აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრმა დავით ფაცაციამ ქალთა საერთაშორისო დღე აფხაზეთიდან დევნილ, წარმატებულ ექიმ ქალბატონებს - მაკა მირცხულავასა და ირინა სიჭინავას პირადად მიულოცა.

"ძვირფასო ქალბატონებო გილოცავთ #8მარტს.

მქონდა პატივი დღევანდელი დღე პირადად მიმელოცა აფხაზეთიდან დევნილი, ღვაწლმოსილი ექიმებისთვის - მაკა მირცხულავასა და ირინა სიჭინავისთვის. აღსანიშნავია, რომ ეს ადამიანები თავისი პროფესიული საქმიანობით აფხაზეთის ომის დროს ჩვენი ქვეყნის ერთიანობისა და თავისუფლებისთვის იბრძოდნენ. კორონავირუსის პანდემიამ კი კიდევ ერთხელ დაგვანახა რამდენად რთულია მათი პროფესია და რა დიდი მნიშვნელობა აქვს მას. სწორედ ამიტომაც, ამ პროფესიის წარმომადგენლები საჭიროებენ განსაკუთრებულ დაფასებას და პატივისცემას.

მინდა ქალთა საერთაშორისო დღე ასევე, განსაკუთრებით მივულოცო ქალბატონებს, რომელთაც საკუთარ თავზე მოუწიათ აფხაზეთის ომისა და მისი შემდგომი პერიოდის გადატანა, უმეტესობა მათგანს კი დღესაც მძიმე მდგომარეობაში უწევთ ცხოვრება.

დარწმუნებული ვარ, რომ ძლიერი ქალბატონები მომავალშიც დიდ როლს ითამაშებენ ჩვენი ქვეყნის გაძლიერებისა და ერთიანობის საქმეში.

კიდევ ერთხელ გილოცავთ 8 მარტს და გისურვებთ ჯანმრთელობას, ბედნიერებას, სიკეთეს და წარმატებას პირად და პროფესიულ საქმიანობაში." - დავით ფაცაცია.

ღონისძიება აფხაზეთის კულტურის, სპორტის და ახალგაზრდულ საქმეთა სააგენტოს ორგანიზებით ქალთა საერთაშორისო დღესთან დაკავშირებით გაიმართა.

საქართველოს პირველ ეროვნულ გმირს, ჟიული შარტავას დღეს 78 წელი შეუსრულდებოდა. ამ თარიღთან დაკავშირებით აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრმა დავით ფაცაციამ, მინისტრის პირველ მოადგილე გურამ მისაბიშვილთან, მინისტრის მოადგილე გიორგი ბულისკერიასთან და სამინისტროს თანამშრომლებთან ერთად, ვაკის პანთეონში ჟიული შარტავას საფლავი ყვავილებით შეამკო და პატივი მიაგო მის ხსოვნას.

„ჩვენ ბევრი ტკივილი გამოვიარეთ თავისუფლებისა და ერთიანობისთვის ბრძოლებში და ყველა ამ ბრძოლამ შვა თავისი გმირი, რომელთა ისტორიებზეც იზრდებიან თაობები. სწორედ ასეთი არის, საქართველოს ეროვნული გმირი - ჟიული შარტავა.

ჟიული შარტავა მომავალი თაობებისთვის შეუდრეკელობის, სიმამაცისა და სამშობლოს უსაზღვრო სიყვარულის მაგალითია და მეამაყება, რომ ვცხოვრობ იმ პერიოდში, როდესაც ის იდგა საქართველოს ერთიანობისა და თავისუფლების სადარაჯოზე.

მე მჯერა, რომ ჩვენ ერთობლივი ძალიხმევით, შევძელბთ იმ ღირებულებებისა და მიზნების დაცვას, რისთვისაც სიცოცხლის ბოლო წუთამდე იბრძოდა ჟიული შარტავა და მოვახდენთ ჩვენი ქვეყნის ტერიტორიული მთლიანობის აღდგენასა და ქართულ-აფხაზური საზოგადოების გაერთიანებას.“ - აღნიშნა დავით ფაცაციამ.

აფხაზეთის მთავრობის თავმჯდომარემ რუსლან აბაშიძემ, აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრ - დავით ფაცაციასთან და და აფხაზეთის მთავრობის სხვა წევრებთან ერთად, 1921 წლის 25 თებერვალს საქართველოს დამოუკიდებლობისთვის ბრძოლაში დაღუპული იუნკერების მემორიალი გვირგვინით შეამკო და მათ ხსოვნას პატივი მიაგო.
„1921 წლის 25 თებერვალს საბჭოთა რუსეთის საოკუპაციო ჯარი თბილისში შემოვიდა, საქართველოს დემოკრატიული რესპუბლიკის სრული ოკუპაცია მოახდინა, რომელსაც ათასობით ქართველი გმირულად ემსხვერპლა.
საქართველოს ისტორიის ერთ-ერთი ყველაზე ტრაგიკული თარიღი, რომელიც რუსულ ოკუპაციას უკავშირდება ხანგრძლივი აგრესიის სიმბოლოდაა ქცეული, რომლის შედეგებსაც ყოველდღიურად ვხედვათ, განსაკუთრებით დღეს, როდესაც ოკუპანტი რუსეთის მიერ ჩვენი ქვეყნის ტერიტორიის 20% ოკუპირებულია და ჩვენი მოძმე ერის-უკრაინის წინააღმდეგ მიმდინარეობს საომარი მოქმედებები.
დღეს მიმდინარე მოვლენები, კიდევ ერთხელ შეგვახსენებს, რომ თავისუფლებისთვის ბრძოლა არა მხოლოდ წარსული, არამედ ჩვენი აწმყოცაა. შესაბამისად, ვალდებულნი ვართ ყველაფერი გავაკეთოთ იმისათვის, რომ ერთობლივად დავიცვათ ჩვენი ქვეყნის თავისუფლება და სუვრენიტეტი.
პატივს მივაგებ საქართველოს დამოუკიდებლობისა და თავისუფლებისათვის ბრძოლაში დაღუპულ იმ გმირებს, რომლებიც წინ აღუდგნენ საბჭოთა ოკუპანტებს და უთანასწორო ბრძოლაში საკუთარი სიცოცხლე გმირულად შესწირეს სამშობლოს თავისუფლებას.“ - დავით ფაცაცია.

აფხაზეთიდან იძულებით გადაადგილებულ პირთა-დევნილთა სამინისტროს „ადამიანის უფლებათა დაცვის საერთაშორისო კომისიისგან“ (IHRC) მიღებული სათამაშოები, ქ. სენაკში, ქ. ფოთსა და ქ. ზუგდიდში მცხოვრებ აფხაზეთიდან დევნილ 170-მდე ბავშვს გადაეცა.
რეგიონში მცხოვრებ ბავშვებს საჩუქრები აფხაზეთიდან იძულებით გადაადგილებულ პირთა - დევნილთა მინისტრმა დავით ფაცაციამ, მინისტრის პირველმა მოადგილემ გურამ მისაბიშვილმა, აფხაზეთის ავტონომიური რესპუბლიკის მთავრობის თავმჯდომარის მოადგილემ ანზორ მარგიანმა და ადგილობრივი ხელისუფლების წარმომადგენლებმა გადასცეს.
„ადამიანის უფლებათა დაცვის საერთაშორისო კომისიის“ (IHRC) მხარდაჭერით, საქართველოს რეგიონებში მსგავსი ღონისძიებები მომავალშიც აქტიურად განხორციელდება.

დიპლომატიური კორპუსის და საერთაშორისო ორგანიზაციების წარმომადგენლებთან შეხვედრა გაიმართა
ნდობის აღდგენისა და შერიგების საკითხებში საერთაშორისო გამოცდილების გაზიარებისა და სამშვიდობო პროცესებში საერთაშორისო თანამეგობრობის აქტიური ჩართულობის გაზრდის მიზნით საუზმის ფორმატში შეხვედრა გაიმართა.
შეხვედრაში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის მთავრობის წევრები, საქართველოში აკრედიტებული დიპლომატიური კორპუსის წარმომადგენლები და საერთაშორისო ორგანიზაციები მონაწილეობდნენ. ღონისძიების ფარგლებში აფხაზეთის მთავრობისა და აფხაზეთის საინფორმაციო-ანალიტიკური ცენტრის მიერ განხორციელებული პროექტების პრეზენტაცია გაიმართა.
ღონისძიება სამშვიდობო პროცესების ხელშეწყობის მიზნით აფხაზეთის საინფორმაციო-ანალიტიკური ცენტრის ორგანიზებით და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის მხარდაჭერით განხორციელდა.

აფხაზეთიდან იძულებით გადაადგილებულ პირთა-დევნილთა სამინისტროსა და რელიგიის საკითხთა სახელმწიფო სააგენტოს ერთობლივი ორგანიზებით გლდანის რაიონში მცხოვრები აფხაზეთიდან დევნილი ბავშვებისთვის სოციალური მხარდაჭერის ღონისძიება გაიმართა.
ღონისძიების ფარგლებში აფხაზეთიდან იძულებით გადაადგილებულ პირთა - დევნილთა მინისტრმა დავით ფაცაციამ, თავის პირველ მოადგილესთან გურამ მისაბიშვილთან, რელიგიის საკითხთა სახელმწიფო სააგენტოს წარმომადგენელთან ნინო ჭავჭავაძესთან და სამინისტროს თანამშრომლებთან ერთად, გლდანის რაიონში მცხოვრებ აფხაზეთიდან დევნილ 150-მდე ბავშვს სხვადასხვა საჩუქრები გადასცეს.
აფხაზეთიდან იძულებით გადაადგილებულ პირთა - დევნილთა სამინისტროს ორგანიზებით დევნილი მოსახლეობის სოციალური მხარდაჭერის მიზნით მსგავსი ღონისძიებები მომავალშიც აქტიურად განხორციელდება.

აფხაზეთიდან იძულებით გადაადგილებულ პირთა-დევნილთა მინისტრი დავით ფაცაცია და აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი ქ. ზუგდიდის დევნილთა განსახლების ობიექტში იმყოფებოდნენ და აფხაზეთიდან დევნილ ბავშვებს საჩუქრები გადასცეს.
ღონისძიება აფხაზეთიდან იძულებით გადაადგილებულ პირთა-დევნილთა სამინისტროს ორგანიზებითა და „ადამიანის უფლებათა დაცვის საერთაშორისო კომისიის“ (IHRC) მხარდაჭერით, აფხაზეთიდან დევნილი მოსახლეობის სოციალური მხარდაჭერის მიზნით გაიმართა.
აღსანიშნავია, რომ „ადამიანის უფლებათა დაცვის საერთაშორისო კომისიის“ (IHRC) მხარდაჭერით, მსგავსი სახის აქციები მომავალშიც აქტიურად განხორციელდება.

ქ. ქუთაისში, ყოფილი მუსიკალური სასწავლებლის რეაბილიტირებული შენობის ეზოში მდებარე ერთსართულიან შენობაში 3 თებერვალს გაჩენილი ხანძრის შედეგად დაზარალებული დევნილი ოჯახები აფხაზეთის ავტონომიური რესპუბლიკის აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრმა - დავით ფაცაციამ და აფხაზეთის ავტონომიური რესპუბლიკის მთავრობის თავმჯდომარის მოადგილემ - ანზორ მარგიანმა მოინახულეს და დახმარება აღუთქვეს.
„საბედნიეროდ ხანძარს მსხვერპლი არ მოჰყოლია. რაც შეეხება დაზარალებულ ჩვენს დევნილ ოჯახებს, დევნილთა სოციალური მხარდაჭერა ჩვენი სამინისტროს ერთ-ერთი ძირითადი ამოცანაა. სწორედ ამ პირიორიტეტის ფარგლებში, დახმარებას გავუწევთ ხანძრის შედეგად დაზარალებულ ოჯახებს.“ - განაცხადა დავით ფაცაციამ.

დღეს აფხაზეთის ავტონომიური რესპუბლიკის მთავრობის სხდომა გაიმართა. სხდომას მთავრობის თავმჯდომარე რუსლან აბაშიძე უძღვებოდა.
სხდომაზე განიხილეს აფხაზეთის ავტონომიური რესპუბლიკის მთავრობის დადგენილებების პროექტები, რომლებიც აფხაზეთის ავტონომიური რესპუბლიკის ფინანსთა და ეკონომიკის სამინისტროს სახელწოდებაში შეტანილი ცვლილებიდან გამომდინარეობს.
ასევე, განიხილეს სხდომის დღის წესრიგით გათვალისწინებული მიმდინარე სიკითხები.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ ზურაბ აზარაშვილს შეხვდა.
შეხვედრის მონაწილეებმა ოკუპირებული ტერიტორიებიდან იძულებით გადაადგილებული პირების საცხოვრებელი პირობებით უზრუნველყოფის მიზნით დაგეგმილი პროექტები განიხილეს. როგორც ჯანდაცვის მინისტრმა განაცხადა, აღნიშნული მიმართულებით უწყება აქტიურად მუშაობს და მიმდინარე წლის განმავლობაში იძულებით გადაადგილებულ პირთა ნაწილი, ახალ საცხოვრებელ ფართს მიიღებს.
შეხვედრას საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე ილია ღუდუშაური, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრი დავით ფაცაცია და აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლევან ჩაკვეტაძე ესწრებოდნენ.

აფხაზეთის ავტონომიური რესპუბლიკის იძულებით გადაადგილებულ პირთა - დევნილთა სამინისტროს იმერეთის, გურიის, რაჭა-ლეჩხუმისა და ქვემო სვანეთის ტერიტორიული ორგანოს თანამშრომლებმა ქ. ქუთაისში მცხოვრებ სხვადასხვა კატეგორიის მქონე დევნილ ბენეფიციარებს, აფხაზეთის ა\რ- დან იძულებით გადაადგილებულ პირთა, დევნილთა სამინისტროს სოციალური სოლიდარობის პროგრამის ფარგლებში, საახალწლო ნობათები გადასცეს.
შობა-ახალი წლის დღესასწაულთან დაკავშირებით გამართული აქცია ქ. ქუთაისში აფხაზეთის ავტონომიური რესპუბლიკის მთავრობის მხარდაჭერით და აფხაზეთიდან იძულებით გადაადგილებულ პირთა-დევნილთა სამინისტროს იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიური რესპუბლიკის ტერიტორიული ორგანოს ჩართულობით მიმდინარეობს.

აფხაზეთიდან იძულებით გადაადგილებულ პირთა-დევნილთა მინისტრი დავით ფაცაცია, მთავრობის თავმჯდომარის მოადგილე ანზორ მარგიანი, მინისტრის პირველი მოადგილე გურამ მისაბიშვილი და სენაკის მუნიციპალიტეტის მერი, ვახტანგ გადელია ადგილობრივი თვითმმართველობის წარმომადგენლებთან ერთად, სენაკის მუნიციპალიტეტში მცხოვრებ აფხაზეთიდან დევნილ ოჯახებს ესტუმრნენ, დამდეგი შობა-ახალი წელი მიულოცეს და საახალწლო ნობათები გადასცეს.

აფხაზეთის დევნილთა მინისტრი დავით ფაცაცია „ავიცრათ ერთმანეთისთვის“ კამპანიის ფარგლებში სენაკის მუნიციპალიტეტში მცხოვრებ აფხაზეთიდან დევნილი მოსახლეობის COVID-19-ის ვაქცინაციის პროცესს დაესწრო
იმუნიზაციის პროცესს ასევე ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, ქ. სენაკის მუნიციპალიტეტის მერის პირველ მოადგილე გრიგოლ ბაღათურია და შესაბისი სექტორის წარმომადგენლები.
სენაკის მუნიციპალიტეტში მცხოვრებ აფხაზეთიდან იძულებით გადაადგილებულ პირებს იმუნიზაციის შესახებ საინფორმაციო ბუკლეტები და სამედიცინო პირბადეები გადაეცათ.
ვაქცინაციის კამპანია „ავიცრათ ერთმანეთისთვის“ აფხაზეთის ავტონომიური რესპუბლიკის მთავრობის ორგანიზებით და დაავადებათა კონტროლისა და საზოგადოებრივი ჯანმრთელობის ეროვნული ცენტრის ჩართულობით ხორციელდება, რომლის ფარგლებშიც საქართველოს სხვადასხვა რეგიონში მცხოვრებ აფხაზეთიდან დევნილ მოქალაქეებს COVID-19-ის ვაქცინაცია უტარდებათ.

აფხაზეთის ავტონომიური რესპუბლიკის აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს მიერ ბინათმესაკუთრეთა მხარდაჭერის პროგრამის ფარგლებში გამოცხადებულ საგრანტო კონკურსში გამოვლენილ იქნა გამარჯვებული ა(ა)იპ-საქველმოქმედო ჰუმანიტარული ცენტრი ,,აფხაზეთი''.
პროექტი ითვალისწინებს აფხაზეთიდან დევნილი თემის განსახლების ობიექტებში ბინათმესაკუთრეთა ამხანაგობების ჩამოყალიბებას, შესაძლებლობების გაძლიერებას და ბინათმესაკუთრეთა ამხანაგობების ქსელის შექმნის მხარდაჭერას.

 აფხაზეთის ავტონომიური რესპუბლიკის უმაღლეს საბჭოში პროექტის - „აფხაზეთის ოკუპირებულ ტერიტორიაზე არსებული უძრავი ქონების აღწერა“ პრეზენტაცია გაიმართა.

 სოციოლოგიურ კვლევაში, რომელიც განხორციელდა არასამთავრობო ორგანიზაცია კონფლიქტის ზონებიდან მოქალაქეთა კერძო საკუთრების დაცვისა და სოციალურ-ეკონომიკური რეაბილიტაციის კავშირის „ფენიქსი-სოხუმი“-ს მიერ ა/წ ივლის-სექტემბერში, გამოკითხვის ობიექტს ძირითადად წარმოადგენდნენ დევნილები - იძულებით გადაადგილებული პირის სტატუსის მქონე მესაკუთრეები ან მათი კანონიერი მემკვიდრეები. კვლევა ჩატარდა სამეგრელოს, იმერეთის რეგიონებში და ასევე ქ. თბილისში.

ორგანიზაციის წარმომადგენელთა განცხადებით, კვლევის ძირითად მიზანს წარმოადგენდა დევნილთა და იძულებით გადაადგილებულ პირთა უმრავლესობის აზრის გამოხატვა მათ საცხოვრებელსა და მიწაზე საკუთრების დამადასტურებელი დოკუმენტების გაცემის აუცილებლობის შესახებ და საერთაშორისო სასამართლოებში ამ დოკუმენტების სტატუსისადმი მათი დამოკიდებულება. ამასთან, კვლევის მნიშვნელოვან საგანს წარმოადგენდა ამ პრობლემისადმი აფხაზეთის ავტონომიური რესპუბლიკის ადგილობრივი და რეგიონული ლეგიტიმური სტრუქტურების როლის, ფუნქციებისა და პასუხისმგებლობის გაცნობიერება.

პრეზენტაციას, რომელიც სოციალური ქსელების მეშვეობით პირდაპირ ეთერში გადაიცემოდა, უძღვებოდა აფხაზეთის უმაღლესი საბჭოს თავმჯდომარე ჯემალ გამახარია.

შეკრებილი საზოგადოებრიობის წინაშე პროექტის მიზნებსა და ამოცანებზე ვრცლად ისაუბრა არასამთავრობო ორგანიზაცია „ფენიქსი-სოხუმი“-ს პროექტების კოორდინატორმა ალექსანდრე თურქიამ.

ღონისძიებას ესწრებოდნენ აფხაზეთის უმაღლესი საბჭოს დეპუტაცია, აფხაზეთის ავტონომიური რესპუბლიკის მინისტრი იუსტიციისა და სამოქალაქო ინტეგრაციის საკითხებში ნანა გაბელია, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა  მინისტრის პირველი მოადგილე გურამ მისაბიშვილი,  ამავე სამინისტროს ადმინისტრაციული დეპარტამენტის უფროსი დავით ჭედია და აფხაზეთის ავტონომიური რესპუბლიკის განათლებისა და კულტურის სამინისტროს წარმომადგენლები.

მოხსენებებით წარსდგნენ არასამთავრობო ორგანიზაცია „ფენიქსი-სოხუმის“ ხელმძღვანელი იური თურქია, აფხაზეთის უმაღლესი საბჭოს თავმჯდომარის კაბინეტის წევრი ირაკლი დბარი, აფხაზეთის ავტონომიური რესპუბლიკის განათლებისა და კულტურის სამინისტროს წარმომადგენელი მამუკა ჟვანია. გაიმართა საქმიანი დისკუსია, რომელშიც აქტიური მონაწილეობა მიიღეს უმაღლესი საბჭოს წევრებმა ნუგზარ მგალობლიშვილმა, ელგუჯა გვაზავამ, ანზორ წოწონავამ, რაისა ქარაიამ, თემურ მჟავიამ, ასევე მოწვეულმა სტუმრებმა.

ღონისძიების დასასრულს დამსწრე საზოგადოებას შემაჯამებელი სიტყვით მიმართა აფხაზეთის უმაღლესი საბჭოს თავმჯდომარემ ჯემალ გამახარიამ. მან მადლობა გადაუხადა ორგანიზაციის წარმომადგენლებს გაწეული მუშაობისთვის. მისი თქმით, „კვლევა გვიჩვენებს, რომ აღნიშნული თემა ძალიან აქტუალურია დევნილი მოსახლეობისთვის. ამასთან, ამ საკითხთან დაკავშირებით უმაღლეს საბჭოში შექმნილია ორი დოკუმენტი, რომლებიც უკვე გადაგზავნილია საქართველოს მთავრობასა და საქართველოს პარლამენტში შესაბამისი რეაგირებისათვის. რაც ყველაზე მთავარია მუშაობა დაწყებულია და იგი არ შეწყდება“. „ხოლო მოსაზრება, თითქოს ქონების რეგისტრაციის შემდეგ დევნილები გაყიდიან ამ ქონებას - ცილისწამებაა. რუსეთი ითხოვს ამ ქონების შესყიდვის უფლების მინიჭებას, თუმცა ჩვენ მათ ამის უფლება არ უნდა მივცეთ“ - განაცხადა ჯემალ გამახარიამ. ამასთან, იგი ვერ ხედავს წინაპირობას, თუ რატომ არ უნდა ჰქონდეთ დევნილებს საკუთარ ქონებაზე რეგისტრაციის უფლება.