-
სამოქმედო გეგმა
-
აფხაზური ენის განვითარება და პოპულარიზაცია
-
აფხაზეთის მეცნიერთა მხარდაჭერის პროგრამა
-
წარმატებული სტუდენტების მხარდაჭერა
-
ნიკოლოზ თაბუკაშვილის სახელობის პრემია
-
აფხაზეთის არქიტექტურულ–ისტორიული ნაგებობების ონლაინ რუკა
-
abculture.ge
-
აფხაზეთის საჯარო სკოლები
-
რესურსცენტრები
-
ონლაინ მუზეუმი
-
დიმიტრი (არზაყან) ემუხვარისა და ჟიული შარტავას სახელობის სტიპენდიები
-
აკადემიკოს ილია ვეკუას სახელობის სტიპენდია
-
ანგარიშები
-
გიორგი შარვაშიძის სახელობის პრემია
უწყებები
-
მთავრობის აპარატი
-
განათლებისა და კულტურის სამინისტრო
-
ჯანმრთელობისა და სოციალური დაცვის სამინისტრო
-
ფინანსთა და ეკონომიკის სამინისტრო
-
იძულებით გადაადგილებულ პირთა სამინისტრო
-
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
-
წარმომადგენლობა ზემო აფხაზეთში
განათლებისა და კულტურის სამინისტრო
ახალი ამბები
განათლებისა და კულტურის სამინისტრო
2024-12-13
აფხაზეთის ავტონომიური რესპუბლიკის განათლებისა და კულტურის მინისტრს დავით მორგოშიას აფხაზეთის ა/რ უმაღლესი საბჭოს პლენარულ სხდომაზე, მინისტრის საათის ფარგლებში, მოუსმინეს. მინისტრმა სამინისტროს მიერ ბოლო 9 თვის განმავლობაში გაწეული საქმიანობის ანგარიში წარადგინა. სხდომას აფხაზეთის უმაღლესი საბჭოს თავმჯდომარე ჯემალ გამახარია უძღვებოდა.
მინისტრმა სამინისტროს მიერ განათლების, კულტურისა და სპორტის მიმართულებებით გაწეულ საქმიანობაზე, შესაბამის სიახლეებსა და მიღწეულ შედეგებზე, პრობლემებსა და მათი დაძლევის გზებზე ისაუბრა. ყურადღება გაამახვილა გალის რაიონის ოკუპირებულ ტერიტორიაზე ქართულ ენაზე სწავლების აკრძალვის გამო არსებულ გამოწვევებსა და საპასუხო ნაბიჯებზე, მათ შორის დისტანციური სწავლების გააქტიურებაზე.
მინისტრმა ასევე სამინისტროს დაქვემდებარებაში არსებული სიპებისა და ა(ა)იპების საქმიანობა მიმოიხილა.
სხდომას აფხაზეთის უმაღლესი საბჭოს დეპუტატები, აფხაზეთის განათლებისა და კულტურის მინისტრის მოადგილეები და აპარატის თანამშრომლები ესწრებოდნენ.
განათლებისა და კულტურის სამინისტრო
2024-12-12
ზედა ეწერში (ზუგდიდის მუნიციპალიტეტი), აფხაზეთის მე-15 საჯარო სკოლის სპორტულ დარბაზში „დინამო თბილისის“ ლეგენდარული ფეხბურთელის, ღირსების ორდენის კავალრის, სპორტის რაინდად წოდებული ვლადიმერ (სიომა) ბარქაიას ხსოვნისადმი მიძღვნილი საფეხბურთო ტურნირი ჩატარდა. ტურნირში აფხაზეთის საჯარო სკოლების რვა გუნდი მონაწილეობდა.
აფხაზეთის მე-15, მე-11 და მე-10 საჯარო სკოლების გამარჯვებულ გუნდებს შესაბამისი დიპლომები და თასები აფხაზეთის ავტონომიური რესპუბლიკის განათლებისა და კულტურის მინისტრმა დავით მორგოშიამ გადასცა.
"აფხაზეთის სპორტსმენებს ყოველთვის მნიშვნელოვანი წვლილი შეჰქონდათ ქართული სპორტის, მათ შორის ქართული ფეხბურთის განვითარებაში. ამ ტურნირის ჩატარებით ამჯერად გავიხსენეთ ჩვენი დიდი ფეხბურთელი სიომა ბარქაია, რომლის დამსახურებაც ქართული ფეხბურთის ისტორიაში დაუვიწყარია. ვგეგმავთ, რომ მომავალშიც სხვა არაერთი ცნობილი, აფხაზეთის სპორტსმენი და მისი განსაკუთრებული მიღწევები გავახსენოთ საზოგადოებას", - განაცხადა დავით მორგოშიამ.
ტურნირს მინისტრის პირველი მოადგილე ბეჟან ნემსაძე, მრჩეველი ბექა ღვაჩლიანი, სამინისტროს კულტურის, სპორტისა და ახალგაზრდული პოლიტიკის სამსახურის უფროსის მოადგილე ვიტალი ბენდელიანი, აფხაზეთის კულტურის, სპორტის და ახალგაზრდულ საქმეთა სააგენტოს დირექტორი ანი კიტია და აფხაზეთის ფეხბურთის ფედერაციის წარმომადგენლები ესწრებოდნენ.
ტურნირი აფხაზეთის ა/რ განათლებისა და კულტურის სამინისტროს და აფხაზეთის ფეხბურთის ფედერაციის ინიციატივით და აფხაზეთის კულტურის, სპორტის და ახალგაზრდულ საქმეთა სააგენტოს ორგანიზებით ჩატარდა.
ვლადიმერ (სიომა) ბარქაია - წლების განმავლობაში თბილისის "დინამოს" ერთ-ერთი უძლიერესი თავდამსხმელი - 1937 წელს გაგრაში დაიბადა. ის იყო სსრკ ჩემპიონი, ოქროს მედლის მფლობელი. 1964 წელს საბჭოთა კავშირის წლის 33 საუკეთესო ფეხბურთელთა შორის მეორე ნომრად დასახელდა. 1967-1969 წლებში იყო "დინამო თბილისის“ მწვრთნელი. 2014 წელს მიენიჭა სპორტის რაინდის წოდება.
ვლადიმერ ბარქაია 85 წლის ასაკში 2022 წლის 30 დეკემბერს გარდაიცვალა
განათლებისა და კულტურის სამინისტრო
2024-12-12
წყნეთში აფხაზეთის ომში გმირულად დაღუპული ნოდარ მათიაშვილის სახელობის საფეხბურთო ტურნირი გაიმართა. ტურნირში ადგილობრივი და დევნილი ფეხბურთელებისგან შემდგარი გუნდები მონაწილეობდნენ.
გამარჯვებულ გუნდებს შესაბამისი დიპლომები და თასები აფხაზეთის ავტონომიური რესპუბლიკის განათლებისა და კულტურის მინისტრმა დავით მორგოშიამ და ნოდარ მათიაშვილის ოჯახის წევრებმა გადასცეს.
„მსგავსი ტურნირების ჩატარება მნიშვნელოვანია, რათა ახალგაზრდა თაობამ იცოდეს იმ გმირთა სახელები, რომლებიც სამშობლოს დამოუკიდებლობის დაცვას შეეწირნენ“, - განაცხადა ტურნირის ბოლოს დავით მორგოშიამ.
ნოდარ მათიაშვილი 1959 წელს წყნეთის იმ უბანში დაიბადა, სადაც საფეხბურთო ტურნირი გაიმართა. აქვე ახლახან მისი სახელობის სკვერი გაიხსნა.
ნოდარ მათიაშვილი 1993 წელს აფხაზეთში, ლაბრასთან საომარი მოქმედებებისას, თანამებრძოლის დახმარების დროს, სეპარატისტებმა ტყვედ აიყვანეს და წამებით მოკლეს.
სიკვდილის შემდეგ იგი დაჯილდოვდა ვახტანგ გორგასლის I ხარისხის ორდენით.
ტურნირი აფხაზეთის ა/რ განათლებისა და კულტურის სამინისტროს და აფხაზეთის მეომართა კავშირის ინიციატივით და აფხაზეთის კულტურის, სპორტის და ახლგაზრდულ საქმეთა სააგენტოს ორგანიზებით ჩატარდა.
განათლებისა და კულტურის სამინისტრო
2024-12-11
ვ. არქანიას არტგალერეაში აფხაზეთის ავტონომიური რესპუბლიკის მთავრობის თავმჯდომარესთან არსებული გიორგი შარვაშიძის სახელობის პრემიის 2024 წლის ლაურეატთა დაჯილდოება გაიმართა.
გიორგი შარვაშიძის 2024 წლის პრემია მიენიჭათ აფხაზ დავით (ბოდღო) ემუხვარს - სიკვდილის შემდეგ, გამოქვეყნებული პუბლიკაციებისთვის, მხატვარ ამირან კუპრავას - ფერწერული ტილოებისთვის, თამარ ბართაიას - რომანისთვის "ფერფლი“, მწერალ თეა თოფურიას - წიგნისთვის "იაკობის ჭა“.
ლაურეატებს დიპლომები აფხაზეთის ავტონომიური რესპუბლიკის განათლებისა და კულტურის მინისტრმა დავით მორგოშიამ გადასცა.
"გიორგი შარვაშიძე აფხაზი პოეტი, დრამატურგი, პუბლიცისტი, საზოგადო მოღვაწე, აფხაზეთის უკანასკნელი მთავრის მიხეილ შარვაშიძის ვაჟი იყო. ის აფხაზეთს საქართველოს განუყოფელ ნაწილად მიიჩნევდა და ქართველ ეროვნულ მოღვაწეებთან ერთად აფხაზურ-ქართული ურთიერთობის შენარჩუნებისთვის იბრძოდა. ქართველი თანამოაზრენიც გიორგი შარვაშიძეს „აფხაზ და ქართველ მწერლად“ მოიხსენიებდნენ. აქედან გამომდინარე, განსაკუთრებით მნიშვნელოვანია მისი სახელობის პრემიის არსებობა და საპატიოა მისი ლაურეატობა“, - განაცხადა დავით მორგოშიამ.
გიორგი შარვაშიძის სახელობის პრემია 1995 წელს დაწესდა. ორ წელიწადში ერთხელ ცხადდება და ენიჭება ლიტერატურის, მეცნიერების, პუბლიცისტიკისა და ხელოვნების დარგში შექმნილ, განსაკუთრებული ეროვნული ღირებულებების მქონე ნაწარმოებს (ნაშრომს).
დაარსებიდან დღემდე გიორგი შარვაშიძის სახელობის პრემია მიენიჭა ათეულობით ცნობილ მწერალს, პუბლიცისტს, მუსიკოსს, მეცნიერს, მხატვარსა თუ ხელოვნების სხვადასხვა სფეროს წარმომადგენელს.
დაჯილდოების ცერემონიას გიორგი შარვაშიძის პრემიის კომისიის წევრები, ხელოვნების სფეროს წარმომადგენლები და სამინისტროს თანამშრომლები ესწრებოდნენ.
განათლებისა და კულტურის სამინისტრო
2024-12-10
აფხაზეთის ავტონომიური რესპუბლიკის განათლებისა და კულტურის მინისტრმა დავით მორგოშიამ სამინისტროს პროგრამების ფარგლებში დაფინანსებულ, აფხაზეთის წარმატებულ სტუდენტებთან შეხვედრა-დიალოგი გამართა. შეხვედრაზე ასევე იმყოფებოდნენ „სკოლის შემდგომი განათლების მხარდაჭერის“ პროგრამაში მონაწილე ახალგაზრდები.
გარდა ამისა, დავით მორგოშიამ ჟიული შარტავას, ილია ვეკუას, თამაზ ნადარეიშვილის, გურამ გაბესკირიას, მიხეილ ჯინჭარაძის და ლორიკ მარშანიას სახელობის, 2024-2025 სასწავლო წლის სტიპენდიატებს შესაბამისი დიპლომები და სამახსოვრო საჩუქრები გადასცა.
მინისტრმა მადლობა გადაუხადა სტუდენტებს მიღწეული წარმატებებისთვის. აღნიშნა, რომ სამინისტრო სამომავლოდ, დევნილ ახალგაზრდებზე კიდევ უფრო მეტად მორგებული პროგრამების შემუშავებას გეგმავს.
სტუდენტებმა მსგავსი პროგრამების განსაკუთრებულ მნიშვნელობაზე ისაუბრეს, სამინისტროსთან აქტიური თანამშრომლობის სურვილი გამოთქვეს და ამ მხრივ საინტერესო იდეები წამოაყენეს.
შეხვედრას მინისტრის მოადგილე ნინო ლობჟანიძე, მინისტრის მრჩევლები მანანა ქვაჩახია და ბექა ღვაჩლიანი, „სკოლის შემდგომი განათლების მხარდაჭერის“ პროგრამის ხელმძღვანელი, თსუ-ს ასოცირებული პროფესორი ინგა სანიკიძე, ამავე პროგრამის კოორდინატორი შოთა კეჟერაშვილი და სამინისტროს თანამშრომლები ესწრებოდნენ.
განათლებისა და კულტურის სამინისტრო
2024-11-25
აფხაზეთის ავტონომიური რესპუბლიკის განათლებისა და კულტურის მინისტრი დავით მორგოშია სოხუმის სახელმწიფო უნივერსიტეტში UNI4VERSE-ის პროექტის ფარგლებში გამართულ შიდა საუნივერსიტეტო კონკურსს დაესწრო.
კონკურსზე სტუდენტებმა მწვანე ეკონომიკისა და ტექნოლოგიების მიმართულებით საპროექტო იდეები წარმოადგინეს.
UNI4VERSE პროექტი მწვანე ეკონომიკის სფეროში არსებული გამოწვევების და პრობლემების გადაჭრას ემსახურება, ასევე, მიზნად ისახავს ინოვაციური სტარტაპ იდეების ჩამოყალიბებას სტუდენტებში და უნივერსიტეტებს შორის შემაჯამებელი კონკურსის ჩატარებას.
2024 წლის კონკურსში მთელი საქართველოს მასშტაბით 18 უნივერსიტეტი მონაწილეობს.
რჩეული გუნდი 4-დღიან ტრენინგსა და მენტორშიფ სესიებს თბილისის ტექნოპარკში გაივლის.
განათლებისა და კულტურის სამინისტრო
2024-11-21
ჯანსუღ კახიძის სახელობის თბილისის მუსიკალურ-კულტურულ ცენტრში, საქართველოს კულტურისა და სპორტის სამინისტროს მხარდაჭერით, „თბილისის ბაროკო ფესტივალის“ ფარგლებში „ქართული და ევროპული საეკლესიო მუსიკის“ საღამო გაიმართა.
საღამოს აფხაზეთის ავტონომიური რესპუბლიკის განათლებისა და კულტურის მინისტრი დავით მორგოშია მეუღლესთან ერთად, საქართველოს კულტურისა და სპორტის მინისტრი თინათინ რუხაძე და სხვა მიწვეული სტუმრები ესწრებოდნენ.
მუსიკალურ საღამოში მონაწილეობდნენ: გურამ ყურაშვილის სახელობის აფხაზეთის სახელმწიფო საგუნდო კაპელა, საქართველოს ხალხური სიმღერის სახელმწიფო ანსამბლი „ბასიანი“, თბილისის სახელმწიფო კამერული ორკესტრი - „საქართველოს სინფონიეტა“, დირიჟორი კორნელია ფონ კერსენბროკი, სოლისტები: კრისტინა ფანელი, ბენედეტა მაცუკატო, გეორგ პოპლუტცი, ფელიქს შვანდტკე, სერჯო აცოლინი, სტეფან ნოდილო, გაბრიელ გრამესკი, ანა ქურდოვანიძე, დიეგო კანტალუპი.
„თბილისის ბაროკო ფესტივალი“ საქართველოს კულტურის და სპორტის სამინისტროს მხარდაჭერით, 2015 წელს დაარსდა და ყოველწლიურად ტარდება. გურამ ყურაშვილის სახელობის აფხაზეთის სახელმწიფო საგუნდო კაპელა, ქართველ შემსრულებლებთან და გუნდებთან, მსოფლიო ვარსკვლავებთან ერთად, ფესტივალში ყოველწლიურად მონაწილეობს.
„თბილისის ბაროკო ფესტივალის“ მხარდამჭერები არიან ასევე თბილისის სახელმწიფო კამერული ორკესტრი - „საქართველოს სინფონიეტა“, თბილისის მერია, ფრანგული ინსტიტუტი, იტალიისა და გერმანიის საელჩოები.
განათლებისა და კულტურის სამინისტრო
2024-11-21
აფხაზეთის ავტონომიური რესპუბლიკის განათლებისა და კულტურის სამინისტროსა და თბილისის აპოლონ ქუთათელაძის სახელობის სამხატვრო აკადემიის თანამშრომლობით, სამხატვრო აკადემიის საგამოფენო დარბაზში "აფხაზი მხატვრების 1970-1980-იანი წლების საკურსო და სადიპლომო ნამუშევრების“ გამოფენა გაიხსნა.
გამოფენა მოეწყო იმ მხატვრებისადმი სოლიდარობის ნიშნად, რომელთა ნამუშევრები სოხუმის ცენტრალურ საგამოფენო სივრცეში გაჩენილი ხანძრის შედეგად განადგურდა.
დამსწრე საზოგადოებას სიტყვით მიმართეს აფხაზეთის განათლებისა და კულტურის მინისტრმა დავით მორგოშიამ, სამხატვრო აკადემიის რექტორმა ყარამან ქუთათელაძემ, აფხაზეთის ა/რ უმაღლესი საბჭოს დეპუტატმა, მხატვარმა ნუგზარ მგალობლიშვილმა, საქართველოს მხატვართა კავშირის თავმჯდომარემ გურამ ცერცვაძემ, მუზეუმის ხელმძღვანელმა ლანა ქარაიამ და გამოფენის მნიშვნელობაზე ისაუბრეს.
როგორც დავით მორგოშიამ განაცხადა, ხელოვნება სამშვიდობო პოლიტიკის და სახალხო დიპლომატიის განუყოფელი ნაწილია და წარმოდგენილ გამოფენას ამ მხრივ განსაკუთრებული დატვირთვა აქვს.
სამხატვრო აკადემიის მუზეუმის კოლექციებში დაცული ნამუშევრები გამოსაფენად აფხაზეთის კულტურის, სპორტის და ახალგაზრდულ საქმეთა სააგენტოს მხარდაჭერით მოწესრიგდა. დაგეგმილია პროექტის გაგრძელება და აკადემიის მუზეუმის ფონდში არსებული აფხაზი მხატვრების სხვა ნამუშევრების მოწესრიგება და კატალოგის სახით გამოცემა.
გამოფენის გახსნას სამხატვრო აკადემიისა და აფხაზეთის განათლებისა და კულტურის სამინისტროს წარმომადგენლები ესწრებოდნენ.
განათლებისა და კულტურის სამინისტრო
2024-11-20
აფხაზეთის ავტონომიური რესპუბლიკის განათლებისა და კულტურის მინისტრი დავით მორგოშია საქართველოს ეკონომიკისა და მდგრადი განვითარების მინისტრის პირველ მოადგილეს ნინო ენუქიძეს შეხვდა.
მხარეებმა სამინისტროებს შორის მომავალი თანამშრომლობის პერსპექტივაზე ისაუბრეს.
ყურადღება გამახვილდა აფხაზეთის სახელოვნებო სასწავლებლებში არსებულ ინფრასტრუქტურულ პრობლემებზე და მათი გადაწყვეტის გზებზე.
შეხვედრას საქართველოს სახელმწიფო ქონების ეროვნული სააგენტოს თავმჯდომარის მოადგილე ირაკლი შენგელია და აფხაზეთის განათლებისა და კულტურის მინისტრის მრჩეველი ანი კიტია ესწრებოდნენ.
განათლებისა და კულტურის სამინისტრო
2024-11-16
აფხაზეთის ავტონომიური რესპუბლიკის განათლებისა და კულტურის მინისტრი დავით მორგოშია კაჭრეთის ამბასადორში, საქართველოს საცხენოსნო ხალხური თამაშობების განვითარების ეროვნული ფედერაციის ინიციატივით და აფხაზეთის კულტურის, სპორტის და ახალგაზრდულ საქმეთა სააგენტოს მხარდაჭერით, აფხაზეთის თასზე გამართულ საცხენოსნო შეჯიბრს დაესწრო, რომელშიც აფხაზეთიდან დევნილი მხედრებიც მონაწილეობდნენ.
დავით მორგოშიამ და აფხაზეთის კულტურის, სპორტის და ახალგაზრდულ საქმეთა სააგენტოს სპორტის მიმართულების ხელმძღვანელმა გიორგი ბერიანიძემ საპრიზო ადგილებზე გასულ ცხენოსნებს - ირაკლი ბეჟიტაშვილს და ლუკა აფციაურს თასები და მედლები გადასცეს.
საცხენოსნო შეჯიბრების გამართვა ახალგაზრდა თაობაში სპორტის ამ უძველესი სახეობის პოპულარიზაციას და ცხოვრების ჯანსაღი წესის დამკვიდრებას ისახავს მიზნად.