დავით ფაცაცია, თავის პირველ მოადგილესთან - გურამ მისაბიშვილთან, ქ. ზუგდიდის მერთან - მამუკა წოწერიასთან, მის მოადგილესთან - მაიზერ ნანავასთან, ქ. ფოთის მერის პირველ მოადგილესთან - დავით კვიციანთან, ქ. ფოთის მერის მოადგილესთან - მამუკა პაპასკირთან და იძულებით გადაადგილებულ პირთა სამინისტროს სამეგრელო-ზემო სვანეთის ტერიტორიული ორგანოს ხელმძღვანელთან - კოტე ბასარიასთან ერთად, ზუგდიდისა და ფოთის მუნიციპალიტეტების დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებს შეხვდა.

შეხვედრაზე დავით ფაცაციამ ისაუბრა აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით განხორციელებულ, მიმდინარე და დაგეგმილ პროგრამებზე, პროექტებზე, მათ შედეგებსა და სამომავლო გეგმებზე.

სამინისტროსა და ადგილობრივი ხელისუფლების წარმომადგენლებმა მოისმინეს დევნილთა საჭიროებები და მათი მოგვარების გზები დასახეს.

დევნილი მოსახლეობის სოციალური მდგომარეობის გაუმჯობესებაზე ორიენტირებული ღონისძიებების შემუშავების მიზნით, მსგავსი შეხვედრები მომავალშიც გაგრძელდება.

საერთაშორისო ბანაკი საბერძნეთში, კუნძულ როდოსზე 40-მდე მოზარდისთვის სსიპ - აფხაზეთიდან იძულებით გადაადგილებულ პირთა-დევნილთა მომსახურების სააგენტოს, ა(ა)იპ - სულიერების ცენტრისა და როდოსის მიტროპოლიის ერთობლივი ორგანიზებით განხორციელდა.

ბანაკის ყველა მონაწილეს სერტიფიკატები და სამახსოვრო საჩუქრები გადაეცათ.

საერთაშორისო ბანაკის ბენეფიციარები იყვნენ ა(ა)იპ - სულიერების ცენტრის სხვადასხვა პროგრამებში წარმატებით მონაწილე აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი 12-დან 14 წლამდე მოზარდები.

საერთაშორისო ბანაკი გამოირჩეოდა ინტელექტუალური, შემეცნებითი, სახალისო, სპორტული და გუნდური აქტივობებით. მოზარდებმა, ასევე, დაათვალიერეს როდოსის ისტორიული ადგილები.

პროექტის ფარგლებში, მოზარდებს შესაძლებლობა ჰქონდათ გასცნობოდნენ ბერძნულ კულტურასა და ტრადიციებს, შეეძინათ და განევითარებინათ საკომუნიკაციო და სხვა მნიშვნელოვანი უნარ-ჩვევები. პროექტის მიზანი იყო, ასევე, ხელი შეეწყო აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოზარდებისთვის ერთმანეთთან სოციალური ურთიერთობების დამყარებასა და გაღრმავებაში.

საერთაშორისო ბანაკის დახურვას აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, მინისტრის პირველი მოადგილე გურამ მისაბიშვილი, სსიპ - აფხაზეთიდან იძულებით გადაადგილებულ პირთა-დევნილთა მომსახურების სააგენტოს დირექტორი სალომე დოლიძე, მამა მირიანი, როდოსის მიტროპოლიისა და ადგილობრივი ხელისუფლების წარმომადგენლები ესწრებოდნენ.

საბერძნეთში სამუშაო ვიზიტის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა მინისტრი - დავით ფაცაცია და აფხაზეთის ავტონომიური რესპუბლიკის მთავრობის თავმჯდომარის მოადგილე - ანზორ მარგიანი საბერძნეთის ქალაქ როდოსის მერს - ანტონის კამბურაკისს შეხვდნენ.

შეხვედრაზე მხარეებმა პრიორიტეტულ მიმართულებებზე, უკვე არსებულ პარტნიორობასა და შემდგომი თანამშრომლობის განვითარების საკითხებზე ისაუბრეს. მხარეებმა მზადყოფნა გამოთქვეს აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოსახლეობის საჭიროებებზე ორიენტირებული ღონისძიებების ერთობლივად განხორციელების მიზნით თანამშრომლობის კიდევ უფრო გაღრმავების თაობაზე.

აფხაზეთის ავტონომიური რესპუბლიკის მთავრობის წარმომადგენლებმა ქალაქ როდოსის მერს - ანტონის კამბურაკისს თანადგომისა და აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოზარდებისთვის საერთაშორისო ბანაკის განხორციელების მხარდაჭერისთვის მადლობა გადაუხადეს.

შეხვედრას, ასევე, ესწრებოდნენ აფხაზეთის ავტონომიური რესპუბლიკის იძულებით გადაადგილებულ პირთა მინისტრის პირველი მოადგილე - გურამ მისაბიშვილი და სსიპ - აფხაზეთიდან იძულებით გადაადგილებულ პირთა-დევნილთა მომსახურების სააგენტოს დირექტორი - სალომე დოლიძე.

შეხვედრის დასასრულს, მხარეებმა ერთმანეთს სიმბოლური საჩუქრები გადასცეს.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის ავტონომიური რესპუბლიკის მთავრობის თავმჯდომარის მოადგილე - ანზორ მარგიანთან, თავის პირველ მოადგილე - გურამ მისაბიშვილთან, სსიპ - აფხაზეთიდან იძულებით გადაადგილებულ პირთა-დევნილთა მომსახურების სააგენტოს დირექტორ - სალომე დოლიძესთან და როდოსის ადგილობრივი ხელისუფლების წარმომადგენლებთან ერთად, როდოსის მიტროპოლიტ კირილე II-ის მიწვევით ლიტურგიასა და ტრაპეზს დაესწრნენ.

აფხაზეთის ავტონომიური რესპუბლიკის მთავრობის წარმომადგენლებმა როდოსის ადგილობრივ ხელისუფლებასა და როდოსის მიტროპოლიტ კირილე II-ს აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოზარდებისთვის საერთაშორისო ბანაკის განხორციელების ხელშეწყობისა და მხარდაჭერისთვის მადლობა გადაუხადეს. მათ, ასევე, ისაუბრეს საქართველოსა და საბერძნეთის მრავალსაუკუნოვან ურთიერთობებზე და განიხილეს სამომავალო თანამშრომლობის გაძლიერების შესაძლებლობები.

როდოსის მიტროპოლიტმა კირილე II-ემ ისაუბრა საბერძნეთსა და საქართველოს შორის მჭიდრო კავშირებზე და განსაკუთრებული ყურადღება გაამახვილა სრულიად საქართველოს კათოლიკოს-პატრიარქის ილია II-ის ავტორიტეტსა და მრავალწლიან ღვაწლზე მართლმადიდებლურ სამყაროში.

დასასრულს, მხარეებმა ერთმანეთს სიმბოლური საჩუქრები გადასცეს.

სსიპ - აფხაზეთიდან იძულებით გადაადგილებულ პირთა-დევნილთა მომსახურების სააგენტოს, ა(ა)იპ - სულიერების ცენტრისა და როდოსის მიტროპოლიის ერთობლივი ორგანიზებით, ა(ა)იპ - სულიერების ცენტრის სხვადასხვა პროგრამებში წარმატებით მონაწილე აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი 12-დან 14 წლამდე მოზარდებისთვის საბერძნეთში, კუნძულ როდოსზე საერთაშორისო ბანაკი გაიხსნა.

პროექტის ფარგლებში, 40-მდე მოზარდი საბერძნეთში გაემგზავრა და კუნძულ როდოსზე არსებულ საერთაშორისო ბანაკში ორი კვირის განმავლობაში - ინტელექტუალურ, შემეცნებით, სახალისო, სპორტულ და გუნდურ აქტივობებში მიიღებს მონაწილეობას.

პროექტი მოზარდებს შესაძლებლობას მისცემს აიმაღლონ ცნობიერება სხვადასხვა საკითხებზე, მათ შორის დასავლურ ღირებულებებზე, გაეცნონ ბერძნულ კულტურასა და ტრადიციებს, განივითარონ საკომუნიკაციო და სხვა სახის უნარ-ჩვევები. ამასთან, პროექტით დაგეგმილი აქტივობები აფხაზეთის ოკუპირებულ ტერიტორიაზე მცხოვრებ და აფხაზეთიდან დევნილ მოზარდებს ხელს შეუწყობს ერთმანეთთან სოციალური ურთიერთობების დამყარებასა და გაღრმავებაში.

სრულიად საქართველოს კათოლიკოს-პატრიარქის მოსაყდრე, სენაკისა და ჩხოროწყუს მიტროპოლიტ შიოს ლოცვა-კურთხევით, საქართველოს საპატრიარქოს სენაკისა და ჩხოროწყუს ეპარქიის განათლების ცენტრის ორგანიზებით, წმინდა ალექსი შუშანიას სახელობის მართლმადიდებლური სკოლა-გიმნაზიისა და აფხაზეთიდან იძულებით გადაადგილებულ პირთა-დევნილთა მომსახურების სააგენტოს მხარდაჭერით ქ. სენაკში, მართლმადიდებლურ სკოლა-გიმნაზიაში აფხაზეთიდან დევნილი, 15-დან 17 წლამდე მოზარდებისთვის განხორციელებული ორ კვირიანი საზაფხულო სკოლა წარმატებით დასრულდა და პროექტის ყველა მონაწილეს სერტიფიკატები და სამახსოვრო საჩუქრები გადაეცათ.

საზაფხულო სკოლაში მონაწილეობდნენ ოკუპირებულ ტერიტორიაზე მცხოვრები, ჩხოროწყუს მუნიციპალიტეტის აფხაზეთის მე-10 საჯარო, სენაკის მუნიციპალიტეტის აფხაზეთის მე-7 საჯარო სკოლებისა და წმინდა ალექსი შუშანიას სახელობის მართლმადიდებლური სკოლის მოსწავლეები.

პროექტის ფარგლებში, განხორციელდა მნიშვნელოვანი საგანმანათლებლო, კულტურული და სპორტული ღონისძიებები. საზაფხულო სკოლის მოსწავლეებმა შეიძინეს ისეთი მნიშვნელოვანი უნარ-ჩვევები, როგორიც არის - ეფექტური კომუნიკაცია, კრიტიკული აზროვნება, გუნდური მუშაობა, კონფლიქტების მართვა, ინფორმაციის დამუშავება და ანალიზი, სტრესის მართვა, პროექტის წერა და სხვა. პროექტის მიზანია - დევნილი ახალგაზრდების ინტეგრირების პროცესის ხელშეწყობა, მათში მაღალი სამოქალაქო თვითშეგნების გაღვივება, მოზარდთა თავისუფალი დროის გონივრული ორგანიზება, მოსწავლეებში STEM-ის მიმართულებით ინტერესის აღძვრა, ქვეყნის ისტორიის და ეთნოგრაფიის, კულტურული მემკვიდრეობის გაცნობა, გარემოსდაცვითი ღონისძიებების განხორციელება, ახალგაზრდებისათვის ჯანსაღი და მეგობრული გარემოს შექმნა.

საზაფხულო სკოლის დასკვნით ღონისძიებას ესწრებოდნენ სენაკის იოანე ნათლისმცემლის სახელობის ტაძრის კეთილმოწესე-დეკანოზი - იოანე კუპრეიშვილი, სენაკის ღირსი ალექსი სენაკელის სახელობის ტაძრის მღვდელმსახური-მღვდელი - მალხაზ ჭანტურია, აფხაზეთის ავტონომიური რესპუბლიკის იძულებით გადაადგილებულ პირთა მინისტრი - დავით ფაცაცია, მინისტრის პირველი მოადგილე - გურამ მისაბიშვილი, აფხაზეთიდან იძულებით გადაადგილებულ პირთა-დევნილთა მომსახურების სააგენტოს დირექტორი – სალომე დოლიძე, ქ. სენაკის მუნიციპალიტეტის მერი - ვახტანგ გადელია, მერის პირველი მოადგილე - გრიგოლ ბაღათურია, ადგილობრივი ხელისუფლებისა და შესაბამისი სექტორის წარმომადგენლები.

დავით ფაცაცია, თავის პირველ მოადგილესთან - გურამ მისაბიშვილთან, სენაკის მუნიციპალიტეტის მერის პირველ მოადგილესთან - გრიგოლ ბაღათურიასთან, იძულებით გადაადგილებულ პირთა სამინისტროს სამეგრელო-ზემო სვანეთის ტერიტორიული ორგანოს ხელმძღვანელთან - კოტე ბასარიასთან ერთად - სენაკის, ხობის, აბაშის, ჩხოროწყუს, მარტვილის მუნიციპალიტეტების დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებს შეხვდა.

შეხვედრაზე დავით ფაცაციამ ისაუბრა აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით განხორციელებულ, მიმდინარე და დაგეგმილ პროგრამებზე, პროექტებზე, მათ შედეგებსა და სამომავლო გეგმებზე.

სამინისტროს წარმომადგენლებმა მოისმინეს დევნილთა საჭიროებები და მათი მოგვარების გზები ადგილზევე დასახეს.

დევნილი მოსახლეობის სოციალური მდგომარეობის გაუმჯობესებაზე ორიენტირებული ღონისძიებების შემუშავების მიზნით, მსგავსი შეხვედრები მომავალშიც გაგრძელდება.

სსიპ - აფხაზეთიდან იძულებით გადაადგილებულ პირთა - დევნილთა მომსახურების სააგენტოსა და აკვაპარკ „ჯინო ფერედაისის“ ერთობლივი ორგანიზებით, აკვაპარკის ტერიტორიაზე აფხაზეთიდან დევნილი ბავშვებისთვის სხვადასხვა სპორტული და გასართობი აქტივობები მოეწყო.

ღონისძიების ფარგლებში, აფხაზეთიდან იძულებით გადაადგილებული 50-მდე მოზარდისა და მათი მშობლებისთვის აკვაპარკში მდებარე წყლის ატრაქციონები და გასართობი ობიექტები უფასო იყო.

ღონისძიებაში მონაწილე მოზარდებს შეხვდნენ, მათთან ერთად აკვაპარკი დაათვალიერეს და სხვადასხვა აქტივობებში მონაწილეობა მიიღეს აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, სსიპ - აფხაზეთიდან იძულებით გადაადგილებულ პირთა - დევნილთა მომსახურების სააგენტოს დირექტორმა სალომე დოლიძემ და აკვაპარკ „ჯინო ფერედაისის“ აღმასრულებელი დირექტორის მოადგილემ გერანი ბოლქვაძემ.

პროექტის მიზანია აფხაზეთიდან დევნილი მოზარდების თავისუფალი დროის გონივრული ორგანიზება, მათი წახალისება და სპორტულ აქტივობებში ჩართვის ხელშეწყობა. პროექტის ფარგლებში, მოზარდებს საშუალება მიეცათ დაესვენათ, სასიამოვნოდ გაეტარებინათ დრო, შეეძინათ ახალი მეგობრები და გაეაზრებინათ ჯანსაღი ცხოვრების წესი.

მადლობას ვუხდით აკვაპარკ „ჯინო ფერედაისს“, მის ხელმძღვანელს ნოდარ გიორგაძეს და აკვაპარკის აღმასრულებელი დირექტორის მოადგილეს გერანი ბოლქვაძეს მხარდაჭერისა და პარტნიორობისთვის, რომლებიც აფხაზეთიდან იძულებით გადაადგილებულ მოზარდებს აკვაპარკში მდებარე წყლის ატრაქციონებითა და გასართობი ობიექტებით სრულად უფასოდ გაუმასპინძლდნენ.

დღეს, აფხაზეთიდან იძულებით გადაადგილებულ პირთა-დევნილთა მომსახურების სააგენტოს, სენაკისა და ჩხოროწყუს ეპარქიის განათლების ცენტრის, წმინდა ალექსი შუშანიას სახელობის მართლმადიდებლური სკოლა-გიმნაზიის ერთობლივი ორგანიზებითა და ქ. სენაკის მუნიციპალიტეტის მერიის მხარდაჭერით, ქ. სენაკში, მართლმადიდებლურ სკოლა-გიმნაზიაში აფხაზეთიდან დევნილი, 15-დან 17 წლამდე მოზარდებისთვის საზაფხულო სკოლა გაიხსნა.

საზაფხულო სკოლის გახსნით ღონისძიებას აფხაზეთიდან იძულებით გადაადგილებულ პირთა-დევნილთა მომსახურების სააგენტოს დირექტორი – სალომე დოლიძე, ქ. სენაკის მუნიციპალიტეტის მერ – ვახტანგ გადელიასთან, მის პირველ მოადგილე – გრიგოლ ბაღათურიასთან, წმინდა ალექსი შუშანიას სახელობის მართლმადიდებლური სკოლა-გიმნაზიის დირექტორ – ნინო ჯანჯღავასთან და შესაბამისი სექტორის წარმომადგენლებთან ერთად დაესწრო.

საზაფხულო სკოლის მონაწილეები არიან - ოკუპირებული ტერიტორიაზე მცხოვრები, ჩხოროწყუს მუნიციპალიტეტის აფხაზეთის მე-10 საჯარო, სენაკის მუნიციპალიტეტის აფხაზეთის მე-7 საჯარო სკოლებისა და წმინდა ალექსი შუშანიას სახელობის მართლმადიდებლური სკოლის მოსწავლეები.

პროექტის ფარგლებში განხორციელდება მნიშვნელოვანი საგანმანათლებლო, კულტურული და სპორტული ღონისძიებები. საზაფხულო სკოლის მონაწილეები შეიძენენ და განივითარებენ ისეთ მნიშვნელოვან უნარ-ჩვევებს, როგორიც არის - პრობლემის გადაჭრა, ეფექტური კომუნიკაცია, კრიტიკული აზროვნება, გუნდური მუშაობა, კონფლიქტების მართვა, ინფორმაციის დამუშავება და ანალიზი, სტრესის მართვა, პროექტის წერა და სხვა. პროექტის მიზანია - მაღალი სამოქალაქო თვითშეგნების გაღვივება, მოზარდთა თავისუფალი დროის გონივრული ორგანიზება, მოსწავლეებში STEM-ის მიმართულებით ინტერესის აღძვრა, ქვეყნის ისტორიის და ეთნოგრაფიის, კულტურული მემკვიდრეობის გაცნობა, გარემოსდაცვითი ღონისძიებების განხორციელება, ახალგაზრდებისათვის ჯანსაღი და მეგობრული გარემოს შექმნა.

აფხაზეთის ავტონომიური რესპუბლიკის იძულებით გადაადგილებულ პირთა სამინისტროში აფხაზეთის ავტონომიური რესპუბლიკის მთავრობის წევრების გასვლითი შეხვედრა გაიმართა.

შეხვედრაზე დავით ფაცაციამ სამინისტროს 2022 წლის 6 თვის საქმიანობის ანგარიში წარადგინა და დეტალურად ისაუბრა პრიორიტეტული მიმართულებებით განხორციელებულ და მიმდინარე პროგრამებზე, პროექტებზე, მათ შედეგებსა და სამომავლო გეგმებზე.

შეხვედრაზე სსიპ - „აფხაზეთიდან იძულებით გადაადგილებულ პირთა - დევნილთა მომსახურების სააგენტოს“ დირექტორმა სალომე დოლიძემ, ასევე, წარადგინა ინფორმაცია სააგენტოს 2022 წლის 6 თვის განმავლობაში განხორციელებული პროგრამების შესახებ და ისაუბრა სააგენტოს მიერ წლის ბოლომდე დაგეგმილ ღონისძიებებზე.

შეხვედრის დასასრულს, მთავრობისა და სამინისტროს წარმომადგენლებმა განიხილეს აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოსახლეობის საჭიროებები, მათი სოციალური მდგომარეობის გაუმჯობესებისა და მხარდაჭერის მიზნით სამინისტროს მიერ დაგეგმილი ღონისძიებები და მათი მოსალოდნელი შედეგები.

შეხვედრას აფხაზეთის ავტონომიური რესპუბლიკის მთავრობის თავმჯდომარე - რუსლან აბაშიძე, აფხაზეთის მთავრობისა და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს წარმომადგენლები ესწრებოდნენ.

ბათუმში ცნობილი პედაგოგის და მეცნიერის   ფერიდე აცამბას მემორიალური  დაფა გაიხსნა. მემორიალური დაფა მის საცხოვრებელ სახლთან განთავსდა, სადაც ასევე ფუნქციონირებს აფხაზი მეცნიერის  მუზეუმიც. 

მემორიალური დაფა აფხაზეთიდან იძულებით გადადგილებულ პირთა მინისტრმა დავით ფაცაციამ და  ბათუმის საკრებულოს დეპუტატმა ნერიმან ცინცაძემ გახსნეს.  მონაწილეებმა ისაუბრეს აფხაზი მეცნიერის ღვაწლზე.

 ღონისძიება აჭარაში აფხაზეთის დღეების ფარგლებში ჩატარდა.  

ფერიდე აცამბას მემორიალური  დაფა ,,სოროპტიმისტ  ინტერნეიშენალი’’  ბათუმის  კლუბის ინიციატივითა    და ბათუმის საკრებულოს გადაწყვეტილებით  გაიხსნა.  

საჯარო სამართლის იურიდიული პირის – „აფხაზეთიდან იძულებით გადაადგილებულ პირთა –  დევნილთა მომსახურების სააგენტოს“ - დირექტორის მოადგილის ვაკანტური პოზიციის დასაკავებლად

თანამდებობის დასახელება -  დირექტორის მოადგილე

პოზიციის დასახელება - საჯარო სამართლის იურიდიული პირის – „აფხაზეთიდან იძულებით გადაადგილებულ პირთა –  დევნილთა მომსახურების სააგენტოს“   დირექტორის მოადგილე

კონკურსის ტიპი - გამარტივებული კონკურსი

ორგანიზაცია - საჯარო სამართლის იურიდიული პირის – „აფხაზეთიდან იძულებით გადაადგილებულ პირთა –  დევნილთა მომსახურების სააგენტო

კატეგორია  - მართვა/მენეჯმენტი

თანამდებობრივი სარგო - 2200 ლარი

ადგილების რაოდენობა   - 1

სამსახურის  ადგილმდებარეობა   -  თბილისი

სამუშაოს ტიპი - სრული  განაკვეთი

განცხადების წარდყენის ბოლო ვადა - 01.07.2022

 ფუნქციები

• სააგენტოს დირექტორისათვის მასზე დაკისრებული მოვალეობების განხორციელებაში ხელშეწყობა;
• სააგენტოს დირექტორის მიერ განსაზღვრულ საკურატორო სფეროში შესაბამისი სამსახურების საქმიანობის წარმართვა, თანამშრომელთა კოორდინაცია და სამუშაოს შესრულებაზე კონტროლი;
• სააგენტოს დირექტორის დავალებით მისი მოვალეობის შესრულება;
• უფლებამოსილების ფარგლებში, სააგენტოს დირექტორის სხვა დავალებების შესრულება.

მოთხოვნები

მინიმალური განათლება  - უმაღლესი განათლება

სამუშაო გამოცდილება -  4 წელი დევნილებთან მიმართულებით, მათ შორის ხელმძღვანელად მუშაობის 1 წელი.

ენა               წერითი უნარები                მეტყველება

ქართული           C1                                             C1

კომპიუტერული პროგრამები, ოპერაციული სისტემები

პროგრამის დასახელება               ცოდნის დონე

Microsoft Office Word                       კარგი

Microsoft Office Excel                            კარგი

საკონტაქტო ინფორმაცია

 საკონკურსო კომისიის მისამართი - თბილისი, ვაჟა-ფშაველას გამზირი N16 (მე- 7 სართული)

საკონტაქტო ტელეფონი  - ლეილა აბსანძე

საკონტაქტო პირი - 597023113

დამატებითი მოთხოვნები

სამუშაო გამოცდილება - 4 წელი ოკუპირებული ტერიტორიიდან იძულებით გადაადგილებულ პირებთან-დევნილებთან  მათ შორის ხელმძღვანელად მუშაობის 1 წელი.

ინგლისური ენა - B2 ან/და რუსული ენა - B2

1. ეფექტური კომუნიკაციისა და მოლაპარაკებების წარმართვის უნარი;
2. საჯარო დაწესებულების წარმომადგენლობის უნარი;
3. სტრატეგიული და კომპლექსური აზროვნების უნარი;
4. სტრუქტურული ერთეულისა და ინდივიდუალური ამოცანების დასახვის უნარი;
5. ცვლილებების/სიახლეების ინიცირებისა და მართვის უნარი;
6. პროექტების მართვის უნარი;
7. თათბირებისა და შეხვედრების წარმართვის უნარი;
8. მოხელის პროფესიული განვითარების;
9. გუნდის განვითრების უნარი;
10. პრობლემების გადაჭრისა და კონფლიქტების მართვის უნარი

დამატებითი ინფორმაცია

- კონკურსში მონაწილეობისათვის, კანდიდატი ვალდებულია სამინისტროს ოფიციალურ მეილზე - devnilta.info@gmail.com გამოაგზავნოს ან/და სამინისტროს ადმინისტრაციულ შენობაში (მისამართი - ქ. თბილისი, ვაჟა-ფშაველას გამზ. 16, მე-7 სართული) მოიტანოს შემდეგი დოკუმენტაცია:

ა) განაცხადი

ბ) ავტობიოგრაფია

გ) უმაღლესი განათლების დამადასტურებელი დიპლომის ასლი

- საბუთები წარდგენილი უნდა იქნეს სახელმწიფო ენაზე (უცხოურენოვანი საბუთის შემთხვევაში საჭიროა მისი ნოტარიულად დამოწმებული თარგმანის წარდგენა);- გასაუბრებისათვის დაკავშირება მოხდება შერჩეულ კანდიდატებთან (კონკურსის ეტაპების შედეგების შესახებ კანდიდატს ეცნობება მის მიერ განაცხადში მითითებული ელექტრონული ფოსტის ან/და მობიულური ნომრის მეშვეობით).

გადაწყვეტილების მიღების ფორმა და ვადა

საბოლოო გადაწყვეტილება მიიღება განაცხადების მიღების ვადის ამოწურვიდან არა უგვიანეს 3 თვისა.

გადაწყვეტილებას იღებს უფლებამოსილი პირი მხოლოდ შერჩეულ კანდიდატებთან გასაუბრების საფუძველზე.

კონკურსის ეტაპები

განცხადების გადარჩევა

გასაუბრება

საკონკურსო თემატიკა

ა) საქართველოს კონსტიტუცია;

ბ) აფხაზეთის ავტონომიური რესპუბლიკის კონსტიტუცია;

გ) ,,ნორმატიული აქტების შესახებ’’ საქართველოს ორგანული კანონი;

დ) ,,საქართველოს შრომის კოდექსი’’ საქართველოს ორგანული კანონი;

ე) ,,საქართველოს ზოგადი ადმინისტრაციული კოდექსი’’ საქართველოს კანონი;

ვ) ,,იძულებით გადაადგილებულ პირთა-დევნილთა შესახებ’’ საქართველოს კანონი;

ზ) ,,საჯარო სამართლის იურიდიული პირის შესახებ’’ საქართველოს კანონი;

თ) ,,საჯარო დაწესებულებაში ინტერესთა შეუთავსებლობისა და კორუფციის შესახებ საქართველოს კანონი;

ი) აფხაზეთის ავტონომიური რესპუბლიკის მთავრობის 2019 წლის 31 ივლისის N18 დადგენილება „აფხაზეთის ავტონომიური რესპუბლიკის აფხაზეთის ავტონომიური რესპუბლიკიდან იძულებით გადაადგილებულ პირთა[1]დევნილთა სამინისტროს დებულების დამტკიცების შესახებ’’;

კ) საჯარო სამართლის იურიდიული პირის – „აფხაზეთიდან იძულებით გადაადგილებულ პირთა – დევნილთა მომსახურების სააგენტოს“ დებულების დამტკიცების შესახებ აფხაზეთის ავტონომიური რესპუბლიკის მთავრობის

2021 წლის 5 მარტის N13 დადგენილება.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, აფხაზეთის მთავრობის თავმჯდომარე - რუსლან აბაშიძესთან, აფხაზეთის ავტონომიური რესპუბლიკის, ცენტრალური და ადგილობრივი ხელისუფლების წარმომადგენლებთან ერთად, ხელვაჩაურის მუნიციპალიტეტში, სოფელ ფერიის ახალაშენებული სკოლა დაათვალიერეს და აფხაზ მოსწავლეებსა და მათ პედაგოგებს შეხვდნენ.

შეხვედრაზე, სოფელ ფერიის საჯარო სკოლის მოსწავლეებმა აფხაზურ ენაზე „ვეფხისტყაოსნიდან“ ფრაგმენტები წაიკითხეს და აფხაზურ თემატიკაზე დადგმული სპექტაკლი - „ჩემი თვალით დანახული საქართველო“ წარმოადგინეს.

ღონისძიების დასასრულს, აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ სოფელ ფერიის საჯარო სკოლის მოსწავლეებს „ადამიანის უფლებათა დაცვის საერთაშორისო კომისიისგან“ (IHRC) მიღებული ჰუმანიტარული დახმარება - სათამაშოები დაურიგა.

აღსანიშნავია, რომ 2015 წლიდან სოფელ ფერიის საჯარო სკოლაში აჭარის განათლების, კულტურისა და სპორტის სამინისტროს ხელშეწყობით, აფხაზური ენის ჯგუფი მოქმედებს. ჯგუფში აფხაზურ ენას 23 მოსწავლე ეუფლება და სასწავლო წლის განმავლობაში ამ ჯგუფის მოსწავლეებმა აფხაზურ ენაზე არაერთი ქართული ნაწარმოები შეისწავლეს.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია თავის პირველ მოადგილესთან გურამ მისაბიშვილთან და აფხაზეთიდან იძულებით გადაადგილებულ პირთა - დევნილთა მომსახურების სააგენტოს დირექტორთან სალომე დოლიძესთან ერთად, აჭარაში გამართულ „აფხაზეთობის“ ღონისძიებებს დაესწრო.

აფხაზეთის ავტონომიური რესპუბლიკის მთავრობის მხარდაჭერით, აფხაზეთის ავტონომიური რესპუბლიკის იძულებით გადაადგილებულ პირთა სამინისტროს, აფხაზეთის განათლებისა და კულტურის სამინისტროსა და აფხაზეთიდან იძულებით გადაადგილებულ პირთა - დევნილთა მომსახურების სააგენტოს ორგანიზებით ბათუმში „აფხაზეთობის“ ღონისძიებები გაიმართა.

ილია ჭავჭავაძის სახელობის პროფესიული სახელმწიფო დრამატული თეატრის ფოიეში კოლხური კუთხე მოეწყო. იქვე წარმოდგენილი იყო გამოფენა „კადრები აფხაზეთიდან“, ასევე, ლაზი მხატვრის, ჰასან ჰემილიშის ნახატების გამოფენა, კოლხური ცივილიზაციის ტომების ჩაცმულობის ფოტოები და სამოსი.

ღონისძიების ფარგლებში, აფხაზეთის სიმღერისა და ცეკვის სახელმწიფო აკადემიურ ანსამბლ „აფხაზეთის“ და აჭარის სიმღერისა და ცეკვის სახელმწიფო აკადემიურ ანსამბლ „არსიანის“ მონაწილეობით კონცერტი ჩატარდა.

ღონისძიების ფარგლებში დოკუმენტური ფილმის „აღმოაჩინე აფხაზეთი“ ჩვენება გაიმართა.