უწყებები
-
მთავრობის აპარატი
-
განათლებისა და კულტურის სამინისტრო
-
ჯანმრთელობისა და სოციალური დაცვის სამინისტრო
-
ფინანსთა და ეკონომიკის სამინისტრო
-
იძულებით გადაადგილებულ პირთა სამინისტრო
-
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
-
წარმომადგენლობა ზემო აფხაზეთში
ფინანსთა და ეკონომიკის სამინისტრო
ახალი ამბები
ფინანსთა და ეკონომიკის სამინისტრო
2024-11-19
აფხაზეთის ავტონომიური რესპუბლიკის ფინანსთა და ეკონომიკის სამინისტროს ლაშა დოლბაძე უხელმძღვანელებს.
ახლად დანიშნული მინისტრი თანამშრომლებს აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილმა წარუდგინა.
აღნიშნულ თანამდებობაზე ლაშა დოლბაძემ ლევან თევზაია შეცვალა. ლევან მგალობლიშვილმა ყოფილ მინისტრს გაწეული საქმიანობისთვის მადლობა გადაუხადა და იმედი გამოთქვა, რომ ახალი მინისტრი თავის გუნდთან ერთად ღირსეულად უპასუხებს ყველა გამოწვევას, რომელიც აფხაზეთიდან დროებით დევნილი მოსახლეობის წინაშე დგას.
ლაშა დოლბაძეს კერძო და საჯარო სექტორში მუშაობის მრავალწლიანი გამოცდილება აქვს.
2024 წლის სექტემბრიდან დღემდე აფხაზეთის ავტონომიური რესპუბლიკის ფინანსთა და ეკონომიკის მინისტრის პირველი მოადგილის თანამდებობას იკავებდა.
ლაშა დოლბაძეს სხვადასხვა საპასუხისმგებლო და ხელმძღვანელ პოზიციებზე მუშაობის მრავალწლიანი გამოცდილება გააჩნია.
2024 წლის იანვრიდან აგვისტომდე იკავებდა შპს „აბგრეიდ ქონსთრაქშენ“
ფინანსური დირექტორის პოზიციას;
2024 წლის თებერვლიდან აგვისტომდე, შპს „მონოლით საქართველო“ დამფუძნებელი, დირექტორი;
2018 წლის ივნისიდან 2024 წლის აგვისტომდე იყო შპს „ენსი გრუპ“
ფინანსური დირექტორი;
2017 - 2018 წწ - შპს „გლობალ აუდიტი“
პარტნიორი, მთ. აუდიტორი;
2014 - 2017 წწ -შპს „სამთო კომპანია ფარავანპერლიტი“
ფინანსური დირექტორი;
2012- 2014 წწ- შპს „ვესტ-ინვესტ“ გენერალური დირექტორი;
2010 - 2012 წწ- შპს „ვესტ-ინვესტ“ ფინანსური დირექტორი;
2008 - 2010 წწ- აუდიტორი კომპანია შპს „კოლხი 2005“ მთავარი აუდიტორი;
2005- 2008 წწ- საქართველოს შემოსავლების სამსახურის ქ. თბილისის საგადასახადო ინსპექციის ვაკე- საბურთალოს განყოფილება, ანალიტიკური განყოფილების უფროსი;
1997-2005 წწ -საქართველოს ფინანსთა სამინისტროს საგადასახადო ინსპექცია
აკრეფის განყოფილების უფროსი;
1995 - 1997 წწ -სოციალური უზრუნველყოფისა და სამედიცინო დაზღვევის ერთიანი სახელმწიფო
ფონდი უფროსი სპეციალისტი;
1997 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის სოხუმის ფილიალი -სპეციალიზაცია წარმოების ეკონომიკა და მართვა;
2000 წელს კი საქართველოს ეკონომიკის სამინისტროსთან არსებული „ეკონომიკისა და სოციალური პრობლემების კვლევითი ინსტიტუტი“
ასპირანტურა - მიკროეკონომიკა;
2014 წელს ივ. ჯავახიშვილის სახელობის თბილისის სახელმწიფო უნივერსიტეტის სოხუმის ფილიალი სამართალმცოდნეობა.
ფინანსთა და ეკონომიკის სამინისტრო
2024-11-09
დასაქმების ხელშეწყობის სახელმწიფო სააგენტოს ორგანიზებით, იძულებით გადაადგილებული პირებისთვის დასაქმებაში ხელშეწყობის პროექტის განხორციელება დაიწყო.
პროექტის ფარგლებში, 12-დან 15 ნოემბრის ჩათვლით, დევნილ მოქალაქეებს შესაძლებლობა მიეცემათ, გაიარონ კარიერული კონსულტირება - დასაქმების ხელშეწყობის სახელმწიფო სააგენტოს კონსულტანტებს გაუზიარონ საკუთარი პროფესიული გამოცდილება, უნარები და დასაქმების სასურველი სფეროები.
რეგისტრაციის დასრულების შემდეგ, პროექტის მეორე ეტაპზე, სააგენტო უზრუნველყოფს ვაკანსიების მოძიებას და სამუშაოს მაძიებლებისა და ბიზნესის ურთიერთდაკავშირებას.
პროექტი თბილისში, შიდა ქართლში, იმერეთსა და სამეგრელოში ხორციელდება. კონსულტირებისათვის დევნილი მოქალაქეები უნდა ეწვიონ სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტოს რეგიონულ სერვის-ცენტრებს შემდეგ მისამართებზე:
<img class="xz74otr" src="https://static.xx.fbcdn.net/images/emoji.php/v9/t2d/1/16/1f4cd.png" alt="
ფინანსთა და ეკონომიკის სამინისტრო
2024-11-06
ლევან თევზაიამ პლენარულ სხდომაზე სამთავრობო პროგრამის შესრულების შესახებ მოხსენება წარადგინა.
6 ნოემბერს აფხაზეთის უმაღლესი საბჭოს პლენარული სხდომა გაიმართა.
სხდომაზე მინისტრის საათის ფორმატში, ლევან თევზაიამ ფინანსთა და ეკონომიკის სამინისტროს მიერ ბოლო ერთ წელში გატარებული რეფორმების, ღონისძიებების, პროგრამებისა და იმ პროექტების შესახებ ისაუბრა, რომლებიც აფხაზეთის ავტონომიური რესპუბლიკის სამთავრობო პროგრამის შესაბამისად პოლიტიკურ, სოციალურ-ეკონომიკურ და ინსტიტუციურ მიმართულებებს მოიცავდა.
აფხაზეთის ა/რ უმაღლეს საბჭოში ფინანსთა და ეკონომიკის მინისტრის მოხსენება მოისმინეს.
ლევან თევზაიამ ისაუბრა ფინანსთა და ეკონომიკის სამინისტროს მიერ ჩატარებული მნიშვნელოვანი რეფორმების, ღონისძიებების, პროგრამებისა და პროექტების შესახებ.
მოხსენებაში წარმოდგენილი იყო სამინისტროს მიერ 2023 წლის მე 4 კვარტალსა და 2024 წლის 9 თვეში განხორციელებული საქმიანობა.
“საანგარიშო წელი როგორც პოლიტიკური, ისე ეკონომიკური თვალსაზრისით, გამორჩეული გახლდათ, თუმცა საქართველოს მთავრობის ერთ-ერთ უმთავრეს პრიორიტეტად კვლავ აფხაზეთისა და ცხინვალის რეგიონების სრული დეოკუპაცია და იძულებით გამოდევნილი მოსახლეობის საკუთარ სახლებში უსაფრთხო და ღირსეული დაბრუნება რჩება. პარალელურად კი, სამინისტროს საქმიანობის ძირითად მიმართულებებს, საფინანსო სისტემის მართვასა და საფინანსო-საბიუჯეტო პოლიტიკის რეგულირებასთან ერთად, იძულებით გადაადგილებულ პირთა დასაქმების ხელშეწყობა, დევნილი მეწარმეების მცირე ბიზნესის მხარდაჭერა და აგრარული, გარემოსდაცვითი და სხვადასხვა დარგობრივი მიმართულებით არსებული პრობლემების გადაჭრაზე ზრუნვა წარმოადგენს”, - განაცხადა მინისტრმა მოხსენებაში.
სხდომას მინისტრთან ერთად მისი მოადგილეები - ლაშა დოლბაძე, თამარ გელაშვილი, ელისო გვასალია და მთავარი მრჩეველი ავთანდილ ხაზალია ესწრებოდნენ.
ფინანსთა და ეკონომიკის სამინისტრო
2024-10-07
თბილისობის ღონისძიების ფარგლებში, ეთნოგრაფიულ მუზეუმში "აფხაზური ეზო" მოეწყო.
აფხაზეთის ფინანსთა და ეკონომისტის მინისტრი ლევან თევზაია
თბილისობის დღესასწაულთან დაკავშირებით, აფხაზეთის ავტონომიური რესპუბლიკის მთავრობის ორგანიზებით გამართულ "აფხაზური ეზო“ -ს ღონისძიებას დაესწრო.
ღონისძიებას აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილი, საქართველოს პარლამენტის თავმჯდომარის პირველი მოადგილე, ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი, აფხაზეთის მთავრობის წევრები, უმაღლესი საბჭოს დეპუტატები და დიპლომატიური კორპუსის წარმომადგენლები ესწრებოდნენ.
ეთნოგრაფიულ მუზეუმში წარმოდგენილი იყო აფხაზეთიდან დევნილი მეწარმეების პროდუქცია, მოეწყო ტრადიციული სამოსისა და ხელნაკეთი ნივთების გამოფენა, აფხაზური თემატიკის ფოტო მასალა და ბეჭდური გამოცემები, გასტრონომიული და კალიგრაფიული მასტერკლასები, ღვინისა და ტრადიციული კერძების დეგუსტაცია და ქვიშაზე მომზადებული ყავა სოხუმურად.
მოწვეული სტუმრების წინაშე ქართულ-აფხაზური მუსიკალური და ფოლკლორული წარმოდგენით აფხაზეთის სიმღერისა და ცეკვის სახელმწიფო აკადემიური ანსამბლი "აფხაზეთი", აფხაზეთის სიმღერისა და ცეკვის სახელმწიფო აკადემიურ ანსამბლთან არსებული ბავშვთა ქორეოგრაფიული ანსამბლი „ოტობაია“ და გოგონათა ფოლკლორული ანსამბლი "გუმბათი“ წარდგნენ.
ფინანსთა და ეკონომიკის სამინისტრო
2024-09-25
ლაშა დოლბაძეს სხვადასხვა საპასუხისმგებლო და ხელმძღვანელ პოზიციებზე მუშაობის მრავალწლიანი გამოცდილება გააჩნია.
2024 წლის იანვრიდან აგვისტომდე იკავებდა შპს „აბგრეიდ ქონსთრაქშენ“
ფინანსური დირექტორის პოზიციას;
2024 წლის თებერვლიდან აგვისტომდე, შპს „მონოლით საქართველო“
დამფუძნებელი, დირექტორი;
2018 წლის ივნისიდან 2024 წლის აგვისტომდე იყო შპს „ენსი გრუპ“
ფინანსური დირექტორი;
2017 - 2018 წწ - შპს „გლობალ აუდიტი“
პარტნიორი, მთ. აუდიტორი;
2014 - 2017 წწ -შპს „სამთო კომპანია ფარავანპერლიტი“
ფინანსური დირექტორი;
2012- 2014 წწ- შპს „ვესტ-ინვესტ“ გენერალური დირექტორი;
2010 - 2012 წწ- შპს „ვესტ-ინვესტ“ ფინანსური დირექტორი;
2008 - 2010 წწ- აუდიტორი კომპანია შპს „კოლხი 2005“ მთავარი აუდიტორი;
2005- 2008 წწ -საქართველოს შემოსავლების სამსახურის ქ. თბილისის საგადასახადო ინსპექციის ვაკე- საბურთალოს განყოფილება
ანალიტიკური განყოფილების უფროსი;
1997-2005 წწ -საქართველოს ფინანსთა სამინისტროს საგადასახადო ინსპექცია
აკრეფის განყოფილების უფროსი;
1995 - 1997 წწ -სოციალური უზრუნველყოფისა და სამედიცინო დაზღვევის ერთიანი სახელმწიფო
ფონდი უფროსი სპეციალისტი;
1997 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის სოხუმის ფილიალი -სპეციალიზაცია წარმოების ეკონომიკა და მართვა;
2000 წელს კი საქართველოს ეკონომიკის სამინისტროსთან არსებული „ეკონომიკისა და სოციალური პრობლემების კვლევითი ინსტიტუტი“
ასპირანტურა - მიკროეკონომიკა ;
2014 წელს ივ. ჯავახიშვილის სახელობის თბილისის სახელმწიფო უნივერსიტეტის სოხუმის ფილიალი სამართალმცოდნეობა.
ფინანსთა და ეკონომიკის სამინისტრო
2024-09-23
მეწარმეების პროდუქციის გამოფენა-გაყიდვა, აფხაზეთის ფინანსთა და ეკონომიკის მინისტრმა ლევან თევზაიამ დაათვალიერა.
გამოფენა აფხაზეთის ა/რ სავაჭრო-სამრეწველო პალატის ორგანიზებით სავაჭრო და გასართობ ცენტრ ,,ისთ ფოინთში’’ ჩატარდა.
გამოფენაზე მეწარმეებმა მათ მიერ წარმოებული ხელნაკეთი და სასურსათო პროდუქცია (სამკაულები, დეკორაციული ნივთები, აქსესუარები, ხის ნამუშევრები, ნაქსოვი და შეკერილი ტექსტილის პროდუქცია, ეპოქსიდი და კერამიკული ნაწარმი, თაფლი, ჩურჩხელა, ტკბილეული , აჯიკა , ტრადიციული სანელებლები და სხვა) წარადგინეს.
დევნილი მეწარმეები, სამინისტროსა და პალატის მხარდაჭერით აქტიურად მონაწილეობენ სხვადასხვა თემატურ გამოფენებში.
ფინანსთა და ეკონომიკის სამინისტრო
2024-09-18
აფხაზეთის ავტონომიური რესპუბლიკის ფინანსთა და ეკონომიკის მინისტრად ლევან თევზაია დაინიშნა.
ახლად დანიშნული მინისტრი სამინისტროს თანამშრომლებს აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილმა წარუდგინა.
ლევან თევზაია განათლებით ეკონომისტია, არის საერთაშორისო ურთიერთობების დოქტორი და აქვს საჯარო სექტორში მუშაობის მრავალწლიანი გამოცდილება.
1996-1998 წლებში აფხაზეთის ეკონომიკის სამინისტროში მუშაობდა.
1998-2008 წლებში საქართველოს ეროვნული ბანკის სისტემაში იკავებდა სხვადასხვა თანამდებობას.
2008-2009 წლებში მუშაობდა სს „აზერბაიჯანის საერთაშორისო ბანკი-საქართველო“-ში.
2009-2011 წლებში იყო აფხაზეთის ავტონომიური რესპუბლიკის მთავრობის თავმჯდომარის მრჩეველი.
2009-2014 წლებში ჟენევის საერთაშორისო მოლაპარაკებათა ფორმატში „ინციდენტების პრევენციისა და მათზე რეაგირების მექანიზმების (IPRM) ფარგლებში“ გამართულ შეხვედრებში საქართველოს დელეგაციის წევრი.
2011-2014 წლებში „ჩართულობის სტრატეგიის სამოქმედო გეგმის განხორციელების მიზნით“, საქართველოს სამთავრობო კომისიის წევრი.
2011-2014 წლებში მუშაობდა აფხაზეთის ეკონომიკის სამინისტროში, მინისტრის პირველ მოადგილედ.
2014 წელს მუშაობდა აფხაზეთის ფინანსთა და ეკონომიკის სამინისტროში, მინისტრის მოადგილედ, სს „აზერბაიჯანის საერთაშორისო ბანკი - საქართველო“-ში, რისკების მართვის სამსახურის უფროსად.
2014-2016 წლებში იყო თბილისის მუნიციპალიტეტის მთავრობის წევრი - საფინანსო საქალაქო სამსახურის უფროსი.
2016-2017 წლებში მუშაობდა ა(ა)იპ თბილისის საბავშვო ბაგა-ბაღების მართვის სააგენტოში, საფინანსო-ეკონომიკური სამსახურის უფროსად.
2018 წლის იანვრიდან 2019 წლამდე იყო აფხაზეთის ავტონომიური რესპუბლიკის ფინანსთა და ეკონომიკის მინისტრის მოადგილე, ხოლო იმავე წლის მაისიდან 2020 წლის დეკემბრამდე ფინანსთა და დარგობრივი ეკონომიკის მინისტრის პირველი მოადგილე.
2020 წლის 29 დეკემბრიდან-2021 წლის 16 აგვისტომდე იყო აფხაზეთის ავტონომიური რესპუბლიკის აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრი.
2021 წლის 16 აგვისტოს აფხაზეთის მთავრობაში განხორციელებული ცვლილებების შემდეგ იკავებდა აფხაზეთის ავტონომიური რესპუბლიკის ფინანსთა და ეკონომიკის მინისტრის თანამდებობას.
ფინანსთა და ეკონომიკის სამინისტრო
2024-08-26
ლევან თევზაია ბათუმში აფხაზეთიდან დევნილი მეწარმეების მონაწილეობით გამართულ თაფლის ფესტივალს დაესწრო
ფესტივალზე წარმოდგენილი პროდუქცია აფხაზეთის ფინანსთა და ეკონომიკის მინისტრმა ლევან თევზაიამ, აფხაზეთის ა/რ სავაჭრო პალატის პრეზიდენტთან გოგიტა თედორაძესთან ერთად დაათვალიერა.
რიგით მე-7 "შავი ზღვის თაფლის ფესტივალზე" საკუთარი პროდუქცია 50-მდე მეფუტკრემ,მათ შორის აფხაზეთიდან დევნილმა მეწარმეებმა წარადგინეს.
ღონისძიების სტუმრებს საშუალება ჰქონდათ, გასცნობოდნენ და შეეძინათ როგორც აჭარის სხვადასხვა კუთხეში, ასევე, ქვეყნის მასშტაბით წარმოებული არაერთი სახეობის თაფლი და ფუტკრის სხვა პროდუქცია.
ფესტივალი აჭარის სოფლის მეურნეობის სამინისტროს, აჭარის სავაჭრო-სამრეწველო პალატისა და აჭარი მეფუტკრეობის ბიზნეს ასოციაციის მხარდაჭერით ჩატარდა.
ფინანსთა და ეკონომიკის სამინისტრო
2024-07-08
აფხაზეთის ფინანსთა და ეკონომიკის მინისტრის მოადგილემ,გიორგი ჯინჭარაძემ
თურქეთის თანამშრომლობისა და კოორდინაციის სააგენტოს (Tika) თბილისის საკოორდინაციო ოფისის ხელმძღვანელთან თუბა ოზუთოქთან ერთად, ფოცხოეწერსა და ხონში, შემდგომი რეაბილიტაციის მიზნით, ბაგა-ბაღები დაათვალიერა.
ვიზიტის ფარგლებში, ასევე სოფელ რუხში Tika-ს მიერ დაფინასებული საყვავილე სათბურების სამუშაო პროცესს გაეცნენ.
თურქეთის თანამშრომლობისა და კოორდინაციის სააგენტო აფხაზეთის ავტონომიური რესპუბლიკის მთავრობასთან და მის უწყებებთან მრავალი წელია თანამშრომლობს.
Tika-ს მხარდაჭერით დევნილთა ხელშეწყობისთვის არაერთი პროექტი განხორციელდა და ახლაც მიმდინარეობს.
ფინანსთა და ეკონომიკის სამინისტრო
2024-06-27
დღეს, აფხაზეთის ფინანსთა და ეკონომიკის მინისტრი ლევან თევზაია,მოადგილესთან გიორგი ჯინჭარაძესთან ერთად , დიასპორის დღისადმი მიძღვნილ ფორუმს დაესწრო.
ღონისძიების მონაწილეებს სიტყვით მიმართეს საქართველოს პრემიერ-მინისტრმა ირაკლი კობახიძემ, საგარეო საქმეთა მინისტრმა ილია დარჩიაშვილმა, პარლამენტის თავმჯდომარემ შალვა პაპუაშვილმა და დიასპორისა და კავკასიის საკითხთა კომიტეტის თავმჯდომარემ ბექა ოდიშარიამ.
მიტროპოლიტმა ანდრია გვაზავამ პატრიარქის მიმართვა წაიკითხა.
დიასპორის ფორუმს აღმასრულებელი და საკანონმდებლო ხელისუფლების წევრები, დიპლომატიური კორპუსის წარმომადგენლები და სასულიერო პირები ესწრებოდნენ.
ფინანსთა და ეკონომიკის სამინისტრო
2024-05-25
აფხაზეთის ფინანსთა და ეკონომიკის მინისტრმა ლევან თევზაიამ ინტერპელაციის წესის შესაბამისად, აფხაზეთის უმაღლესი საბჭოს დეპუტატების შეკითხვებს უპასუხა.
მინისტრმა თავის გამოსვლისას, უწყების მიერ განხორციელებულ პროექტებსა და მათ შედეგებზე, ასევე მიმდინარე და დაგეგმილ პროგრამებზეც ისაუბრა.
ფინანსთა და ეკონომიკის სამინისტრო
2024-05-09
აფხაზეთის ფინანსთა და ეკონომიკის მინისტრი ლევან თევზაია, "კარფური"-ს წარმომადგენლებთან ერთად, მეორე მსოფლიო ომის მონაწილე, 100 წელს გადაცილებულ ვეტერანს- არტემ კოპალიანს ოჯახში ესტუმრა, ფაშიზმზე გამარჯვების დღე მიულოცა და განსაკუთრებული ღვაწლისთვის მადლობა გადაუხადა.
,,ყველა ვეტერანს მინდა მივულოცო გამარჯვების დღე. ადამიანებს, რომლებსაც ჩვენგან განსაკუთრებული ყურადღება, მზრუნველობა და თანადგომა სჭირდებათ. ფაშიზმზე გამარჯვება დიდი მოვლენა იყო მთელ მსოფლიოში, საქართველომ მასში უდიდესი მონაწილეობა მიიღო და დიდი დანაკლისიც განიცადა. ჩვენ ყველაფერი უნდა გავაკეთოთ, რომ ვეტერანებმა ღირსეულად იცხოვრონ. მინდა მათ დღეგრძელობა და მხნეობა ვუსურვო" -განაცხად ლევან თევზაიამ.
სასაჩუქრე კალათები მეორე მსოფლიო ომის ვეტერანებს, ასევე, წარმატებულ ვეტერან მეწარმეებსა და ექიმებს კომპანია ,,კარფურის" მხარდაჭერით გადაეცათ.
ფინანსთა და ეკონომიკის სამინისტრო
2024-05-03
ჩინეთში სამუშაო ვიზიტის ფარგლებში, აფხაზეთის მთავრობის წარმომადგენლები ქალაქ გუანჯოუს მთავრობის წევრებს და მეწარმეთა ასოციაციის ვიცე-პრეზიდენტს შეხვდნენ.
აფხაზეთის მთავრობის წარმომადგენლები ჩინეთში ერთ-ერთ ყველაზე მასშტაბურ სამეწარმეო გამოფენას “Canton fair 2024” დაესწრნენ.
ჩინეთში სამუშაო ვიზიტით მყოფ ქართულ დელეგაციას ქალაქ გუანჯოუს მუნიციპალიტეტისა და მთავრობის წარმომადგენლებმა უმასპინძლეს და გამოფენაზე წარმოდგენილი სამეწარმეო კომპანიები გააცნეს.
გამოფენას აფხაზეთის მთავრობის თავმდჯომარის მოადგილე ანზორ მარგიანი, აფხაზეთის ფინანსთა და ეკონომიკის მინისტრი ლევან თევზაია, მინისტრის მოადგილე გიორგი ჯინჭარაძე, სამინისტროს სისტემაში შემავალი "სსიპ ეკონომიკური პროგრამების სააგენტოს " ხელმძღვანელი ვასილ ბაბუნაშვილი და აფხაზეთის ა/რ სავაჭრო პალატის პრეზიდენტი გოგიტა თედორაძე ესწრებოდნენ.
"Canton Fair" არის ყველაზე დიდი სავაჭრო გამოფენა ჩინეთში, რომელიც ტარდება წელიწადში ორჯერ.
ჩინეთის იმპორტისა და ექსპორტის გამოფენა არის მნიშვნელოვანი პლატფორმა სხვადასხვა ინდუსტრიის მწარმოებლებისა და მომწოდებლებისთვის, რათა წარმოაჩინონ თავიანთი პროდუქცია.
ფინანსთა და ეკონომიკის სამინისტრო
2024-04-22
დედამიწის დღე გამწვანების აქციით აღინიშნა და სტუდენტებისთვის საჯარო ლექცია ჩატარდა
აფხაზეთის ფინანსთა და ეკონომიკის სამინისტრომ ქუთაისში, ა. წერეთლის სახელმწიფო უნივერსიტეტის აგრარული ფაკულტეტთან ერთად, დედამიწის დღესთან დაკავშირებით საჯარო ლექცია გამართა და უნივერსიტეტის ეზოში სტუდენტების, აკადემიური პერსონალისა და სამინისტროს თანამშრომლების ჩართულობით გამწვანების აქცია მოაწყო.ქუთაისში, შერვაშიძის N53-ში მდებარე აკაკი წერეთლის სახელმწიფო უნივერსიტეტის აგრარული ფაკულტეტის შენობა და ეზო ესაზღვრება შერვაშიძის ქუჩაზე არსებულ ახალ დასახლებას, სადაც ძირითადად აფხაზეთიდან დევნილები ცხოვრობენ.სწორედ ამიტომ, ღონისძიების მიზანი იყო აღნიშნული დასახლების მიმდებარე ტერიტორიის გაწმენდა ნარჩენებისგან, შესაძლებლობის ფარგლებში უნივერსიტეტის მიმდებარე სივრცის გამწვანება და ეკოლოგიური მიმართულებით ცნობიერების ამაღლება.
გამწვანების აქციისთვის საჭირო ფიჭვის, კვიპაროსი, ტუიასა და ბზის ნერგები სამინისტროს „ეკონომიკური პროგრამების სააგენტო“-მ უზრუნველჰყო.
ფინანსთა და ეკონომიკის სამინისტრო
2024-03-19
აფხაზეთის ავტონომიური რესპუბლიკის ფინანსთა და ეკონომიკის სამინისტრო
სსიპ „ეკონომიკური პროგრამების სააგენტო“ აცხადებს კონკურსს და განაცხადების მიღებას ქვეპროგრამის - „დევნილთა სამეწარმეო საქმიანობის გაძლიერების“ - ფარგლებში, რომლის მიზანია აფხაზეთიდან დევნილი მეწარმეების საქმიანი წინადადებებისა და ბიზნეს-პროექტების მხარდაჭერა, შესაბამისი მატერიალურ-ტექნიკური აქტივებით უზრუნველყოფის გზით (მაქსიმუმ სამი ერთეული/აქტივი ჯამური/კრებსითი ღირებულებით არა უმეტესი 7.000 ლარისა).
- ქვეპროგრამაში მონაწილეობის მიღება შეუძლია:
- აფხაზეთიდან დევნილ მეწარმეს/იურიდიულ პირს (მათ შორის: ინდმეწარმე; შპს; სააქციო საზოგადოება და ა.შ.), რომელიც ახორციელებს ეკონომიკურ-სამეწარმეო საქმიანობას და გააჩნია ამის დამადასტურებელი დოკუმენტი; ამასთან მას არ გააჩნია საგადასახადო დავალიანება.
- ინფორმაცია კონკურსის პირობების, კრიტერიუმებისა და შესავსები განაცხადის ფორმის შესახებ იხილეთ ქვეპროგრამის დებულებაში ლინკზე
- განაცხადების მიღება ელექტრონული ან მატერიალური ფორმით ხორციელდება 2024 წლის 19 მარტის 12:00 საათიდან 2024 წლის 30 აპრილის 17:00 საათამდე, მისამართზე: ქ. თბილისი, თამარაშვილის ქ. N15ა, სსიპ „ეკონომიკური პროგრამების სააგენტო“ ან ელ. ფოსტაზე - lepl.applications@gmail.com
- საკონტაქტო პირები: ჯანო ქირთბაია - 599467770; ნიკა ჯანგირაშვილი - 591931461; თეა კვარაცხელია - 591931463