სსიპ „ეკონომიკური პროგრამების სააგენტო“ აცხადებს კონკურსს და განაცხადების მიღებას პროგრამაზე- „სასოფლო-სამეურნეო და ენდემური კულტურების წარმოების მხარდაჭერა“ –

პროგრამის ფარგლებში განხორციელდება, აფხაზეთიდან დევნილთა და აფხაზეთის ოკუპირებულ ტერიტორიაზე ლეგიტიმურად მცხოვრები მოსახლეობის ხელშეწყობა სასოფლო-სამეურნეო კულტურების, მრავალწლიანი ნერგებით (კერძოდ: „ჩენდლერის“ ნიგოზის კაკალი; ქლიავი და ტყემალი) უზრუნველყოფის გზით.  

1. ინფორმაცია ქვეპროგრამის შესახებ და კონკურსის პირობები, ეტაპები, კრიტერიუმები და შესავსები განაცხადის ფორმა იხილეთ ლინკზე

2. განაცხადების მიღება ელექტრონული ან მატერიალური ფორმით იწყება 2022 წლის 27 სექტემბრის 12:00 საათიდან და სრულდება 2022 წლის 18 ოქტომბრის 17:00 საათამდე,

მისამართი: ქ. თბილისი, თამარაშვილის ქ. N15ა, სსიპ „ეკონომიკური პროგრამების სააგენტო“  ან ელ. ფოსტაზე Saagento.ek@gmail.com

საკონტაქტო პირები:   თეა კვარაცხელია - 579113897; ნინო ბენდელიანი 599488315; ნუგზარ ბასლანძე - 593007885 ; ჯანო ქირთბაია - 599855369

აფხაზეთის ფინანსთა და ეკონომიკის მინისტრი ლევან თევზაია, მოადგილესთან გიორგი ჯინჭარაძესთან და ორგანიზაცია ,,საერთაშორისო ინიციატივა განვითარებისა და თანადგომისთვის" ხელმძღვანელთან, ვახტანგ ფოჩხუასთან ერთად,ზუგდიდში ჩირის გადამამუშავებელი საწარმოს სარეაბილიტაციო სამუშაოებს გაეცნო, რომელიც მიმდინარე წლის სექტემბერში გაიხსნება.
ლევან თევზაიას განცხადებით, საწარმოს ფუნქციონირება ხელს შეუწყობს დევნილი მოსახლეობის ეკონომიკურ გაძლიერებასა და რესურსებზე ხელმისაწვდომობის ზრდას.
,,სოციალური საწარმოს გახსნა მისცემს შესაძლებლობას დევნილებს მოახდინონ თავიანთი მოსავლის რეალიზაცია. პროექტის მიზანია შექმნას წარმატებული ბიზნეს მოდელი, რომელიც იფუნქციონირებს გარემოს დაცვის პრინციპით. გრძელვადიან პერსპექტივაში, აღნიშნული საწარმო გახდება მაგალითი წარმატებული, სოციუმზე ორიენტირებული საწარმოსი,"-განაცხადა აფხაზეთის ფინანსთა და ეკონომიკის მინისტრმა.
საწარმო ჩეხეთის განვითარების სააგენტოს და აფხაზეთის ა/ რ სახელმწიფო ბიუჯეტის დაფინანსებით, სამინისტროს ,,საერთაშორისო ინიციატივა განვითარებისა და თანადგომისთვის" ახორციელებს.

 სასოფლო-სამეურნეო კულტურების წარმოების პროცესში აფხაზეთიდან იძულებით გადაადგილებული პირების მხარდაჭერის მიზნით სოფლის განვითარების სააგენტოსა და ეკონომიკური პროგრამების სააგენტოს შორის მემორანდუმი გაფორმდა.

 პროგრამის ,,დანერგე მომავალი" ფარგლებში ბენეფიციარის, აფხაზეთიდან იძულებით გადაადგილებული პირის, წარდგენილი პროექტის საერთო ღირებულების 70%-ს ფარავს სოფლის განვითარების სააგენტო, 20%-ს ეკონომიკური პროგრამების სააგენტო ,10%-ს ბენეფიციარი.

 აფხაზეთის ოკუპირებულ ტერიტორიის გამყოფი ხაზის მიმდებარე სოფლებში მცხოვრები ბენეფიციარების თანადაფინანსების შემთხვევაში სოფლის განვითარების სააგენტო აფინანსებს ბენეფიციარის პროექტის საერთო ღირებულების 80%-ს, ეკონომიკური პროგრამების სააგენტო 10%-ს, ბენეფიციარი 10%-ს.

 მემორანდუმს ხელი სოფლის განვითარების სააგენტოს დირექტორმა ილია თამარაშვილმა და ეკონომიკური პროგრამების სააგენტოს თავმჯდომარემ ვასილ ბაბუნაშვილი მოაწერეს.

 აფხაზეთიდან იძულებით გადაადგილებულმა პირებმა პროგრამაში დამატებითი შეღავათის მისაღებად თანადაფინანსების მოთხოვნით უნდა მიმართოს ეკონომიკური პროგრამების სააგენტოს.

➡ დამატებითი ინფორმაცია იხილეთ ბმულზე: https://rda.gov.ge/ge/articles/news/memorandumi

სოფლის განვითარების სააგენტო / RDA

აფხაზეთის ფინანსთა და ეკონომიკის მინისტრი, ლევან თევზაია საქართველოს სტატისტიკის ეროვნული სამსახურის დაარსებიდან 103 წლის საიუბილე ღონისძიებას დაესწრო

სტატისტიკის სამსახურის აღმასრულებელმა დირექტორმა გოგიტა თოდრაძემ , პრეზენტაციის სახით, საქსტატში განხორციელებული და დაგეგმილი პროექტები წარადგინა.

ღონისძიებაზე წარმატებულ და ღვაწლმოსილ თანამშრომლებს, ინფორმაციის მომწოდებელ საუკეთესო ბიზნეს კომპანიებს, ასევე საერთაშორისო და ადგილობრივ ორგანიზაციებს სპეციალური სიგელები გადაეცათ.

ღონისძიებაზე მოწვეულმა სტუმრებმა, სპეციალურად ამ დღისთვის საქსტატის მიერ მომზადებული ვიდეო რგოლი იხილეს, სადაც ასახულია სტატისტიკის სამსახურის ისტორია და დღევანდელი საქმიანობა.

ქვეყნის პირველი სტატისტიკის სამსახური 1919 წლის 25 ივლისს შეიქმნა. შესაბამისად აღნიშნული თარიღი საქართველოში ოფიციალური სტატისტიკის წარმოების დაწყებას უკავშირდება.

აფხაზეთის სავაჭრო-სამრეწველო პალატის ორგანიზებით დევნილ მეწარმეებთან შეხვედრა გაიმართა.
შეხვედრას აფხაზეთის ფინანსთა და ეკონომიკის მინისტრის მოადგილე გიორგი ჯინჭარაძე ესწრებოდა.
შეხვედრაზე განიხილეს მინდინარე და სამომავლო პროექტები , ასევე საგრანტო პროგრამები, რომელსაც ეკონომიკური პროგრამების სააგენტო, სოფლის განვითარების სააგენტო, დევნილთა, ეკომიგრანტთა და საარსებო წყაროებით უზრუნველყოფის სააგენტო, ,,აწარმოე საქართველოში“ და „თიბისი ბიზნესისთვის“ ახორციელებენ.
შეხვედრის მონაწილეები გაეცნენ პალატის წევრი ქალი მეწარმეების წარმატებულ საქმიანობას და გაიზიარეს მათი გამოცდილებაც.
ღონისძიების დასასრულს ორგანიზაციების წარმომადგენლებმა დევნილი მეწარმეების კუთხვებს ამომწურავად უპასუხეს.
ბიზნეს შეხვედრის პარალელურად, დარბაზში ჩატარდა აფხაზეთიდან დევნილი მეწარმეების პროდუქციის გამოფენა.
ღონისძიება პროექტის ,,მოწყვლადი დევნილი და ადგილობრივი მოსახლეობის ეკონომიკური და სოციალური ჩართულობის ხელშეწყობა სამხრეთ კავკასიაში (EPIC)’’ ფარგლებში ჩატარდა, რომელსაც გერმანიის ეკონომიკური თანამშრომლობისა და განვითარების ფედერალური სამინისტროს (BMZ) დაფინანსებით , გერმანიის საერთაშორისო თანამშრომლობის საზოგადოება (GIZ) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან (MOH) თანამშრომლობით ახორციელებს.

ლევან თევზაიამ საქართველოს საერთაშორისო ბიზნეს ფორუმში მიიღო მონაწილეობა.
ღონისძიება საქართველო- ლიბანის სავაჭრო პალატის ორგანიზებით ჩატარდა.
შეხვედრის მიზანს წარმოადგენდა ბიზნეს სექტორის, სერვისის პროვაიდერების, ინვესტორებისა და მეწარმეების ერთმანეთთან დაკავშირება.
ფორუმის დასრულების შემდეგ, B2B შეხვედრები გაიმართა. B2B შეხვედრების ფარგლებში, განიხილეს მათი პოტენციური თანამშრომლობა ყველა ბიზნესსა და ინვესტიციის დონეზე.
ღინისძიებას საქართველოს მთავრობის, ქართული და უცხოური ბიზნეს სექტორის წარმომადგენლები ესწრებოდნენ.

სსიპ „ეკონომიკური პროგრამების სააგენტო“ აცხადებს კონკურს და განაცხადების მიღებას ქვეპროგრამის - „დევნილთა სამეწარმეო საქმიანობის ხელშეწყობა“ - ფარგლებში, რომლის მიზანია აფხაზეთიდან დევნილთა ეკონომიკური საქმიანობის გაძლიერება და ბიზნეს-პროექტების მხარდაჭერა, შესაბამისი მატერიალურ-ტექნიკური აქტივებით და აღჭურვილობით უზრუნველყოფის გზით (საერთო ჯამში, მაქსიმუმ 7.000 ლარისა და არა უმეტესი 2 ერთეულისა).
ქვეპროგრამაში მონაწილეობის მიღება შეუძლია:
აფხაზეთიდან დევნილ ფიზიკურ პირს, რომელიც ახორციელებს ეკონომიკურ და სამეწარმეო საქმიანობას და გააჩნია ამის დამადასტურებელი დოკუმენტი.
აფხაზეთიდან დევნილი პირის მიერ დაფუძნებულ კომპანიას ან კომპანიას, რომელშიც აფხაზეთიდან დევნილები არიან დასაქმებული, და ამ იურიდიულ პირებს არ გააჩნიათ საგადასახადო დავალიანება.

ქვეპროგრამისა და კონკურსის პირობები, ეტაპები, კრიტერიუმები და შესავსები განაცხადის ფორმა იხილეთ ლინკზე:

განაცხადების მიღება ელექტრონული ან მატერიალური ფორმით ხორციელდება 4 მაისის 12:00 საათიდან 1 ივნისის 17:00 საათამდე, მისამართზე: ქ. თბილისი, თამარაშვილის ქ. N15ა, სსიპ „ეკონომიკური პროგრამების სააგენტო“ ან ელ. ფოსტაზე Saagento.ek@gmail.com

საკონტაქტო პირები: თეა კვარაცხელია - 579113897; ნინო ბენდელიანი 599488315; ჯანო ქირთბაია - 599855369

აფხაზეთის ფინანსთა და ეკონომიკის მინისტრმა ლევან თევზაიამ, აფხაზეთის უმაღლეს საბჭოს წარუდგინა კანონპროექტი აფხაზეთის ავტონომიური რესპუბლიკის 2022 წლის რესპუბლიკური ბიუჯეტის შესახებ "აფხაზეთის ავტონომიური რესპუბლიკის კანონში ცვლილების შეტანის თაობაზე " . სხდომაზე, აფხაზეთის ავტონომიური რესპუბლიკის პროექტის განხილვის შემდეგ, უმაღლესმა საბჭომ ზემო აღნიშნულ კანონში ცვლილებების შეტანას მხარი ერთხმად დაუჭირა.
სხდომას აფხაზეთის ფინანსთა და ეკონომიკის მინისტრის პირველი მოადგილე,რაულ წულაია ესწრებოდა

სსიპ „ეკონომიკური პროგრამების სააგენტო“ აცხადებს კონკურს და განაცხადების მიღებას ქვეპროგრამის - „დასაქმების ხელშეწყობა“ - ფარგლებში, რომლის მიზანია აფხაზეთიდან დევნილთა ეკონომიკური საქმიანობის წამოწყებისა და განვითარების მხარდაჭერა, შესაბამისი სპეციალური პროფესიულ-ტექნიკური უნარ-ჩვევებითა და შემდგომი სათანადო აღჭურვილობით უზრუნველყოფის გზით.

ქვეპროგრამაში მონაწილეობის მიღება შეუძლია:
აფხაზეთიდან დევნილ და აფხაზეთის ოკუპირებულ ტერიტორიაზე ლეგიტიმურად მცხოვრებ პირებს, რომლებსაც სურთ მიიღონ ან უკვე გააჩნიათ სპეციალური პროფესიულ-ტექნიკური უნარ-ჩვევების დამადასტურებელი დოკუმენტი, და ამ ჭრილში აქვთ წინადადება საქმიანობის წამოწყებისა/“სტარტაპ“-ისა და შემდგომი განვითარების შესახებ.

ქვეპროგრამისა და კონკურსის პირობები, ეტაპები, კრიტერიუმები და შესავსები განაცხადის ფორმა იხილეთ ლინკზე

განაცხადების მიღება მატერიალური ან ელექტრონული ფორმით ხორციელდება 2022 წლის 18 აპრილის 12:00 საათიდან 23 მაისისს 17:00 საათამდე, მისამართზე: ქ. თბილისი, თამარაშვილის ქ. N15ა, სსიპ „ეკონომიკური პროგრამების სააგენტო“ ან ელ. ფოსტაზე Saagento.ek@gmail.com

საკონტაქტო პირები: თეა კვარაცხელია - 579113897; ნინო ბენდელიანი 599488315; ჯანო ქირთბაია - 599855369

აფხაზეთის ფინანსთა და ეკონომიკის მინისტრმა, ლევან თევზაიამ დევნილ ქალ მეწარმეებს 8 მარტი მიულოცა და საჩუქრები გადასცა. მინისტრი, კომპანია ,,კარფური’’-ს მარკეტინგის დეპარტამენტის უფროსთან , ნინო რამიშვილითან ერთად რამდენიმე სამეწარმოს, მათ შორის საკონდიტრო ,,ასორტს", ,,ივერია ტექს" ობიექტებს სტუმრობდა და მეწარმეები საქმიანობას გაეცნო.
ლევან თევზაიას განცხადებით, დევნილი მეწარმეების მხარდაჭერა, ეკონომიკური საქმიანობის ხელშეწყობა და სამეწარმეო გარემოს გაუმჯობესება სამინისტროს ერთ-ერთი უმთავარესი პრიორიტეტია.
,,სწორედ ამ პრიორიტეტის ფარგლებში, დღეს ჩვენ მოვინახულეთ დევნილი მეწარმე ქალბატონები, გავეცანით მათ წარმატებულ საქმიანობას და მივულოცეთ ქალთა საერთაშორისო დღე. ქალთა მიერ შექმნილი საწარმოები ქართული ბიზნესის ერთ-ერთი დინამიკური სექტორია. დამოუკიდებელი და სტაბილური მცირე ბიზნესის არსებობას დიდი მნიშვნელობა აქვს, რადგან სწორედ ეს სეგმენტი წარმოადგენს ეკონომიკის საფუძველს და წარმატებული მომავლის საწინდარს. ქალთა გაძლიერება ბიზნესში მნიშვნელოვან წვლილს შეიტანს ქვეყნის სოციალური და ეკონომიკური კეთილდღეობის შექმნაში. სამინისტრო მომავალშიც აქტიურად გააგრძელებს გამყოფი ხაზების ორივე მხარეს მცხოვრები მცირე და საშუალო მეწარმეების მხარდასაჭერად სხვადასხვა პროექტის განხორციელებას’’-განაცხადა ლევან თევზაიამ.
ღონისძიება აფხაზეთის ფინანსთა და ეკონომიკის სამინისტროს ინიციატივითა და კომპანია ,,კარფური“-ს მხარდაჭერით მოეწყო.

სახელმწიფო აუდიტის სამსახურის მიერ სსიპ − დევნილთა საარსებო წყაროების მხარდამჭერი პროექტებისა და პროგრამების სააგენტოს შესაბამისობის აუდიტის ანგარიშში ასახულ დარღვევა-ნაკლოვანებებთან დაკავშირებით, აფხაზეთის ფინანსთა და ეკონომიკის სამინისტრო განმარტავს, რომ: სახელმწიფო აუდიტის სამსახურის მიერ გამოვლენილი ხარვეზების დიდი ნაწილის შესახებ რეაგირება სამინისტროს მხრიდან განხორციელდა ჯერ კიდევ ზემოხსენებული აუდიტის ანგარიშის დამტკიცებამდე და გამოქვეყნებამდე.

გარდა ამისა, როგორც მოგეხსენებათ, საქართველოს პროკურატურაში აღძრულია საქმე სსიპ ,,პროგრამებისა და სერვისების სააგენტოს“ უფროსის ი. დ.-ს მიმართ სისხლის სამართლის კოდექსის“ 182-ე, სსკ-ის 362-ე, სსკ-ის 194-ე,  სსკ-ის 180-ე, სსკ-ის 210-ე მუხლების სავარაუდო დარღვევის ფაქტზე.

აღნიშნულ საკითხთან დაკავშირებით, გამოძიების დასრულებამდე, მიზანშეუწონლად მიგვაჩნია რაიმე სახის დამატებითი განმარტების გაკეთება, რათა არ დაზიანდეს გამოძიების ინტერესები. თავის მხრივ, სამინისტრო აქტიურად თანამშრომლობდა და თანამშრომლობს საგამოძიებო უწყებებთან, აწვდის უწყებების წარმომადგენლებს სათანადო ინფორმაციას და დოკუმენტაციას, რათა მოხდეს საკითხის სრულყოფილად შესწავლა და საქმეზე სამართლიანი გადაწყვეტილების მიღება.

აფხაზეთის ფინანსთა და დარგობრივი ეკონომიკის მინისტრმა ლევან თევზაიამ, რესპუბლიკის მოედანზე სპეციალურად მოწყობილ ადგილზე, სადაც ალილოსთვის შემოწირულობა გროვდება, საშობაო ნობათი მიიტანა.
პანდემიის გამო, „ალილო“ წელსაც განსხვავებული სახით ჩატარდა.
შობის დღესასწაულთან დაკავშირებით, მსვლელობა მანქანებით პირველი რესპუბლიკის მოედნიდან დაიწყო და სამების საკათედრო ტაძარში ქრისტესშობის სამადლობელო პარაკლისით დასრულდა

აფხაზეთის ფინანსთა და ეკონომიკის მინისტრმა ლევან თევზაიამ, მეორე მსოფლიო ომის მონაწილე ვეტერანებსა და აფხაზეთის ომში დაღუპლი მეომრების დედებს დამდეგი შობა-ახალი წელი მიულოცა. მინისტრმა კომპანია ,,კარფური’’-ს მარკეტინგისა და საზოგადოებასთან ურთიერთობის დეპარტამენტის ხელმძღვანელთან, ნინო რამიშვილთან ერთად მათ ოჯახებში ესტუმრა და საჩუქრად საახალწლო ნობათი გადასცა. ,,აფხაზეთის ფინანსთა და ეკონომიკის სამინისტროს სახელით, დამდეგ დღესასწაულებს ვულოცავ ჩვენს ომის ვეტერანებს, ადამიანებს, რომლებსაც ჩვენგან განსაკუთრებული ყურადღება, მზრუნველობა და თანადგომა სჭირდებათ. მინდა მათ დღეგრძელობა და მხნეობა ვუსურვო. აქვე, მინდა სრულიად საქართველოს, დევნილ საზოგადოებას, ენგურს გაღმა მცხოვრებ ჩვენს თანამოქალაქეებს დამდეგი შობა-ახალი წელი მივულოცო. ვისურვებდი, რომ 2022 წელი თითოეული ქართველისთვის, საქართველოს თითოეული მოქალაქისთვის იყოს სიხარულის, მშვიდობისა და კეთილდღეობის მომტანი“, - განაცხადა ლევან თევზაიამ. აფხაზეთის ავტონომიური რესპუბლიკის უწყებების მიერ დაგეგმილ სოციალურ ღონისძიებებში კომპანია ,,კარფური’’ მუდმივად არის ჩართული და მომავალშიც აქტიურად გეგმავს.

ქუთაისში მცხოვრებ აფხაზეთის ომში დაღუპულ ოჯახებს საახალწლო ნობათი გადაეცათ.  მინისტრი ლევან თევზაია მათ ოჯახებში ესტუმრა და დამდეგი შობა -ახალი წელი მიულოცა. წინასაახალწლო საჩუქრები აფხაზეთის ავტონომიური რესპუბლიკის მთავრობის ინიციატივით მთელი რეგიონის მასშტაბით, სხვადასხვა სოციალურ ჯგუფებს გადაეცემათ.

აფხაზეთის ფინანსთა და დარგობრივი ეკონომიკის სამინისტროს მხარდაჭერით , პროგრამის ,,მდ. ენგურის ე.წ. „გამყოფი ხაზის“ ორივე მხარეზე მცხოვრებ დევნილ ფერმერთა შემოსავლების ზრდა“ ფარგლებში, ზუგდიდის მუნიციპალიტეტში მცხოვრებ, აფხაზეთიდან დევნილ და აფხაზეთის ოკუპირებულ ტერიტორიაზე მცხოვრებ ფერმერებს მრავალწლოვანი ნერგები გადაეცათ.ნერგები სსიპ „პროგრამებისა და სერვისების სააგენტოს“ საკონკურსო-სატენდერდო პროგრამის ფარგლებში გამარჯვებულმა ბენეფიციარებმა, სოფელ რუხში მდებარე ,,საინფორმაციო-საკონსულტაციო ცენტრში’’ მიიღეს.

,,მნიშვნელოვანია, ამ პროგრამის მდგრადობა, რადგან აღნიშნული კულტურების მოყვანის შედეგად მოხდება ისეთი პროდუქტის მიღება, რომელიც სტაბილურად მოთხოვნადია როგორც შიდა, ასევე გარე ბაზრებზე’’-აღნიშნა „პროგრამებისა და სერვისების სააგენტოს“ ხელმძღვანელმა ვასილ ბაბუნაშვილმა.

მისივე თქმით, სააგენტო შემდგომი ანალიზისთვის, შესაბამის მონიტორინგს გაუწევს პროცესის მიმდინარეობას, რომ უფრო დაიხვეწოს და გაძლიერდეს მსგავსი პროგრამების ეფექტიანობა.