საქართველოს პირველ ეროვნულ გმირს, ჟიული შარტავას დღეს 80 წელი შეუსრულდებოდა. ამ თარიღთან დაკავშირებით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, აფხაზეთის უმაღლესი საბჭოს თავმჯდომარე ჯემალ გამახარიასთან, აფხაზეთის მთავრობის წევრებთან და უმაღლესი საბჭოს დეპუტატებთან ერთად, ვაკის პანთეონში ჟიული შარტავას საფლავი გვირგვინით შეამკო და მის ხსოვნას პატივი მიაგო.

დღესვე, აფხაზეთის მთავრობის წარმომადგენლებმა გმირთა მოედანზე ჟიული შარტავას ბიუსტი ყვავილებით შეამკეს.