2024-10-30 |
მთავრობის აპარატი
ლევან მგალობლიშვილი თურქეთის რესპუბლიკის 101 წლისადმი მიძღვნილ საზეიმო მიღებას დაესწრო
აფხაზეთის ავტონომიური რესპუბლიკის მთავრობის თავმჯდომარე, ლევან მგალობლიშვილი თურქეთის რესპუბლიკის დაარსებიდან 101 წლისთავისადმი მიძღვნილ საზეიმო მიღებას დაესწრო და თურქეთის რესპუბლიკის ელჩს, ალი ქაან ორბაის ეროვნული დღესასწაული პირადად მიულოცა.
ღონისძიების სტუმრებმა თურქეთის რესპუბლიკის პრეზიდენტის რეჯეფ თაიფ ერდოღანის სპეციალური ვიდეო-მიმართვა მოისმინეს. სიტყვით გამოვიდნენ საქართველოში თურქეთის რესპუბლიკის ელჩი ალი ქაან ორბაი და საქართველოს პარლამენტის თავმჯდომარე შალვა პაპუაშვილი. შესრულდა თურქეთისა და საქართველოს ჰიმნები.
საზეიმო მიღებას ქვეყნის საკანონმდებლო და აღმასრულებელი ხელისუფლებისა და დიპლომატიური კორპუსის წარმომადგენლები, ასევე სხვა მიწვეული სტუმრები ესწრებოდნენ.
