სიახლეები

ქ. სოხუმის დ. არაყიშვილის სახელობის სამუსიკო სასწავლებელმა საქართველოს კომპოზიტორთა შემოქმედებითი კავშირის სახლში საანგარიშო კონცერტი გამართა. კონცერტში მონაწილეობდნენ სასწავლებლის მოსწავლეები და პედაგოგები, რომელთაც თანხლებას უწევდა თბილისის სიმფონიური ორკესტრი რევაზ ჯავახიშვილის დირიჟორობით. კონცერტზე შესრულდა გ. ჰენდელის, ი. ბახის, ვ. მოცარტის, ჯ. ვერდის, ჯ. პუჩინის, რ. ლაღიძის, ვ. აზარაშვილის და სხვ. ნაწარმოებები.

აფხაზეთის ავტონომიური რესპუბლიკის მთავრობის ინიციატივით, აფხაზეთის საკითხის პოპულარიზაციისა და გააქტიურების მიზნით, 2016 წელს დიმიტრი (არზაყან) ემუხვარისა და ჟიული შარტავას სახელობის სტიპენდიები დაწესდა.

სტიპენდიის დაწესება ემსახურება მაგისტრატურისა და ბაკალავრიატის სტუდენტების მოტივაციის ამაღლებას და აფხაზეთის მთავრობის მხრიდან წარმოადგენს ახალგაზრდების მხარდაჭერისა და აფხაზეთის თემატიკის პოპულარიზაციის მიმართულებით გადადგმულ ქმედით ნაბიჯს.

დიმიტრი (არზაყან) ემუხვარის სტიპენდია გამიზნულია პოლიტიკის მეცნიერების დარგში განსაკუთრებული მიღწევებითა და წარმატებებით წარმოჩენილი  აფხაზეთის თემატიკაზე მომუშავე იმ ბაკალავრიატისა და მაგისტრატურის აკრედიტირებული უმაღლესი საგანმანათლებლო პროგრამის  სტუდენტებისათვის, რომლებსაც აქვთ 80% და მეტი აკადემიური მოსწრება, გამოქვეყნებული აქვთ სამეცნიერო ნაშრომები, მონაწილეობდნენ სამეცნიერო კონფერენციებში და არიან საზოგადოებრივად აქტიურები.

ჟიული შარტავას სახელობის სტიპენდია გამიზნულია (გარდა პოლიტიკის მეცნიერების დარგში) განსაკუთრებული მიღწევებითა და წარმატებებით წარმოჩენილი აფხაზეთის თემატიკაზე მომუშავე იმ ბაკალავრიატისა და მაგისტრატურის აკრედიტირებული უმაღლესი საგანმანათლებლო პროგრამის სტუდენტებისათვის, რომლებსაც აქვთ 80% და მეტი აკადემიური მოსწრება, გამოქვეყნებული აქვთ სამეცნიერო ნაშრომები, მონაწილეობდნენ სამეცნიერო კონფერენციებში და არიან საზოგადოებრივად აქტიურები.

დიმიტრი (არზაყან) ემუხვარის სტიპენდია წესდება მაგისტრატურის სტუდენტისათვის თვეში 200 ლარის ოდენობით არაუმეტეს 1 სტუდენტისა, ხოლო ბაკალავრიატის სტუდენტისათვის თვეში 200 ლარის ოდენობით არაუმეტეს 1 სტუდენტისა.

ჟიული შარტავას სახელობის სტიპენდია წესდება მაგისტრატურის სტუდენტისათვის თვეში 200 ლარის ოდენობით არაუმეტეს 1 სტუდენტისა, ხოლო ბაკალავრიატის სტუდენტისათვის თვეში 200 ლარის ოდენობით არაუმეტეს 1 სტუდენტისა.

კანდიდატთა განაცხადების წარდგენის ვადაა 2019 წლის 01 ივლისიდან 31 ივლისის ჩათვლით. 

დაინტერესებულ პირებს შეუძლიათ დარეკონ ტელეფონის ნომერზე:
595 34-33-20, ნინო ლობჟანიძე, აფხაზეთის ა/რ განათლებისა და კულტურის სამინისტრო.

დაწვრილებითი ინფორმაციისთვის იხ. ბმული:

დიმიტრი (არზაყან) ემუხვარისა და ჟიული შარტავას სახელობის სტიპენდიები

აფხაზეთის ავტონომიური რესპუბლიკის მთავრობის წარმომაგენლობს ხელმძღვანელმა სამეგრელო -ზემო სვანეთის რეგიონში რეზო ქობალიამ ნორჩ ჩემპიონებს სიმბოლურად ენგურის ხიდზე უმასპინძლა და გამარჯვება მიულოცა. გამარჯვებულები კი აფხაზეთის მე -15 საჯარო სკოლის აღსაზრელები იყვნენ, რომლებმაც ბათუმში ” რაგბი არენაზე” საქართველოს სასკოლო ჩემპიონატის ” კოკა -კოკას თასის” საიუბილეო , 25 -ე გათამაშების ფინალურ მატჩში დაამარცხეს თბილისის 39- ე საჯარო სკოლის გუნდი. მატჩის საზეიმო ცერემონიალზე ჩემპიონი გუნდის მოთამაშეებს გადაეცათ თასები, მედლები და ინდივიდუალური ჯილდოები სხვადასხვა ნომინაციებში. : - ეს იყო პირველი შემთხვევა , როდესაც კოკა -კოლას პრიზი მოიპოვა დევნილმა გუნდმა. მინდა მივულოცო გამარჯვება ნორჩ ფეხბურთელებს და მადლობა გადავუხადო სკოლის მესვეურებს, მშობლებს , მწვრთვნელებს და გულშემატკივრებს გაწეული მუშაობისთვის და განწყობისთვის. იმედია ბევრი მათგანი მომავალში გაიკეთებს წარმატებულ საფეხბურთო კარიერას და ქვეყნის გარეთ გაიტანს ქვეყნის სახელს - განაცხადა მათთან შეხვედრაზე წარმომადგენლობის ხელმძღვანელმა რეზო ქობალიამ.

25 ივნისს, ბათუმის „რაგბი არენაზე“ „კოკა-კოლას თასი 2019“-ის ბიჭების გათამაშების დასკვნითი მატჩები გაიმართა. „კოკა-კოლას ეს პროექტი წლეულს საიუბილეო იყო, ის 25 წლის გახდა.

2019 წლის გათამაშების ფინალურ შეხვედრაში ერთმანეთს აფხაზეთის მე-15 და თბილისი 39-ე საჯარო სკოლები დაუპირისპირდნენ. უძლიერესი გუნდის ტიტულის მოპოვების შანსი ორივე გუნდს ჰქონდა, მაგრამ აფხაზეთის მე-15 საჯარო სკოლის გუნდმა შანსები უკეთ გამოიყენა და 2:0 დაამარცხა მეტოქე.

„კოკა-კოლას თასის“ წლევანდელ გათამაშებაში, მთელი ქვეყნის მასშტაბით, 1089 სკოლის 13 ათასზე მეტი მოსწავლე მონაწილეობდა. საბოლოოდ, ფინალურ ეტაპზე თამაშის უფლება ვაჟთა შორის 16-მა საუკეთესო გუნდმა მოიპოვა, გოგონათა შორის კი, გამარჯვებული 12 გუნდს შორის გამოვლინდა.

მატჩების დასრულების შემდეგ გამართულ საზეიმო ცერემონიაზე გუნდებსა და მოთამაშეებს კუთვნილი თასები, მედლები და ინდივიდუალური ჯილდოები საქართველოს ფეხბურთის ფედერაციის გენერალურმა მდივანმა დავით მუჯირმა და ვიცე-პრეზიდენტმა ალექსანდრე იაშვილმა გადასცეს.

საქართველოს ფეხბურთის ფედერაციის გენერალურმა მდივანმა დავით მუჯირმა მადლობა გადაუხადა „კოკა-კოლას“ ბავშვთა ფეხბურთის განვითარებაზე ზრუნვისათვის. მან წლევანდელი სეზონის გამარჯვებულს, აფხაზეთის მე-15 საჯარო სკოლის გუნდს გამარჯვება მიულოცა და გუნდის თითოეულ მოთამაშეს წარმატებული საფეხბურთო კარიერა უსურვა.

      2019 წლის 26 ივნისს ზუგდიდში წამების მსხვერპლთა მხარდაჭერის საერთაშორისო დღე აღნიშნეს. წამების მსხვერპლთა მხარდაჭერის საერთაშორისო დღესთან დაკავშირებით ზუგდიდში ასოციაცია ” ქსენონის ” ინიციატივით შეხვედრა გაიმართა. მონაწილეთა თქმით, მიუხედავად იმისა, რომ სახელმწიფო დგამს ამ მიმართულებით ცალკეულ ნაბიჯებს, გაცილებით მეტია სამუშაო ერთის მხრივ წამების პრევენციის, მეორეს მხრივ კი მსხვერპლთა რეაბილიტაციისთვის. განსაკუთრებული ყურადღება დაეთმო საომარი მოქმედებებისას უგზო-უკვლოდ დაკარგულთა ოჯახის წევრების ფსიქო-სოციალურ დახმარებას. შეხვედრაზე აღინიშნა, რომ აუცილებელია სტატუსი განესაზღვროთ უგზო-უკვლოდ დაკარგულ პირებსაც, როგორც ეს ხდება სამხედროების შემთხვევაში. ასევე, შემუშავდეს სოციალური დაცვის შესაბამისი პაკეტი ამ ადამიანებისთვის.შეხვედრას ესწრებოდა აფხაზეთის №ტავრობის წარმომაგენლობა სამეგრელო ზემო -სვანეთის რეგიონში ხელმძღვანელი რეზო ქობალია :-აუდიტორიისთვის მოულოდნელი აღმოჩნა ინფორმაცია იმაზე , რომ მე წლებია ვარ ზემოთაღნიშნული კომისიის წევრი და ჩართული ვარ ამ პროცესებში. შესაბამისად ვფლობ გარკვეულ ინფორმაციას ამ საკითხებთან დაკავშირებით. მინდა ავღნიშნო , რომ დაზარალებული ოჯახებისთვის ემოციურად უმნიშვნელოვანესია თუნდაც მინიმალური ინფორმაციაც მაგრამ , როდესაც ხდება ნეშთის იდენთიფიცირება და გადმოსვენება ძალიან ბევრჯერ დამიფიქსირებია ტკივილიანი და ცრემლიანი სიხარული. მიმაჩნია , რომ მუშაობა ამ მიმართულებით უნდა გაგრძელდეს და ყველა ოჯახს მიეცეს მიცვალებულის დატირების და გაპატიოსნების უფლება - განაცხადა რეზო ქობალიამ

აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა სამეგრელო ზემო-სვანეთის რეგიონში რეზო ქობალიამ სამუსაო თათბირი გამართა.  განხილულ საკითხებს შორის იყო წარმომაგენლობის თანამშრომლებისგან შემდარი მობილური ჯგუფების მუშაობის საკითხი. ჯგუფის წევრებმა წარადგინეს ინფორმაცია კოლექტიურ ცენტრებსა და კერძო სექტორში განსახლებული აფხაზეთის მკვიდრთა მდგომარეობის და საჭიროებების თაობაზე. წარმომადგენლობის თანამშრომლები მუშა პროცესში სწავლობენ დევნილი მოსახლეობის სოციალურ - ეკონომიურ მდგომარეობას, შენობებისა და მიმდებარე ტერიტორიებზე არსებულ პრობლემებს, სპეციფიკურ საჭიროებებს, საცხოვრებელ პირობებს. ამასთან ერთად მათ მიეწოდებათ ინფორმაცია ყველა იმ პროექტზე და შეღავათებზე , რომლებიც არსებობს ადგილობრივ და ცენტრალურ სტრუქტურებში. ასევე ღებულობენ ინფორმაციას საერთაშორისო ორგანიზაციების მიერე გამოცხადებულ საგრანტო პროექტებსა და არასამთავრობო სექტორის მიერ განხორციელებულ მიმდინარე პროექტებზე. ხდება ინფორმირებულობა სამართლებრივ საკითხებთან დაკავშირებით. საჭიროების შემთხვევაში , ყველა ფაქტორის გათვალისწინებით ხდება პრობლემების ადვოკატირება და ლობირება როგორც ადგილობრივ ასევე ცენტრალურ უწყებებში. ჯგუფის წევრები აქტიურად არიან ჩართულები ჯანდაცვის და საგანმანათლებლო სფეროში განხორციელებულ ნებისმიერ აქტივობაში. ძალიან მნიშვნელოვანია ოკუპირებულ ტერიტორიაზე მცხოვრებ მოსახლეობასთან კომუნიკაცია. ინფორმაციის მოპოვება მათი უფლებების დარღვევის თაობაზე და მიღებული ფაქტების მიწოდება ჟენევის მოლაპარაკებების მონაწილეებზე. ასევე აფხაზეთში მცხოვრები მოსახლების ინფორმირებულობა და ხელშეწყობა , რომელიც ორიენტირებულია მათი ეკონომიური და ფინანსური მდგომარეობის გაუმჯობესებაზე. უწყების თანამშრომლები ხელს უწყობენ საერთაშორისო ორგანიზაციების მიერ დაგეგმილი და განხორციელებული პროექტების მდგრადობას. თათბირის ბოლოს უწყების ხელმძღვანელმა შეაჯამა მობილური ჯგუფების მუშაობა და დაისახა ახალი გეგმები. თანამშრომლებმა მიიღეს კონკრეტული დავალებები , რომლთა მიზანი არის დევნილი მოსახლების მხარდაჭერა და მათი მდგომარეობის გაუმჯობესება.

ზუგდიდის მუნიციპალიტეტის მერიაში აფხაზეთის ავტონომიური რესპუბლიკის მთავრობის წარმომაგენლობის ხელმძღვანელი სამეგრელო ზემო-სვანეთის რეგიონში რეზო ქობალია შეხვდა ზუგდიდის მუნიციპალიტეტის მერს გეგა შენგელიას. შეხვედრაზე განხილული იყო დევნილთა პრობლემები და მათი გადაჭრის გზები. : - ჩვენ რეგულარულად ვხვდებით ერთმანეთს და განვიხილავთ იმ საკითხებს , რომელთა გადაჭრა აუცილებელია მიმდინარე ეტაპზე. მე ძალიან კმაყოფილი კომუნიკაციის ფორმით და იმ მხარდაჭერით , რასაც მუდმივ რეჟიმში ვგრძნობ, როგორც უწყების ხელმძღვანელი. ადგილობრივი ხელისუფლების წარმომადგენლების სერიოზული მიდგომა და მყისიერი რეაგირება ასევე დადებითად აისახება აფხაზეთის მკვიდრთა ყოველდღიურობაზე. იმედი მრჩება , რომ კოლექტიურ ცენტრებში დაგეგმილი სარემონტო სამუშაოები, ხურჩის საოკუპაციო მუზეუმში ( ” არვის ჩვენი მიწა” ) არსებული პრობლემების აღმოფხვრა და სხვა განხილული საკითხები ასევე გადაიჭრება და მოგვარდება ერთობლივად - განაცხადა წარმომაგენლობის ხელმძღვანელმა რეზო ქობალიამ.

აფხაზეთის ავტონომიური რესპუბლიკის მთავრობისა და ორგანიზაცია „საქართველოს ქალები მშვიდობისა და სიცოცხლისათვის“ ურთიერთანამშრომლობის ფარგლებში აფხაზეთიდან იძულებით გადაადგილებულ შეზღუდული შესაძლებლობის მქონე 8 დევნილ ბენეფიციარს ადაპტირებული გადასაადგილებელი ეტლები გადაეცათ.

დაბა წყნეთში დევნილ დათო შენგელიასთან აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე და ორგანიზაცია „საქართველოს ქალები მშვიდობისა და სიცოცხლისათვის“ წარმომადგენლები იმყოფებოდნენ და მას ეტლი პირადად გადასცეს.

აფხაზეთის ავტონომიური რესპუბლიკის მთავრობასა და საერთაშორისო ასოციაცია „საქართველოს ქალები მშვიდობისა და სიცოცხლისათვის“ შორის ურთიერთშეთანხმების მემორანდუმი 2016 წელს გაფორმდა. შეთანხმება აფხაზეთიდან იძულებით გადაადგილებულ შშმ პირთათვის ეტლებით დახმარებასა და აფხაზეთიდან იძულებით გადაადგილებულ პირთა სოციალური მდგომარეობის გაუმჯობესების მიზნით აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროსთან ერთობლივ ღონისძიებებში მონაწილეობას ითვალისწინებს.

            აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობაში მორიგი თათბირი გაიმართა. თათბირს აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ბატონი დემურ კეკელია უძღვებოდა.

            ბატონმა დემურმა მოიმინა დევნილთა განსახლების ადგილებში, საინფორმაციო-საკონსულტაციო ხასიათის შეხვედრების მიმდინარეობა, სადაც აფხაზეთიდან დევნილებს წარმომადგენლობის თანამშრომლების მიერ ეწევათ საინფრომაციო-საკონსულტაციო ხასიათის დახმარება: ბ.მ.ა შექმნის მნიშვნელობასთან, სამართლებრივი დახმარების გაწევასთან და სოციალურ-ეკონომიკური მდგომარეობის მონაცემთა ბაზაში პერიოდულ განახლებასთან დაკავშირებით.

აფხაზეთის ავტონომიური რესპუბლიკის განათლებისა და კულტურის სამინისტროს განათლებისა და საგანმანათლებლო პროგრამების სამსახურმა აფხაზეთის საჯარო და ოკუპირებული გალის რაიონის სკოლების მოსწავლეებისთვის ქვეპროგრამა „ვიცნობდეთ ქვეყნის გმირებს“ განახორციელა. ქვეპროგრამა მიზნად ისახავდა ახალგაზრდებში პატრიოტული სულისკვეთების ამაღლებას, საქართველოს ერთიანობისათვის თავდადებული გმირების წარმოჩენას, არაფორმალური განათლების ხელშეწყობას.
მოსწავლეებმა, ქვეპროგრამის ფარგლებში, მოიძიეს ინფორმაცია თანამედროვე ქართველ გმირებზე, შეხვდნენ მათი ოჯახის წევრებსა და ახლობლებს, საინტერესო ისტორიები ჩაიწერეს და მერე გმირების წარმოსაჩენად პრეზენტაციები მოაწყვეს. 
ქვეპროგრამის ბოლოს პროექტში მონაწილე მოსწავლეებისათვის მოეწყო ექსკურსია ქუთაისში. ბავშვებმა მოინახულეს პრომეთეს მღვიმე, მოილოცეს ბაგრატისა და გელათის ტაძრები.

საქართველოს სავაჭრო-სამრეწველო პალატის ორგანიზებით  DCFTA-ს საინფორმაციო ცენტრის მიღწევებთან დაკავშირებით პრეზენტაცია გაიმართა. პრეზენტაციას საქართველოს სხვადასხვა კუთხიდან 200-ზე მეტი მეწარმე, ბიზნეს საზოგადოებისა და საერთაშორისო ორგანიზაციების წარმომადგენელი დაესწრო.

ღონისძიებას  აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე, აფხაზეთის ავტონომიური რესპუბლიკის ფინანსთა და ეკონომიკის მინისტრი ივანე დოლიძე და აფხაზეთის ავტონომიური რესპუბლიკის სავაჭრო-სამრეწველო პალატის პრეზიდენტი გოგიტა თედორაძე ესწრებოდნენ.

DCFTA-ს საინფორმაციო ცენტრის ოფისები გერმანიის საერთაშორისო თანამშრომლობის საზოგადოებისა (GIZ) და საქართველოში ევროკავშირის წარმომადგენლობის მხარდაჭერით პროექტის „მცირე და საშუალო მეწარმეობის განვითარება და DCFTA საქართველოში“ ფარგლებში დაარსდა. ევროკავშირთან ღრმა და ყოვლისმომცველი თავისუფალი სავაჭრო სივრცის (DCFTA) საკითხებზე საინფორმაციო ცენტრების მეშვეობით 6 ათასამდე მცირე და საშუალო მეწარმემ კონსულტაციები და ტრენინგები გაიარა. 

აფხაზეთის კულტურისა და ხელოვნების ცენტრის მოზარდ-ახალგაზრდობის შემოქმედებითი მიმართულების (ხელმძღვანელი მანანა ბურბუთაშვილი) საესტრადო განყოფილების ანსამბლმა „მაფშალიამ“ ევგენი მიქელაძის სახელობის ცენტრალური სამუსიკო სასწავლებლის დარბაზში საანგარიშო კონცერტი გამართა (პედაგოგები: ქეთი ქარდავა და დავით კევლიშვილი).

ანსამბლმა „მაფშალიამ“ ცნობილი ქართველი კომპოზიტორების საესტრადო სიმღერები და მათ შორის ანსამბლის პედაგოგის დავით კევლიშვილის ნაწარმოები „სოხუმო“ შეასრულა. კონცერტში მონაწილეობდა ასევე ამავე მიმართულების როკ-ჯგუფ „ოცნების“ სოლისტი ნიკა დოლიძე.

          გრძელდება ქ. თბილისის გლდანის რაიონში დევნილთა განსახლების ადგილებში, საინფორმაციო-საკონსულტაციო ხასიათის შეხვედრები, სადაც აფხაზეთიდან დევნილებს ეწევათ საინფრომაციო-საკონსულტაციო ხასიათის დახმარება, ბ.მ.ა შექმნის მნიშვნელობაზე. წარმომადგენლობის თანამშრომლები ისმენენ და სწავლობენ განსახლების ადგილებში არსებული სოციალურ-ეკონომიკური ხასითის პრობლემებს.

        გრძელდება ქ. თბილისის გლდანის რაიონში დევნილთა განსახლების ადგილებში, საინფორმაციო-საკონსულტაციო ხასიათის შეხვედრები, სადაც აფხაზეთიდან დევნილებს ეწევათ საინფრომაციო-საკონსულტაციო ხასიათის დახმარება, ბ.მ.ა შექმნის მნიშვნელობაზე. წარმომადგენლობის თანამშრომლები ისმენენ და სწავლობენ განსახლების ადგილებში არსებული სოციალურ-ეკონომიკური ხასითის პრობლემებს.

          გრძელდება ქ. თბილისის გლდანის რაიონში დევნილთა განსახლების ადგილებში, საინფორმაციო-საკონსულტაციო ხასიათის შეხვედრები, სადაც აფხაზეთიდან დევნილებს ეწევათ საინფრომაციო-საკონსულტაციო ხასიათის დახმარება, ბ.მ.ა შექმნის მნიშვნელობაზე. წარმომადგენლობის თანამშრომლები ისმენენ და სწავლობენ განსახლების ადგილებში არსებული სოციალურ-ეკონომიკური ხასითის პრობლემებს.