იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი პროექტს "აფხაზეთიდან დევნილი ახალგაზრდების ინტეგრაციისა და სოციალიზაციის ხელშეწყობა“ ახორციელებს.
პროექტი თბილისში მდებარე ილორის წმინდა გიორგის სახელობის ტაძართან არსებული საკვირაო სკოლის 7-16 წლის 30 ახალგაზრდისთვის, ხელოვნების სხვადასხვა მიმართულების (კერამიკა/მოხატვა, კალიგრაფია, ხატვა, ქსოვა, ქარგვა, ანიმაცია, წაკითხულის გააზრება, მეტყველება და სხვა) სწავლებას ითვალისწინებს.
პროექტის მიზანია აფხაზეთიდან დევნილი ახალგაზრდების სოციალიზაციისა და ინტეგრაციის გაზრდა, შემეცნებით-საგანმანათლებლო ღონისძიებებში ჩართულობის ხელშეწყობა, სამოქალაქო საზოგადოებრივი ცნობიერების ჩამოყალიბება, საკომუნიკაციო უნარ-ჩვევების გაძლიერება და გუნდური მუშაობის უნარების გაძლიერება.
დამატებითი ინფორმაციის მისაღებად დაუკავშირდით:
იუსტიციისა და სამოქალაქო ინტეგრაციის სამინისტრო
