საქართველოს პარლამენტის ეროვნულ ბიბლიოთეკაში გალფის და პეტროკას ენერჯი ჯგუფის ახალი პლატფორმის „მომავალი ჩვენია“ პრეზენტაცია გაიმართა. აქვე „გალფის სასტიპენდიო პროგრამის“ ფარგლებში ერთიანი ეროვნული გამოცდების შედეგების საფუძველზე, საუკეთესო 100 პირველკურსელი ყოველთვიური 300-ლარიანი სტიპენდიით დაჯილდოვდა.

 

გარდა ამისა, არველაძეების ფონდის ინიციატივითა და კომპანია გალფის მხარდაჭერით, საქართველოს ყველა რეგიონიდან შეირჩა საუკეთესო ქულების მქონე 12 პირველკურსელი, რომლებიც 10-13 ნოემბერს გაემგზავრებიან იტალიაში, ქალაქ ნეაპოლში და ნაპოლი-უდინეზეს მატჩზე, ხვიჩა კვარაცხელიას უგულშემატკივრებენ. მატჩის შემდეგ კი პირადად გაეცნობიან საქვეყნოდ აღიარებულ ქართველ ფეხბურთელს. ამ 12 წარმატებულ სტუდენტს შორისაა პირველკურსელი ნიკა შარია, აფხაზეთიდან.

 

პრეზენტაციას კომპანია გალფის მენეჯმენტი, ამერიკის შეერთებული შტატების ელჩი კელი დეგნანი, აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია და საზოგადოებისთვის ცნობილი სახეები ესწრებოდნენ.