იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი გიორგი ძიგუა, აფხაზეთის ავტონომიური რესპუბლიკის მთავრობის მორიგ სხდომას დაესწრო.

 

სხდომის ფარგლებში, აფხაზეთის ავტონომიური რესპუბლიკის მთავრობის წევრებმა იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის სამინისტროდ გარდაქმნასთან დაკავშირებული საკითხი განიხილეს.

 

"დაგვემატა ფუნქციები, რომელიც მოიცავს დელეგირებული უფლებამოსილების განხორციელებას. ასევე პორტალი, რომელიც განაპირობებს დევნილი მოსახლეობის უკეთ მომსახურებას. აღნიშნული ფუნქციებით, დევნილ მოსახლეობას შესაძლებლობა ექნება ინტერნეტით, ან მობილური აპლიკაციის დახმარებით დაუკავშირდეს სხვა სამინისტროებს და იუსტიციის სამინისტროს საშუალებით განათავსონ თავიანთი მოთხოვნები, რაზეც იქნება ადეკვატური და მყისიერი რეაგირება, რაც ცალსახად გაამარტივებს მათი ცხოვრების პირობებს“, - განაცხადა გიორგი ძიგუამ.

 

ცვლილებების თანახმად, აფხაზეთის ა/რ მინისტრის აპარატს სტატუსი შეეცვალა და ახალ ინსტიტუციურ ადმინისტრაციულ დაწესებულებად, აფხაზეთის იუსტიციისა და სამოქალაქო ინტეგრაციის სამინისტროდ გარდაიქმნა.