აფხაზეთის ავტონომიური რესპუბლიკის მთავრობის, აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და ადგილობრივი ხელისუფლების წარმომადგენლები, თბილისსა და რეგიონებში მდებარე დევნილთა განსახლების ადგილებში შექმნილ ბინათმესაკუთრეთა ამხანაგობებს შეხვდნენ.

აფხაზეთის მთავრობის თავმჯდომარის, ლევან მგალობლიშვილის მიერ მთავრობის სხდომის ფორმატში გაცემული დავალებების თანახმად, სამინისტროს წარმომადგენლებმა, შეხვედრებზე დევნილთა წინაშე არსებულ საჭიროებებზე, ჯანდაცვის, სოციალური, ინფრასტრუქტურული მიმართულებებით განხორციელებულ და დაგეგმილ პროექტებზე ისაუბრეს.

ბინათმესაკუთრეთა ამხანაგობებისგან მიღებული ინფორმაციების გათვალისწინებით, აფხაზეთის მოსახლეობისთვის საჭირო ინფრასტრუქტურული, სოციალური და სხვა სახის პროექტები განხორციელდება.

შეხვედრების მიზანია ადგილობრივ ხელისუფლებასთან ერთად და დევნილი მოსახლეობის ჩართულობით, იძულებით გადაადგილებულ პირთა საჭიროებებზე ორიენტირებული ბიუჯეტის, პროგრამების და პროექტების დაგეგმვა.

შეხვედრებში, მონაწილეობდნენ აფხაზეთის ავტონომიური რესპუბლიკის იძულებით გადაადგილებულ პირთა მინისტრის მოადგილეები - გიორგი ბულისკერია და იგორ კოპალიანი, აფხაზეთის ავტონომიური რესპუბლიკის მომსახურების სააგენტოს დირექტორის მოვალეობის შემსრულებელი ავთანდილ ქარაია.

აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის იძულებით გადაადგილებულ პირთა მინისტრი დავით ფაცაცია, აფხაზეთის მთავრობისა და ადგილობრივი ხელისუფლების წარმომადგენლებთან ერთად, ამჯერად, ნაძალადევის რაიონში მდებარე დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებს შეხვდნენ.

აფხაზეთის მთავორბის წევრებმა აფხაზეთიდან დევნილებს გააცნეს ინფორმაცია სოციალური, ინფრასტრუქტურული, ჯანდაცვის, დევნილთა მხარდაჭერის მიმართულებებით აფხაზეთის მთავრობის მიერ უკვე განხორციელებული და დაგეგმილი საქმიანობები. შეხვედრის მონაწილეებმა ერთობლივად იმსჯელეს აფხაზეთიდან დევნილი მოქალაქეების საჭიროებებსა და მათი მოგვარების გზებზე.

ბინათმესაკუთრეთა ამხანაგობებისგან მიღებული ინფორმაციების გათვალისწინებით, ნაძალადევის რაიონში მცხოვრები დევნილებისთვის საჭირო ინფრასტრუქტურული, სოციალური და სხვა სახის პროექტები განხორციელდება.

აფხაზეთის ავტონომიური რესპუბლიკის მთავრობის თავმჯდომარის ინიციატივით დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებთან დაგეგმილი შეხვედრების ფარგლებში, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის იძულებით გადაადგილებულ პირთა მინისტრი დავით ფაცაცია დიდუბის რაიონის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდნენ.

შეხვედრაში, ასევე, მონაწილეობდნენ აფხაზეთის მთავრობის, დიდუბის რაიონის გამგეობისა და დევნილთა, ეკომიგრანტთა და საარსებო წყაროებით უზრუნველყოფის სააგენტოს წარმომადგენლები.

შეხვედრაზე დავით ფაცაციამ აფხაზეთიდან დევნილ მოქალაქეებს, აფხაზეთის მთავრობის მიერ დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივი ხელისუფლების ჩართულობით განხორციელებული პროგრამები, მიმდინარე ეტაპზე დაგეგმილი პროექტები და სამომავლო გეგმები გააცნო.

ბინათმესაკუთრეთა ამხანაგობების წარმომადგენლებისგან მიღებული ინფორმაციების გათვალისწინებით, დევნილთა საჭიროებების შესაბამის სოციალურ, ინფრასტრუქტურულ და სხვა სახის პროექტები განხორციელდება.

აფხაზეთის ავტონომიური რესპუბლიკის მომსახურების სააგენტოსა და აფხაზეთის ავტონომიური რესპუბლიკის სავაჭრო-სამრეწველო პალატის ერთობლივი ორგანიზებით, სასტუმრო „ბილტმორში“ გაიმართა კონფერენცია თემაზე - აფხაზეთიდან დევნილ მეწარმეთა შესაძლებლობები და გამოწვევები, რომელშიც მონაწილეობა მიიღო აფხაზეთიდან დევნილმა მეწარმეებმა.

კონფერენციაზე საჯარო და კერძო სექტორის წარმომადგენლების გამოსვლებთან ერთად, მოეწყო ექსპერტთა პანელები და სამუშაო სესიები. კონფერენციის ფარგლებში, დაჯილდოვდნენ წარმატებული ბიზნეს ოპერატორები, რომლებმაც თავიანთი გამოცდილება კონფერენციის მონაწილეებს გაუზიარეს.

გახსნით ღონისძიებაზე მონაწილეებს სიტყვით მიმართეს აფხაზეთის იძულებით გადაადგილებულ პირთა მინისტრმა დავით ფაცაციამ, საქართველოს პარლამენტის ვიცე-სპიკერმა, გენდერული თანასწორობის მუდმივმოქმედი საპარლამენტო საბჭოს თავმჯდომარემ ნინო წილოსანმა, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ზურაბ უტიაშვილმა, ამავე სააგენტოს ინტეგრაცია-რეინტეგრაციისა და იძულებით გადაადგილებულ პირთა ეკონომიკური მხარდაჭერის სამსახურის უფროსმა დავით ფეიქრიშვილმა, სოფლის განვითარების სააგენტოს დირექტორის მოადგილემ ნატალია ხარატიშვილმა, სააგენტოს „აწარმოე საქართველოში“ მიკრო და მცირე მეწარმეობის დეპარტამენტის უფროსმა ანა უგულავამ.

„მადლობას ვუხდი თითოეულ უწყებას, საერთაშორისო პარტნიორებს ინიციატივებისა და ჩვენი მხარდაჭერისთვის. მომავალშიც გავაგრძელებთ თანამშრომლობას, რათა გავაძლიეროთ ჩვენი მოქალაქეები და გაერთიანებულ საქართველოში ერთად შევქმნათ ძლიერი, განვითარებული და ეკონომიკურად მდგრადი სახელმწიფო.

ჩვენი სამინისტროს მიზანია მაქსიმალურად მხარი დავუჭიროთ აფხაზეთის მოსახლეობას - როგორც საქართველოს ოკუპირებულ ტერიტორიაზე, ისე დანარჩენ საქართველოში მცხოვრებ მოქალაქეებს, რათა გაძლიერდნენ, განავითარონ საქმიანობა და იმედი მაქვს ეს კონფერენციაც იქნება კიდევ ერთი შესაძლებლობა კომუნიკაციისთვის, ურთიერთობებისთვის, სხვადასხვა ბიზნეს ინიციატივებზე ინფორმაციების გაზიარებისთვის და მეორე მხრივ, მსგავსი კონფერენციები გვაძლევს ხელისუფლებას შესაძლებლობას კიდევ ერთხელ ვიამაყოთ ჩვენი წარმატებული მოქალაქეებით.

ჩვენ არ გავჩერდებით, გავაგრძელებთ სხვადასხვა მიმართულებებით ჩვენი მოქალაქეების დახმარებას და ყოველთვის მზად ვართ ყველა ინიციატივას დავუჭიროთ მხარი, რომელიც აფხაზეთის მოსახლეობის მხარდაჭერას, მათ გაძლიერებას ისახავს მიზნად.“ - დავით ფაცაცია

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ აფხაზეთიდან დევნილ ვეტერანებთან შეხვედრა გამართა.

შეხვედრის მონაწილეებმა განიხილეს ქვეყნისა და აფხაზეთიდან დევნილი ომის ვეტერანების წინაშე დღეს არსებულ გამოწვევები, საქართველოში მშვიდობის შენარჩუნებისა, სტაბილურობისა და ქვეყნის გაერთიანებისთვის საჭირო და აუცილებელ საკითხები.

დავით ფაცაციამ შეხვედრაზე ხაზი გაუსვა, აფხაზეთიდან დევნილი ომის ვეტერანების სწორი ხედვის მნიშვნელობაზე ქვეყნის გამარჯვებისა და აფხაზეთში დაბრუნების საქმეში, რაც მხოლოდ სიყვარულით და ურთიერთპატიებით მოხდება.

შეხვედრის მონაწილეები შეთანხმდნენ ქართველ და აფხაზ საზოგადოებებს შორის ნდობის აღდგენისა და შერიგების კუთხით სამშვიდობო პოლიტიკის ხელშეწყობის მიზნით ურთიერთთანამშრომლობის საკითხებზე.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია გარდაბანში მცხოვრებ საქართველოს ოკუპირებული ტერიტორიებიდან დევნილ მოქალაქეებს შეხვდა და პირადად მოისმინა მათი საჭიროებები.

დავით ფაცაციამ დევნილ მოქალაქეებს გააცნო მათი მხარდაჭერის მიზნით უკვე განხორციელებული და დაგეგმილი საქმიანობა, ასევე ისაუბრა, ქვეყანაში მიმდინარე პროცესებსა და სახელმწიფოს ღირებულებებზე.

დავით ფაცაციამ ხაზი გაუსვა მშვიდობის და ერთიანობის შენარჩუნების მნიშვნელობას, ასევე, შეეხო საქართველოს ხელისუფლების სწორ სტრატეგიულ ქმედებებსა და გადაწყვეტილებებს, რომლის შედეგადაც ქვეყნის გაერთიანებისა და განვითარების პროცესები წინ მიიწევს.

აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებით, წყალტუბოში, აფხაზეთის ავტონომიური რესპუბლიკიდან იძულებით გადაადგილებულ პირთათვის სამედიცინო აქცია მოეწყო, სადაც მათ ოფთალმოლოგის კონსულტაციები ჩაუტარდათ და ექიმის დანიშნულების შესაბამისი სათვალეები უფასოდ გადაეცათ.

სათვალეები აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ „ადამიანის უფლებათა საერთაშორისო კომისიისგან“(International Human Rights Commission) ჰუმანიტარული დახმარების სახით მიიღო.

აქციის მიმდინარეობას აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრთან გიორგი ძიგუასთან და აფხაზეთის ავტონომიური რესპუბლიკის მომსახურების სააგენტოს იმერეთის, გურიის, რაჭა-ლეჩხუმისა და ქვემო სვანეთის რეგიონისა და აჭარის ავტონომიური რესპუბლიკის ტერიტორიული ორგანოს ხელმძღვანელთან ნათია კოპალიანთან ერთად დაესწრო.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, აფხაზეთის მთავრობისა და ადგილობრივი ხელისუფლების წარმომადგენლებთან ერთად, წყალტუბოში შეხვედრები გამართა.

ხელისუფლების წარმომადგენლები წყალტუბოში, 9 აპრილის ქუჩასა და სოფელ ფარცხანაყანებში მცხოვრებ აფხაზეთის ოკუპირებული ტერიტორიებიდან დევნილ მოქალაქეებს შეხვდნენ, ისაუბრეს სოციალური, ინფრასტრუქტურული, ჯანდაცვის, დევნილთა მხარდაჭერის მიმართულებებით განხორციელებულ და დაგეგმილ საქმიანობებზე, ქვეყანაში მიმდინარე პროცესებზე, სახელმწიფოს პრიორიტეტებზე, ღირებულებებსა და სხვა მნიშვნელოვან საკითხებზე.

„აფხაზეთიდან დევნილთა წინაშე არსებული გამოწვევების აღწერისა და მათი მოგვარების გზაზე, ერთ-ერთი ძირითადი ფაქტორი არის ურთიერთგაგება დევნილებსა და ხელისუფლებას შორის. მჯერა, რომ მსგავსი შეხვედრები, ასევე არის ერთ-ერთი წინაპირობა ჩვენი ქვეყნის განვითარების, გაერთიანების, რასთანაც დღეს ისე როგორც არასდროს ვართ ახლოს.“ - დავით ფაცაცია

შეხვედრას ესწრებოდნენ წყალტუბოს მუნიციპალიტეტის მერი გენადი ბალანჩივაძე, საკრებულოს თავმჯდომარე თეიმურაზ ჭეიშვილი და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი გიორგი ძიგუა.

სსიპ „ეკონომიკური პროგრამების სააგენტო“,  ქვეპროგრამის „სასოფლო-სამეურნეო და ენდემური კულტურების წარმოების მხარდაჭერის“ ფარგლებში, აცხადებს კონკურსს და იწყებს განაცხადების მიღებას „სასათბურე კონსტრუქციის მოწყობასთან“ დაკავშირებით.

ქვეპროგრამის მიზანია აფხაზეთის ავტონომიური რესპუბლიკიდან იძულებით გადაადგილებულ პირთა ხელშეწყობა სასათბურე მეურნეობის განვითარების პროცესში, სათანადო სასათბურე კონსტრუქციის მოწყობის უზრუნველყოფის გზით.

                   კონკურსის პირობები:

1. კონკურსში მონაწილეობის მიღება შეუძლია აფხაზეთიდან დევნილთა ჯგუფს (არანაკლებ 5 პირი), რომლის წარმომადგენლები გააკეთებენ ერთობლივ განაცხადს სასათბურე კონსტრუქციის მოწყობასთან დაკავშირებით

2. ინფორმაცია ქვეპროგრამის ხსენებული ნაწილის შესახებ და კონკურსის პირობები, ეტაპები, კრიტერიუმები და შესავსები განაცხადის ფორმა იხილეთ ლინკზე:  https://shorturl.at/fjA23 

3. განაცხადების მიღება შესაძლებელია ელექტრონული ან მატერიალური ფორმით 2024 წლის 18 ოქტომბრის 15:00 საათიდან 2024 წლის 30 ოქტომბრის 17:00 საათამდე, მისამართზე: ქ. თბილისი, თამარაშვილის ქ. N15ა, სსიპ „ეკონომიკური პროგრამების სააგენტო“  ან  ელ. ფოსტაზე  lepl.applications@gmail.com

4. საერთო ჯამში 4 სასათბურე კონსტრუქცია მოეწყობა, კონკურსის საფუძველზე შერჩეულ 4 აფხაზეთიდან დევნილ ჯგუფზე.

                  საკონტაქტო ნომრები:            577092373 ;  599855369;  599040403

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის მთავრობის წევრებთან ერთად, საქართველოს საპატრიარქოში გამართულ სამეცნიერო კონფერენციას - „აფხაზეთი - ისტორია და თანამედროვეობა“ დაესწრო.

კონფერენციაზე სამღვდელოების წარმომადგენლებმა, ისტორიკოსებმა და ანალიტიკოსებმა აფხაზეთის ისტორიასთან და თანამედროვე გამოწვევებთან დაკავშირებულ საკითხებზე მოხსენებები წარმოადგინეს და თემებთან დაკავშირებით ერთმანეთს საკუთარი მოსაზრებები გაუზიარეს.

„კონფერენციის თემა: „აფხაზეთი - ისტორია და თანამედროვეობა“ მკაფიოდ გამოკვეთს ჩვენი ფიქრისა და მსჯელობის თვალსაწიერს. ჩვენ უნდა შევძლოთ და სიღრმისეულად წარმოვაჩინოთ აფხაზეთის ისტორია, როგორც საქართველოს განუყოფელი ნაწილი, რომელსაც უდიდესი როლი მიუძღვის ერთიანი ქართული სახელმწიფოებრიობის და ეროვნული თვითშეგნების ჩამოყალიბების პროცესში. არაერთი უცხოური წყარო საქართველოს აფხაზეთად მოიხსენიებდა, ხოლო აფხაზებს - ქართველებად და ქართველს - აფხაზად.

უნდა გვახსოვდეს, რომ აფხაზეთი არამარტო ტერიტორია, არამედ ჩვენი ერის სულიერი მთლიანობის ერთ-ერთი ის აუცილებელი მდგენელია, რომლის გარეშეც ჩვენი საზოგადოების წინსვლა და ერთობა წარმოუდგენელია.

ხშირად ვამბობთ, რომ აფხაზეთი ჩვენი ტკივილია. დიახ, ეს ასეცაა, მაგრამ ქრისტიანული აზროვნება სხვაგვარად გვთავაზობს ყოველგვარი პრობლემის აღქმას. ჩვენი რწმენით, ჯვარცმას და გოლგოთას ყოველთვის მოსდევს აღდგომა და ამაღლება; დიდ განსაცდელებს, თუკი ადამიანი გადაიტანს მართებულად, გონივრულად, სიბრძნით, ღვთის ნებით, მოსდევს დიდი სულიერი აღმავლობა და გამარჯვებები. ამიტომ ამ ტკივილთან დაკავშირებულია ჩვენი იმედიც. ეს არის იმედი იმისა, რომ ჩვენ აუცილებლად შევძლებთ ერთმანეთის ახლებურად დანახვას, ეს არის იმედი ურთიერთმიტევების, ეს არის იმედი იმისა, რომ ჩვენი დევნილები თავიანთ კუთხეში დაბრუნდებიან, ყველანი... ეს არის იმედი იმისა, რომ ჩვენ შევძლებთ ერთ სახელმწიფოში, ერთ ქვეყანაში თანაცხოვრებას სიყვარულითა და ურთიერთპატივისცემით, უფლის ნებითა და ყოვლადწმინდა ღვთისმშობლის მეოხებით.“ - განაცხადა სრულიად საქართველოს კათოლიკოს-პატრიარქის მოსაყდრე, სენაკისა და ჩხოროწყუს მიტროპოლიტმა შიომ.

აფხაზეთის მთავრობის წევრებმა კონფერენციის მონაწილეებს მისასალმებელი სიტყვით მიმართეს, ორგანიზატორებს მადლობა გადაუხადეს და მსგავსი ტიპის კონფერენციების მნიშვნელობაზე ისაუბრეს.

„განსაკუთრებულ მადლობას ვუხდი სრულიად საქართველოს კათოლიკოს-პატრიარქის მოსაყდრე, სენაკისა და ჩხოროწყუს მიტროპოლიტ შიოს კონფერენციის ორგანიზებისთვის, რადგანაც უაღრესად მნიშვნელოვანია ტრაგედიის 31 წლის თავზე, კიდევ ერთხელ ხაზი გავუსვათ საქართველოს ერთიანობის აუცილებლობას და დავაფიქსიროთ ჩვენი საზოგადოების განწყობა, დამოკიდებულება.

კონფერენციის მიზანი და ამოცანა საბოლოო ჯამში არის ჭეშმარიტების დადგენა, თუ როგორ ხელოვნურად ვითარდებოდა ის პროცესები, რომლებმაც ძმათა დაპირისპირებამდე მიგვიყვანა და ჩვენ - ორივე მხარემ ვეძებოთ სწორი, ისტორიული, ქრისტიანული და სიყვარულის გზა ერთმანეთის დასაბრუნებლად.

ჩვენ ალბათ ეს გოლგოთა უნდა გაგვევლო, რომ გაგვეაზრებინა თუ რა ბედნიერები ვიყავით აფხაზეთში და მეორე მხრივ, ის უბედურება რაც გვჭირდა - ჩვენ ღმერთი დავკარგეთ აფხაზეთში და შემდგომ უფრო უარესი მოხდა, როცა ნათესავები, ახლობლები, ოჯახის წევრები დაუპირისპირდნენ ერთმანეთს. ზუსტად იგივე დაემართა აფხაზეთის ოკუპირებულ ტერიტორიაზე დარჩენილ მოსახლეობას.

ახლა ისე როგორც არასოდეს დიდგორი გველოდება, უნდა გადავარჩინოთ ჩვენი მომავალი, რომელიც პირველ რიგში გადის ჩვენს რწმენაზე და თუ ეკლესია იქნება ძლიერი, საქართველო იქნება ძლიერი, თუ ვიქნებით ქრისტიანულად მტკიცედ, ერთმანეთის მიმართ სიყვარულით, მაშინ ვერავინ მოგვერევა.

სახელმწიფოს სიძლიერით, მდგრადობით და სწორი სტრატეგიული ქმედებებით ჩვენ უნდა შევქმნათ და გავაძლიეროთ ერთიანი საქართველო და ჩვენი ერთობით უნდა დავამარცხოთ გარე და შიდა მტრები, რომლებიც ებრძვიან ჩვენ ეკლესიას, ქართულ სიმტკიცეს და მშვიდობას.“ - განაცხადა დავით ფაცაციამ.

კონფერენცია სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტ ილია II-ის ინიციატივითა და ლოცვა-კურთხევით და საქართველოს საპატრიარქოს ქართველოლოგიური კვლევის ცენტრის თანადგომით ორი დღის განმავლობაში გაგრძელდება.

სიონის საკათედრო ტაძარში წირვა სრულიად საქართველოს კათალიკოს-პატრიარქმა, უწმინდესმა და უნეტარესმა ილია მეორემ კათალიკოს-პატრიარქის ტახტის მოსაყდრესთან, სენაკისა და ჩხოროწყუს მიტროპოლიტ შიოსთან და სამღვდელოებასთან ერთად აღავლინა.

,,მინდა ყველას მოვულოცო დღევანდელი დღე, ჯვარი უპირველესი ძალაა, რომელიც ხილული და უხილავი მტრისგან გვიცავს და ღრმად მწამს, რომ ძალიან მალე სრულიად საქართველოს კათოლიკოს-პატრიარქი სოხუმიდან დალოცავს გაერთიანებულ საქართველოს და ეს მხოლოდ უფლის ნებით, ჩვენი სიყვარულით და ერთიანობით მოხდება." - დავით ფაცაცია

აფხაზეთის ავტონომიური რესპუბლიკის მომსახურების სააგენტოს „სოციალური სოლიდარობის“ პროგრამის ფარგლებში, ლაგოდეხში მცხოვრებ აფხაზეთიდან დევნილ ბავშვებს საჩუქრად სპორტული ინვენტარი გადაეცათ.

საჩუქრები აფხაზეთიდან დევნილ ბავშვებს აფხაზეთის ავტონომიური რესპუბლიკის მომსახურების სააგენტოს აღმოსავლეთ საქართველოს ტერიტორიული ორგანოს წარმომადგენლებმა გადასცეს.

„ვცდილობთ თითოეული აფხაზეთიდან იძულებით გადაადგილებული პირის საჭიროება, რომელსაც ჩვენთან შეხვედრისას აჟღერებენ დროულად მოვაგვაროთ და კმაყოფილებით მინდა აღვნიშნო, რომ მათთან უშუალო კომუნიკაციის შედეგად არაერთი პროექტი უკვე განვახორციელეთ.

სწორედ, ლაგოდეხში გამართულ შეხვედრაზე მიღებული ინფორმაციების გათვალისწინებით, აფხაზეთიდან დევნილი ბავშვებისთვის ჩვენს მიერ შეძენილ იქნა სხვადასხვა სპორტული ინვენტარი, რომლებიც მათ პირადად გადავეცით.

ბედნიერი ვარ, რომ შევძელით ბავშვების გახარება. თითოეული მათგანი იმსახურებს უკეთეს ცხოვრებას ერთიან და ძლიერ საქართველოში და ჩვენ ვალდებულნი ვართ, უზრუნველყოთ მათი ღირსეული ცხოვრების საჭირო ყველა პირობა.“ - დავით ფაცაცია

აფხაზეთის ავტონომიური რესპუბლიკის მომსახურების სააგენტოს, აფხაზეთის სულიერი განვითარებისა და ეროვნული ფასეულობების დაცვის ცენტრის ერთობლივი ორგანიზებით, ათენის მერიისა და მსოფლიო საპატრიარქოს მხარდაჭერით, აფხაზეთიდან დევნილი 12-დან 14 წლამდე ახალგაზრდებისთვის საერთაშორისო ბანაკი ხორციელდება.

პროექტის ფარგლებში, 50-მდე აფხაზეთიდან დევნილი ახალგაზრდა საბერძნეთში გაემგზავრა და ქალაქ ათენში არსებულ საერთაშორისო ბანაკში ორი კვირის განმავლობაში - შემეცნებით, სახალისო და სპორტულ აქტივობებში ჩაერთვება.

პროექტის მონაწილე ახალაგზრდები ბანაკში გამგზავრებამდე ათენის მერმა ჰარის დუკასმა ათენის მერიაში მიიღო და ვახშმით გაუმასპინძლდა.

შეხვედრებს, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, საქართველოს საგანგებო და სრულუფლებიანი ელჩი საბერძნეთის რეპუბლიკაში ლევან ბერიძე, ათენის მერიის გენერალური მდივანი ვასილიოს ბოკოსი და საელჩოს მრჩეველი ვარლამ ბაძაღუა დაესწრნენ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ ათენის მერს ჰარის დუკასს აფხაზეთიდან დევნილი ახალგაზრდების მხარდაჭერისა და თანადგომისთვის მადლობა გადაუხადა სამახსოვრო საჩუქრები გადასცა.

ყოვლადუწმინდესმა, მსოფლიო პატრიარქმა ბართლომეოს I-მა მსოფლიო საპატრიარქოს რეზიდენციაში ათენის საერთაშორისო ბანაკის მონაწილე ახალგაზრდებს უმასპინძლა, დალოცა, წარმატებები, დაუვიწყარი შთაბეჭდილებები უსურვა და უთხრა, რომ უნდა ეამაყებოდეთ ქართველობა.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ ყოვლადუწმინდესთან, მსოფლიო პატრიარქ ბართლომეოს I-თან შეხვედრაზე აფხაზეთიდან დევნილი ახალგაზრდებისთვის საერთაშორისო ბანაკების განხორციელების ხელშეწყობისა და მხარდაჭერისთვის მადლობა გადაუხადა.

შეხვედრაში, ასევე, მონაწილეობნენ ქალაქ სტამბოლში საქართველოს გენერალური კონსული ალექსანდრე ჯიშკარიანი, აფხაზეთის სულიერი განვითარებისა და ეროვნული ფასეულობების დაცვის ცენტრის დირექტორი ბესიკ სილაგაძე, აფხაზეთის ავტონომიური რესპუბლიკის მომსახურების სააგენტოს დორექტორი სალომე დოლიძე, მსოფლიო საპატრიაქო საყდრის არქიმანდრიტი ილია ჯინჯოლავა, მამა მირიანი და სამინისტროს წარმომადგენლები.

მონაწილეებმა საქართველოსა და საბერძნეთის მრავალსაუკუნოვან ურთიერთობებზე ისაუბრეს, განიხილეს სამომავალო თანამშრომლობის გაძლიერების შესაძლებლობები.

ყოვლადუწმინდესმა, მსოფლიო პატრიარქმა ბართლომეოს I-მა განსაკუთრებული ყურადღება გაამახვილა სრულიად საქართველოს კათოლიკოს-პატრიარქის ილია II-ის ავტორიტეტსა და მრავალწლიან ღვაწლზე მართლმადიდებლურ სამყაროში და აფხაზეთის მთავრობის წარმომადგენლებს აფხაზეთიდან დევნილი ახალგაზრდებისთვის საერთაშორისო ბანაკების თურქეთის რესპუბლიკაში მოწყობას დაპირდა.

მსოფლიო საპატრიარქოს მხარდაჭერით, აფხაზეთის ავტონომიური რესპუბლიკის მომსახურების სააგენტოსა და აფხაზეთის სულიერი განვითარებისა და ეროვნული ფასეულობების დაცვის ცენტრის ორგანიზებით, 100-მდე აფხაზეთიდან დევნილი ახალგაზრდა საბერძნეთში გაემგზავრა, ათენსა და როდოსზე არსებულ საერთაშორისო ბანაკებში ორი კვირის განმავლობაში - ინტელექტუალურ, შემეცნებით და სპორტულ აქტივობებში მიიღებს მონაწილეობას.

„უდიდესი პატივია მსოფლიო პატრიარქ ბართლომეოს I-თან შეხვედრა, მადლობას ვუხდი მასპინძლობისთვის, საქართველოს ტერიტორიული მთლიანობის მხარდაჭერისა და იმ გულმოდგინე ძალისხმევისთვის, რომელსაც მსოფლიო საპატრიარქო უკვე რამდენიმე წელია იჩენს ჩვენი დევნილი ახალგაზრდებისთვის საერთაშორისო ბანაკების განხორციელების საქმეში.

დასაფასებელია ყოვლადუწმინდესის უშუალობა და უბრალოება, მინდა ჯანმრთელობა, მხნეობა და დღეგრძელობა ვუსურვო.“ - დავით ფაცაცია

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია სამინისტროს წარმომადგენლებთან ერთად, აფხაზეთიდან დევნილ მოსახლეობას შეხვდა და საქმიანობის ხელშეწყობის მიზნით ხელსაწყოები და ინსტრუმენტები გადასცა

„ვცდილობთ თითოეული აფხაზეთიდან იძულებით გადაადგილებული პირის საჭიროება, რომელსაც ჩვენთან შეხვედრისას აჟღერებენ დროულად მოვაგვაროთ და კმაყოფილებით მინდა აღვნიშნო, რომ მათთან უშუალო კომუნიკაციის შედეგად არაერთი პროექტი უკვე განვახორციელეთ.

სწორედ, ასეთ შეხვედრებზე მიღებული ინფორმაციების გათვალისწინებით, სამინისტროს „სოციალური სოლიდარობის“ პროგრამის ფარგლებში, ჩვენს მიერ შეძენილ იქნა სხვადასხვა სახის სამუშაოებისთვის საჭირო ინსტრუმენტები და ხელსაწყოები, რომლებიც აფხაზეთიდან იძულებით გადაადგილებულ პირებს პირადად გადავეცით.

ქმედითი და ეფექტური პროექტების განხორციელებისათვის აქტიურად ვაგრძელებთ უშუალო კომუნიკაციას, რათა ხელი შევუწყოთ ჩვენი აფხაზეთიდან დევნილი მოქალაქეების საქმიანობასა და სოციალური მდგომარეობის გაუმჯობესებას.“ - დავით ფაცაცია