აფხაზური ენის დღესთან დაკავშირებით აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის განათლებისა და კულტურის მინისტრმა დიმიტრი ჯაიანმა, აფხაზეთის მთავრობის წარმომადგენლებმა და აფხაზეთის საჯარო სკოლის მოსწავლეებმა ცნობილი საზოგადო მოღვაწის, აფხაზური ლიტერატურისა და ისტორიოგრაფიის ფუძემდებლის დიმიტრი გულიას ძეგლი გვირგვინით შეამკეს და პატივი მიაგეს მის ხსოვნას.
აფხაზეთიდან დევნილმა მოზარდებმა ასევე თბილისის მასშტაბით ფლაერები დაარიგეს, სადაც თავმოყრილია ინფორმაცია დიმიტრი გულიას მოღვაწეობასა და აფხაზური დამწერლობის ისტორიაზე.
ღონისძიება აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით გაიმართა.
