აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

აფხაზეთის მთავრობის წარმომადგენლები სამების საკათედრო ტაძარში აფხაზეთიდან გადმოსვენებულთა სამოქალაქო პანაშვიდს დაესწრნენ

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის მთავრობის წევრებთან ერთად, სამების საკათედრო ტაძარში აფხაზეთიდან გადმოსვენებულთა სამოქალაქო პანაშვიდს დაესწრო.

90-იან წლებში აფხაზეთში განვითარებული ტრაგიკული მოვლენების დროს დაღუპული 20 იდენტიფიცირებული პირის ნეშტის (14 სამხედრო და 6 მშვიდობიანი მოქალაქე) გადმოსვენება შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და წითელი ჯვრის საერთაშორისო კომიტეტის ერთობლივი ძალისხმევით, ორმხრივი, ქართულ-აფხაზური საკოორდინაციო მექანიზმის ფარგლებში გახდა შესაძლებელი.

შეიარაღებული მოქმედებების დროს დაღუპულთა სამოქალაქო პანაშვიდი სამების საკათედრო ტაძარში ორი დღის განმავლობაში გაიმართება.

იდენტიფიცირებულთაგან 5 მებრძოლის ნეშტს დიღმის ძმათა სასაფლაოზე სამხედრო პატივით დაკრძალავენ.

სენაკში, ფოთში, ზუგდიდში, ჯვარსა და ფოცხოეწერში დევნილ მოსახლეობასთან შეხვედრები გაიმართა

სამეგრელო-ზემო სვანეთის რეგიონში ვიზიტის ფარგლებში, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია სენაკში, ფოთში, ზუგდიდში, ჯვარსა და ფოცხოეწერში იმყოფებოდნენ.

აფხაზეთის მთავრობის წარმომადგენლებმა დევნილთა განსახლების ადგილები მოინახულეს და განხორციელებულ ინფრასტრუქტურულ პროექტებს გაეცნენ. აფხაზეთის მთავრობის წევრები, ასევე აფხაზეთიდან დევნილ მოსახლეობას შეხვდნენ და განსახლების ადგილებში არსებული საჭიროებების შესახებ ინფორმაცია მოისმინეს.

ღონისძიებებში აფხაზეთიდან იძულებით გადაადგილებულ პირთა სამინისტროს წარმომადგენლები მონაწილეობდნენ.

ვიზიტის ფარგლებში შეხვედრები გაიმართა დევნილთა განსახლების ობიექტებში შექმნილ ბინათმესაკუთრეთა ამხანაგობების თავმჯდომარეებთან და წარმომადგენლებთან, რომელთაც მცირე სარემონტო სამუშაოებისთვის საჭირო ინსტრუმენტები და ხელსაწყოები გადაეცათ.

აფხაზეთიდან დევნილთა განსახლების ადგილებში სარემონტო-სარეაბილიტაციო სამუშაოებს აფხაზეთის მთავრობის მხარდაჭერით აფხაზეთის ავტონომიური რესპუბლიკის იძულებით გადაადგილებულ პირთა სამინისტრო ინფრასტრუქტურული პროგრამების ფარგლებში ახორციელებს.

 

ნანა გაბელიამ აფხაზეთის უმაღლესი საბჭოს სხდომაზე აფხაზეთის განათლებისა და კულტურის სამინისტროს საქმიანობის ანგარიში წარადგინა

აფხაზეთის ავტონომიური რესპუბლიკის უმაღლესი საბჭოს სხდომაზე, აფხაზეთის ავტონომიური რესპუბლიკის განათლებისა და კულტურის მინისტრის ნანა გაბელიას მოსმენა გაიმართა.

მინისტრის საათის ფორმატში, ნანა გაბელიამ აფხაზეთის ავტონომიური რესპუბლიკის უმაღლესი საბჭოს რეგლამენტის შესაბამისად, სამინისტროს საქმიანობის 9 თვის ანგარიში წარადგინა და დასმულ შეკითხვებს უპასუხა.

აფხაზეთის განათლებისა და კულტურის მინისტრმა დაწვრილებით ისაუბრა სამინისტროს მიერ განხორციელებულ იმ პროგრამებსა და პროექტებზე, რომლებიც მიმართულია აფხაზეთიდან დევნილი და აფხაზეთის ოკუპირებულ ტერიტორიაზე ლეგიტიმურად მცხოვრები პირების მხარდასაჭერად და ხელს უწყობს ოკუპირებულ ტერიტორიებთან მიმართებაში სახელმწიფო პოლიტიკის განხორციელებას.

ნანა გაბელიამ, ასევე, მიმოიხილა აფხაზეთის შემოქმედებითი ანსამბლებისა და თეატრების მიერ დადგმული სპექტაკლები, სასცენო კონცერტები და წარმოდგენები, წარმატებით ჩატარებული გასტროლები და საერთაშორისო მიღწევები.

სხდომას, აფხაზეთის უმაღლესი საბჭოს დეპუტატები, აფხაზეთის განათლებისა და კულტურის მინისტრის მოადგილეები, და სამინისტროს თანამშრომლები ესწრებოდნენ.

თბილისის №150 ბაგა-ბაღის შენობაზე გიორგი შარვაშიძის მემორიალური დაფა გაიხსნა

აფხაზეთის ავტონომიური რესპუბლიკის მთავრობის მხარდაჭერით, თბილისის №150 საჯარო ბაგა-ბაღის შენობაზე საზოგადო მოღვაწისა და ტფილისის გუბერნატორის, გენერალ გიორგი შარვაშიძის მემორიალური დაფა გაიხსნა. ღონისძიებას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და აფხაზეთის განათლებისა და კულტურის მინისტრი ნანა გაბელია დაესწრნენ.

მთავრობის თავმჯდომარემ ბაგა-ბაღის ისტორიული შენობა დათვალიერება, რომელშიც გიორგი შარვაშიძე ცხოვრობდა და მოღვაწეობდა. ასევე, რუსლან აბაშიძემ დამსწრე საზოგადოებას სიტყვით მიმართა და გიორგი შარვაშიძის დამსახურების შესახებ ისაუბრა.

ღონისძიებაზე სიტყვით გამოვიდა 150-ე ბაგა-ბაღის დირექტორი მზია მეტრეველი, ასევე ქართული ჰერალდიკის სახლის ხელმძღვანელი ასმათ შარვაშიძე, რომელმაც გიორგი შარვაშიძის ცხოვრებისა და მოღვაწეობის საზოგადოებისთვის დღემდე უცნობ ფაქტებზე ისაუბრა.

ღონისძიების ბოლოს, აფხაზეთის სიმღერის სახელმწიფო ანსამბლმა „შავნაბადამ“ სიმღერა შეასრულა.

ღონისძიებას თბილისის მერიისა და საკრებულოს, აფხაზეთის მთავრობის წარმომადგენლები ესწრებოდნენ.

თბილისის №150 ბაგა-ბაღის შენობაზე გიორგი შარვაშიძის მემორიალური დაფა გაიხსნა

აფხაზეთის ავტონომიური რესპუბლიკის მთავრობის მხარდაჭერით, თბილისის №150 ბაგა-ბაღის შენობაზე საზოგადო მოღვაწისა და ტფილისის გუბერნატორის, გენერალ გიორგი შარვაშიძის მემორიალური დაფა გაიხსნა. ღონისძიებას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და აფხაზეთის განათლებისა და კულტურის მინისტრი ნანა გაბელია დაესწრნენ.

მთავრობის თავმჯდომარემ და მინისტრმა ბაგა-ბაღის ისტორიული შენობა დაათვალიერეს, რომელშიც გიორგი შარვაშიძე ცხოვრობდა და მოღვაწეობდა. რუსლან აბაშიძემ დამსწრე საზოგადოებას მისასალმებელი სიტყვით მიმართა და გიორგი შარვაშიძის დამსახურების შესახებ ისაუბრა. 

სიტყვით გამოვიდნენ 150-ე ბაგა-ბაღის დირექტორი მზია მეტრეველი, ასევე, ქართული ჰერალდიკის სახლის ხელმძღვანელი ასმათ შარვაშიძე, რომელმაც გიორგი შარვაშიძის ცხოვრებისა და მოღვაწეობის საზოგადოებისთვის დღემდე უცნობ ფაქტებზე ისაუბრა.

ღონისძიების ბოლოს, აფხაზეთის სიმღერის სახელმწიფო ანსამბლმა „შავნაბადა“ აფხაზური სიმღერა შეასრულა.

ღონისძიებას თბილისის მერიისა და საკრებულოს, აფხაზეთის მთავრობის წარმომადგენლები ესწრებოდნენ.

სამეგრელო-ზემო სვანეთის რეგიონში აფხაზეთიდან დევნილ მოსახლეობასთან შეხვედრები გაიმართა

სამეგრელო-ზემო სვანეთის რეგიონში ვიზიტის ფარგლებში, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე სენაკში, ფოთში, ზუგდიდში, ჯვარსა და ფოცხოეწერში იმყოფებოდა. მთავრობის თავმჯდომარემ იძულებით გადაადგილებული პირთა კომპაქტური ჩასახლების ადგილები მოინახულა და აფხაზეთის მთავრობის მხარდაჭერით განხორციელებულ ინფრასტრუქტურულ პროექტებს გაეცნო. რუსლან აბაშიძე ასევე აფხაზეთიდან დევნილ მოსახლეობას შეხვდა და განსახლების ადგილებში არსებული საჭიროებების შესახებ ინფორმაცია მოისმინა.

ღონისძიებებში აფხაზეთიდან იძულებით გადაადგილებულ პირთა მინისტრი დავით ფაცაცია და სამინისტროს წარმომადგენლები მონაწილეობდნენ.

ვიზიტის ფარგლებში შეხვედრები გაიმართა დევნილთა განსახლების ობიექტებში შექმნილ ბინათმესაკუთრეთა ამხანაგობების თავმჯდომარეებთან და წარმომადგენლებთან, რომელთაც მცირე სარემონტო სამუშაოებისთვის საჭირო ინსტრუმენტები და ხელსაწყოები გადაეცათ.

აფხაზეთიდან დევნილთა კომპაქტური ჩასახლების ადგილებში სარემონტო-სარეაბილიტაციო სამუშაოებს აფხაზეთის მთავრობის მხარდაჭერით აფხაზეთის ავტონომიური რესპუბლიკის იძულებით გადაადგილებულ პირთა სამინისტრო ინფრასტრუქტურული პროგრამების ფარგლებში ახორციელებს.

აფხაზეთის სიმღერისა და ცეკვის სახელმწიფო ანსამბლმა „აფხაზეთი“ განახლებული საკონცერტო პროგრამა წარადგინა

რუსთაველის თეატრში აფხაზეთის სიმღერისა და ცეკვის სახელმწიფო აკადემიური ანსამბლის კონცერტი გაიმართა. ანსამბლი „აფხაზეთი“ მაყურებლის წინაშე კონცეპტუალურ-ფოლკლორული პროგრამა „ქორეონიკონის“ განახლებული საკონცერტო ნომრებით წარდგა.

ღონისძიებას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, საქართველოს პარლამენტის თავმჯდომარე შალვა პაპუაშვილი, პარლამენტის თავმჯდომარის პირველი მოადგილე და ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი, საქართველოს კულტურის, სპორტისა და ახალგაზრდობის მინისტრის მოადგილე კობა ხუბუნაია, აფხაზეთის მთავრობის წევრები და მოწვეული სტუმრები ესწრებოდნენ.

აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთის“ კონცერტები ორი დღის განმავლობაში მიმდინარეობდა და დღეს დასრულდება.

აფხაზეთის სიმღერისა და ცეკვის სახელმწიფო აკადემიურმა ანსამბლმა „აფხაზეთი“ განახლებული საკონცერტო პროგრამა წარადგინა

რუსთაველის ეროვნულ თეატრში აფხაზეთის სიმღერისა და ცეკვის სახელმწიფო აკადემიური ანსამბლის კონცერტი გაიმართა.

მაყურებლის წინაშე ანსამბლი "აფხაზეთი" საპრემიერო ნომრებით წარსდგა და სტუმრებს ცნობილი კონცეპტუალურ-ფოლკლორული პროგრამა "ქორეონიკონი"განახლებული სახით შესთავაზა.

კონცერტს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, საქართველოს პარლამენტის თავმჯდომარე შალვა პაპუაშვილი, პარლამენტის თავმჯდომარის პირველი მოადგილე და ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი, აფხაზეთის განათლებისა და კულტურის მინისტრი ნანა გაბელია, აფხაზეთის მთავრობის წევრები, სახელმწიფო უწყებების, დიპლომატიური კორპუსის წარმომადგენლები და მოწვეული სტუმრები ესწრებოდნენ.

 

აფხაზეთის მე-6 საჯარო სკოლაში ახალი სპორტული მოედანი გაიხსნა

აფხაზეთის ავტონომიური რესპუბლიკის მთავრობის მხარდაჭერით, ქუთაისში, ჟიული შარტავას სახელობის აფხაზეთის №6 საჯარო სკოლაში სპორტული მოედანი გაიხსნა.

ღონისძიებაზე აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და აფხაზეთის იძულებით გადაადგილებულ პირთა მინისტრი დავით ფაცაცია იმყოფებოდნენ, რომლებმაც ახალი სპორტული მოედანი გახსნეს. რუსლან აბაშიძემ ასევე სკოლის ინფრასტრუქტურა დაათვალიერა, პირადად გაეცნო არსებულ მდგომარეობას და დირექტორისგან სკოლის ფუნქციონირებისთვის აუცილებელი საჭიროებების შესახებ ინფორმაცია მიიღო.

აფხაზეთის №6 საჯარო სკოლაში თანამედროვე სტანდარტების შესაბამისი გარე სპორტული მოედანი აფხაზეთიდან იძულებით გადაადგილებულ პირთა - დევნილთა მომსახურების სააგენტომ, სლოვაკეთის საელჩოსთან თანამშრომლობით, საელჩოსგან მოპოვებული გრანტის ფარგლებში მოაწყო.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ ავჭალაში გამართულ საქველმოქმედო აქციაში მიიღო მონაწილეობა

აქციის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და რელიგიის საკითხთა სახელმწიფო სააგენტოს წარმომადგენლები გლდანის რაიონში, ავჭალაში მდებარე დევნილთა განსახლების ადგილას მცხოვრებ, სოციალურად დაუცველ აფხაზეთიდან დევნილ მოქალაქეებს შეხვდნენ და საერთაშორისო ორგანიზაცია „ფრიდენსბოტეს“ მიერ გადმოცემული ჰუმანიტარული დახმარება - ქალის, მამაკაცისა და ბავშვის ტანსაცმელები გადასცეს.

აქცია აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და რელიგიის საკითხთა სახელმწიფო სააგენტოს ერთობლივი ორგანიზებით გაიმართა.

დევნილი მოსახლეობის სოციალური მხარდაჭერის მიზნით მსგავსი ღონისძიებები მომავალშიც აქტიურად განხორციელდება.

 

რუსლან აბაშიძე ნორვეგიის სამეფოს საგანგებო და სრულუფლებიან ელჩს შეხვდა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე საქართველოში ნორვეგიის სამეფოს საგანგებო და სრულუფლებიან ელჩ ბერგლიოტ ჰოვლანდს შეხვდა. შეხვედრა გაცნობით ხასიათს ატარებდა.

რუსლან აბაშიძემ ნორვეგიელ დიპლომატს ელჩად დანიშვნა მიულოცა და წარმატებული საქმიანობა უსურვა.

მთავრობის თავმჯდომარემ ნორვეგიის ელჩს აფხაზეთის ავტონომიური რესპუბლიკის მთავრობის საქმიანობის შესახებ ინფორმაცია მიაწოდა და ოკუპირებული აფხაზეთის ტერიტორიაზე არსებული ვითარება გააცნო.

ბერგლიოტ ჰოვლანდმა კიდევ ერთხელ დაადასტურა ნორვეგიის სამეფოს მთავრობის მტკიცე მხარდაჭერა საქართველოს სუვერენიტეტის და ტერიტორიული მთლიანობის პოლიტიკის მიმართ.

შეხვედრაზე მხარეებმა სხვადასხვა მიმართულებით სამომავლო თანამშრომლობის პერსპექტივები განიხილეს.

რუსლან აბაშიძე: დღეს ისტორიული დღეა საქართველოსთვის, რადგან უმნიშვნელოვანესი ნაბიჯი გადაიდგა ევროპული ინტეგრაციის გზაზე

დღეს ისტორიული დღეა საქართველოსთვის, რადგან უმნიშვნელოვანესი ნაბიჯი გადაიდგა ევროპული ინტეგრაციის გზაზე. ეს არის შესაძლებლობათა ფანჯარა ოკუპირებულ ტერიტორიებზე მცხოვრები ჩვენი თანამოქალაქეებისთვის. ევროკავშირში ინტეგრაცია არის სამშვიდობო პოლიტიკის განუყოფელი ნაწილი.

ევროკავშირის ყველა ინსტიტუტი უზრუნველყოფს ისეთ ევროპულ ფასეულობათა დაცვას და მოფრთხილებას როგორიცაა ადამიანის ფუნდამენტური უფლებებისა და თავისუფლების დაცვა, ეთნიკური მრავალფეროვნების პატივისცემა, კულტურულ-ენობრივი იდენტობისა და ტრადიციების შენარჩუნება. სწორედ ამიტომ დღევანდელი რეკომენდაცია განსაკუთრებული მნიშვნელობისაა.

კიდევ ერთხელ გილოცავთ დღევანდელ გადაწყვეტილებას.

დავით ფაცაცია ბათუმში გაიმართულ აფხაზეთიდან დევნილ მხატვართა საქველმოქმედო ღონისძიებას დაესწრო

აფხაზეთიდან იძულებით გადაადგილებულ პირთა-დევნილთა მომსახურების სააგენტოს, აჭარის ავტონომიური რესპუბლიკის განათლების, კულტურისა და სპორტის სამინისტროს, ბათუმის მერიისა და „შავი ზღვის ქვეყნების მხატვართა საერთაშორისო გაერთიანება პლენერი-20-ის“ ერთობლივი ორგანიზებით, მიმდინარე წლის პირველი ნოემბრიდან 5 ნოემბრის ჩათვლით, ქალაქ ბათუმში გაიმართა აფხაზეთიდან დევნილ მხატვართა საქველმოქმედო ღონისძიება.

პროექტში მონაწილეობდნენ ადგილობრივი და საერთაშორისო მასშტაბით მოღვაწე, მათ შორის, აფხაზეთიდან იძულებით გადაადგილებული მხატვრები.

პროექტის ფარგლებში, მოეწყო პლენერები და შესრულდება ფერწერული ნამუშევრები, რომელთა გამოფენა-გაყიდვა გაიმართა მიმდინარე წლის 5 ნოემბერს, ქ. ბათუმის ხარიტონ ახვლედიანის სახელობის მუზეუმში. აღნიშნულ დასკვნით ღონისძიებაზე სტუმრებს შესაძლებლობა ჰქონდათ დაეთვალიერებინათ და შეეძინათ მხატვართა ნამუშევრები.

დასკვნით ღონისძიებაზე სიტყვით გამოვიდნენ აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აჭარის ავტონომიური რესპუბლიკის განათლების, კულტურისა და სპორტის მინისტრი მაია ხაჯიშვილი, მინისტრის მოადგილე აკაკი ძნელაძე, ბათუმის ვიცე მერი ლევან დავითაძე, „შავი ზღვის ქვეყნების მხატვართა საერთაშორისო გაერთიანება პლენერი-20-ის“ დირექტორი ზურაბ ჭედია.

“ღონისძიების მიზანი შოვის ტრაგედიით დაზარალებული პირების მიმართ სოლიდარობის გამოხატვა იძულებით გადაადგილებული მხატვრების მხარდაჭერა და გაძლიერებაა. ყველაზე მნიშვნელოვანია, მხატვრების განწყობა, მათ ჩვენს პირველივე თხოვნაზე გამოხატეს მზადყოფნა, აჭარის სილამაზით გადმოეცათ აფხაზეთის სილამაზე. განსაკუთრებულ მადლობას ვუხდი მათ ჩართულობისა და მხარდაჭერისთვის, რომელთა დახმარებითაც უპრეცედენტოდ სწრაფად, ლამაზად და კარგად მოვახერხეთ პროექტის განხორციელება.

აქვე მინდა აღვნიშნო, მუჰაჯირების შთამომავლების მიმართ ჩვენი დამოკიდებულება ნათლად ჩანს აჭარის მოსახლეობაში, აჭარის ავტონომიური რესპუბლიკის ხელისუფლებასა და საქართველოს მთავრობაში. საოცრად სასიამოვნო და საამაყოა, რომ აფხაზურ ენაზე თავისუფლად მეტყველებენ აჭარაში, ფერიაში მცხოვრები აფხაზები. სწორედ ისინი არიან ნათელი მაგალითი იმისა, თუ როგორ ვიცავთ და ვაძლიერებთ აფხაზეთის ისტორიას, ფასეულობებს, ტრადიციებს და რაც ყველაზე მნიშვნელოვანია ენას.

მადლობას ვუხდი ყველა ორგანიზატორს ვისთან ერთად განვახორციელეთ ღონისძიება. ჩვენთვის უაღრესად დასაფასებელი, ძვირფასი და სამაგალითოა ეს ურთიერთგაგება, საქართველოს ტკივილის გაზიარების, ჩვენი სამშობლოს ერთიანობის, ჩვენი ერთობის მიმავალ გზაზე. მახარებს ეს განწყობა და მინდა, რომ ეს ყველაფერი არა მარტო ღონისძიებაზე, არამედ ქუჩებშიც იგრძნობოდეს. აჭარის მაგალითზე დარწმუნებული ვარ, რომ ძალიან მალე ერთიან საქართველოში, სოხუმში მოვაწყობთ მსგავსი ტიპის ღონისძიებებს.” - დავით ფაცაცია

თბილისის საკრებულოში აფხაზეთიდან დევნილი მეწარმე ქალების ხელნაკეთი ნივთების გამოფენა-გაყიდვა გაიმართა

თბილისის საკრებულოში აფხაზეთის ავტონომიური რესპუბლიკის სავაჭრო სამრეწველო პალატის ინიციატივითა და გენდერული თანასწორობის საბჭოს მხარდაჭერით, აფხაზეთიდან დევნილი მეწარმე ქალების ხელნაკეთი ნივთებისა და პროდუქციის გამოფენა-გაყიდვა გაიმართა.

ღონისძიების მიზანს მეწარმე ქალთა ეკონომიკური გაძლიერება და მათ მიერ წარმოებული პროდუქციის საზოგადოებაში პოპულარიზაცია წარმოადგენდა.

სტუმრებს აფხაზეთის ავტონომიური რესპუბლიკის მთავრობის თავმჯდომარემ მიმართა და თბილისის საკრებულოს გაწეული მხარდაჭერისა და თანამშრომლობისთვის მადლობა გადაუხადა. რუსლან აბაშიძემ სიტყვით გამოსვლისას დევნილი მეწარმეების ხელშეწყობაზე და მათი ეკონომიკური დამოუკიდებლობის მნიშვნელობაზე ისაუბრა. ასევე ყურადღება გაამახვილა იმ პროექტებზე და პროგრამებზე, რომელსაც აფხაზეთის მთავრობა დევნილი მეწარმეების გაძლიერებისა და ხელშეწყობის მიზნით ახორციელებს.

ღონისძიებაზე სიტყვით გამოვიდნენ თბილისის საკრებულოს თავმჯდომარე გიორგი ტყემალაძე, გენდერული თანასწორობის საბჭოს თავმჯდომარე თინათინ ნიბლოშვილი და აფხაზეთის უმაღლესი საბჭოს თავმჯდომარე ჯემალ გამახარია.

გამოფენას თბილისის საკრებულოს წევრები, აფხაზეთის ავტონომიური რესპუბლიკის მთავრობის წარმომადგენლები და მოწვეული სტუმრები ესწრებოდნენ.

რუსლან აბაშიძე ჩეხეთის რესპუბლიკის საგანგებო და სრულუფლებიან ელჩს შეხვდა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე საქართველოში ჩეხეთის საგანგებო და სრულუფლებიან ელჩ პეტრ კუბერნატს შეხვდა. შეხვედრა გაცნობით ხასიათს ატარებდა.

რუსლან აბაშიძემ ჩეხ დიპლომატს ელჩად დანიშვნა მიულოცა და საქართველოში წარმატებული და ნაყოფიერი მოღვაწეობა უსურვა.

მთავრობის თავმჯდომარემ ჩეხეთის ელჩს აფხაზეთის ავტონომიური რესპუბლიკის მთავრობის საქმიანობის შესახებ ინფორმაცია მიაწოდა. გააცნო ოკუპირებული აფხაზეთის ტერიტორიაზე არსებული ვითარება და ადამიანის ფუნდამენტური უფლებების დარღვევის ფაქტებზე ისაუბრა. რუსლან აბაშიძემ ასევე, ელჩს მადლობა გადაუხადა ჩეხეთის მიერ საქართველოს ევროპულ და ევროატლანტიკურ სტრუქტურებში ინტეგრაციის მხარდაჭერისთვის.

პეტრ კუბერნატმა კიდევ ერთხელ დაადასტურა ჩეხეთის რესპუბლიკის მთავრობის მტკიცე მხარდაჭერა საქართველოს სუვერენიტეტის და ტერიტორიული მთლიანობის პოლიტიკის მიმართ.

რუსლან აბაშიძემ, თავის მხრივ, აფხაზეთიდან დევნილი მოსახლეობის მხარდასაჭერად წლების განმავლობაში განხორციელებული პროექტებისთვის ელჩს მადლობა გადაუხადა. შეხვედრაზე მხარეებმა სხვადასხვა მიმართულებით სამომავლო თანამშრომლობის პერსპექტივები განიხილეს.

შეხვედრას ჩეხეთის რესპუბლიკის ელჩის მოადგილე იანა გაშპარიკოვა და აფხაზეთის ავტონომიური რესპუბლიკის მთავრობის აპარატის სტრატეგიული კომუნიკაციებისა და საერთაშორისო ურთიერთობების დეპარტამენტის უფროსი დავით გახარია ესწრებოდნენ.