იუსტიციისა და სამოქალაქო ინტეგრაციის სამინისტრო
ახალი ამბები
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ორგანიზებით დაბა ბაკურიანში აფხაზეთიდან დევნილი შეზღუდული შესაძლებლობების მქონე მოზარდებისა და მათი მშობლებისთვის პროექტი „აფხაზეთიდან დევნილი შშმ მოზარდების ინტეგრაციისა და სოციალიზაციის ხელშეწყობა“ განხორციელდა.
პროექტის ფარგლებში, ხუთი დღის განმავლობაში ბენეფიციარებმა და მათმა მშობლებმა მონაწილეობა მიიღეს ტრენინგებში, რომლებიც ითვალისწინებდა მონაწილეების სახელოვნებო, სპორტულ და თერაპიულ აქტივობებში ჩართვას, ფსიქოლოგიური ტრავმების, კრიზისული მდგომარეობებისა და ფსიქოსოციალური გამოწვევების დაძლევას, ასევე, მათი სოციალური ჩართულობისა და ინტეგრაციის ხელშეწყობას.
პროექტის მონაწილეებს აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრი ალიონა ჩხოტუა და აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ბესიკ კუსიდი შეხვდნენ, დაესწრნენ ბენეფიციართა აქტივობების ჩვენებას, მონაწილეთა ნამუშევრების პრეზენტაციას და მონაწილეებს სერტიფიკატები გადასცეს.
კონფერენცია „ქართულ-აფხაზური ლიტერატურული ურთიერთობების მნიშვნელობა კონფლიქტების ტრანსფორმაციაში“ გაიმართა
აფხაზეთის იუსტიციისა და სამოქალაქო ინტეგრაციის სამინისტროს მხარდაჭერით, თბილისში, კონფერენცია „ქართულ-აფხაზური ლიტერატურული ურთიერთობების მნიშვნელობა კონფლიქტების ტრანსფორმაციაში“ გაიმართა.
ღონისძიება აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა ალიონა ჩხოტუამ გახსნა.
კონფერენციის მონაწილეებს სიტყვით აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარიამ და სამეცნიერო სფეროს წარმომადგენლებმა მიმართეს, რომელთაც ქართულ-აფხაზური ურთიერთობების მნიშვნელობაზე ისაუბრეს.
კონფერენციაზე ხაზი გაესვა ქართულ-აფხაზურ საზოგადოებებს შორის დიალოგისკენ მიმართული შესაძლებლობების გაძლიერებას აკადემიური პერსონალის ჩართულობით, ასევე ქართულ მწერლობაში ასახული ქართულ-აფხაზური პოზიტიური ურთიერთობების შესახებ ცნობიერების ამაღლებას და მათი როლის გამოკვეთას აფხაზეთის კონფლიქტის ტრანსფორმაციის პროცესში.
ღონისძიებას საკანონმდებლო და აღმასრულებელი ხელისუფლებისა და სამეცნიერო წრეების წარმომადგენლები ესწრებოდნენ.
კონფერენცია აფხაზეთის იუსტიციისა და სამოქალაქო ინტეგრაციის სამინისტროს, აფხაზეთის ავტონომიური რესპუბლიკის უმაღლეს საბჭოს, სოხუმის სახელმწიფო უნივერსიტეტის, აფხაზეთის მეცნიერებათა ეროვნულ აკადემიისა და შოთა რუსთაველის სახელობის ქართული ლიტერატურის ინსტიტუტის ერთობლივი ორგანიზებით ჩატარდა.
12-16 სექტემბერს, აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ორგანიზებით აფხაზეთიდან დევნილი ახალგაზრდებისთვის პროექტი „სამართლის კვირეული“ განახორციელდა.
„სამართლის კვირეული“-ს ფარგლებში, 5 დღის განმავლობაში აფხაზეთიდან დევნილმა ახალგაზრდებმა (I-IV კურსის სტუდენტები) თელავში ტრენინგები გაიარეს, სადაც მიიღეს ინფორმაცია აფხაზეთის ავტონომიური რესპუბლიკის მთავრობის უწყებების მიერ შემოთავაზებული სამართლებრივი სერვისების შესახებ, აიმაღლეს ცოდნა ისეთ საკითხებზე, როგორიც არის: მეტყველების ხელოვნება და პრეზენტაციული უნარები (ეფექტური კომუნიკაცია, სხეულის ენა, ემოციების მართვა, დარწმუნების ხელოვნება და აუდიტორიის მართვა, Elevator speech-სწრაფი პოზიციის ჩამოყალიბება); საქართველოს კონსტიტუციით გარანტირებული ადამიანის ძირითადი უფლებები და თავისუფლებები (ადამიანის უფლებათა სამართლის თეორია, ადამიანის უფლებათა კლასიფიკაცია, ადამიანის უფლებების წახალისება და დაცვა, საქართველოს კონსტიტუციით გარანტირებული ადამიანის ძირითადი უფლებები და თავისუფლებები, ძირითადი უფლებებისა და თავისუფლებების დაცვის კონსტიტუციური გარანტიები); სისხლის სამართლის იმიტირებული პროცესის მომზადება.
პროექტის ბოლოს აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს წარმომადგენლებმა მონაწილეებს გადასცეს სერტიფიკატები.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრი ალიონა ჩხოტუა ახალი სასწავლო წლის დაწყებასთან დაკავშირებით თბილისში, აფხაზეთის მე-2 საჯარო სკოლას ესტუმრა.
მინისტრმა მოსწავლეებს, პედაგოგებსა და მშობლებს სწავლის დაწყება პირადად მიულოცა.
ალიონა ჩხოტუამ მოსწავლეებს სიტყვით მიმართა და ოქროს მედალოსანი მოსწავლეები დააჯილდოვა.
ახალი სასწავლო წლის დაწყება, აფხაზეთის მთავრობის თავმჯდომარემ და მთავრობის წევრებმა თბილისსა და საქართველოს რეგიონებში მდებარე აფხაზეთის საჯარო სკოლების მოსწავლეებსა და მასწავლებლებს მიულოცეს.
15 სექტემბერს მთელი საქართველოს მასშტაბით, საჯარო სკოლებში, სასწავლო პროცესი ოფიციალურად დაიწყო.
აფხაზეთის იუსტიციისა და სამოქალაქო ინტეგრაციის სამინისტრო აფხაზეთიდან დევნილი ახალგაზრდებისთვის პროექტს ,,სამართლის კვირეული“ ახორციელებს, რომლის ფარგლებშიც ახალგაზრდები იუსტიციის სახლში იმყოფებოდნენ.
შეხვედრის მონაწილეებმა საქართველოს იუსტიციის სამინისტროს ქართული სამართლის ჰოლოგრამული მუზეუმი დაათვალიერეს და ქართული სამართლის განვითარების მრავალსაუკუნოვან ისტორიასა და უძველესი სამართლის ძეგლებს გაეცნენ. ასევე, მიიღეს ინფორმაცია იუსტიციის სახლის მიერ შემოთავაზებული სერვისების, მათი ხელმისაწვდომობისა და საჯაროობის პრინციპების შესახებ.
ღონისძიების მონაწილე ახალგაზრდებს სიტყვით აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა ალიონა ჩხოტუამ და საქართველოს იუსტიციის მინისტრის მოადგილემ გიორგი დგებუაძემ მიმართეს, რომელთაც ახალგაზრდებთან სამართლებრივი საკითხებისა და სერვისების შესახებ, ასევე ამ მიმართულებით სხვადასხვა პროექტების განხორციელებაზე ისაუბრეს.
ღონისძიებაში აფხაზეთის იუსტიციისა და სამოქალაქო ინტეგრაციის მინისტრის მოადგილე თემურ გასვიანი, საქართველოს იუსტიციის მინისტრის მოადგილე გიორგი დგებუაძე და იუსტიციის სახლის თავმჯდომარე ვახტანგ ჟვანია მონაწილეობდნენ.
,,სამართლის კვირეული“-ს ფარგლებში, 5 დღის განმავლობაში აფხაზეთიდან დევნილი ახალგაზრდები (I-IV კურსის სტუდენტები) თელავში ტრენინგებს გაივლიან და მიიღებენ ინფორმაციას აფხაზეთის ავტონომიური რესპუბლიკის მთავრობის უწყებებების მიერ შემოთავაზებული სამართლებრივი სერვისების შესახებ, აიმაღლებენ ცოდნას ისეთ საკითხებზე, როგორიც არის: მეტყველების ხელოვნება და პრეზენტაციული უნარები (ეფექტური კომუნიკაცია, სხეულის ენა, ემოციების მართვა, დარწმუნების ხელოვნება და აუდიტორიის მართვა, Elevator speech-სწრაფი პოზიციის ჩამოყალიბება); საქართველოს კონსტიტუციით გარანტირებული ადამიანის ძირითადი უფლებები და თავისუფლებები (ადამიანის უფლებათა სამართლის თეორია, ადამიანის უფლებათა კლასიფიკაცია, ადამიანის უფლებების წახალისება და დაცვა, საქართველოს კონსტიტუციით გარანტირებული ადამიანის ძირითადი უფლებები და თავისუფლებები, ძირითადი უფლებებისა და თავისუფლებების დაცვის კონსტიტუციური გარანტიები); სისხლის სამართლის იმიტირებული პროცესის მომზადება.
პროექტის ბოლოს მონაწილეებს გადაეცემათ შესაბამისი სერტიფიკატები.
წყალტუბოს მუნიციპალიტეტში პროექტ „ტექნოლოგიური კვირეული 2025“-ის დახურვის ღონისძიება გაიმართა, რომელსაც აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის იუსტიციისა და სამოქალაქო ინტეგრაციის მინისტრ ალიონა ჩხოტუასთან ერთად დაესწრო.
ღონისძიების მონაწილე ახალგაზრდებს სიტყვით აფხაზეთის მთავრობის თავმჯდომარემ და იუსტიციისა და სამოქალაქო ინტეგრაციის მინისტრმა მიმართეს, რომელთაც ახალგაზრდებთან ტექნოლოგიური ინოვაციების შესწავლის ხელშეწყობასა და ამ მიმართულებით სხვადასხვა პროექტის განხორციელებაზე ისაუბრეს.
"მოხარული ვარ, რომ ასეთი კარგი და მიზანზე ორიენტირებული პროექტი გამოვიდა. სამომავლოდ აფხაზეთის მთავრობა კვლავ აქტიურად გააგრძელებს ჩვენი დევნილი ახალგაზრდების მხარდაჭერას, რათა მათ შეიძინონ ის მნიშვნელოვანი უნარები, რაც ტექნოლოგიური მიმართულებით განვითარებას შეუწყობს ხელს“, - განაცხადა გიორგი ჯინჭარაძემ.
შეხვედრის მონაწილეებმა ახალგაზრდების კითხვებს უპასუხეს და „ტექნოლოგიური კვირეულის“ მონაწილეები სერტიფიკატებით დააჯილდოვეს.
ღონისძიებას აფხაზეთის ავტონომიური რესპუბლიკის მთავრობის წევრები და ადგილობრივი ხელისუფლების წარმომადგენლები ესწრებოდნენ.
ტექნოლოგიური კვირეულის ფარგლებში, 5 დღის განმავლობაში, აფხაზეთიდან დევნილი ახალგაზრდები გაეცნენ თანამედროვე ინოვაციებს, გაიღრმავეს ცოდნა ტექნოლოგიების მიმართულებით და მონაწილეობა მიიღეს თემატურ დისკუსიებში.
პროექტი აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ორგანიზებით გაიმართა.
„აფხაზეთიდან დევნილი შშმ მოზარდების ინტეგრაციისა და სოციალიზაციის ხელშეწყობა“
პროექტი აფხაზეთიდან დევნილი და აფხაზეთის ოკუპირებულ ტერიტორიაზე ლეგიტიმურად მცხოვრები შშმ მოზარდებისა და მათი მშობლებისთვის/მეურვეებისთვის.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო იწყებს ხუთდღიან პროექტს „აფხაზეთიდან დევნილი შშმ მოზარდების ინტეგრაციისა და სოციალიზაციის ხელშეწყობა“, რომელიც განხორციელდება მიმდინარე წლის 21-25 სექტემბერს სამცხე-ჯავახეთის რეგიონში.
პროექტის მიზანია აფხაზეთიდან დევნილი და აფხაზეთის ოკუპირებულ ტერიტორიაზე ლეგიტიმურად მცხოვრები შეზღუდული შესაძლებლობის მქონე 8-15 წლის 20 მოზარდისა და მათი მშობლების/მეურვეების ფსიქოსოციალური მხარდაჭერა, მათი ცალ-ცალკე და ერთობლივად სახელოვნებო, სპორტულ და თერაპიულ აქტივობებში ჩართვა, ბენეფიციართა შესაძლო ფსიქოლოგიური ტრავმების, კრიზისული მდგომარეობებისა და ფსიქოსოციალური გამოწვევების დაძლევა. ასევე, მათი სამოქალაქო და სოციალური ინტეგრაციის მხარდაჭერა.
პროექტის თემატიკა:
- შვილის განვითარების თავისებურებების გაცნობიერება, მისი მხარდაჭერა და ემოციური თანადგომა
- სტრესი, დაბნეულობა და განტვირთვის ტექნიკა
- მშობლის როლი შვილის განვითარების პროცესში
- ბავშვთან თანაზიარობა და ურთიერთობის გაღრმავება
- სახელმწიფო სერვისები შშმ დევნილებისთვის: შენი უფლება, შენი რესურსი
- თვითშემეცნება და თვითშეფასება (თვითგამოხატვის წახალისება ხატვის, სიმბოლოს შექმნისა და ფერთა საშუალებით)
- ემოციების გაცნობიერება და გამოხატვა (მოძრაობითი თერაპია, თავისუფალი ცეკვა და სხეულის ენით ემოციური თვითგამოხატვა)
- კომუნიკაციის უნარების გაძლიერება (ჯგუფური სიმღერა, მუსიკალური თამაშები და სხვა)
- შემოქმედებითი აზროვნება
- სხვადასხვა კრეატიული ნამუშევრების შექმნა და გამოფენა/პრეზენტაცია
განაცხადის მიღების ბოლო ვადა: 2025 წლის 09 სექტემბერი
რეგისტრაციის ბმული: https://docs.google.com/.../1FAIpQLSek1z2z.../viewform
დამატებითი ინფორმაციისთვის დაგვიკავშირდით:
justice@abkhazia.gov.ge
ცხელი ხაზი: 143
აფხაზეთის ავტონომიური რესპუბლიკის აფხაზეთის იუსტიციისა და სამოქალაქო ინტეგრაციის მინისტრი ალიონა ჩხოტუა, აფხაზეთის ა/რ მთავრობის თავმჯდომარე გიორგი ჯინჭარაძესთან ერთად, შაორის ახალგაზრდული ბანაკის დახურვის ცერემონიას დაესწრო.
ბანაკი აფხაზეთის კულტურის, სპორტის და ახალგაზრდულ საქმეთა სააგენტოს ორგანიზებითა და ახალგაზრდობის სააგენტოს მხარდაჭერით გაიმართა, სადაც 100-მდე აფხაზეთიდან დროებით დევნილმა ახალგაზრდამ მიიღო მონაწილეობა.
ხუთდღიანი საბანაკე პროგრამის ფარგლებში, ახალგაზრდებმა სხვადასხვა საგანმანათლებლო, სპორტულ და შემეცნებით აქტივობებში მიიღეს მონაწილეობა, რაც ხელს უწყობს მათი ფიზიკური და ინტელექტუალური უნარების განვითარებას, ღონისძიების დასასრულს, სხვადასხვა სპორტულ აქტივობაში გამარჯვებული მონაწილეები დაჯილდოვდნენ.
ბანაკის კულმინაციური ღონისძიება კითხვა-პასუხის რეჟიმში წარიმართა, სადაც აფხაზეთის მთავრობის წარმომადგენლებმა ბანაკის მნიშვნელობასა და მის აუცილებლობაზე ისაუბრეს.
ბანაკი ხელს უწყობს ახალგაზრდების სრულფასოვან დასვენებას, არაფორმალურ განათლებასა და თვითშემეცნებას. პროგრამა განსაკუთრებით მნიშვნელოვანია მათი დამოუკიდებელი სოციალური ინტეგრაციისთვის, ჯანსაღი ცხოვრების წესის დამკვიდრებისთვის, ეთიკის, კომუნიკაციისა და გუნდური მუშაობის უნარების განვითარებისათვის.
ღონისძიებას ახალგაზრდობის სააგენტოს ხელმძღვანელის მოვალეობის შემსრულებელი ვახტანგ ბააკაშვილი, აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი, აფხაზეთის კულტურის, სპორტის და ახალგაზრდობის სააგენტოს წარმომადგენლები და სხვა სტუმრები ესწრებოდნენ.
“ტექნოლოგიური კვირეული” – საგანმანათლებლო პროექტი აფხაზეთიდან დევნილი ახალგაზრდებისთვის
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო იწყებს საგანმანათლებლო პროექტს – "ტექნოლოგიური კვირეული“, რომელიც მიზნად ისახავს ოკუპირებულ აფხაზეთში ლეგიტიმურად მცხოვრები, ან დევნილის სტატუსის მქონე 12-16 წლის ახალგაზრდების სოციალურ ინტეგრაციასა და სამოქალაქო ცნობიერების ამაღლებას.
პროექტის თემა:
- ხელოვნური ინტელექტის საფუძვლები და ტიპები
- მონაცემთა მნიშვნელობა
- ალგორითმების მუშაობის პრინციპები
- ეთიკური ასპექტები ტექნოლოგიებში
- AI მცირე პროექტების შექმნა
განაცხადის მიღების ბოლო ვადა: 2025 წლის 10 აგვისტო
რეგისტრაციის ბმული: https://docs.google.com/.../1FAIpQLSfYf2mEVBx.../viewform...
დამატებითი ინფორმაციისთვის დაგვიკავშირდით:
ცხელი ხაზი: 143
ალიონა ჩხოტუა აფხაზეთის იუსტიციისა და სამოქალაქო ინტეგრაციის მინისტრად დაინიშნა
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრად ალიონა ჩხოტუა დაინიშნა. მინისტრი აფხაზეთის ავტონომიური რესპუბლიკის მთავრობის თავმჯდომარემ გიორგი ჯინჭარაძემ წარადგინა.
ალიონა ჩხოტუა ქალაქ გაგრაში დაიბადა. განათლება მიღებული აქვს ფილოლოგიის, ინგლისური ენისა და ლიტერატურის მიმართულებით. საჯარო სექტორში აქვს მუშაობის მრავალწლიანი გამოცდილება. მუშაობდა დიასპორის საკითხებში საქართველოს სახელმწიფო მინისტრის აპარატსა და საქართველოს საგარეო საქმეთა სამინისტროში.
ალიონა ჩხოტუამ აღნიშნულ თანამდებობაზე გიორგი ძიგუა შეცვალა.
ახალი მინისტრი უფლებამოსილების შესრულებას დღეიდან შეუდგა.
აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრი გიორგი ძიგუა ბავშვთა დაცვის საერთაშორისო დღესთან დაკავშირებით გამართულ ღონისძიებას დაესწრო.
პროექტის ფარგლებში განიხილეს ბავშვთა უფლებების მნიშვნელობა და ის ძირითადი გამოწვევები, რომლებიც ამ მიმართულებით არსებობს. მონაწილეებმა წარადგინეს თემატური პრეზენტაციები, რამაც მნიშვნელოვნად შეუწყო ხელი მათი ცნობიერების ამაღლებას. პარალელურად, აფხაზეთიდან დროებით დევნილი მოზარდები აქტიურად ჩაერთნენ როგორც საგანმანათლებლო, ისე გასართობ აქტივობებში.
პროექტის მიზანია დროებით დევნილი ახალგაზრდების ინფორმირებულობის ზრდა ბავშვთა უფლებების შესახებ, რაც უზრუნველყოფს მათ სამოქალაქო ინტეგრაციას და გააუმჯობესებს მათი უფლებრივი მდგომარეობის დაცვას.
ღონისძიებას ასევე ესწრებოდნენ აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრის პირველი მოადგილე თემურ გასვიანი, სამინისტროს წარმომადგენლები, სსიპ იურიდიული დახმარების სამსახურის სპეციალიზებული საქმეთა თბილისის იურიდიული დახმარების ბიუროს ადვოკატი ლალი ეუაშვილი, საქართველოს სახალხო დამცველის აპარატის ბავშვის უფლებათა დეპარტამენტის უფროსი ქეთევან სოხაძე და საქართველოს გენერალური პროკურატურის პროკურორი ია ჩხეიძე.
აფხაზეთის ავტონომიური რესპუბლიკის უმაღლესი საბჭოს პლენარულ სხდომაზე, ინტერპელაციის წესით, აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრს გიორგი ძიგუას მოუსმინეს.
სხდომას აფხაზეთის უმაღლესი საბჭოს თავმჯდომარე ჯემალ გამახარია უძღვებოდა.
მინისტრმა დეპუტატების შეკითხვას უპასუხა და სამინისტროს მიერ უკვე განხორციელებულ და დაგეგმილ აქტივობებზე ისაუბრა.
მოხსენებაზე გიორგი ძიგუამ ყურადღება გაამახვილა დროებით ოკუპირებულ აფხაზეთში არსებულ რთულ ვითარებაზე, მათ შორის, ადამიანის უფლებების დარღვევის ფაქტებზე, მძიმე სოციალური მდგომარეობასა და უსაფრთხოების საკითხებზე.
ასევე, ხაზი გაესვა საქართველოს მოქალაქეობის მოპოვების მსურველ პირთა გაზრდილ მომართვიანობას, რომლის ფარგლებშიც სამინისტრო ახორციელებს პროექტს საზღვარგარეთ მცხოვრები აფხაზეთის მკვიდრების და მათი შთამომავლებისთვის საქართველოს მოქალაქეობის მოსაპოვებელი ტესტირებისთვის მომზადების ხელშესაწყობად.
სხდომას უმაღლესი საბჭოს დეპუტატები, აფხაზეთის იუსტიციისა და სამოქალაქო ინტეგრაციის მინისტრის პირველი მოადგილე ნოდარ ჯალაღონია, მოადგილე თემურ გასვიანი და იუსტიციის დეპარტამენტის უფროსი მაია შამუგია ესწრებოდნენ.
ბორჯომში აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს პროექტი "მომავლის დიპლომატები მშვიდობისთვის" წარმატებით ჩატარდა.
პროექტის ფარგლებში, მონაწილეებმა ცნობიერება აიმაღლეს ისეთ საკითხებთან დაკავშირებით, როგორიცაა საჯარო გამოსვლების ხელოვნება, კრიტიკული აზროვნება, კონფლიქტოლოგიის საფუძვლები, ლიდერის უნარები, ქართულ-აფხაზური კონფლიქტის ისტორია და ძირითადი ეტაპები, ევროინტეგრაციისა და ევროატლანტიკურ საკითხები და ახალგაზრდების როლი მშვიდობის მშენებლობაში.
დასკვნითი ღონისძიების ფარგლებში, მონაწილეებმა ისაუბრეს შთაბეჭდილებებზე, მიღებულ ცოდნასა და გამოცდილებაზე.
პროექტი ხუთი დღის განმავლობაში მიმდინარეობდა და მისი მიზანია, მონაწილე ახალგაზრდების სამოქალაქო ჩართულობის მხარდაჭერა და მათი აღჭურვა იმ ცოდნითა და უნარებით, რომლებიც საჭიროა ქართულ-აფხაზური ურთიერთობების გააქტიურებისთვის და დიალოგის პროცესში კონსტრუქციული ჩართვისთვის.
მემორანდუმს ხელი აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა გიორგი ძიგუამ და ფერიის სკოლის დირექტორმა ლეილა დუმბაძემ მოაწერეს.
შეხვედრის მონაწილეებმა სამომავლო პროექტებსა და თანამშრომლობის გაღრმავების გზებზე ისაუბრეს. ასევე, ქართულ-აფხაზური ისტორიული ერთობის აღდგენის შესაძლებლობები განიხილეს.
შეხვედრას სამინისტროს თანამშრომლები და სკოლის ადმინისტრაცია ესწრებოდნენ.
მემორანდუმს ხელი აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა გიორგი ძიგუამ და ბათუმის შოთა რუსთაველის სახელმწიფო უნივერსიტეტის რექტორმა ტიტე აროშიძემ მოაწერეს.
შეხვედრის მონაწილეებმა პრიორიტეტულ მიმართულებებსა და თანამშრომლობის გაღრმავების გზებზე ისაუბრეს. ასევე, ერთობლივი პროექტების განხორციელების შესაძლებლობები განიხილეს.
შეხვედრას სამინისტროს თანამშრომლები, უნივერსიტეტის რექტორის მოადგილეები და ადმინისტრაციის თანამშრომლები ესწრებოდნენ.