპექტებს, საქართველოს სავაჭრო-სამრეწველო პალატასთან თანამშრომლობის სარგებლიანობასა და სამომავლო გეგმებს.
16 მარტს, აფხაზეთის ავტონომიური რესპუბლიკის სავაჭრო-სამრეწველო პალატამ მეწარმე ქალთა ასოციაციასთან თანამშრომლობით , საგამოფენო სივრცეში აფხაზეთიდან დევნილი მეწარმეები წარადგინა.
მეწარმეებმა სტუმრებს საკუთარი ხელნაკეთი ნამუშევრები გააცნეს, მათ შორის ნაქსოვი სათამაშოები და კალათები, სუვენირები და სამკაულები.
გამოფენილმა პროდუქციამ დამთვალიერებელთა დიდი ინტერესი და მოწონება დაიმსახურა. მადლობა მეწარმე ქალთა ასოციაციას თანამშრომლობისთვის.
აფხაზეთის ა/რ ფინანსთა და ეკონომიკის მინისტრმა, ლაშა დოლბაძემ და მინისტრის პირველმა მოადგილემ, თამარ გელაშვილმა ოკუპირებული აფხაზეთიდან დროებით დევნილი მცირე და საშუალო ბიზნესის წარმომადგენლებთან სამუშაო შეხვედრა გამართეს.
შეხვედრის ფარგლებში ლაშა დოლბაძემ მეწარმეებს სამინისტროს მიერ ინიცირებული პროექტები გააცნო, მოისმინა მათი საჭიროებები და მათთან ერთად ბიზნესის გაძლიერების გზებზე იმსჯელა.
როგორც შეხვედრის მიმდინარეობისას აღინიშნა, სამინისტროს საქმიანობის მთავარ პრიოროტეტს სოფლის მეურნეობის განვითარების ხელშეწყობა და დევნილი მეწარმეების ეკონომიკური გაძლიერება წარმოადგენს.