აფხაზეთის სპორტსმენები შემდეგი საპრიზო ადგილების მფლობელები გახდნენ:

რაპირა - ბიჭები 2003-2005 წ.წ. ნოდარ ბოკერია - მესამე ადგილი; რაპირა - გოგონები, 2003-2005 წ.წ. ნატალია ხარაიშვილი - პირველი ადგილი.

ხმალი - ბიჭები 2006-2008 წ.წ. ალექსანდრე თავართქილაძე - პირველი ადგილი; ხმალი - გოგონები 2006-2008 წ.წ. თეკლა ბიწაძე - მესამე ადგილი.

ხმალი - ბიჭები 2003-2005 წ.წ. ლუკა ლომინაძე - პირველი ადგილი; ხმალი - გოგონები 2003-2005 წ.წ. ლიზი ბაციაშვილი - მესამე ადგილი.

დაშნა - ბიჭები 2005-2007 წ.წ. ლუკა კაჭარავა - მეორე ადგილი;

აფხაზეთის ღია პირველობაში გამარჯვებული და პრიზიორი სპორტსმენები შესაბამისი თასებით, მედლებით და დიპლომებით დაჯილდოვდნენ.

თამაზ კაკულიას სახელობის პრიზი გადაეცა შეჯიბრების ყველაზე პატარა მონაწილეს კონსტანტინო ძუფას, როზა ჯოლოგუას სახელობის პრიზი კი ტურნირის პერსპექტიულ სპორტსმენს ნიკოლოზ ჭავჭანიძეს.

სპორტსმენებს ჯილდოები გადასცეს აფხაზეთის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის განათლებისა და კულტურის მინისტრის მოადგილემ როლანდ ნიჟარაძემ, აფხაზეთის მთავრობის წარმომადგენელმა შერმადინ შარიამ, საქართველოსა და აფხაზეთის ფარიკაობის ფედერაციის წარმომადგენლებმა, აფხაზეთის განათლებისა და კულტურის სამინისტროს სპორტისა და ახლგაზრდობის საქმეთა სამსახურის უფროსმა ვიტალი ბენდელიანმა. შეჯიბრებას ასევე ესწრებოდა საქართველოს ფარიკაობის ეროვნული ფედერაციის ვიცე-პრეზიდენტი როსტომ აბაშიძე.