სიახლეები

აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის მიერ, ქ. თბილისში, აფხაზეთის მოსახლეობის საცხოვრებელ ობიექტებში მიმდინარეობს მცირეფასიანი და გადაუდებელი სარემონტო სახის შემდეგი  სამუშაოები:

1. ქ. თბილისი, დავით აღმაშენებლის გამზირი N-138: მიმდინარეობს საცხოვრებელი შენობის მე-4 სართულზე სველი წერტილის დაზიანებული წყლის სისტემის მოხსნა და ახალი წყლის სიტემის მოწყობა.

2. ქ. თბილისი, ოქროყანა, ზონა ,,ა’’, ბესიკის ქ.N-2ა: მიმდინარეობს საცხოვრებელი შენობის, 1-ლი და მე-2 სადარბაზოს შესავლელებთან ქარსაჩეხების გადახურვის მოწყობა.

3. ქ. თბილისი, ვარკეთილი-3, მე-2 მ/რ, კორპუსი N-34: მიმდინარეობს შენობის მე-2 სადარბაზოში შესასვლელი კიბის მარშის და მოაჯირების მოწყობა. სადარბაზოს იატაკის ქვიშა-ცემენტის ხსნარით მოჭიმვა.

აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის მიერ, ქ. თბილისში, აფხაზეთის მოსახლეობის საცხოვრებელ ობიექტებში მიმდინარეობს მცირეფასიანი და გადაუდებელი სარემონტო სახის შემდეგი  სამუშაოები:

1. ქ.თბილისი, ვარკეთილი-3, მე-4 მ/რ, კორპუსი N-42ა: მიმდინარეობს საცხოვრებელი შენობის შესასვლელი კიბის მარშის აღდგენა.

2. ქ. თბილისი, ვარკეთილი-3, მე-3 მ/რ, რ. დვალის ქ. N-11 : მიმდინარეობს საცხოვრებელი შენობის შესასვლელი კიბის მარშის მოაჯირების მოწყობის სარემონტო სამუშაოები.

3. ქ. თბილისი, ქერჩის ქ. N-12: მიმდინარეობს საცხოვრებელი შენობის კიბის უჯრედის მოაჯირების მოწყობის სარემონტო სამუშაოები.

4. ქ. თბილისი, პოლიციის ქ. N-13/15: მიმდინარეობს საცხოვრებელი შენობის მე-2 სართულის დერეფანის ლესვითი და სამღებრო სამუშაო.

აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის მიერ, ქ. თბილისში, აფხაზეთის მოსახლეობის საცხოვრებელ ობიექტებში მიმდინარეობს მცირეფასიანი და გადაუდებელი სარემონტო სახის შემდეგი  სამუშაოები:

1. ქ. თბილისი, სოფელი დიღომი, დავით აღმაშენებელის N-58: მიმდინარეობს საცხოვრებელი შენობის შესასვლელი დაზიანებული ორფრთიანი კარის მოხსნა და ახალი ლითონის ორფრთიანი კარის მოწყობა.

2. ქ. თბილისი, ქერჩის N-6 ბ: მიმდინარეობს საცხოვრებელი შენობის სადარბაზოში მეტალო-პლასტმასის ფანჯრების მოწყობა.

3. ქ. თბილისი, ჭიჭინაძის N-9: მიმდინარეობს საცხოვრებელი შენობის არსებული დაზიანებული წყალსადენის სისტემის მოხსნა და ახალი წყალსადენის სისტემის გაყვანა.

4. ქ. თბილისი, ზღვის უბნის, მე-11 მ/რ, მე-2 კვარტალი, კორპუსი N-21ა: მიმდინარეობს საცხოვრებელი შენობის არსებული დაზიანებული საკანალიზაციო სისტემის მოხსნა და ახალი საკანალიზაციო სისტემის მოწყობა.

თბილისის თოჯინების სახელმწიფო თეატრის და აფხაზეთის ა/რ განათლებისა და კულტურის სამინისტროს ერთობლივი ღონისძიების ფარგლებში, 07-12-19 აფხაზეთის მოსახლეობის ყველაზე პატარა და მნიშვნელოვანი წარმომადგენლებისათვის გაიმართა საქველმოქმედო ღონისძიება, რომელზეც მოეწყო სპექტაკლ ,, სიმბას"-ს ჩვენება. წარმომადგენლობა დიდ მადლობას უხდის გამოჩენილი ყურადღებისა და სითბოსათვის თბილისის სახელმწიფო თეატრის სამხატვრო ხელმძღვანელს ბატონ ნიკოლოზ საბაშვილს, თეატრის ხელმძღვანელს ბატონ კონსტანტინე ქარქაშაძეს და თეატრის მთელ შემადგენლობას, აფხაზეთიდან პატარებისათვის, კიდევ ერთი თბილი და დასამახსოვრებელი დღის წარმოდგენისათვის.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ ხაშურში, ახალაშენებულ კორპუსში აფხაზეთიდან 14 დევნილ ოჯახს ბინები გადასცა.
საცხოვრებელი ფართების გადაცემის შემდეგ, სურამში, ორი ნგრევადი ობიექტი იხურება, სადაც იძულებით გადაადგილებული ოჯახები, წლების განმავლობაში, უმძიმეს პირობებში ცხოვრობდნენ.
ხაშურში, რუსთაველის ქუჩაზე არსებული ბინები სამინისტრომ დევნილი ოჯახებისთვის, მენაშენეების პროგრამის ფარგლებში, კონკურსის წესით შეისყიდა.
2013 წლიდან დღემდე, საქართველოს მასშტაბით, 154 ნგრევადი ობიექტი დაიხურა და იქ მცხოვრებმა 2000-მდე დევნილმა ოჯახმა ბინა ახალაშენებულ კორპუსებში მიიღო.

აფხაზეთიდან დევნილთათვის მართლზომიერ მფლობელობაში/სარგებლობაში გადაცემულ ობიექტებზე ბინათმესაკუთრეთა ამხანაგობის ხელშემწყობმა კომისიამ 1019 წლის 06 დეკემბერს გამართა სხდომა ქ. ზუგდიდის მუნიციპალიტეტში, დემურიას ქუჩა # 1-ში მდებარე მრავალბინიანი კორპუსის ბინათმესაკუთრეთა ამხანაგობის თავმჯდომარეობის კანდიდატის, 2019 წლის 05 დეკემბერს სამინისტროში შემოსულ # 01/1516 განცხადებასთან დაკავშირებით.

კომისიამ განიხილა და მიიღო დადებითი გადაწყვეტილება ბენეფიციარის განცხადების დაკმაყოფილებისთან დაკავშირებით.

აფხაზეთის ავტონომიური რესპუბლიკის განათლებისა და კულტურის სამინისტროსა და თბილისის გიორგი მიქელაძის სახელობის სახელმწიფო პროფესიული თოჯინების თეატრის თანამშრომლობის შედეგად, აფხაზეთიდან დევნილი, რამდენიმე კომპაქტურ ჩასახლებაში მცხოვრები მოზარდები, სპექტაკლს - ,,სიმბას თავგადასავალი“ დაესწრნენ.

პროექტს კოორდინაციას აფხაზეთის ავტონომიური რესპუბლიკის განათლებისა და კულტურის მინისტრის მთავარი მრჩეველი მალხაზ კორძახია უწევდა.

აფხაზეთის ავტონომიური რესპუბლიკის განათლებისა და კულტურის სამინისტრო, ქვეპროგრამის „საახალწლო ზეიმი დევნილი ბავშვებისათვის“ ფარგლებში, ქ. თბილისში  ყოველწლიურად, ტრადიციულად მართავს საახალწლო წარმოდგენას. წლეულს კი აღნიშნული პროექტი კიდევ უფრო მასშტაბური გახდა, ის გაიმართება ქ. ზუგდიდში, სადაც მრავალი დევნილი ოჯახია დასახლებული, რათა კიდევ უფრო მეტმა დევნილმა მოზარდმა მიიღოს საახალწლო საჩუქარი და მხიარულად შეეგებოს ახალ წელს.

კერძოდ, დაგეგმილია: დევნილი მოზარდებისთვის საახალწლო-საბავშვო წარმოდგენის გამართვა ქ. თბილისში, აფხაზეთის ა/რ განათლებისა და კულტურის სამინისტროში, „დიმიტრი ჯაიანის სახელობის“ დარბაზში, 28-29 დეკემბერს,  დღეში 2-ჯერ 14:00 სთ. და 16:00 საათზე და ქ. ზუგდიდში მუნიციპალიტეტის მოსწავლე-ახალგაზრდობის განვითარების სასახლეში 11 იანვარს, დღეში 2-ჯერ, 12:00 და 14:00 საათზე.

საახალწლო წარმოდგენის გამართვისათვის მიმდინარეობს წარმოდგენის მოწყობის მსურველი იურიდიული პირების განცხადებების მიღება.  განცხადების წარმომდგენმა პირმა უნდა დააკმაყოფილოს შემდეგი კრიტერიუმები:

1. 4 დან 14 წლამდე ასაკის მოზარდებისთვის საახალწლო განწყობის შემქმნელი სპექტაკლის წარმოდგენა;
2. სპექტაკლის ჩატარება ქ. თბილისში 28-29 დეკემბერს, დღეში 2-ჯერ, 14:00 და 16:00 საათზე. ასევე ქ. ზუგდიდში 11 იანვარს, დღეში 2-ჯერ 12:00 და 14:00 საათზე.
3. სპექტაკლის ხანგრძლივობა არანაკლებ 1 საათისა;
4. მომსახურების გამწევმა პირმა უზრუნველყოს საკონცერტო დარბაზი ხმის აპარატურითა და დამატებითი განათების სისტემით, წარმოდგენის შემდეგ კი მისი დასუფთავება;
5. ბავშვებისათვის საახალწლო საჩუქრების სატვირთო მანქანით ტრანსპორტირების უზრუნველყოფა (ქ. ზუგდიდი, ქ. ქუთაისი) 185 ყუთი. ასევე წარმოდგენისათვის საჭირო დეკორაციის ტრანსპორტირება;
6. წარმოდგენისათვის საჭირო მსახიობებისა და ტექპერსონალის ტრანსპორტირება მიკროავტობუსით;
7. გამგზავრება 10 იანვარს. პერსონალის და მძღოლების დაბინავებით უზრუნველყოფა;
8. მოსაწვევის ბეჭდვა (15X11 სმ. 300 გრ. ქაღალდი ფერადი, ცარცის, ცალმხრივი, 1300 ცალი);
9. საახალწლო წარმოდგენის უზრუნველყოფა თოვლის ბაბუით და მასთან სურათების გადაღებით;
10. საახალწლო წარმოდგენის მოწყობის მსურველ იურიდიულ პირთა განცხადებები მიიღება  2019  წლის 09 დეკემბრიდან 13 დეკემბრის ჩათვლით.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ჟენევის საერთაშორისო მოლაპარაკებების 50-ე რაუნდში მიიღებს მონაწილეობას.

ქართულ დელეგაციას საქართველოს საგარეო საქმეთა მინისტრის მოადგილე ლაშა დარსალია ხელმძღვანელობს. საერთაშორისო მოლაპარაკებების 50-ე რაუნდი 10-11 დეკემბერს გაიმართება.

მიმდინარე წლის 4-5 დეკემბერს აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროსა და მის სისტემაში შემავალი  დაწესებულების თანამშრომლებმა მონაწილეობა მიიღეს არასამთავრობო ორგანიზაცია „ფიფლ ინ ნიდ“ -ის (People In Need - PIN) მიერ ორგანიზებულ ტრენინგში,  თემაზე - „პროექტის დიზაინი და დონორებთან ურთიერთობა“.

ტრენინგ-კურსზე მიღებული ცოდნა და გამოცდილება თანამშრომლებს დაეხმარებათ უფრო აქტიურად იმუშაონ პროექტებზე სხვადასხვა მიმართულებით და წარმატებით გაართვან თავი ფონდების მოძიებასა და დონორებთან ურთიერთობას, შემდგომში დევნილი მეწარმეების მხარდასაჭერად.

აფხაზეთიდან დევნილთათვის მართლზომიერ მფლობელობაში გადაცემულ ობიექტებზე ბინათმესაკუთრეთა ამხანაგობის შექმნის ხელშეწყობის მიზნით -აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროში იქმნება აფხაზეთიდან დევნილთათვის მართლზომიერ მფლობელობაში გადაცემულ ობიექტებზე ბინათმესაკუთრეთა ამხანაგობის შექმნის ხელშემწყობი კომისია.
პროგრამით სარგებლობის მიზნით, კომისიას განცხადებით შეუძლია მიმართოს:

ბინათმესაკუთრეთა ამხანაგობის თავმჯდომარეობის კანდიდატმა;

 კომისიისადმი მიმართვა ასევე შესაძლებელია დევნილთა კოლექტიური განცხადებით;

 აფხაზეთის ავტონომიური რესპუბლიკის მთავრობის წარმომადგენლობისწერილობითი მომართვით.

განცხადება (წერილობითი მომართვა) უნდა შეიცავდეს:

განმცხადებლის (კოლექტიური მომართვის შემთხვევაში ერთ-ერთი განმცხადებლის) სახელს, გვარსა და საკონტაქტო მონაცემებს;

შენობის დაზუსტებულ მისამართსა და სხვა მაიდენტიფიცირებელ ინფორმაციას (ყოფილი სახელწოდება ან/და ფუნქციური დატვირთვა);

პროგრამით სარგებლობის (სანოტარო მომსახურება) მოთხოვნას; საჭიროების შემთხვევაში კომისიის მიერ მოთხოვნილ ინფორმაციას.

განცხადებას თან უნდა ერთვოდეს განმცხადებლის პირადობის დამადასტურებელი მოწმობის, ასევე, არსებობის შემთხვევაში დევნილის მოწმობის ასლი.

         მიმდინარე წლის 4 დეკემბერს, წარმომადგენლობის რეგიონალური მართვის სამსახურმა, გასვლითი ხასითის სამუშაო შეხვედრა გამართა ქ. ხაშურის და ქ.ქარელის მუნიციპალიტეტში კოლექტიურად მცხოვრებ აფხაზეთიდან დევნილ მოსახლეობასთან, სადაც მოისმინეს დევნილთა საჭიროებები. ინფორმაციის სახით მიაწოდეს ბ.მ.ა მხარდაჭერის პროგრამის არსი და მნიშვნელობა და დაათვალიერეს მიმდინარე ინფრასტრუქტურული პროექტის განხორციელების მიმდინარეობა.

მიმდინარე წლის 25 ნოემბრიდან 3 დეკემბრის ჩათვლით, აფხაზეთის ა/რ ფინანსთა და დარგობრივი ეკონომიკის სამინისტროსა და საქართველოს ტექნიკური უნივერსიტეტის საინჟინრო ეკონომიკის დეპარტამენტთან არსებული ეკონომიკური განვითარებისა და მისი სამართლებრივი უზრუნველყოფის სასწავლო-სამეცნიერო ცენტრის ორგანიზებით ჩატარდა ტრენინგი სახელწოდებით „ბიზნეს–პროექტების მართვის თანამედროვე ტექნოლოგიები".

კურსის მიზანი იყო ბიზნეს-პროექტების შედგენაში ცოდნის გაღრმავება, შემდგომში დევნილი მეწარმეებისათვის და „სტარტაპერებისათვის“ ხელშეწყობისა და კვალიფიციური კონსულტაციების უზრუნველსაყოფად. სემინარებზე განხილული იყო ისეთი საკითხები, როგორიც არის:  კომერციული ბანკის სესხთან დაკავშირებული საკითხების მიმოხილვა, ინვესტორების მიდგომა საინვესტიციო პროექტებთან დაკავშირებით, სრული ბიზნეს-გეგმის მოდელის შექმნა და სხვა.

ტრენინგს უძღვებოდა თიბისი ბანკის მიკროპორტფელის მართვის განყოფილების მონიტორინგის უფროსი (ექსპერტი), საქართველოს ტექნიკური უნივერსიტეტის ეკონომიკის აკადემიური დოქტორი ნინო კუტიბაშვილი.პროექტში მონაწილეობა მიიღო სამინისტროსა და მის სისტემაში შემავალი სხვადასხვა უწყების 14-მა თანამშრომელმა, რომლებსაც ცენტრის დირექტორმა,  ეკონომიკის დოქტორმა, ქალბატონმა დალი სეხნიაშვილმა გადასცა კურსის წარმატებით დასრულების დამადასტურებელი სერთიფიკატები.