სიახლეები

აღნიშნულ პროგრამას აფხაზეთის დევნილთა სამინისტრო სოციალური მხარდაჭერის პროგრამის ფარგლებში განახორციელებს.

პროგრამით სარგებლობა შეუძლიათ აფხაზეთიდან დევნილ ოჯახებს, რომლებიც ცხოვრობენ დევნილთა განსახლების ობიექტებში ან სახელმწიფო საკუთრებაში არსებულ ფართებში და არ გააჩნიათ დენის, წყლისა და გაზის აბონირება.

პროგრამით სარგებლობისთვის განმცხადებელმა უნდა წარმოადგინოს შემდეგი სახის დოკუმენტაცია:

პირადობის დამადასტურებელი მოწმობა (ასლი);

დევნილის მოწმობა (ასლი);

ინფორმაცია დევნილთა განსახლების ობიექტის მესაკუთრის შესახებ.

განაცხადის მიღება შესაძლებელია სამინისტროში ან შესაბამის ტერიტორიულ ორგანოში:

ქ. თბილისი, ვ.ფშაველას 16;

ქ. ქუთაისი- ი.აბაშიძის 27;

ზუგდიდის მუნიციპალიტეტი, სოფელი რუხი ( ინოვაციების ცეტრი).

დამატებითი კითხვების შემთხვევაში დაგვიკავშირდით :032 2 31 32 06;
+ 995 595 705 159

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე იაპონიის საელჩოს პროექტის „სასოფლო-სამეურნეო ლაბორატორიული ტექნიკის შეძენა ზუგდიდის მუნიციპალიტეტში“ გახსნის ღონისძიებას დაესწრო.

იაპონიის საელჩოს ადამიანის უსაფრთხოების საგრანტო პროგრამის (GGP) ფარგლებში, ზუგდიდში მდებარე სასოფლო-სამეურნეო ლაბორატორიას თანამედროვე აღჭურვილობა გადაეცა, რომელიც შესაძლებლობას მისცემს მოსახლეობას, გააკეთოს ლაბორატორიული სინჯები და მიიღოს ხარისხის სერტიფიკატი. პროექტში ადგილობრივ მოსახლეობასთან ერთად აფხაზეთიდან დევნილებიც ჩაერთვებიან.

ღონისძიებას სამეგრელო-ზემო სვანეთის რეგიონის სახელმწიფო რწმუნებული მალხაზ თორია, საქართველოში იაპონიის საგანგებო და სრულუფლებიანი ელჩი იმამურა აკირა, ზუგდიდის მუნიციპალიტეტის მერი და საკრებულოს თავმჯდომარე ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ აფხაზეთის კონფლიქტის მშვიდობიანი მოგვარების გზების ძიებისადმი მიძღვნილ სამეცნიერო კონფერენციაში მიიღო მონაწილეობა.

სამეცნიერო ფორუმი სოხუმის სახელმწიფო უნივერსიტეტის რექტორმა, პროფესორმა ზურაბ ხონელიძემ გახსნა. მისასალმებელი სიტყვით გამოვიდნენ აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია.

სამეცნიერო კონფერენციაში მონაწილეობდნენ და მოხსენება გააკეთეს კონფლიქტის თემაზე მომუშავე ორგანიზაციების და სამეცნიერო წრეების წარმომადგენლებმა.

სამეცნიერო ფორუმი სოხუმის სახელმწიფო უნივერსიტეტში აფხაზთა და ქართველთა ერთობის საზოგადოება „ერთობა ხვალისთვის“ და სოხუმის სახელმწიფო უნივერსიტეტის ერთობლივი ორგანიზებით გაიმართა.

კონფერენციის მონაწილეებმა სოხუმის სახელმწიფო უნივერსიტეტის ეზოში აფხაზთა და ქართველთა შორის მშვიდობისა და ერთიანობის ნიშნად პალმის ხე დარგეს. 

პროგრამა ითვალისწინებს საცხოვრებლის ქირის თანხით დაფინანსებას.
აღნიშნული პროგრამით სარგებლობა შეუძლიათ:
სტიქიური უბედურების ან უბედური შემთხვევის შედეგად დაზარალებულ ოჯახებს (საქართველოს ხელისუფლების მიერ კონტროლირებად ტერიტორიაზე);მრავალშვილიან ოჯახებს;სოციალურად დაუცველ ოჯახებს, რომელთა ქულა სოციალურად დაუცველი ოჯახების მონაცემთა ბაზაში შეადგენს 65 000; მარტოხელა მშობლებს;
აფხაზეთის ოკუპირებულ ტერიტორიაზე ლეგიტიმურად მცხოვრებ პირს/ოჯახს.
პროგრამის ფარგლებში დახმარების მიმღებმა პირმა/ოჯახმა, ზემოთ ჩამოთვლილი კრიტერიუმების შესაბამისად, უნდა წარმოადგინოს შემდეგი დოკუმენტაცია:
განმცხადებლის პირადობის დამადასტურებელი მოწმობა (ასლი);
განმცხადებლის დევნილის მოწმობა (ასლი);
განმცხადებლის საბანკო ანგარიში;
ცნობა/წერილი დევნილთა, ეკომიგრანტთა და საარსებო წყაროებით უზრუნველყოფის სააგენტოდან, ქირის თანხის დაფინანსების არ მიღების თაობაზე.
დროებითი საცხოვრებლით უზრუნველყოფის პროგრამით ვერ ისარგებლებს:
დევნილი პირი/ოჯახი, რომელიც სახელმწიფოს მხრიდან უზრუნველყოფილია დევნილთა გრძელვადიანი საცხოვრებელი ფართით. აღნიშნული შეზღუდვა არ ვრცელდება სტიქიური უბედურების ან უბედური შემთხვევის შედეგად დაზარალებულ პირზე/ოჯახზე;
დევნილი პირი/ოჯახი, რომელიც იღებს ქირის თანხის დაფინანსებას დევნილთა, ეკომიგრანტთა და საარსებო წყაროებით უზრუნველყოფის სააგენტოდან;
განაცხადის მიღება შესაძლებელია სამინისტროში ან შესაბამის ტერიტორიულ ორგანოში:
ქ თბილისი, ვ.ფშაველას 16;
ქ. ქუთაისი- ი.აბაშიძის 27;
ზუგდიდის მუნიციპალიტეტი, სოფელი რუხი ( ინოვაციების ცეტრი).

პროგრამის ფარგლებში დახმარება გაიცემა შემდეგ კატეგორიებზე:✅სოციალურად დაუცველ (65 000 ქულა), აფხაზეთიდან დევნილ საქართველოს ტერიტორიული მთლიანობის, თავისუფლებისა და
დამოუკიდებლობისთვის მებრძოლ ვეტერანებზე;
აფხაზეთის ომში დაღუპულის ოჯახის წევრებზე;
აფხაზეთიდან დევნილ საქართველოს ტერიტორიული მთლიანობის, თავისუფლებისა და დამოუკიდებლობისათვის მებრძოლ ვეტერანებზე, რომლებიც არიან მკვეთრად გამოხატული შეზღუდული შესაძლებლობის მქონე პირები;
მარტოხელა, აფხაზეთიდან დევნილ საქართველოს ტერიტორიული მთლიანობის, თავისუფლებისა და დამოუკიდებლობისათვის მებრძოლ ვეტერანებზე;
დახმარების მიმღებმა პირმა, ზემოთ ჩამოთვლილი კრიტერიუმების შესაბამისად, უნდა წარმოადგინოს შემდეგი დოკუმენტაცია:
განმცხადებლის პირადობის დამადასტურებელი მოწმობა (ასლი);
განმცხადებლის დევნილის მოწმობა (ასლი);
განმცხადებლის საბანკო ანგარიში ;
აღნიშნული კატეგორიის დამადასტურებელი შესაბამისი დოკუმენტაცია.
დახმარების მიღების უფლების მქონე პირმა/ოჯახმა განცხადებით უნდა მიმართოს სამინისტროს ან/და სამინისტროს ტერიტორიულ ორგანოს:
ქ. თბილისი, ვ.ფშაველას 16;
ქ. ქუთაისი- ი.აბაშიძის 27;
ზუგდიდის მუნიციპალიტეტი, სოფელი რუხი ( ინოვაციების ცეტრი).

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია აფხაზეთიდან დევნილ, მეორე მსოფლიო ომის ერთადერთ ვეტერან ქალბატონს, 97 წლის აგრაფინა თავართქილაძეს სახლში ესტუმრა, ფაშიზმზე გამარჯვების დღე მიულოცა და დღესასწაულთან დაკავშირებით საჩუქრები გადასცა.

დავით ფაცაციამ 97 წლის ვეტერანს ფაშიზმის წინააღმდეგ შეუპოვარი ბრძოლისთვის, თავისუფლების სიყვარულისა და მთელ სამყაროში მშვიდობის დამყარებაში შეტანილი საკუთარი წვლილისთვის მადლობა გადაუხადა და უსურვა ჯანმრთელობა, კეთილდღეობა და დიდხანს სიცოცხლე ერთიან საქართველოში.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრთან დავით ფაცაციასთან და აფხაზეთის ავტონომიური რესპუბლიკის მთავრობის წევრებთან ერთად „ვეტერანთა კულტურისა და დასვენების პარკში“, მეორე მსოფლიო ომში დაღუპულთა ხსოვნას პატივი მიაგო.

„ფაშიზმის დამარცხებაში ქართველმა მებრძოლებმა განსაკუთრებული წვლილი შეიტანეს. სწორედ ჩვენმა ქვეყანამ გაიღო უდიდესი მსხვერპლი კაცობრიობის ისტორიაში ყველაზე გამანადგურებელ ომში და თითოეული ჩვენგანის ვალია პატივი მივაგოთ თითოეულ გმირს, დავაფასოთ მათი თავგანწირვა, რითაც იხსნეს მომავალი თაობები სასტიკი ბოროტებისგან. ქედს ვიხრი ყველა იმ ქართველის ხსოვნის წინაშე, ვინც თავი შესწირა ფაშიზმის წინააღმდეგ ბრძოლას, ხოლო ცოცხალ გმირებს - მეორე მსოფლიო ომის ვეტერანებს, დიდი პატივისცემით ვულოცავ გამარჯვების დღეს, ვუსურვებ ჯანმრთელობას, მხნეობას და დიდხანს სიცოცხლეს ერთიან საქართველოში“, - განაცხადა დავით ფაცაციამ.

9 მაისს საქართველოში ფაშიზმე გამარჯვების დღე აღინიშნება. 1945 წლის 8 მაისს გერმანიამ კაპიტულაცია გამოაცხადა და მეორე მსოფლიო ომი დასრულდა, 9 მაისი ფაშიზმზე გამარჯვების დღედ გამოცხადდა.

აფხაზეთის დევნილთა სამინისტროს აღმოსავლეთ ტერიტორიული ორგანოს თანამშრომლები, დევნილ ვეტერანებს ხუტა შარანგიას, კოტე ყარამანაშვილს, არტემი კოპალიანს, არტემი სოსელიასა და აგრაფინა თავართქილაძეს სახლში ესტუმრნენ და ფაშიზმზე გამარჯვების დღე მიულოცეს.
მეორე მსოფლიო ომის ვეტერანებს, აფხაზეთის ავტონომიური რესპუბლიკის მთავრობისა და აფხაზეთის დევნილთა სამინისტროს სახელით, სადღესასწაულო ნობათი გადასცეს.
სადღესასწაულო საჩუქარი აფხაზეთიდან დევნილმა, ყველა ვეტერანმა მიიღო.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ აფხაზეთის მთავრობის წევრებთან ერთად „ვეტერანთა კულტურისა და დასვენების პარკში“, მეორე მსოფლიო ომში დაღუპულთა ხსოვნას პატივი მიაგო.

„დღევანდელი დღე მინდა მივულოცო მეორე მსოფლიო ომის მონაწილეებს, ყველა ვეტერანს.

ფაშიზმზე გამარჯვების დღე უდიდესი დღეა კაცობრიობის ისტორიაში. ჩვენ მოწიწებით უნდა მოვიხაროთ ქედი ყველა იმ გმირის წინაშე, რომლებმაც უდიდესი წვლილი შეიტანეს ფაშიზმის დამარცხებაში.

სიმბოლურია, რომ დღეს ევროკავშირის დაარსების დღეც აღინიშნება. ფაშიზმის დამარცხებამ ევროპას საშუალება მისცა ფაშისტური იდეოლოგიის ნაცვლად ჰუმანური და დემოკრატიული ღირებულებებით ეცხოვრა და ეს ფასეულობები მსოფლიოს დიდ ნაწილში, მათ შორის საქართველოშიც, გაევრცელებინა.

კიდევ ერთხელ, განსაკუთებული პატივისცემით მინდა მივესალმო ჩვენს ვეტერანებს, მივულოცო ფაშიზმზე გამარჯვების დღე და მათ ჯანმრთელობა და დიდხანს სიცოცხლე ვუსურვო“, - განაცხადა რუსლან აბაშიძემ.

9 მაისს საქართველოში ფაშიზმე გამარჯვების დღე აღინიშნება. 1945 წლის 8 მაისს გერმანიამ კაპიტულაცია გამოაცხადა და მეორე მსოფლიო ომი დასრულდა, 9 მაისი ფაშიზმზე გამარჯვების დღედ გამოცხადდა.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე მეორე მსოფლიო ომის ვეტერან, 99 წლის შოთა გვილავას ესტუმრა, ფაშიზმზე გამარჯვების დღე მიულოცა,  გმირული თავდადებისთვის მადლობა გადაუხადა და საჩუქარი გადასცა. შოთა გვილავა 57 წლის განმავლობაში აფხაზეთის განათლების სისტემაში მუშაობდა.

ომის ვეტერანთან, ასევე, აფხაზეთიდან იძულებით გადაადგილებულ პირთა-დევნილთა მინისტრი ლევან თევზაია და სამინისტროს აღმოსავლეთ საქართველოს ტერიტორიული ორგანოს ხელმძღვანელი დავით ძალამიძე იმყოფებოდნენ.

აფხაზეთის დევნილთა მინისტრმა, ლევან თევზაიამ, აფხაზეთიდან დევნილ, მეორე მსოფლიო ომის ვეტერანს, ორესტი ბერულავას სახლში ესტუმრა და ფაშიზმზე გამარჯვების დღე პირადად მიულოცა.
ლევან თევზაიამ 95 წლის ორესტი ბერულავას ქვეყნის წინაშე განსაკუთრებული დამსახურებისთვის მადლობა გადაუხადა და სადღესასწაულო ნობათი გადასცა.
მინისტრმა ვეტერანს ჯანმრთელობა და დიდხანს სიცოცხლე უსურვა.
მინისტრთან ერთად, ვეტერანს 9 მაისი აფხაზეთის დევნილთა სამინისტროს იმერეთის, გურიის, რაჭა-ლეჩხუმის , ქვემო სვანეთის რეგიონებისა და აჭარის ა/რ-ის ტერიტორიული ორგანოს ხელმძღვანელმა, ნათია კოპალიანმა მიულოცა.
აფხაზეთის ავტონომიური რესპუბლიკის მთავრობისა და აფხაზეთის დევნილთა სამინისტროს ორგანიზებით, სადღესასწაულო ნობათი აფხაზეთიდან დევნილ, ყველა ვეტერანს გადაეცემა.