აფხაზეთის ავტონომიური რესპუბლიკის მომსახურების სააგენტოს „სოციალური სოლიდარობის“ პროგრამის ფარგლებში, ლაგოდეხში მცხოვრებ აფხაზეთიდან დევნილ ბავშვებს საჩუქრად სპორტული ინვენტარი გადაეცათ.

საჩუქრები აფხაზეთიდან დევნილ ბავშვებს აფხაზეთის ავტონომიური რესპუბლიკის მომსახურების სააგენტოს აღმოსავლეთ საქართველოს ტერიტორიული ორგანოს წარმომადგენლებმა გადასცეს.

„ვცდილობთ თითოეული აფხაზეთიდან იძულებით გადაადგილებული პირის საჭიროება, რომელსაც ჩვენთან შეხვედრისას აჟღერებენ დროულად მოვაგვაროთ და კმაყოფილებით მინდა აღვნიშნო, რომ მათთან უშუალო კომუნიკაციის შედეგად არაერთი პროექტი უკვე განვახორციელეთ.

სწორედ, ლაგოდეხში გამართულ შეხვედრაზე მიღებული ინფორმაციების გათვალისწინებით, აფხაზეთიდან დევნილი ბავშვებისთვის ჩვენს მიერ შეძენილ იქნა სხვადასხვა სპორტული ინვენტარი, რომლებიც მათ პირადად გადავეცით.

ბედნიერი ვარ, რომ შევძელით ბავშვების გახარება. თითოეული მათგანი იმსახურებს უკეთეს ცხოვრებას ერთიან და ძლიერ საქართველოში და ჩვენ ვალდებულნი ვართ, უზრუნველყოთ მათი ღირსეული ცხოვრების საჭირო ყველა პირობა.“ - დავით ფაცაცია

აფხაზეთის ავტონომიური რესპუბლიკის მომსახურების სააგენტოს, აფხაზეთის სულიერი განვითარებისა და ეროვნული ფასეულობების დაცვის ცენტრის ერთობლივი ორგანიზებით, ათენის მერიისა და მსოფლიო საპატრიარქოს მხარდაჭერით, აფხაზეთიდან დევნილი 12-დან 14 წლამდე ახალგაზრდებისთვის საერთაშორისო ბანაკი ხორციელდება.

პროექტის ფარგლებში, 50-მდე აფხაზეთიდან დევნილი ახალგაზრდა საბერძნეთში გაემგზავრა და ქალაქ ათენში არსებულ საერთაშორისო ბანაკში ორი კვირის განმავლობაში - შემეცნებით, სახალისო და სპორტულ აქტივობებში ჩაერთვება.

პროექტის მონაწილე ახალაგზრდები ბანაკში გამგზავრებამდე ათენის მერმა ჰარის დუკასმა ათენის მერიაში მიიღო და ვახშმით გაუმასპინძლდა.

შეხვედრებს, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, საქართველოს საგანგებო და სრულუფლებიანი ელჩი საბერძნეთის რეპუბლიკაში ლევან ბერიძე, ათენის მერიის გენერალური მდივანი ვასილიოს ბოკოსი და საელჩოს მრჩეველი ვარლამ ბაძაღუა დაესწრნენ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ ათენის მერს ჰარის დუკასს აფხაზეთიდან დევნილი ახალგაზრდების მხარდაჭერისა და თანადგომისთვის მადლობა გადაუხადა სამახსოვრო საჩუქრები გადასცა.

ყოვლადუწმინდესმა, მსოფლიო პატრიარქმა ბართლომეოს I-მა მსოფლიო საპატრიარქოს რეზიდენციაში ათენის საერთაშორისო ბანაკის მონაწილე ახალგაზრდებს უმასპინძლა, დალოცა, წარმატებები, დაუვიწყარი შთაბეჭდილებები უსურვა და უთხრა, რომ უნდა ეამაყებოდეთ ქართველობა.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ ყოვლადუწმინდესთან, მსოფლიო პატრიარქ ბართლომეოს I-თან შეხვედრაზე აფხაზეთიდან დევნილი ახალგაზრდებისთვის საერთაშორისო ბანაკების განხორციელების ხელშეწყობისა და მხარდაჭერისთვის მადლობა გადაუხადა.

შეხვედრაში, ასევე, მონაწილეობნენ ქალაქ სტამბოლში საქართველოს გენერალური კონსული ალექსანდრე ჯიშკარიანი, აფხაზეთის სულიერი განვითარებისა და ეროვნული ფასეულობების დაცვის ცენტრის დირექტორი ბესიკ სილაგაძე, აფხაზეთის ავტონომიური რესპუბლიკის მომსახურების სააგენტოს დორექტორი სალომე დოლიძე, მსოფლიო საპატრიაქო საყდრის არქიმანდრიტი ილია ჯინჯოლავა, მამა მირიანი და სამინისტროს წარმომადგენლები.

მონაწილეებმა საქართველოსა და საბერძნეთის მრავალსაუკუნოვან ურთიერთობებზე ისაუბრეს, განიხილეს სამომავალო თანამშრომლობის გაძლიერების შესაძლებლობები.

ყოვლადუწმინდესმა, მსოფლიო პატრიარქმა ბართლომეოს I-მა განსაკუთრებული ყურადღება გაამახვილა სრულიად საქართველოს კათოლიკოს-პატრიარქის ილია II-ის ავტორიტეტსა და მრავალწლიან ღვაწლზე მართლმადიდებლურ სამყაროში და აფხაზეთის მთავრობის წარმომადგენლებს აფხაზეთიდან დევნილი ახალგაზრდებისთვის საერთაშორისო ბანაკების თურქეთის რესპუბლიკაში მოწყობას დაპირდა.

მსოფლიო საპატრიარქოს მხარდაჭერით, აფხაზეთის ავტონომიური რესპუბლიკის მომსახურების სააგენტოსა და აფხაზეთის სულიერი განვითარებისა და ეროვნული ფასეულობების დაცვის ცენტრის ორგანიზებით, 100-მდე აფხაზეთიდან დევნილი ახალგაზრდა საბერძნეთში გაემგზავრა, ათენსა და როდოსზე არსებულ საერთაშორისო ბანაკებში ორი კვირის განმავლობაში - ინტელექტუალურ, შემეცნებით და სპორტულ აქტივობებში მიიღებს მონაწილეობას.

„უდიდესი პატივია მსოფლიო პატრიარქ ბართლომეოს I-თან შეხვედრა, მადლობას ვუხდი მასპინძლობისთვის, საქართველოს ტერიტორიული მთლიანობის მხარდაჭერისა და იმ გულმოდგინე ძალისხმევისთვის, რომელსაც მსოფლიო საპატრიარქო უკვე რამდენიმე წელია იჩენს ჩვენი დევნილი ახალგაზრდებისთვის საერთაშორისო ბანაკების განხორციელების საქმეში.

დასაფასებელია ყოვლადუწმინდესის უშუალობა და უბრალოება, მინდა ჯანმრთელობა, მხნეობა და დღეგრძელობა ვუსურვო.“ - დავით ფაცაცია

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია სამინისტროს წარმომადგენლებთან ერთად, აფხაზეთიდან დევნილ მოსახლეობას შეხვდა და საქმიანობის ხელშეწყობის მიზნით ხელსაწყოები და ინსტრუმენტები გადასცა

„ვცდილობთ თითოეული აფხაზეთიდან იძულებით გადაადგილებული პირის საჭიროება, რომელსაც ჩვენთან შეხვედრისას აჟღერებენ დროულად მოვაგვაროთ და კმაყოფილებით მინდა აღვნიშნო, რომ მათთან უშუალო კომუნიკაციის შედეგად არაერთი პროექტი უკვე განვახორციელეთ.

სწორედ, ასეთ შეხვედრებზე მიღებული ინფორმაციების გათვალისწინებით, სამინისტროს „სოციალური სოლიდარობის“ პროგრამის ფარგლებში, ჩვენს მიერ შეძენილ იქნა სხვადასხვა სახის სამუშაოებისთვის საჭირო ინსტრუმენტები და ხელსაწყოები, რომლებიც აფხაზეთიდან იძულებით გადაადგილებულ პირებს პირადად გადავეცით.

ქმედითი და ეფექტური პროექტების განხორციელებისათვის აქტიურად ვაგრძელებთ უშუალო კომუნიკაციას, რათა ხელი შევუწყოთ ჩვენი აფხაზეთიდან დევნილი მოქალაქეების საქმიანობასა და სოციალური მდგომარეობის გაუმჯობესებას.“ - დავით ფაცაცია

ჭიათურის კულტურის ცენტრში აფხაზეთელი პოეტის ეთერ სამხარაძე-ჯღამაძის ხსოვნისადმი მიძღვნილი დოკუმენტური ფილმის პრეზენტაცია გაიმართა.

ფილმის იდეის ავტორია კომპოზიტორი ია მაისაია, სცენარისტი ნინო ხოფერია, ხოლო რეჟისორი ზვიად მიქელაძე.

პრეზენტაციას აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, ჭიათურის მუნიციპალიტეტის მერი გივი მოდებაძე, ფილმის შემოქმედებითი ჯგუფი, პოეტის ოჯახის წევრები და სხვა მოწვეული სტუმრები დაესწრნენ.

ღონისძიების დაწყებამდე სტუმრებმა ეთერ სამხარაძე-ჯღამაძის სახელობის სკვერში "უვიწყარა" ყავავილებით შეამკეს მემორიალური დაფა და კიდევ ერთხელ მიაგეს პატივი პოეტის ხსოვნას.

„ქალბატონი ეთერი შესანიშნავი პოეტი და გამორჩეული აფხაზეთელი იყო, მართალია ის ჭიათურაში დაიბადა, მაგრამ თავისი ცხოვრება და მოღვაწეობა მიუძღვნა აფხაზეთს. ყველამ იცის მისი ტრაგიკული ისტორია, თუმცა დოკუმენტური ფილმის კადრებმა მაინც სხვანაირად აგვაფორიაქა, აქ სხვაგვარად ჩანდა მისი ძალა, გმირობა, ბუნება, სილამაზე და ჩვენი ვალია, პატივი მივაგოთ ასეთ ადამიანებს და დავაფასოთ მათი მოღვაწეობა.

მჯერა, რომ „რაც მტრობას დაუნგრევია სიყვარულს უშენებია“, ჩვენ აუცილებლად დავბრუნდებით სოხუმში ურთიერთგაგებით, ერთიანობით და ჭიათურელი ქალბატონი ეთერი იქნება მისტიური, პოეტური, სულიერი სიმბოლო აფხაზეთის სიყვარულის, რომელსაც მიუძღვნა თავისი ცხოვრება და მას მალე სოხუმში მივაგებთ სათანადო პატივს, როგორც საერთო ტრაგედიას შეწირულ მსხვერპლს.“ - დავით ფაცაცია

კახეთის რეგიონში სამუშაო ვიზიტის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის უმაღლესი საბჭოს, ადგილობრივი ხელისუფლებისა და სამინისტროს წარმომადგენლებთან ერთად, დევნილთა განსახლების ობიექტებში მცხოვრებ აფხაზეთიდან იძულებით გადაადგილებულ მოსახლეობას შეხვდა, სადაც მხარეებმა ისაუბრეს დევნილთა წინაშე არსებულ გამოწვევებზე და ხელისუფლების წარმომადგენლებმა მათ აღუთქვეს მხარდაჭერა სოციალური, ინფრასტრუქტურული მიმართულებით.

აღსანიშნავია, რომ ბინათმესაკუთრეთა ამხანაგობებთან კომუნიკაციის შედეგად და დევნილთა, ეკომიგრანტთა და საარსებო წყაროებით უზრუნველყოფის სააგენტოს თანადგომით, ამ რეგიონის დევნილთა განსახლების ობიექტებში ამჟამადაც მიმდინარეობს საჭირო ინფრასტრუქტურული სამუშაოები.

აფხაზეთის ავტონომიური რესპუბლიკის იძულებით გადაადგილებულ პირთა სამინისტრო მთელი ქვეყნის მასშტაბით, ხვდება სხვადასხვა რეგიონებში მცხოვრებ აფხაზეთიდან დევნილ მოსახლეობას და შეხვედრებზე მიღებული ინფორმაციების გათვალისწინებით, დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივი ხელისუფლების აქტიური ჩართულობით, სხვადასხვა სოციალური და ინფრასტრუქტურული პროგრამები ხორციელდება.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ სამინისტროს წარმომადგენლებთან ერთად, თბილისში მდებარე დევნილთა განსახლების ობიექტებზე მიმდინარე ინფრასტრუქტურული სამუშაოები დაათვალიერა.

სამგორის რაიონში, ვიქტორ კუპრაძის 2ა და 2დ მისამართებზე მდებარე დევნილთა განსახლების ობიექტებზე სახურავების სარეაბილიტაციო სამუშაოები აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ინფრასტრუქტურული პროგრამის ფარგლებში მიმდინარეობს.

აფხაზეთიდან დევნილ მოქალაქეებთან შეხვედრების შედეგად, დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივ ხელისუფლებასთან აქტიური თანამშრომლობით, არაერთი ინფრასტრუქტურული პროექტი უკვე განხორციელდა.

ამ ეტაპზეც, დევნილი მოსახლეობის საჭიროებებისა და სამინისტროში შემოსული განცხადებების გათვალისწინებით, საქართველოს სხვადასხვა რეგიონში მდებარე დევნილთა განსახლების ობიექტებზე მიმდინარეობს სარემონტო-აღდგენით სამუშაოები.

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებითა და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ჩართულობით კოპიტნარსა და ზესტაფონში მცხოვრებ აფხაზეთის ოკუპირებული ტერიტორიიდან დევნილ პირებს მრავალპროფილური სკრინინგული გამოკვლევები ჩაუტარდათ.

ბენეფიციარებს 10-მდე სხვადასხვა პროფილის, თბილისის წამყვანი კლინიკების, მაღალკვალიფიციური ექიმ სპეციალისტის კონსულტაცია და სხვადასხვა დიაგნოსტიკური კვლევები უფასოდ ჩაუტარდათ, ასევე ექიმის დანიშნულების შესაბამისად საჭირო მედიკამენტები უსასყიდლოდ გადაეცათ.

ღონისძიების მიმდინარეობას აფხაზეთის ავტონომიური რესპუბლიკის იძულებით გადაადგილებულ პირთა სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონებისა და აჭარის ავტონომიური რესპუბლიკის ტერიტორიული ორგანოს ხელმძღვანელი ნათია კოპალიანი, აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროსა და მუნიციპალიტეტების მერიის წარმომადგენლები ესწრებოდნენ.

მომსახურება ოკუპირებული აფხაზეთის ტერიტორიიდან დევნილმა 200-ზე მეტმა პირმა მიიღო.

შეხვედრის მონაწილეებს დავით ფაცაციამ აფხაზეთის ავტონომიური რესპუბლიკის მთავრობის საქმიანობა გააცნო და ახალგაზრდებთან მათთვის საინტერესო თემებზე ისაუბრა, მათ შორის იმ საერთაშორისო და ადგილობრივ ბანაკებზე, რომლებშიც შესაძლებლობა ექნებათ ჩაერთონ.

ახალგაზრდებს, კოლეჯ „სპექტრის“ დირექტორის მათე ტაკიძის მხარდაჭერით, სხვადასხვა საჩუქრები გადაეცათ.

„იმისთვის, რომ ჩვენი და ჩვენი შვილების მომავალი იყოს ბედნიერი, ქართველებს და აფხაზებს გვაქვს ვალდებულება - მშვიდობით, სიყვარულით და ერთმანეთის ნდობით შევქმნათ ახალი რეალობა და გავერთიანდეთ არა ძალით, არამედ იმ სიყვარულით, ერთობით და ნდობით, როგორითაც ცხოვრობდნენ ჩვენი წინაპრები.

მადლობას ვუხდი ყველა მონაწილეს საინტერესო შეხვედრისთვის, ყველაფერს გავაკეთებთ ჩვენი შვილების მხარდაჭერისთვის და ძალიან დიდი იმედი მაქვს, რომ წარმატებული ახალგაზრდები გაიზრდებიან. თითოეულ მათგანს ვუსურვებ წარმატებებს და მჯერა, რომ თავიანთ წვლილს შეიტანენ ჩვენი საზოგადოების ერთიანობის საქმეში!“ - დავით ფაცაცია

ქუთათელ-გაენათელი მიტროპოლიტ მეუფე იოანეს ლოცვა - კურთხევით ქუთაისის აკაკი წერეთლის სახელობის სახელმწიფო უნივერსიტეტის სააქტო დარბაზში გაიმართა ფოლკლორული მუსიკის საღამო - "იმერეთიდან აფხაზეთისკენ", რომელშიც მონაწილეობდნენ სხვადასხვა ფოლკლორული კოლექტივები.

„მსგავსი ტიპის ღონისძიებები, რომლებშიც ჩართულნი არიან ბავშვები, ახალგაზრდები განსაკუთრებით აფხაზეთელებისთვის არის ერთ-ერთი ყველაზე მნიშვნელოვანი. სწორედ, კულტურა არის პირველი ხიდი, პირველი წყარო ნდობის, სიყვარულისა და ერთიანობისა.

იმისთვის, რომ ჩვენი და ჩვენი შვილების მომავალი იყოს ბედნიერი, ქართველებს და აფხაზებს გვაქვს ვალდებულება - მშვიდობით, სიყვარულით და ერთმანეთის ნდობით შევქმნათ ახალი რეალობა და გავერთიანდეთ არა ძალით, არამედ იმ სიყვარულით, ერთობით და ნდობით, როგორითაც ცხოვრობდნენ ჩვენი წინაპრები.

ამ გზაზე უწმინდესი ილია მეორე არის ყველაზე დიდი მაგალითი თავმდაბლობის, სათნოების, უბრალოების, სიყვარულის, მოთმინების, რომელმაც ყველა მძიმე პერიოდებში დაანთო თითოეული ჩვენგანის გულებში, ოჯახებში სანთელი და გვასწავლა ღვთის გზაზე სიყვარულით, ერთობით სიარული. ველოდები იმ დღეს, როცა უწმინდესი და უნეტარესი ილია II დალოცავს სოხუმიდან გაერთიანებულ საქართველოს და ღმერთმა ქნას ეს ძალიან მალე მოხდეს.

მადლობას ვუხდი ღონისძიების ყველა მონაწილეს საოცარი ემოციებისთვის, წარმატებებს ვუსურვებ მათ და მჯერა, რომ ნიჭიერი ახალგაზრდა თაობაა, ის ძლიერი ძალა, რომელიც დიდ როლს ითამაშებს ჩვენი ქვეყნის განვითარებისა და გაძლიერების საქმეში.“ - დავით ფაცაცია

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია და მინისტრის მოადგილე იგორ კოპალიანი, სამგორის რაიონის გამგებელ კახა სამხარაძესთან და მოწვეულ სტუმრებთან ერთად, პროექტის „აფხაზეთი საქართველოა“ შემაჯამებელ ღონისძიებას დაესწრნენ, რომლის ფარგლებშიც დაიდგა სპექტაკლი აფხაზეთის თემატიკაზე, ასევე წარმოდგენილ იქნა საცეკვაო და მუსიკალური ნომრები.

პროექტი აფხაზეთიდან იძულებით გადაადგილებულ პირთა-დევნილთა მომსახურების სააგენტოსა და არასამთავრობო ორგანიზაცია "ვოი-ახალგაზრდების ხმის" ერთობლივი ორგანიზებით და საქართველოს საპატრიარქოს მხარდაჭერით განხორციელდა.

თბილისში მდებარე 50-მდე საჯარო და კერძო ზოგადსაგანმანათლებლო დაწესებულების მოსწავლეებს საშუალება ჰქონდათ აქტიურად ჩართულიყვნენ ქართულ-აფხაზური ურთიერთობის გაუმჯობესებისათვის მიმართულ კამპანიაში, ასევე, გაეღრმავებინათ ცოდნა მიმდინარე პროცესების შესახებ.

პროექტის ფარგლებში, მოეწყო კონკურსი, მონაწილეებმა არაერთი საჩვენებელი ღონისძიება მოაწყვეს და კონკურსის გამარჯვებული სკოლის მოსწავლეებისთვის აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და საქართველოს საპატრიარქოს ერთობლივი ორგანიზებით მოეწყობა ტაო-კლარჯეთის ტური.

„ვეცადე, რომ პროექტის ფარგლებში გამართული ღონისძიებების უმეტესობას დავსწრებოდი და თამამად შეიძლება ითქვას არცერთი დადგმა არ მინახია ემოციების გარეშე - ეს იყო საოცარი სითბო, სიყვარული ერთმანეთისა და აფხაზეთის მიმართ. მიხარია მოსწავლეების მონდომება, განწყობა, სწორედ ეს ახალგაზრდები გვაძლევენ იმედს, რომ ჩვენ ვერავინ მოგვერევა.

წარმატებებს ვუსურვებ პროექტის ყველა მონაწილეს და მჯერა, რომ ნიჭიერი ახალგაზრდა თაობაა, ის ძლიერი ძალა, რომელიც დიდ როლს ითამაშებს ჩვენი ქვეყნის განვითარებისა და გაძლიერების საქმეში.“ - დავით ფაცაცია.

შეხვედრებში მონაწილეობდნენ აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის ავტონომიური რესპუბლიკის სავაჭრო-სამრეწველო პალატის პრეზიდენტი გოგიტა თედორაძე, სსიპ - „აფხაზეთიდან იძულებით გადაადგილებულ პირთა – დევნილთა მომსახურების სააგენტო“ დირექტორი სალომე დოლიძე.

შეხვედრები გაიმართა სხვადასხვა სფეროს წარმომადგენლებთან, რომლებსაც ქართული დელეგაციის წევრებმა აფხაზეთის ავტონომიური რესპუბლიკის მთავრობის საქმიანობა, ძირითადი მიმართულებები გააცნეს.

მხარეებმა ურთიერთთანამშრომლობის საკითხები განიხილეს და სამომავლო გეგმები დასახეს, ოკუპირებულ ტერიტორიაზე მცხოვრები და აფხაზეთიდან იძულებით გადაადგილებული პირების მხარდაჭერის, კვალიფიკაციის ამაღლების, დასაქმების ხელშეწყობის, სამედიცინო მომსახურების მიზნით.

ერთ-ერთი მნიშვნელოვანი შეხვედრა, გერმანიის რესპუბლიკაში ვიზიტისას, საფეხბურთო კლუბ აინტრახტის პრეზიდენტთან აქსელ ჰელმანთან გაიმართა, სადაც საუბარი შეეხო ახალგაზრდების მხარდაჭერის მიმართულებით ხედვებსა და პოლიტიკას. შეხვედრის მონაწილეებმა ურთიერთთანამშრომლობის კონკრეტული საკითხები განიხილეს.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია და აფხაზეთის ავტონომიური რესპუბლიკის სავაჭრო-სამრეწველო პალატის პრეზიდენტი გოგიტა თედორაძე ფრანკფურტის პარლამენტის პრეზიდენტს ჰილიმე არსლანერს შეხვდნენ. შეხვედრა გაცნობითი ხასიათის იყო.

აფხაზეთის ავტონომიური რესპუბლიკის მთავრობის წარმომადგენლებმა ფრანკფურტის პარლამენტის პრეზიდენტს აფხაზეთის ავტონომიური რესპუბლიკის მთავრობის საქმიანობის შესახებ ინფორმაცია მიაწოდეს და ოკუპირებული აფხაზეთის ტერიტორიაზე არსებული ვითარება გააცნეს.

შეხვედრის მონაწილეებმა განიხილეს სხვადასხვა მიმართულებით სამომავლო თანამშრომლობის პერსპექტივები და მნიშვნელოვანი პროექტების ერთობლივად განხორციელების შესაძლებლობები.

ფრანკფურტის პარლამენტის პრეზიდენტმა საქართველოს ტერიტორიული მთლიანობისა და ოკუპირებული ტერიტორიების არაღიარების პოლიტიკის მიმართ მტკიცე მხარდაჭერა დაადასტურა.

შეხვედრას, ასევე, ესწრებოდა სსიპ - „აფხაზეთიდან იძულებით გადაადგილებულ პირთა – დევნილთა მომსახურების სააგენტოს“ დირექტორი სალომე დოლიძე.

შეხვედრის მონაწილეებმა ისაუბრეს საქართველოსა და გერმანიას შორის მჭიდრო მეგობრულ ურთიერთობებსა და პრიორიტეტულ მიმართულებებზე, განიხილეს ურთიერთთანამშრომლობის შესაძლებლობები, მათ შორის დასახეს ზუგდიდის მუნიციპალიტეტში, საოკუპაციო ხაზის მიმდებარე ტერიტორიაზე აფხაზეთის მოსახლეობისთვის პროფესიული საგანმანათლებლო დაწესებულების გახსნის საკითხი.

შეხვედრას, ასევე, ესწრებოდნენ სსიპ - „აფხაზეთიდან იძულებით გადაადგილებულ პირთა – დევნილთა მომსახურების სააგენტოს“ დირექტორი სალომე დოლიძე და აფხაზეთის ავტონომიური რესპუბლიკის სავაჭრო-სამრეწველო პალატის პრეზიდენტი გოგიტა თედორაძე.

„მოხარული ვარ, რომ ფრანკფურტის ხელოსანთა პალატის პრეზიდენტმა კრისტოფ რისმა გამოხატა მზადყოფნა აფხაზეთიდან დევნილი მოსახლეობის გაძლიერებისა და მხარდაჭერის მიზნით თანამშრომლობაზე.

მადლობას ვუხდი ფრანკფურტის ხელოსანთა პალატის პრეზიდენტს ჩვენი თანადგომისა და აფხაზეთიდან დევნილი მოსახლეობის პროფესიული განვითარების მიმართულებით მხარდაჭერისთვის.“ - დავით ფაცაცია

აფხაზეთიდან იძულებით გადაადგილებულ პირთა-დევნილთა მომსახურების სააგენტომ აფხაზი გოგოს -„სამირას დღიურები“ გამოსცა, რომლის პრეზენტაციაც საქართველოს პარლამენტის ეროვნულ ბიბლიოთეკაში გაიმართა.

წიგნში სამირა წარმოადგენს რეალისტურ მთავარ გმირს, ქართულ-აფხაზური ფესვებით, რომელიც ცდილობს გაგვაგონოს ხმა ენგურს მიღმა საქართველოდან. ის წიგნში დეტალურად აღწერს ქართულ-აფხაზურ ურთიერთობებს, ოკუპირებულ ტერიტორიაზე არსებულ მდგომარეობას.

„მინდა აღვნიშნო, რომ რაც წიგნშია ასახული არის ერთ-ერთი გამორჩეული მაგალითი, იმისა თუ რა ტიპის ცხოვრება ჰქონდათ აფხაზეთის ოკუპირებულ ტერიტორიაზე მცხოვრებ ახალგაზრდებს 90-იან წლებში და შემდგომ პერიოდში.

განსაკუთრებით მადლიერი ვარ ჩვენი ორი ძვირფასი ქალბატონის - ქეთი ხატიაშვილის და ჯილდა მაჭავარიანის, რომლებმაც სამირას წერილების წიგნად გამოცემის იდეა მოგვაწოდეს. დღევანდელ დღეს ბევრად მარტივია საუბარიც, მოქმედებაც, გადაადგილებაც და ა.შ., მაგრამ რამდენიმე წლის წინ, როცა ამ ქალბატონებმა ჩაიფიქრეს წერილების წიგნად გამოცემა, ეს ყველაფერი ბევრად რთული იყო.

ძალიან დიდი იმედი მაქვს, რომ გავიმარჯვებთ და ყველანი ერთად შევქმნით იმ ნათელ მომავალს, რომელიც ჩვენ გვჭირდება, აფხაზებს სჭირდებათ. ჩვენ, ქართველებიც და აფხაზებიც 30 წლიანი ტრაგედიის შემდეგ მივხვდით, რომ ორივე მხარე ვიყავით ხაფანგში, რომელიც ჩვენმა მტერმა, ოკუპანტმა დაგვიგო და გაიმარჯვა. შედეგად ჩვენ ერთმანეთი, ერთმანეთის ოჯახები, ერთმანეთის სიცოცხლე დავკარგეთ.

ახლა ვდგავართ იმ გზაზე, როცა უნდა გავაერთიანოთ ქვეყანა „მამულის, ენის, სარწმუნოების“ ერთობით. ჩვენ ერთმანეთს ვჭირდებით, ჩვენი ფასეულობები განწირულია ერთობისთვის, თუ აფხაზი ერი უნდა გადარჩეს, ის მხოლოდ ქართულ ეთნოსში და ქართულ სივრცეში გადარჩება, სხვა ალტერნატივა არ არსებობს.

მე მჯერა, რომ სწორედ ისეთი ახალგაზრდები, რომლებიც ქმნიან „სამირას დღიურების“ მსგავს ნაწარმოებებს, იქნებიან მთავარი მედროშეები ჩვენი ქართულ-აფხაზური ერთიანი სიყვარულის, სახელმწიფოებრიობის, თუ მომავლის მშენებლობის.“ - დავით ფაცაცია