აფხაზეთის ავტონომიური რესპუბლიკის უმაღლეს საბჭოში ინტერპელაციის წესით აფხაზეთის ჯანმრთელობისა და სოციალური დაცვის მინისტრს ლაშა ქარდავას მოუსმინეს.
მინისტრმა პასუხი გასცა უმაღლესი საბჭოს წევრების წერილობით შეკითხვებს. მოხსენების ფარგლებში ისაუბრა ჯანდაცვის სფეროში არსებულ გამოწვევებზე, დროებით დევნილებისა და ოკუპირებულ ტერიტორიაზე მცხოვრები პირებისთვის ხარისხიანი სამედიცინო სერვისების მიწოდებაზე, ასევე ამ მიმართულებით არსებულ საჭიროებებსა და პრობლემებზე.
სხდომის ბოლოს უმაღლესი საბჭოს თავმჯდომარე, ჯემალ გამახარიამ აუდიტორიას მიმართა და ასევე მადლობა გადაუხადა მინისტრს წარმოდგენილი ინფორმაციისთვის.
ჯანმრთელობისა და სოციალური დაცვის სამინისტრო
