სიახლეები

აფხაზეთის ავტონომიური რესპუბლიკის მთავრობასთან არსებულ ერთიან დევნილთა მონაცემთა ბაზის სტრუქტურის დახვეწასა და დაზუსტებასთან დაკავშირებით სამუშაო შეხვედრა გაიმართა. შეხვედრაზე ასევე ისაუბრეს აფხაზეთის მთავრობის რეგიონალური წარმომადგენლობების დევნილთა ერთიან მონაცემთა ბაზის სისტემაში გაერთიანებასა და მათზე მონიტორინგის გაწევაზე.

შეხვედრას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის მთავრობის სტრუქტურების, არასამთავრობო ორგანიზაციებისა და ფონდი ,,მოლოდინი"-ის წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ შობა-ახალი წელი ზუგდიდში მცოხვრებ იძულებით გადაადგილებულ პირებს მიულოცა და გარკვეული კატეგორიის დევნილ ოჯახებს საახალწლო ნობათი გადასცა.

აფხაზეთის მთავრობის მხარდაჭერითა და სამეგრელო-ზემო სვანეთში აფხაზეთის მთავრობის წარმომადგენლობის ორგანიზებით სხვადასხვა სახის პროდუქტი დევნილ მრავალშვილიანმა დედებმა, აფხაზეთის ომის ვეტერანებმა და მარტოხელა დედებმა მიიღეს. დახმარება სულ 70-მდე დევნილ ოჯახს გაეწია.

წინასაახალწლოდ აფხაზეთის ავტონომიური რესპუბლიკის მთავრობის „სოლიდარობის ფონდის" და მოძრაობა „ვიზრუნოთ ერთმანეთზე" ორგანიზებით საახალწლო ნობათი ათასამდე დევნილმა ოჯახმა მიიღო. საქველმოქმედო აქციის მხარდამჭერები იყვნენ ადგილობრივი ბიზნეს-კომპანიები, არასამთავრობო ორგანიზაციები, კერძო პირები და სასწავლო დაწესებულებები.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ შობა-ახალი წელი ზუგდიდში მცოხვრებ იძულებით გადაადგილებულ პირებს მიულოცა და გარკვეული კატეგორიის დევნილ ოჯახებს საახალწლო ნობათი გადასცა.

აფხაზეთის მთავრობის მხარდაჭერითა და სამეგრელო-ზემო სვანეთში აფხაზეთის მთავრობის წარმომადგენლობის ორგანიზებით სხვადასხვა სახის პროდუქტი დევნილ მრავალშვილიანმა დედებმა, აფხაზეთის ომის ვეტერანებმა და მარტოხელა დედებმა მიიღეს. დახმარება სულ 70-მდე დევნილ ოჯახს გაეწია.

წინასაახალწლოდ აფხაზეთის ავტონომიური რესპუბლიკის მთავრობის „სოლიდარობის ფონდის" და მოძრაობა „ვიზრუნოთ ერთმანეთზე" ორგანიზებით საახალწლო ნობათი ათასამდე დევნილმა ოჯახმა მიიღო. საქველმოქმედო აქციის მხარდამჭერები იყვნენ ადგილობრივი ბიზნეს-კომპანიები, არასამთავრობო ორგანიზაციები, კერძო პირები და სასწავლო დაწესებულებები.

აფხაზეთის ავტონომიური რესპუბლიკის მთავრობის ინიციატივითა და თბილისის მერიის მთაწმინდისა და საბურთალოს რაიონის გამგეობების ხელშეწყობით აფხაზეთიდან დევნილი 70-მდე ბავშვი საახალწლო საცირკო თეატრალურ წარმოდგენას დაესწრო. ცირკის არენაზე სამანეჟო ნომრებთან ერთად წარმოჩენილი იყო ეგზოტიკური ცხოველები - აქლემები, პონები, ძაღლები და სხვა. სპექტაკლში მონაწილეობდნენ მსოფლიო ცირკის ცნობილი ვარსკვლავები.

ღონისძიება აფხაზეთის დევნილთა საქმეების დეპარტამენტის ორგანიზებით მოეწყო.

გლდანში, ანგია ბოჭორიშვილის ქუჩაზე მდებარე ყოფილი ბაგა-ბაღის შენობაში კომპაქტურად მცხოვრებ დევნილ მოსახლეობას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარე კონსტანტინე კუჭუხიძე და აღმოსავლეთ საქართველოში აფხაზეთის მთავრობის წარმომადგენლობის ხელმძღვანელი დემურ კეკელია ესტუმრნენ.

ვახტანგ ყოლბაიამ დევნილ მოსახლეობას ახალი წელი და შობის დამდეგი დღესასწაული მიულოცა. 26 ოჯახს აფხაზეთის მთავრობის საშობაო ნობათი გადაეცა. მისი განცხადებით, სადღესასწაულო ნობათის დარიგების აქცია, რომელსაც აფხაზეთის მთავრობა აქამდე მხოლოდ გარკვეული კატეგორიის დევნილთათვის მართავდა – ამჯერად დევნილთა კომპაქტურ ჩასახლებებში გაგრძელდება.

„ჩვენ ვაგრძელებთ იმ ღონისძიებათა ციკლს, რომელიც ახალ წლამდე დავიწყეთ. მანამდე, ჩვენ მსგავსი აქცია მოსახლეობის სხვადასხვა კატეგორიისთვის ჩავატარეთ, მათ შორისიყვნენ ინვალიდები, ომში დაღუპულთა მშობლები და ა. შ. რაღა თქმა უნდა, ეს არ იყო ყოვლისმომცველი აქცია. ახლა გადავედით უკვე კომპაქტურ ჩასახლებებში მცხოვრებ მოსახლეობაზე. პირველ აქციას გლდანში ვატარებთ. ძალიან გამეხარდა, რომ ამ ოჯახებში ძალიან ბევრი ბავშვია. მახარებს ისიც, რომ ეს ოჯახები საახალწლო განწყობით და სიხარულით შეგვეგებნენ. მადლობელი ვართ გულითადი მიღებისთვის“, – განაცხადა ვახტანგ ყოლბაიამ.

„აფხაზეთის ავტონომიური რესპუბლიკის მთავრობის თავმჯდომარის ინიციატივით, დღეს გლდანში ვიყავით, ბოჭორიშვილის ქუჩაზე, ყოფილ ბაგა-ბაღში ჩასახლებულ დევნილებთან. აქ აფხაზეთიდან დევნილი 26 ოჯახი ცხოვრობს, რომელთაც მცირე საახალწლო ნობათი გადავეცით. ახალი წელი მივულოცეთ და ვუსურვეთ, რომ ეს წელი აფხაზეთში დაბრუნების წელიწადი ყოფილიყოს“, – აღნიშნა აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარე კონსტანტინე კუჭუხიძემ.

აფხაზეთის ავტონომიური რესპუბლიკის მთავრობა ულოცავს სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, უწმინდესსა და უნეტარესს ილია II -ს 82 წლის იუბილეს, უსურვებს ჯანმრთელობას, დღეგრძელობას და სულიერ სიმხნევეს.

მაცხოვრის შობის წინა დღეებში ჩვენს დედა-სამშობლოს და თითოეულ ქრისტიანს ვუსურვებთ დიდხანს არ მოკლებოდეს ჩვენი მწყემსმთავრის ლოცვა-კურთხევა ქვეყნისა და მართლმადიდებლური სამყაროს საკეთილდღეოდ.

არ გვტოვებს იმედი, რომ უწმინდესისა და უნეტარესის მეუფების მადლი გაამთლიანებს, გააძლიერებს და გააბრწყინებს საქართველოს.

აფხაზეთის ავტონომიური რესპუბლიკის მთავრობის „სოლიდარობის ფონდმა" და მოძრაობამ „ვიზრუნოთ ერთმანეთზე" 30 დეკემბერს მორიგი საქველმოქმედო აქცია გამართა.

აქციის ფარგლებში თბილისში მცხოვრებ 90 წელს გადაცილებულ დევნილებსა და მრავალშვილიან ოჯახებს, საერთო ჯამში 300-დე ოჯახს წინასაახალწლოდ საშობაო ნობათი გადაეცა. საშობაო ნობათების გაცემა აფხაზეთის განათლებისა და კულტურის სამინისტროს შენობაში გაიმართა.

საქველმოქმედო აქციის ორგანიზებაში ჩართული იყო კავკასიის ახალგაზრდული ალიანსი, აფხაზეთის ავტონომიური რესპუბლიკის მთავრობა, აფხაზეთის უმაღლესი საბჭო, საერთაშორისო და ადგილობრივი ბიზნეს-ორგანიზაციები, არასამთავრობო ორგანიზაციები, კერძო პირები და სასწავლო დაწესებულებები.

პროექტის ინიციატორი იყო ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატი. პროექტში აქტიურად იყო ჩართული აფხაზეთის ავტონომიური რესპუბლიკის ყველა უწყების თანამშრომელი.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის მთავრობის წევრები ესწრებოდნენ.

აქციის „ვიზრუნოთ ერთმანეთზე" პირველ ეტაპზე, 27 დეკემბერს  საშობაო ნობათები II მსოფლიო ომის ინვალიდებსა და ვეტერანებს, აფხაზეთის ომის I ჯგუფის ინვალიდებს, არასრულწლოვან შეზღუდული შესაძლებლობის მქონე მოზარდებს, მარტოხელა დედებსა და აფხაზეთის ომში დაღუპულთა მშობლებს გადაეცათ.

29 დეკემბერს, აფხაზეთის ავტონომიური რესპუბლიკის მთავრობის ორგანიზებით აფხაზეთის საჯარო სკოლის მოსწავლეებსა და სამხრეთ ოსეთიდან დევნილ ბავშვებს „GINO-Paradise"-მა უმასპინძლა. საქველმოქმედო აქციის ფარგლებში აკვა პარკს აფხაზეთის №2 და №3 სკოლების 270 ბავშვი, ცხინვალის რეგიონიიდან დევნილი 50 მოსწავლე, შეზღუდული შესაძლებლობების მქონე და გლდანის მზრუნველობამოკლებული სახლის აღსაზრდელებიც სტუმრობდნენ.

ღონისძიების ფარგლებში „GINO-Paradise"-მა საქველმოქმედო კონცერტი გამართა, ბავშვებს ტკბილეულით გაუმასპინძლდნენ. თოვლის ბაბუამ კი ბავშვებს საახალწლო საჩუქრებით დაურიგა. ბავშვებს საშუალება მიეცათ ესარგებლათ „GINO-Paradise"-ის მომსახურებით და სხვადასხვა წყლის ატრაქციონებზე მთელ დღე ხალსიანად გაატარეს.

„GINO-Paradise"-ის დამფუძნებლმა, ბიზნესმენმა ნოდარ გიორგაძემ „მშვიდობის მარათონის" პროქტში მონაწილე კიდევ ოთხ ფრიადოსან მოზარდს სტიპენდია დაუნიშნა.

აფხაზეთის ავტონომიური რესპუბლიკის მთავრობის „სოლიდარობის ფონდი" და მოძრაობა „ვიზრუნოთ ერთმანეთზე" 30 დეკემბერს მორიგ საქველმოქმედო აქციას გამართავს. აქციის ფარგლებში თბილისში მცხოვრებ 90 წელს გადაცილებულ დევნილებსა და მრავალშვილიან ოჯახებს, საერთო ჯამში 300-დე ოჯახს წინასაახალწლოდ საშობაო ნობათი გადაეცემა.

საქველმოქმედო აქციის ორგანიზებაში ჩართულია კავკასიის ახალგაზრდული ალიანსი, აფხაზეთის ავტონომიური რესპუბლიკის მთავრობა, აფხაზეთის უმაღლესი საბჭო, საერთაშორისო და ადგილობრივი ბიზნეს-ორგანიზაციები, არასამთავრობო ორგანიზაციები, კერძო პირები და სასწავლო დაწესებულებები.

პროექტის ინიციატორებია ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატი. პროექტში აქტიურად ჩართულია აფხაზეთის ავტონომიური რესპუბლიკის ყველა უწყების თანამშრომელი.

დღეს, აფხაზეთის ჯანდაცვის სამინისტრომ, კლინიკა „ლანცეტის" ხელმძღვანელობა და სამედიცინო პერსონალი წლის განმავლობაში გაწეული თანამშრომლობისათვის მადლობის სიგელებით დააჯილდოვა.

სერტიფიკატები სამედიცინო ცენტრის თანამშრომლებს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ჯანდაცვის მინისტრმა ქეთევან ბაკარაძემ გადასცეს და თანაგდომისათვის მადლობა გადაუხადეს.

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრომ სამედიცინო ცენტრ „ლანცეტთან" ურთიერთთანამშრომლობის მემორანდუმი 2014 წლის აგვისტოში გააფორმა, რომელსც ხელი მოაწერეს ცენტრის გენერალურმა დირექტორმა ფარმან ჯეირანლიმ და აფხაზეთის ჯანდაცვის მინისტრმა ქეთევან ბაკარაძემ.

მემორანდუმის ფარგლებში, აფხაზეთის ჯანდაცვის სამინისტროს მიერ დაგეგმილ სამედიცინო აქციებში, „ლანცეტის" სპეციალისტების მონაწილეობით დევნილი მოსახლეობისთვის არაერთი სამედიცინო-პროფილაქტიკური გამოკვლევა ჩატარდა. დღესვე, კლინიკა „ლანცეტის" გენერალურმა დირექტორმა, ფარმან ჯეირანლიმ გაახმოვანა თავისი გადაწყვეტილება, რომლის თანახმადაც, აფხაზეთის ჯანდაცვის სამინისტროს სამედიცინო პერსონალს საშუალება ეძლევა, მთელი წლის მანძილზე „ლანცეტში" უფასოდ გაიაროს კვალიფიკაციის ასამაღლებელი კურსები, სტაჟირება, დაესწრონ ოპერაციებს. მისივე თქმით, დევნილ პაციენტებს „ლანცეტში" უფასო სამედიცინო კონსულტაციების გავლაც შეეძლებათ.

აფხაზეთის მთავრობის თავმჯდომარის მოვალეობის შემსრულებელმა ვახტანგ ყოლბაიამ კლინიკა „ლანცეტის" მესვეურებს დევნილი საზოგადოების მხარდაჭერისა და თანადგომისათვის მადლობა გადაუხადა და აღნიშნა, რომ ამ კლინიკასთან მჭიდრო ურთიერთობა მომავალ წელსაც აუცილებლად გაგრძელდება.

28 დეკემბერს, სასტუმრო ,,თბილისი მერიოტ''-ში მათემატიკის ოლიმპიადა ,,ევერესტის'' გამარჯვებულ მოსწავლეთა დაჯილდოება გაიმართა.

,,ევერესტის''ოლიმპიადის შემოდგომა-ზამთრის სეზონში, პირველ სასკოლო ტურში მონაწილეობა პირველად მიიღო გალის რაიონის სკოლების III-VI კლასების 200-მდე მოსწავლემ. მეორე ტურში, რომელიც ჩატარდა ქალაქ ზუგდიდის სასულიერო გიმნაზიის ბაზაზე, 125 ბავშვი მონაწილეობდა. ,,ვერცხლის ათეულში'' აფხაზეთის მასშტაბით გამარჯვებულმ მესამე კლასელმა მიხეილ შარიამ მათემატიკის ოლიმპიადა ,,ევერესტის'' სიგელი და ფასიანი საჩუქრები მიიღო. აფხაზეთის ავტონომიური რესპუბლიკის მთავრობამ გამარჯვებულ მოსწავლეს საჩუქრად პლანშეტი გადასცა და წარმატებები უსურვა.

ღონისძიებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს წარმომადგენელი გია გვასალია და გალის რაიონის საგანმანათლებლო რესურსცენტრის უფროსი ნონა შონია.

აფხაზეთის ავტონომიური რესპუბლიკის მთავრობის „სოლიდარობის ფონდმა" და მოძრაობამ „ვიზრუნოთ ერთმანეთზე" 27 დეკემბერს დევნილი მოსახლეობისათვის მასშტაბური აქცია გამართა. აქციის ფარგლებში 700-მდე დევნილმა ოჯახმა წინასაახალწლოდ საშობაო ნობათი მიიღო.

საქველმოქმედო აქციის ორგანიზებაში ჩართული იყო კავკასიის ახალგაზრდული ალიანსი, აფხაზეთის ავტონომიური რესპუბლიკის მთავრობა, აფხაზეთის უმაღლესი საბჭო, საერთაშორისო და ადგილობრივი ბიზნეს-ორგანიზაციები, არასამთავრობო ორგანიზაციები, კერძო პირები და სასწავლო დაწესებულებები.

მოძრაობის ფარგლებში, 5 დეკემბრიდან მიმდინარეობდა სურსათ-სანოვაგისა და აუცილებელი პირველადი საშუალებების შეგროვება. აქციის ფარგლებში შემოსული პროდუქტები დაურიგდათ II მსოფლიო ომის ინვალიდებსა და ვეტერანებს, აფხაზეთის ომის I ჯგუფის ინვალიდებს, არასრულწლოვან შეზღუდული შესაძლებლობის მქონე მოზარდებს, მარტოხელა დედებსა და აფხაზეთის ომში დაღუპულთა მშობლებს.

მოძრაობის ფარგლებში მოხალისეებად მუშაობენ აფხაზეთის მთავრობისა და უმაღლესი საბჭოს წარმომადგენლები და სტუდენტები.

მოსახლეობისთვის საშობაო ნობათის გაცემა აფხაზეთის განათლებისა და კულტურის სამინისტროს შენობაში გაიმართა.

აქციის შემდეგ, მოძრაობაში „ვიზრუნოთ ერთმანეთზე" აქტიური ჩართულობისათვის აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ ყველა ორგანიზაცია და ინდივიდუალური მონაწილე დააჯილდოვა. კავკასიის ახალგაზრდულმა ალიანსმა კი პროექტში ჩართულ ყველა მოხალისეს სერთიფიკატები გადასცა.

მოძრაობის მიზანი იყო, საზოგადოებაში სამოქალაქო ცნობიერების ამაღლება, ადამიანებისადმი თანადგომა და მოხალისეობის კულტურის დანერგვა საქართველოში.

პროექტის ინიციატორი იყო ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატი. პროექტში აქტიურად იყო ჩართული აფხაზეთის ავტონომიური რესპუბლიკის ყველა უწყების თანამშრომელი.

დღეს, აფხაზეთის ავტონომიური რესპუბლიკის განათლებისა და კულტურის სამინისტრომ ვალერი არქანიას არტ-გალერეაში ეროვნულ-განმათავისუფლებელი მოძრაობის თვალსაჩინო წარმომადგენლის ვლადიმერ (ვოვა) ვეკუას 65 წლის იუბილესადმი მიძღვნილი საღამო გამართა. ვლადიმერ (ვოვა) ვეკუას ხსოვნას მიეძღვნა აფხაზეთის მხატვართა კავშირის მიერ სპეციალურად ამ დღისთვის ორგანიზებული მხატვართა ნამუშევრების გამოფენა სახელწოდებით "მხატვარი და მიწა". ღონისძიებაში მონაწილეობა მიიღო აფხაზეთის სახელმწიფო კაპელამ.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის  შემსულებელი ვახტანგ ყოლბაია, აფხაზეთის უმაღლესი საბჭოს თავმჯდომარე გია გვაზავა, აფხაზეთის უმაღლესი საბჭოს თავმჯდომარის მოადგილე ჯემალ გამახარია,  აფხაზეის ა/რ მთავრობის სხვა წევრები,  ვლადიმერ ვეკუას მეგობრები და ოჯახის წევრები დასწრნენ.

 ვლადიმერ (ვოვა) ვეკუა ამბობდა: ,,ჩვენ აუცილებლად ვიპოვით გზას აფხაზი ხალხის გულებისაკენ... და ჩვენ ამ გზას უსათუოდ გავივლით. ჩვენი ვალია, ჩვენი გონების, გულის და თავისუფალი ნების თვალსაწიერიდან, აფხაზ ხალხთან ერთად ავმაღლდეთ ურღვევ სულიერ კონსოლიდაციამდე. მხოლოდ ამ შემთხვევაში ვიხილავთ ჩვენ ქრისტიანობის, თავისუფლების, დამოუკიდებლობის გარდაუვალ ტრიუმფს..."

სწორედ ამ სიტყვების დადასტურებაა ვლადიმერ (ვოვა) ვეკუას მიერ განვლილი ცხოვრებისეული გზა და მოწამეობრივი აღსასრული. მომავალი თაობებისათვის მუდამ იქნება სამშობლოსთვის თავგანწირვისა და უკვდავებით დათრგუნული სიკვდილის მაგალითი.

გალის რაიონის რესურსცენტრის ორგანიზებით პროექტის პრეზენტაცია „იცნობდეთ ჩემი კუთხის კულტურულ მემკვიდრეობას" გაიმართა. ღონისძიება აფხაზეთის ა/რ განათლებისა და კულტურის სამინისტროს საგამოფენო დარბაზში მოეწყო.

პროექტის ფარგლებში გამოიფინა თემატური ბანერები და გალიდან გადმოტანილი სიძველეები, ფოტო ალბომები. ასევე, მხატვრის დავით ბაძაღუას ნამუშევრები - აფხაზეთის სხვადასხვა ეკლესიების ტილოები. ნაჩვენები იქნა დოკუმენტური ფილმი ისტორიული სამურზაყანოს - გალის რაიონის კულტურული ფასეულობისა და მისი დღევანდელი მდგომარეობის შესახებ. რესურსცენტრმა კულტურული მემკვიდრეობის შესახებ გალის რაიონიდან მიღებულ მასალები აფხაზეთის ა/რ განათლებისა და კულტურის სამინისტროში შექმნილ კულტურულ ფასეულობათა სამსახურს გადასცა.

პროექტის განხორციელებაში მონაწილეობა მიიღო გალის რაიონის 17-ზე მეტმა სკოლამ. საუკეთესო ნამუშევრების წარმომდგენი სკოლები დაჯილდოვდნენ დიპლომებით, სიგელებითა და ფასიანი საჩუქრებით.

ღონისძიებას აფხაზეთის განათლებისა და კულტურის მინისტრი დიმიტრი ჯაიანი, აფხაზეთის იუსტიციის დეპარტამენტის ხელმძღვანელი იგორ კოპალიანი, პროექტში ჩართული მოსწავლეები, კოორდინატორი მასწავლებლები და აფხაზეთის სტრუქტურის თანამშრომლები, საქართველოს პარლამენტის დიასპორებისა და კავკასიის საკითხთა კომიტეტის, საქართველოს პარლამენტის ტერიტორიული მთლიანობის აღდგენის დროებითი კომისიის აპარატის, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის, საქართველოს ახალგაზრდული პარლამენტის, აფხაზეთის ავტონომიური რესპუბლიკის უმაღლესი საბჭოსა და მთავრობის, აფხაზეთის ა/რ განათლებისა და კულტურის სამინისტროს წარმოამდგენლები, პროფესორ-მასწავლებლები და სტუდენტები დაესწრნენ.

პროექტის მხარდამჭერი იყო საქართველოს საპატრიარქოს ტელევიზია „ერთსულოვნება", რომლის ფარგლებშიც ნაჩვენები იქნა დოკუმენტური ფილმი ისტორიული სამურზაყანოს კულტურული მემკვიდრეობის შესახებ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, სლოვაკეთში მოღვაწე ქართველ ბიზნესმენთან და ქველმოქმედთან, კომპანია „EUROCOM INVESTMENT"-ისა და „GINO-Paradise"-ის დამფუძნებელთან ნოდარ გიორგაძეს შეხვდა, რომლის მიწვევით მიმდინარე წლის ოქტომბერში, აფხაზეთიდან და ცხინვალის რეგიონიდან დევნილი 40 ბავშვი სლოვაკეთის ქალაქ ბეშენოვაში დასასვენებლად გაემგზავრა.

ვახტანგ ყოლბაიამ ქართველ ბიზნესმენ თანადგომისათვის მადლობა გადაუხადა და აფხაზეთის მთავრობის სახელით სამახსოვრო საჩუქრები გადასცა. აფხაზეთის უმაღლესი საბჭოს თავმჯდომარემ გია გვაზავამ კი ნოდარ გიორგაძე საპატიო სიგელით დააჯილდოვა. შეხვედრას ბიზნესმენის ოჯახის წევრები, მთავრობის აპარატის თანამშრომლები და „მშვიდობის მარათონის" პროექტში მონაწილე ბავშვები დაესწრნენ. ბიზნესმენ ნოდარ გიორგაძის ინიციატივით, აღნიშნულ პროქტში მონაწილე ფრიადოსან ბავშვებს დაენიშნათ სტიპენდიები, აგრეთვე ამ პროექტში მონაწილე ყველა ბავშვს საჩუქრად გადაეცათ სპორტულ-სარელაქსაციო კომპლექსი „GINO-Paradise"-ის ბარათი, თვეში ერთხელ სარგებლობის უფლებით. ბავშვები ერთი კვირის განმავლობაში მონაწილეობდნენ კულტურულ-საგანმანათლებლო და სპორტულ-სარელაქსაციო ღონისძიებებში.

პროექტი აფხაზეთის მთავრობის ორგანიზებით, ქ. ბათუმისა და გორის მუნიციპალიტეტების, აგრეთვე თბილისის ვაკის გამგეობისა და ფონდ ,,სარაჯიშვილის" მხარდაჭერით განხორციელდა.

29 დეკემბერს ბიზნესმენის მოწვევით აფხაზეთის საჯარო სკოლის მოსწავლეები და სამხრეთ ოსეთიდან დევნილი ბავშვები საქველმოქმედო აქციის ფარგლებში „ჯინო ფერედაის" ესტუმრებიან. ასევე, მთელი წლის განმავლობაში აფხაზეთის სკოლის მოსწავლეები თვეში ერთხელ სერიოზული საშეღავათო პაკეტით ისარგებლებენ.