აფხაზეთის ავტონომიური რესპუბლიკის იძულებით გადაადგილებულ პირთა - დევნილთა სამინისტროსა და ტრანსნაციონალურ მთავრობათაშორის ორგანიზაცია - „ადამიანის უფლებათა საერთაშორისო კომისიის ფონდს“ შორის ურთიერთთანამშრომლობის მემორანდუმი გაფორმდა

მემორანდუმს ხელი მოაწერეს აფხაზეთის ავტონომიური რესპუბლიკის აფხაზეთის ავტონომიური რესპუბლიკიდან იძულებით გადაადგილებულ პირთა - დევნილთა მინისტრმა დავით ფაცაციამ და ტრანსნაციონალური მთავრობათაშორისი ორგანიზაცია - „ადამიანის უფლებათა საერთაშორისო კომისიის ფონდის“ გენერალურმა მდივანმა რაფალ მარცინ ვასიკმა.

მემორანდუმი მიზნად ისახავს არსებული ურთიერთთანამშრომლობის უფრო გაღრმავებას აფხაზეთის ავტონომიური რესპუბლიკიდან იძულებით გადაადგილებულ პირთა და აფხაზეთის ოკუპირებულ ტერიტორიაზე მცხოვრებ პირთა უფლებათა და თავისუფლებათა დაცვის უზრუნველყოფისა და ჰუმანიტარული პროგრამების/პროექტების შემუშავებისა და განხორციელების მიმართულებებით.

შეხვედრის დასასრულს, აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ ტრანსნაციონალური მთავრობათაშორისი ორგანიზაცია - „ადამიანის უფლებათა საერთაშორისო კომისიის ფონდის“ გენერალურ მდივანს რაფალ მარცინ ვასიკს წარმატებული ურთიერთთანამშრომლობისა და გაწეული თანადგომისთვის მადლობის სიგელი და სამახსოვრო ჯილდო გადასცა.

აღსანიშნავია, რომ „ადამიანის უფლებათა საერთაშორისო კომისიის ფონდისგან“ აფხაზეთის მოსახლეობის მხარდაჭერისთვის მიღებულ იქნა არაერთი ჰუმანიტარული დახმარება - 1 რეანომობილი, 50 000 ცალი KN95 ტიპის სამედიცინო პირბადე, 28 412 ცალი სხვადასხვა ტიპის სათამაშოები, 76 665 ცალი შერეული სამომხმარებლო საქონელი და სხვა.

აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრი დავით ფაცაცია, საქართველოს ოკუპირებულ რეგიონებში არსებულ მდგომარეობასთან დაკავშირებით, ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის და თავდაცვისა და უშიშროების კომიტეტის გაერთიანებულ დახურულ სხდომას დაესწრო.

სხდომაზე შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა, თეა ახვლედიანმა წარადგინა ინფორმაცია ოკუპირებულ რეგიონებში შექმნილ ვითარებასთან დაკავშირებით, ასევე, მსჯელობა წარიმართა იქ არსებული მდგომარეობის გათვალისწინებით, სახელმწიფო პოლიტიკის შემდგომი განხორციელების გზებსა და მექანიზმებზე.

სხდომას ესწრებოდნენ - საქართველოს პარლამენტის, საქართველოს აღმასრულებელი ხელისუფლების, აფხაზეთის ავტონომიური რესპუბლიკის უმაღლესი საბჭოს, აფხაზეთის მთავრობისა და არასამთავრობო ორგანიზაციების წარმომადგენლები.

დავით ფაცაცია ქ. თბილისის საკრებულოს თამარ მეფის სახელობის დარბაზში საქართველოს ხელნაწერთა ეროვნული ცენტრის მიერ გამოცემული აფხაზურენოვანი „ვეფხისტყაოსნის“ წარდგენას დაესწრო.

თარგმანი ცნობილ აფხაზ მწერალს დიმიტრი გულიას ეკუთვნის და ის 2021 წელს, 1941 წელს გამოცემული აფხაზურენოვანი „ვეფხისტყაოსნის“ 80 წლის თავზე დაიბეჭდა.

"გილოცავთ თამარობას, თამარ მეფის ხსენების ამ ღირსშესანიშნავ დღეს!

დღეს, ქ. თბილისის საკრებულოს თამარ მეფის სახელობის დარბაზში საქართველოს ხელნაწერთა ეროვნული ცენტრის მიერ გამოცემული აფხაზურენოვანი „ვეფხისტყაოსნის“ წარდგენას დავესწარი, რომლის თარგმანი ცნობილ აფხაზ მწერალს დიმიტრი გულიას ეკუთვნის.

სიმბოლურია, რომ წიგნის პრეზენტაცია თამარ მეფის ხსენების დღეს შედგა, რადგან სწორედ მისი მეფობის ხანაში შეიქმნა ეს უნიკალური ნაწარმოები.

მადლობას ვუხდი შოთა რუსთაველის მსოფლიო ლიტერატურის შედევრის - „ვეფხისტყაოსნის“ აფხაზურენოვანი გამოცემის ორგანიზატორებსა და შემსრულებლებს ამ მეტად მნიშვნელოვან საქმეში მონაწილეობისთვის, რომლითაც ქართველებისა და აფხაზების მრავალსაუკუნოვანი უნიკალური ურთიერთობა და საერთო კულტურა კიდევ ერთხელ წარმოჩნდა." - დავით ფაცაცია.

აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტრო, მეორე მსოფლიო ომის ვეტერანებს ფაშიზმზე გამარჯვების 77-ე წლისთავს ულოცავს! ქედს ვიხრით თითოეული მათგანის თავდადების წინაშე და პატივს მივაგებთ გარდაცვლილთა ხსოვნას.

ფაშიზმზე გამარჯვების დღესთან დაკავშირებით, აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტრომ აფხაზეთიდან დევნილ მეორე მსოფლიო ომის ვეტერანებს ფინანსური დახმარება გაუწია.

აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტრომ შესაბამისი პროგრამის ფარგლებში, აფხაზეთიდან დევნილ მეორე მსოფლიო ომის ვეტერანებს - 300 ლარი გადაურიცხა.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე სოფელ ვაზიანში მცხოვრებ აფხაზეთიდან იძულებით გადაადგილებულ მოსახლეობას შეხვდა. შეხვედრაში აფხაზეთის მთავრობის თავმჯდომარის მოადგილე ანზორ მარგიანი, აფხაზეთიდან იძულებით გადაადგილებულ პირთა-დევნილთა მინისტრი დავით ფაცაცია და აფხაზეთის მთავრობის წევრები მონაწილეობდნენ.
შეხვედრაზე მთავრობის წარმომადგენლებმა მოისმინეს დევნილთა საჭიროებები, მოსახლეობას გააცნეს ის პროგრამები და პროექტები, რომლებიც აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით ხორციელდება.
ღონისძიების ფარგლებში დევნილ ბავშვებს აფხაზეთის ავტონომიური რესპუბლიკის მთავრობის მხარდაჭერით და აფხაზეთის სულიერების ცენტრის ორგანიზებით საჩუქრები გადაეცათ. შეხვედრას, ასევე, აფხაზეთის სულიერების ცენტრის დირექტორი ბესიკ სილაგაძე ესწრებოდა.

სსიპ-„აფხაზეთიდან იძულებით გადაადგილებულ პირთა-დევნილთა მომსახურების სააგენტოს“ მხარდაჭრითა და ასოციაციის - „ჩვენ“ ორგანიზებით სასტუმრო „ბილტმორში“ აფხაზეთიდან დევნილი და უკრაინიდან ლტოლვილი ბავშვებისთვის პროექტი-„მშვიდობა მსოფლიო ბავშვებს“ განხორციელდა, რომლის ფარგლებშიც აკადემია „გვირილას“ მოსწავლეების მონაწილეობით კონცერტი გაიმართა.

ღონისძიება აკადემია „გვირილას“ 30 წლის იუბილეს მიეძღვნა და მასში მონაწილეობა მიიღო აფხაზეთიდან დევნილმა 70-მდე და უკრაინიდან ლტოლვილმა 30-მდე ბავშვმა, რომლებსაც აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტროს ინიციატივით „ადამიანის უფლებათა დაცვის საერთაშორისო კომისიისგან“ (IHRC) მიღებული ჰუმანიტარული დახმარება - სათამაშოები გადაეცათ.

ღონისძიებაზე აკადემია „გვირილამ“ მუდმივი თანამშრომლობისა და მხარდაჭერისთვის, აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრს დავით ფაცაციას ჯილდო - „ოქროს არწივი“ გადასცა.

ღონისძიებას ესწრებოდნენ აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრი დავით ფაცაცია, აფხაზეთის ავტონომიური რესპუბლიკის აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის პირველი მოადგილე გურამ მისაბიშვილი, სსიპ - “აფხაზეთიდან იძულებით გადაადგილებულ პირთა-დევნილთა მომსახურების სააგენტოს“ დირექტორი სალომე დოლიძე და სამინისტროს თანამშრომლები.

აფხაზეთის ავტონომიური რესპუბლიკის იძულებით გადაადგილებულ პირთა - დევნილთა სამინისტრომ, აღდგომის დღესასწაულთან დაკავშირებით, აფხაზეთიდან დევნილ, სხვადასხვა სოციალური კატეგორიის 450 ოჯახს, საჩუქრად საკვები პროდუქტები გადასცა.
აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრი დავით ფაცაცია, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, მინისტრის პირველი მოადგილე გურამ მისაბიშვილი, სამინისტროს თანამშრომლებთან ერთად, აფხაზეთიდან დევნილ, განსაკუთრებული საჭიროებების მქონე ოჯახებს ესტუმრნენ და სააღდგომო ნობათები პირადად გადასცეს.
სააღდგომო ნობათები აფხაზეთის ავტონომიური რესპუბლიკის მთავრობის ინიციატივითა და აფხაზეთის ავტონომიური რესპუბლიკის იძულებით გადაადგილებულ პირთა - დევნილთა სამინისტროს ორგანიზებით მთელი ქვეყნის მასშტაბით დარიგდა.
სამინისტროს ბიუჯეტიდან აღნიშნული პროდუქტებისთვის 24 075 ლარი გამოიყო.

აფხაზეთის ავტონომიური რესპუბლიკის იძულებით გადაადგილებულ პირთა - დევნილთა მინისტრი დავით ფაცაცია, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, მინისტრის პირველი მოადგილე გურამ მისაბიშვილი, წყალტუბოს მუნიციპალიტეტის მერი გენადი ბალანჩივაძე, სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონებისა და აჭარის ავტონომიური რესპუბლიკის ტერიტორიული ორგანოს თანამშრომლებთან და ადგილობრივი ხელისუფლების წარმომადგენლებთან ერთად, წყალტუბოში მცხოვრებ, აფხაზეთიდან იძულებით გადაადგილებულ პირებს შეხვდნენ და მათ საჭიროებებს ადგილზე გაეცნენ.
შეხვედრაზე წყალტუბოში მცხოვრებ, აფხაზეთიდან დევნილ ბავშვებს აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტროს „ადამიანის უფლებათა დაცვის საერთაშორისო კომისიისგან“ (IHRC) მიღებული ჰუმანიტარული დახმარება - სათამაშოები გადასცეს.
სამინისტროს მიერ, დევნილი მოსახლეობის სოციალური მდგომარეობის გაუმჯობესებაზე ორიენტირებული ქმედითი ღონისძიებების შემუშავების მიზნით მსგავსი შეხვედრები მომავალშიც ეტაპობრივად გაგრძელდება.

სსიპ - „აფხაზეთიდან იძულებით გადაადგილებულ პირთა-დევნილთა მომსახურების სააგენტოს“ ორგანიზებითა და აფხაზეთის ავტონომიური რესპუბლიკის სავაჭრო-სამრეწველო პალატის მხარდაჭერით განხორციელდა 2 დღიანი პროექტი - „ფონდების მოძიება არაკომერციული პროექტებისთვის“, რომლის ფარგლებშიც აფაზეთიდან დევნილმა 30-მდე სტუდენტმა მიიღო ინფორმაცია პროექტის წერის ძირითადი მეთოდოლოგიის, პრაქტიკის შესახებ და თავადაც ჩაერთო საპროექტო წინადადებების შემუშავებაში.

პროექტის მიზანია აფხაზეთიდან დევნილი სტუდენტების სწავლა-გადამზადება პროექტების მართვისა და გრანტების მოძიების მიმართულებით, რაც თავი მხრივ ხელს შეუწყობს მათი ცოდნის ამაღლებას, რათა აწარმოონ წარმატებული პროექტები.

საუკეთესო პროექტების წარმდგენ სტუდენტებს არასამთავრობო ორგანიზაცია- „ღია სივრცე კავკასია“ კონსულტაციას გაუწევს პროექტის წერის პროცესში და ხელს შეუწყობს სხვადასხვა არაკომერციული პროექტების განხორციელებაში, ასევე, პროექტის კომისიის წევრებმა საუკეთესო პროექტის ავტორებს შესთავაზეს სტაჟირების დაწყება მათ ორგანიზაციაში.

პროექტის კომისიის წევრები იყვნენ არასამთავრობო ორგანიზაცია - „ღია სივრცე კავკასიის“ თავჯდომარე ირმა პავლიაშვილი და გამგეობის წევრი თეონა მაჭარაშვილი.

ღონისძიების შემაჯამებელ ცერემონიალს აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრი დავით ფაცაცია, აფხაზეთის ავტონომიური რესპუბლიკის სავაჭრო-სამრეწველო პალატის ვიცე-პრეზიდენტი ნანა მაჭარაშვილი და სსიპ - „აფხაზეთიდან იძულებით გადაადგილებულ პირთა-დევნილთა მომსახურების სააგენტოს“ დირექტორი სალომე დოლიძე დაესწრნენ და პროექტის მონაწილეებს სერტიფიკატები გადასცეს.

2022 წლის 12 აპრილს აფხაზეთის ავტონომიური რესპუბლიკის მთავრობის სხდომა გაიმართა
დღეს აფხაზეთის ავტონომიური რესპუბლიკის მთავრობის მორიგი სხდომა გაიმართა. სხდომას მთავრობის თავმჯდომარე რუსლან აბაშიძე უძღვებოდა.
სხდომაზე მთავრობის წევრებმა დღის წესრიგით გათვალისწინებული საკითხები განიხილეს.

აფხაზეთის ავტონომიური რესპუბლიკის იძულებით გადაადგილებულ პირთა - დევნილთა მინისტრი დავით ფაცაცია და მინისტრის პირველი მოადგილე გურამ მისაბიშვილი, სამინისტროს თანამშრომლებთან და ადგილობრივი ხელისუფლების წარმომადგენლებთან ერთად, აბაშასა და ხობში მცხოვრებ, აფხაზეთიდან იძულებით გადაადგილებულ პირებს შეხვდნენ და მათ საჭიროებებს ადგილზე გაეცნენ.
შეხვედრაზე აბაშასა და ხობში მცხოვრებ, აფხაზეთიდან დევნილ ბავშვებს აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტროს „ადამიანის უფლებათა დაცვის საერთაშორისო კომისიისგან“ (IHRC) მიღებული ჰუმანიტარული დახმარება - სათამაშოები გადასცეს.
სამინისტროს მიერ, დევნილთა სოციალური მხარდაჭერის მიზნით მსგავსი შეხვედრები მომავალშიც ეტაპობრივად გაგრძელდება.

აფხაზეთის ავტონომიური რესპუბლიკის იძულებით გადაადგილებულ პირთა - დევნილთა მინისტრი დავით ფაცაცია, მინისტრის პირველი მოადგილე გურამ მისაბიშვილი, ჩხოროწყუს მუნიციპალიტეტის მერი დათო გოგუა, სამინისტროს თანამშრომლებთან და ადგილობრივი ხელისუფლების წარმომადგენლებთან ერთად, ჩხოროწყუში მცხოვრებ, აფხაზეთიდან იძულებით გადაადგილებულ პირებს შეხვდნენ, მათ საჭიროებებსა და პრობლემებს გაეცნენ.

შეხვედრაზე ჩხოროწყუში მცხოვრებ, აფხაზეთიდან დევნილ ბავშვებს აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტროს „ადამიანის უფლებათა დაცვის საერთაშორისო კომისიისგან“ (IHRC) მიღებული ჰუმანიტარული დახმარება - სათამაშოები გადასცეს.

„ჩხოროწყუს მუნიციპალიტეტში მცხოვრებ, აფხაზეთიდან დევნილ მოსახლეობას შეხვდით და ადგილზე გავეცანით მათ საჭიროებებს, ასევე, ვისაუბრეთ მათი მოგვარების გზებზე.

აფხაზეთიდან დევნილ ბავშვებთან განსაკუთრებული პოზიტიური ემოციებით სავსე შეხვედრაზე, გადავეცით „ადამიანის უფლებათა დაცვის საერთაშორისო კომისიისგან“ (IHRC) მიღებული ჰუმანიტარული დახმარება - სათამაშოები.

აქვე ავღნიშნავ, რომ მსგავსი შეხვედრები ძალიან მნიშვნელოვანია ჩვენი დევნილი მოსახლეობის სოციალური მდგომარეობის გაუმჯობესებაზე ორიენტირებული ქმედითი ღონისძიებების შემუშავებისთვის და შესაბამისად, აქტიურად ვაგრძელებთ დევნილთა საჭიროებების ადგილზე გაცნობას.“ - დავით ფაცაცია.

21 მარტი დაუნის სინდრომის საერთაშორისო დღეა, რომელსაც მსოფლიოს სხვადასხვა ქვეყნები დაუნის სინდრომზე ცნობადობის ამაღლების ღონისძიებებით აღნიშნავენ.

სწორედ ამ მიზნით, სსიპ - „აფხაზეთიდან იძულებით გადაადგილებულ პირთა – დევნილთა მომსახურების სააგენტომ“ საირმეში, აფხაზეთიდან დევნილი, შეზღუდული შესაძლებლობების სტატუსის მქონე ბავშვებისა და მათი მშობლებისთვის განახორციელა 2 დღიანი პროექტი - „შეზღუდული შესაძლებლობები არ არსებობს“.

ღონისძიების ფარგლებში, შეზღუდული შესაძლებლობის მქონე პირთა საკითხების ექსპერტ-კონსულტანტმა მაკა ჭანკვეტაძემ მშობლებს ჩაუტარა თემატური ტრენინგები, ხოლო ბავშვებისთვის დაიგეგმა და განხორციელდა სხვადასხვა აქტივობები.

პროექტის დასკვნით ღონისძიებას აფხაზეთიდან იძულებით გადაადგილებულ პირთა-დევნილთა მინისტრი დავით ფაცაცია, მინისტრის პირველი მოადგილე გურამ მისაბიშვილი, სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონებისა და აჭარის ავტონომიური რესპუბლიკის ტერიტორიული ორგანოს ხელმძღვანელი ნათია კოპალიანი და სსიპ - „აფხაზეთიდან იძულებით გადაადგილებულ პირთა – დევნილთა მომსახურების სააგენტოს“ დირექტორი სალომე დოლიძე დაესწრნენ და ბავშვებს სამსახსოვრო საჩუქრები გადასცეს.

პროექტში 40-მდე აფხაზეთიდან დევნილმა ბავშვმა და მათმა მშობლებმა მიიღეს მონაწილეობა, რომლის მიზანი დაუნის სინდრომის საერთაშორისო დღის აღნიშვნა, შეზრუდულ შესაძლებლობებზე ცნობიერების ამაღლება, ახალი და ჯანსაღი მიდგომების ჩამოყალიბების ხელშეწყობაა.

„სასიამოვნო, თბილი და პოზიტიური განცდებია აფხაზეთიდან დევნილ ბავშვებთან და მათ მშობლებთან შეხვედრა, შთაბეჭდილებების გაცნობა და განსაკუთრებით მინდა ავღნიშნო მათი აქტიურობა, პროექტით დაინტერესება და ჩართულობის მაღალი სურვილი.

გარდა იმისა, რომ პროექტით დაგეგმილი აქტივობების მიზანია დევნილი მოსახლეობის ცნობიერების ამაღლება და შეზღუდულ შესაძლებლობებზე ჯანსაღი მიდგომების ჩამოყალიბების ხელშეწყობა, ვფიქრობ მსგავსი ტიპის გასვლითი ღონისძიებებით უფრო მეტად მოვახდენთ ჩვენი დევნილი მოსახლეობის ყოველდღიური ცხოვრების გახალისებასა და მათი სოციალური ურთიერთობების გაღრმავებას.

ჩვენი ერთ-ერთი ძირითადი პრიორიტეტი აფხაზეთიდან დევნილი, მათ შორის შეზღუდული შესაძლებლობების მქონე პირების საზოგადოებრივ ცხოვრებაში სრულყოფილად ჩართვის ხელშეწყობაა. ავღნიშნავ, რომ მსგავსი ღონისძიებები არ იქნება ერთჯერადი ხასიათის და მომავალშიც გავაგრძელებთ აფხაზეთიდან დევნილი მოსახლეობის მხარდამჭერი აქტივობების განხორციელებას.“- დავით ფაცაცია.

აფხაზეთიდან იძულებით გადაადგილებულ პირთა - დევნილთა მინისტრი დავით ფაცაცია, მინისტრის პირველი მოადგილე გურამ მისაბიშვილი და სენაკის მუნიციპალიტეტის მერი ვახტანგ გადელია სენაკში მცხოვრებ, აფხაზეთიდან იძულებით გადაადგილებულ პირებს შეხვდნენ, მათ საჭიროებებს გაეცნენ და აფხაზეთიდან იძულებით გადაადგილებულ პირთა-დევნილთა სამინისტროს „ადამიანის უფლებათა დაცვის საერთაშორისო კომისიისგან“ (IHRC) მიღებული სათამაშოები სენაკში მცხოვრებ, აფხაზეთიდან დევნილ ბავშვებს გადასცეს.
ჩემს პირველ მოადგილესთან, გურამ მისაბიშვილთან და სენაკის მუნიციპალიტეტის მერთან, ვახტანგ გადელიასთან ერთად, თბილი შეხვედრა გვქონდა სენაკში მცხოვრებ, აფხაზეთიდან დევნილ ბავშვებთან.
შეხვედრაზე „ადამიანის უფლებათა დაცვის საერთაშორისო კომისიისგან“ (IHRC) მიღებული ჰუმანიტარული დახმარება - სათამაშორები გადავეცით სენაკში მცხოვრებ, ჩვენს დევნილ ბავშვებს და მიხარია, რომ შევძელით მათი გახარება და კიდევ ერთი დღის გალამაზება.
მადლობას ვუხდი „ადამიანის უფლებათა დაცვის საერთაშორისო კომისიას“ (IHRC) მხარდაჭერისთვის და აქვე ავღნიშნავ, რომ მსგავსი ტიპის აქტივობები არ არის ერთჯერადი ხასიათის და გრძელდება მთელი ქვეყნის მასშტაბით.“ - დავით ფაცაცია.

8 მარტი, საქართველოს ეროვნული გმირის, გენერალ-მაიორ გენო ადამიას დაბადების დღეა. ამ თარიღთან დაკავშირებით აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრმა დავით ფაცაციამ, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანთან, მინისტრის პირველ მოადგილე გურამ მისაბიშვილთან, მინისტრის მოადგილე გიორგი ბულისკერიასთან და აფხაზეთის მთავრობის წარმომადგენლებთან ერთად, გენო ადამიას ხსოვნას პატივი მიაგო და მისი საფლავი ყვავილებით შეამკო.

„ საქართველოს ისტორიის ქრონოლოგია დახუნძლულია გაუტეხელი სულის ადამიანებით, რომელთა გმირულ საქციელზეც დგას ჩვენი ქვეყნის ღირსება და თავისუფლება. სწორედ ასეთი ადამიანი იყო, საქართველოს ეროვნული გმირი, გენერალ-მაიორ გენო ადამია, რომელმაც სამშობლოს თავისუფლებისა და ერთიანობისთვის ბრძოლაში ჩადენილი გამორჩეული გმირული საქციელით წაუშლელი კვალი დატოვა ჩვენი ქვეყნის ისტორიაში.

მინდა ქედი მოვიხარო მისი თავდადებისა და სამშობლოსადმი განსაკუთრებული სიყვარულის წინაშე და მე მჯერა, რომ ჩვენ ერთობლივი ძალისხმევით დავიცავთ იმ ღირებულებებს, რისთვისაც გენო ადამიამ გასწირა თავისი სიცოცხლე, მოვახდენთ ჩვენი ქვეყნის დეოკუპაციასა და აფხაზ და ოს ძმებთან ერთად გაერთიანებულ საქართველოში ცხოვრებას.“- დავით ფაცაცია.