დავით ფაცაცია, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანთან ერთად, რუსთავის მერიაში, რუსთავის მუნიციპალიტეტის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდა.

დავით ფაცაციამ აფხაზეთიდან დევნილ მოქალაქეებთან, აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით განხორციელებულ პროგრამებზე ისაუბრა და მიღწეულ შედეგებთან ერთად სამომავლო გეგმები გააცნო.

შეხვედრის მიმდინარეობისას, აფხაზეთიდან იძულებით გადაადგილებულმა პირებმა, სამინისტროს წარმომადგენლებს მიაწოდეს ინფორმაცია რუსთავის დევნილთა განსახლების ადგილებში არსებული მდგომარეობის შესახებ და ერთობლივად იმსჯელეს მათი საჭიროებების მოგვარების გზებზე.

შეხვედრას მინისტრის პირველ მოადგილე გურამ მისაბიშვილი, რუსთავის მუნიციპალიტეტის მერი ნინო ლაცაბიძე, ადგილობრივი ხელისუფლებისა და სამინისტროს წარმომადგენლები ესწრებოდნენ.

დავით ფაცაცია, პირველ მოადგილე გურამ მისაბიშვილთან, მოადგილეებთან - გიორგი ბულისკერიასთან და იგორ კოპალიანთან ერთად, სამინისტროს დეპარტამენტის უფროსებსა და ტერიტორიული ორგანოების ხელმძღვანელებს შეხვდა.

შეხვედრაზე განიხილეს აფხაზეთის ავტონომიური რესპუბლიკის იძულებით გადაადგილებულ პირთა სამინისტროს მიერ ინფრასტრუქტურული მიმართულებით განხორციელებულ პროექტები და იმსჯელეს იმ მნიშვნელოვან საკითხებზე, რომლებიც დევნილთა განსახლების ადგილებში შექმნილ ბინათმესაკუთრეთა ამხანაგობებთან შეხვედრებისას დაისვა.

სამუშაო შეხვედრის ფარგლებში, განისაზღვრა დევნილთა განსახლების ის ობიექტები, რომლებშიც საჭიროებებიდან გამომდინარე მიმდინარე წლის განმავლობაში ინფრასტრუქტურული სამუშაოები განხორციელდება.

შეხვედრის მონაწილეებმა, ასევე, ისაუბრეს პროგრამების მიმართულებით ახალ ინიციატივებსა და მათი განხორციელების პერსპექტივებზე.

აღსანიშნავია, რომ აფხაზეთიდან დევნილი მოსახლეობის ჩართულობით, მათ საჭიროებებზე ორიენტირებული ღონისძიებების შემუშავებისა და განხორციელების ხელშეწყობის მიზნით, დევნილთა განსახლების ადგილებში ბინათმესაკუთრეთა ამხანაგობებთან შეხვედრები მთელი საქართველოს მასშტაბით მიმდინარეობს.

იგორ კოპალიანი აფხაზეთის ავტონომიური რესპუბლიკის იძულებით გადაადგილებულ პირთა მინისტრის მოადგილედ დანიშვნამდე იკავებდა აფხაზეთის ავტონომიური რესპუბლიკის საინფორმაციო-ანალიტიკური ცენტრის დირექტორის თანამდებობას.

იგორ კოპალიანს გააჩნია საჯარო სამსახურში მუშაობის 23 წლიანი გამოცდილება, მათ შორის იყო აფხაზეთის ავტონომიური რესპუბლიკის იუსტიციის დეპარტამენტის თავმჯდომარე, აფხაზეთის ავტონომიური რესპუბლიკის მთავრობისა და აფხაზეთის ავტონომიური რესპუბლიკის იუსტიციის საბჭოს წევრი, მუშაობდა აფხაზეთის ავტონომიური რესპუბლიკის მთავრობის თავმჯდომარის მრჩევლად იურიდიულ საკითხებში, ასევე, საქართველოს იუსტიციის უმაღლესი საბჭოში სამოსამართლო ეთიკისა და დისციპლინური სამართალწარმოების დეპარტამენტის უფროს კონსულტანტად, იყო მარტვილის რაიონული სასამართლოს მოსამართლე.

აქვს პედაგოგიური საქმიანობის გამოცდილება სოხუმის სახელმწიფო უნივერსიტეტსა და სოხუმის ეკონომიკისა და სამართლის ინსტიტუტში.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის სოხუმის ფილიალი და მიენიჭა იურისტის კვალიფიკაცია. ჩაბარებული აქვს მოსამართლის თანაშემწის, პროკურატურის მუშაკთა და მოსამართლეობის საკვალიფიკაციო გამოცდები. მინიჭებული აქვს იუსტიციის უფროსი მრჩევლის სპეციალური წოდება. აფხაზეთის ავტონომიური რესპუბლიკის უმაღლესი საბჭოს მიერ დაჯილდოებულია საპატიო სიგელით.

სწავლობდა თბილისის სასულიერო აკადემიაში. გავლილი აქვს სხვადასხვა სასწავლო კურსები - მენეჯმენტში, სამართალში, ადამიანის უფლებების დაცვის საკითხებში, კონფლიქტოლოგიაში. არის სპორტის ოსტატის კანდიდატი ჭიდაობა ,,ძიუ-დოში”.

სენაკის მუნიციპალიტეტის მოსწავლე-ახალგაზრდობისა და კულტურის ცენტრის საკონცერტო დარბაზში, წმინდა ალექსი შუშანიას სახელობის მართლმადიდებლურმა სკოლა-გიმნაზიამ, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, ილია მეორის დაბადებიდან 90 და აღსაყდრებიდან 45 წლის საიუბილეო თარიღები მხატვრული კომპოზიციით - ,,მზიანი ღამე“ აღნიშნა.

ღონისძიებას აფხაზეთის ავტონომიური რესპუბლიკის იძულებით გადაადგილებულ პირთა მინისტრის პირველი მოადგილე გურამ მისაბიშვილი, ქუთათელ-გაენათელი მიტროპოლიტი, საქართველოს საპატრიარქოს განათლების ცენტრის თავმჯდომარე იოანე (გამრეკელი), ეპარქიის სასულიერო პირები, სენაკის მუნიციპალიტეტის მერი ვახტანგ გადელია, სენაკის მუნიციპალიტეტის მერის მოადგილე ლევან ელიავა, მუნიციპალიტეტის საკრებულოს, ადგილობრივი თვითმმართველობისა და საზოგადოების წარმომადგენლები დაესწრნენ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, თავის პირველ მოადგილე გურამ მისაბიშვილთან და სამინისტროს თანამშრომლებთან ერთად, აფხაზეთიდან დევნილ ოჯახებს პირადად ესტუმრა, დამდეგი შობა-ახალი წელი მიულოცა და საახალწლო ნობათები გადასცა.

აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებითა და აფხაზეთის მთავრობის მხარდაჭერით საახალწლო ნობათები მთელი საქართველოს მასშტაბით, 800-მდე აფხაზეთიდან დევნილმა პირმა მიიღო.

ნობათები მიიღეს დედ-მამით ობოლმა არასრულწლოვანებმა, 90 წელს გადაცილებულმა, სოციალურად დაუცველმა, მარტოხელა მშობლის სტატუსისა და განსაკუთრებული საჭიროების მქონე პირებმა.

სადღესასწაულო საჩუქრები გადაეცათ ომში დაღუპული ჯარისკაცების ოჯახებს, მეორე მსოფლიო ომის მონაწილეებს, საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედების ვეტერანებსა და მრავალშვილიან ოჯახებს.

„ჩვენთვის ძალიან მნიშვნელოვანია ყურადღების გამოჩენა ამ ადამიანების მიმართ, განსაკუთრებით კი წინასაახალწლო დღეებში, როცა ყოველ ოჯახს დამატებით უამრავი საჭიროება უჩნდება.

მინდა თითოეულ მათგანს მივულოცო დამდეგი შობა-ახალი წელი და ვუსურვო ულევი ბედნიერება, სიკეთე და ჯანმრთელობა. დაე, 2023 წელი გახდეს ჩვენი სამშობლოს გაერთიანების წელი, რაც შექმნის ახალ შესაძლებლობებს უკეთესი ხვალინდელი დღისთვის“ - დავით ფაცაცია.

დავით ფაცაციამ, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანთან, მინისტრის პირველ მოადგილე გურამ მისაბიშვილთან, ზუგდიდის მუნიციპალიტეტის მერთან მამუკა წოწერიასთან და მერის პირველ მოადგილესთან კონსტანტინე კაკავასთან ერთად, ზუგდიდში, მე-18 საბავშვო ბაღის აღსაზრდელებს, რომლებიც აფხაზეთიდან დევნილი ბავშვები არიან საახალწლოდ საჩუქრები გადასცა.

„თბილი და დადებითი ემოციებით სავსე შეხვედრა გვქონდა ზუგდიდში, მე-18 საბავშვო ბაღის აღსაზრდელებთან.

შეხვედრაზე, ბავშვებს საახალწლოდ საჩუქრები გადავეცით, ვეცადეთ გაგვეხარებინა აფხაზეთიდან დევნილი პატარები და ჩვენი წვლილი შეგვეტანა მათი საახალწლო განწყობის შექმნაში.“ - დავით ფაცაცია

სამცხე-ჯავახეთის სახელმწიფო უნივერსიტეტისა და ა(ა)იპ - ქართველთა და აფხაზთა ერთობის საზოგადოების - ,,ერთობა ხვალისთვის“ ორგანიზებით, სამცხე-ჯავახეთის სახელმწიფო უნივერსიტეტში აფხაზური ცენტრი - „მესხი ახალგაზრდები ერთობისათვის“ გაიხსნა.

აფხაზური ცენტრი, რომლის მიზანია - ახალგაზრდების ინიციატივების განხორციელების ხელშეწყობა, მათი როლისა და ჩართულობის გაზრდა სამშვიდობო პოლიტიკის გააქტიურებაში, ქართულ-აფხაზური პრობლემების მრავალმხრივ ანალიზსა და აფხაზ თანატოლებთან კომუნიკაციების დამყარების გზების მოძიებაში, ახალგაზრდა სტუდენტების იდეის საფუძველზე შეიქმნა.

აფხაზური ცენტრის გახსნის ღონისძიებას ესწრებოდნენ - აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, საქართველოს პარლამენტის თავმჯდომარის პირველი მოადგილე გიორგი ვოლსკი და ახალციხე-ადიგენი-ასპინძა-ბორჯომის მაჟორიტარი დეპუტატი ანტონ ობოლაშვილი, აფხაზეთის ავტონომიური რესპუბლიკის უმაღლესი საბჭოსა და ადგილობრივი ხელისუფლების წარმომადგენლები.

„დიდ მადლობას ვუხდი სამცხე-ჯავახეთის სახელმწიფო უნივერსიტეტის რექტორს, პროფესორ - მაკა ბერიძე, ა(ა)იპ - ქართველთა და აფხაზთა ერთობის საზოგადოებას - ,,ერთობა ხვალისთვის“ ამ მეტად მნიშვნელოვანი და პრინციპულად აუცილებელი პროექტის წამოწყებისთვის, რომელსაც მალე სხვებიც შეუერთდებიან.

მზად ვართ, ჩვენს ხელთ არსებული ყველა საშუალებით მონაწილეობა მივიღოთ ყველა იმ პროცესში, რომელიც საქართველოს სიყვარულს, ერთიანობისთვის ბრძოლასა და ახალგაზრდების მომავლის მშენებლობას უკავშირდება.

აფხაზები და ქართველები ვართ ერთნი და აუცილებლად დადგება დღე, როდესაც ისევ ერთად ვიცხოვრებთ ერთიან და ძლიერ საქართველოში, ვიქნებით ერთმანეთის იმედი და მე მჯერა, რომ მსგავსი პროექტები, განვითარებული და პროგრესულად მოაზროვნე ახალგაზრდების ჩართულობით ითამაშებს გადამწყვეტ მნიშვნელოვან როლს ჩვენი ისტორიული ერთობის აღდგენაში.“ - დავით ფაცაცია

აფხაზეთის ავტონომიური რესპუბლიკის იძულებით გადაადგილებულ პირთა მინისტრი - დავით ფაცაცია ყვარელის მუნიციპალიტეტში ღონისძიებას - „გვახსოვდეს აფხაზეთი“ დაესწრო.

ღონისძიების ფარგლებში, მოეწყო მოკლემეტრაჟიანი მხატვრულ დოკუმენტური ფილმების მე-11 საერთაშორისო ფესტივალის გამარჯვებული ფილმის - „ადრე თუ გვიან“ ჩვენება, ხოლო ყვარელში მცხოვრებმა ბავშვებმა დადგეს სპექტაკლი - „გვახსოვდეს აფხაზეთი“.

ღონისძიებაზე აფხაზეთის ავტონომიური რესპუბლიკის წინაშე განსაკუთრებული დამსახურებისთვის აფხაზეთის ავტონომიური რესპუბლიკის უმაღლესი საბჭოს საპატიო სიგელი გადაეცათ პროფესიული და საზოგადოებრივი საქმიანობით გამორჩეულ ადამიანებს:

შერიგებისა და სამოქალაქო თანასწორობის საკითხებში სახელმწიფო მინისტრის უფროს მრჩეველს - ბატონ გოგი ფაცაციას;

ყვარელის მუნიციპალიტეტის მერს - ბატონ გივი ზაუტაშვილს;

საქართველოს მწერალთა კავშირის თავჯდომარეს - ქალბატონ მაყვალა გონაშვილს;

მწერალთა, ხელოვანთა და საზოგადო მოღვაწეთა საერთაშორისო აკადემიის “გულანი“ თავმჯდომარეს - ქალბატონ ნაირა მარშანიას.

ღონისძიებას, ასევე, ესწრებოდნენ: აფხაზეთის ავტონომიური რესპუბლიკის იძულებით გადაადგილებულ პირთა მინისტრის პირველი მოადგილე - გურამ მისაბიშვილი, აფხაზეთის უმაღლესი საბჭოს თავმჯდომარე, დეპუტატი - ჯემალ გამახარია, აფხაზეთის ავტონომიური რესპუბლიკის უმაღლესი საბჭოს წევრი, საერთაშორისო კავშირების, განათლებისა და კულტურის საკითხთა კომიტეტის თავმჯდომარე - ნუგზარ მგალობლიშვილი, ყვარელის საკრებულოს თავმჯდომარე - ილია მზექალაშვილი და ადგილობრივი ხელისუფლების წარმომადგენლები.

ღონისძიება ,,აფხაზეთიდან იძულებით გადაადგილებულ პირთა-დევნილთა მომსახურების სააგენტოს“, მწერალთა, ხელოვანთა და საზოგადო მოღვაწეთა საერთაშორისო აკადემია “გულანის“, ა(ა)იპ - „ყვარლის კულტურის განვითარების ცენტრის“ ორგანიზებით, აფხაზეთის ავტონომიური რესპუბლიკის უმაღლესი საბჭოსა და ყვარელის მუნიციპალიტეტის მერიის მხარდაჭერით განხორციელდა.

სოხუმის სახელმწიფო დრამატულ თეატრში უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის ილია II-ის დაბადებიდან 90 და აღსაყდრებიდან 45 წლის საიუბილეო თარიღებისადმი მიძღვნილი მუსიკალურ-თეატრალური ღონისძიება გაიმართა.

ღონისძიება აფხაზეთის სიმღერისა და ცეკვის სახელმწიფო აკადემიურმა ანსამბლმა „აფხაზეთი“ საგალობლით გახსნა. შეხვედრის მონაწილეებს სიტყვით მიმართეს და საქართველოს ეკლესიის საჭეთმპყრობლის ღვაწლზე ისაუბრეს აფხაზეთის ავტონომიური რესპუბლიკის იძულებით გადაადგილებულ პირთა მინისტრმა - დავით ფაცაციამ და წალკელმა ეპისკოპოსმა, მეუფე გრიგოლმა.

ღონისძიების ფარგლებში, მოეწყო უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის ილია II-ის ღვაწლის შესახებ ფილმის ჩვენება; აჭარის ავტონომიური რესპუბლიკის ხელვაჩაურის მუნიციპალიტეტის სოფელ ფერიის საჯარო სკოლის ეთნიკურად აფხაზმა მოსწავლეებმა დადგეს სპექტაკლი - „სამოთხის ბილეთი“.

ღონისძიებას თბილისის სასულიერო აკადემიისა და სემინარიის რექტორი, პროტოპრესვიტერი - გიორგი ზვიადაძე, სასულიერო პირები, საქართველოს საპატრიარქოს, აფხაზეთის ავტონომიური რესპუბლიკის უმაღლესი საბჭოსა და აფხაზეთის ავტონომიური რესპუბლიკის მთავრობის წევრები, საქართველოს მთავრობისა და საზოგადოების სხვადასხვა სფეროს წარმომადგენლები ესწრებოდნენ.

ღონისძიება აფხაზეთიდან იძულებით გადაადგილებულ პირთა-დევნილთა მომსახურების სააგენტოს ორგანიზებითა და აფხაზეთის ავტონომიური რესპუბლიკის განათლებისა და კულტურის სამინისტროს მხარდაჭერით განხორციელდა.

დავით ფაცაცია, თავის პირველ მოადგილესთან - გურამ მისაბიშვილთან და თელავის მუნიციპალიტეტის მერთან - ლევან ანდრიაშვილთან ერთად, თელავში მცხოვრებ აფხაზეთიდან დევნილ მოსახლეობას შეხვდა და აფხაზეთიდან დევნილ ბავშვებს საახალწლოდ საჩუქრები გადასცა.

ღონისძიება „ადამიანის უფლებათა საერთაშორისო კომისიის“ (International Human Rights Commission) მხარდაჭერით განხორციელდა.

დავით ფაცაცია, თავის პირველ მოადგილესთან - გურამ მისაბიშვილთან და თელავის მუნიციპალიტეტის მერთან - ლევან ანდრიაშვილთან ერთად, თელავის მუნიციპალიტეტის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდა.

შეხვედრაზე დავით ფაცაციამ ისაუბრა აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით განხორციელებულ, მიმდინარე და დაგეგმილ პროგრამებზე, პროექტებზე, მათ შედეგებსა და სამომავლო გეგმებზე.

აფხაზეთიდან იძულებით გადაადგილებულმა პირებმა სამინისტროს წარმომადგენლებს მიაწოდეს ინფორმაცია თელავის დევნილთა განსახლების ადგილებში არსებული მდგომარეობის შესახებ და ერთობლივად იმსჯელეს მათი საჭიროებების მოგვარების გზებზე.

შეხვედრას ადგილობრივი ხელისუფლებისა და სამინისტროს წარმომადგენლები ესწრებოდნენ.

გრძელდება შეხვედრები საქართველოს რეგიონებში მცხოვრებ აფხაზეთიდან დევნილ მოსახლეობასთან, რომლის მიზანია ადგილობრივ ხელისუფლებასთან ერთად და დევნილი მოსახლეობის ჩართულობით, იძულებით გადაადგილებულ პირთა საჭიროებებზე მორგებული პროგრამების განხორციელების ხელშეწყობა.

აქციის ფარგლებში, 100-მდე აფხაზეთის ოკუპირებულ ტერიტორიაზე მცხოვრებ და აფხაზეთიდან იძულებით გადაადგილებულ პირს სამედიცინო ცენტრ „ვივამედში“ სხვადასხვა პროფილის მაღალკვალიფიციური ექიმ-სპეციალისტის კონსულტაცია და კვლევები ჩაუტარდა. ასევე, ბენეფიციარებს ოფთალმოლოგების დანიშნულების შესაბამისად საჭირო სათვალეები უფასოდ გადაეცათ.

ღონისძიება, აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებით, „ადამიანის უფლებათა საერთაშორისო კომისიისა“ (International Human Rights Commission) და არასამთავრობო ორგანიზაცია „ქართული ოცნება-ჯანმრთელი მომავლის“ მხარდაჭერით განხორციელდა.

გამოკვლევების მიმდინარეობას აფხაზეთის მთავრობის თავმჯდომარის მოადგილე - ანზორ მარგიანი, აფხაზეთის ავტონომიური რესპუბლიკის იძულებით გადაადგილებულ პირთა მინისტრის პირველი მოადგილე - გურამ მისაბიშვილი და სამინისტროს თანამშრომლები ესწრებოდნენ.

აქციის მიზანია აფხაზეთის მოსახლეობის ჯანმრთელობის მდგომარეობის გამოკვლევა და მათთვის მაღალკვალიფიციური სამედიცინო მომსახურების უზრუნველყოფა.

ბათუმში, აფხაზეთიდან იძულებით გადაადგილებულ პირთა-დევნილთა მომსახურების სააგენტოსა და აჭარის ავტონომიური რესპუბლიკის მოსწავლე-ახალგაზრდობის სასახლეს შორის გაფორმებული ურთიერთთანამშრომლობის მემორანდუმის ფარგლებში, სხვადასხვა საგანმანათლებლო წრეები ფუნქციონირებს.

საგანმანათლებლო წრეებში ქ. ბათუმში მცხოვრები, აფხაზეთის ავტონომიური რესპუბლიკიდან იძულებით გადაადგილებული 6-დან 18 წლამდე 25 ახალგაზრდა არის ჩართული, რომელთა შერჩევაც ონლაინ რეგისტრაციით მოხდა.

პროექტი რომლის ფარგლებში, ბათუმში საგანმანათლებლო წრეები ფუნქციონირებს სსიპ-აფხაზეთიდან იძულებით გადაადგილებულ პირთა-დევნილთა მომსახურების სააგენტოს პროგრამის - „დევნილთა მომსახურების ცენტრების“ ფარგლებში ხორციელდება და მისი მიზანია დევნილი ახალგაზრდების პროფესიული გადამზადება, მათი ჩართვა სხვადასხვა სახის ღონისძიებებში, რომლებიც ხელს შეუწყობს ახალგაზრდების ცოდნის დონის ამაღლებას, პროფესიული უნარ-ჩვევების შეძენასა და ინტერესის სფეროებში დახელოვნებას.

პროექტის მონაწილე დევნილ ახალგაზრდებს აფხაზეთის ავტონომიური რესპუბლიკის იძულებით გადაადგილებულ პირთა მინისტრი – დავით ფაცაცია, თავის პირველი მოადგილე – გურამ მისაბიშვილთან, აჭარის ავტონომიური რესპუბლიკის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე – ილია ვერძაძესთან, სსიპ - აფხაზეთიდან იძულებით გადაადგილებულ პირთა-დევნილთა მომსახურების სააგენტოს დირექტორ – სალომე დოლიძესთან და სამინისტროს წარმომადგენლებთან ერთად შეხვდა. შეხვედრაზე, დავით ფაცაციამ დევნილ ახალგაზრდებს სერტიფიკატები და სამახსოვრო საჩუქრები გადასცა.

აქციის ფარგლებში, სენაკში მცხოვრებ, აფხაზეთის ავტონომიური რესპუბლიკიდან იძულებით გადაადგილებულ 500-მდე პირს ოფთალმოლოგის კონსულტაცია ჩაუტარდა და ექიმის დანიშნულების შესაბამისი სათვალეები უფასოდ გადაეცათ.

ღონისძიება, აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებითა და „ადამიანის უფლებათა საერთაშორისო კომისიის“ (International Human Rights Commission) მხარდაჭერით განხორციელდა.

აქციის მიმდინარეობას აფხაზეთის ავტონომიური რესპუბლიკის იძულებით გადაადგილებულ პირთა მინისტრი – დავით ფაცაცია, აფხაზეთის მთავრობის თავმჯდომარის მოადგილე – ანზორ მარგიანი, მინისტრის პირველი მოადგილე – გურამ მისაბიშვილი, სენაკის მერის მოადგილე – ლევან ელიავა, სენაკის საკრებულოს თავმჯდომარის პირველი მოადგილე – ლევან უჩანეიშვილი და სამინისტროს თანამშრომლები ესწრებოდნენ.

აღსანიშნავია, რომ „ადამიანის უფლებათა საერთაშორისო კომისიის“ (International Human Rights Commission) მხარდაჭერით აფხაზეთიდან დევნილი მოსახლეობისთვის სოციალური ხასიათის ღონისძიებები აქტიურად მიმდინარეობს.

დავით ფაცაციამ, თავის პირველ მოადგილე - გურამ მისაბიშვილთან, მოადგილე - გიორგი ბულისკერიასთან და სამინისტროს თანამშრომლებთან ერთად, თბილისში მდებარე დევნილთა განსახლების ობიექტებზე განხორციელებული სარემონტო-სარეაბილიტაციო სამუშაოები დაათვალიერა.

აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ინფრასტრუქტურული პროგრამების ფარგლებში, დევნილთა განსახლების ობიექტებზე განხორციელდა - სახურავების სარეაბილიტაციო სამუშაოები, წყალშემკრები სისტემების აღდგენა-რეაბილიტაცია, მოეწყო თოვლდამცავი სისტემები, დამზადდა და დამონტაჟდა სანიაღვრე მილები.

აღნიშნული ინფრასტრუქტურული პროექტები თბილისში მდებარე დევნილთა განსახლების 5 ობიექტზე განხორციელდა, სადაც 200-მდე დევნილი ოჯახი ცხოვრობს.