აფხაზეთის ავტონომიური რესპუბლიკის მთავრობა

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრო

ტელეფონი: 143 (ზარი უფასოა), (+995) 551 08 09 84

მისამართი: ვაჟა-ფშაველას გამზირი №16, სართული 6, 0186, თბილისი, საქართველო

2026 წლის პროგრამები

ამბულატორიული დახმარების პროგრამა

აღწერა - პროგრამა ხორციელდება ქვეპროგრამების სახით (10 ქვეპროგრამა). ბენეფიციარისთვის გაწეული სამედიცინო მომსახურების ეპიზოდი ფინანსდება თანადაფინანსების/დაფინანსების გზით დამტკიცებული ლიმიტის ფარგლებში.

მოსარგებლე - ოკუპირებული აფხაზეთის ტერიტორიიდან დევნილი პირი.

პროგრამის ფარგლებში დაფინანსებისას უპირატესობა ენიჭება შემდეგ კატეგორიებს (პრიორიტეტული ჯგუფი):

სოციალურად დაუცველი პირი;
შშმ სტატუსის მქონე პირი;
18 წლამდე ასაკის პირი;
ოკუპირებული აფხაზეთის ტერიტორიაზე მუდმივად მცხოვრები პირი;
ომისა და სამხედრო ძალების ვეტერანი;
პენსიონერი;
მარჩენალდაკარგული სტატუსის მქონე პირი, მათ შორის ომში დაღუპული ოჯახის წევრი;
მრავალშვილიანი ( ოთხი შვილი და მეტი) მშობელი;
მარტოხელა მშობელი.

პროგრამით სარგებლობისათვის ოკუპირებული აფხაზეთის ტერიტორიიდან დევნილმა/მისი ნდობით აღჭურვილმა პირმა/კერძო (საჯარო) დაწესებულებამ უნდა მიმართოს სამინისტროს და წარმოადგინოს შესაბამისი დოკუმენტაცია (მათ შორის ელექტრონული ფორმით):

განცხადება;
ჯანმრთელობის მდგომარეობის შესახებ ცნობა - ფორმა №IV-100/ა, (დედანი) რომლის ვადაც გაცემიდან სამინისტროში წარმოდგენამდე არ უნდა აღემატებოდეს 3 თვეს;
სამედიცინო დაწესებულების მიერ გაცემული ფინანსური დოკუმენტაცია (ანგარიშ-ფატურა ან/და კალკულაცია დედანი) ასანაზღაურებელი თანხის მითითებით;
პირადობის დამადასტურებელი დოკუმენტი (ასლი);
18 წლამდე ბენეფიციარებისთვის: დაბადების მოწმობა, მშობლის ან მეურვის პირადობის მოწმობა, (ასლი);
იძულებით გადაადგილებული პირის - დევნილის სტატუსის დამადასტურებელი დოკუმენტის დევნილის ბარათის ასლი ან შესაბამისი უწყების მიერ გაცემული ცნობა-დედანი);
პრიორიტეტულ ჯგუფებს მიკუთვნებული პირის სტატუსის დამადასტურებელი დოკუმენტი (ასლი);
ასევე, შესაძლებელია წარმოდგენილ იქნას დამატებით სხვა დოკუმენტ(ებ)ი ( ყველა სხვა დამფინანსებლის მიერ გაცემული მიმართვები ასეთის არსებობის შემთხვევაში (ასლი) და ა.შ.).

1. ბავშვთა და მოზრდილთა რეაბილიტაცია:

აღწერა - ქვეპროგრამის ფარგლებში ფინანსდება სხვადასხვა ასაკის ბენეფიციართა სარეაბილიტაციო მომსახურება ამბულატორიულ და სტაციონარულ პირობებში, ასევე ბინაზე მომსახურება ექიმ-სპეციალისტის (ნევროლოგი, რეაბილიტოლოგი, ორთოპედი, ტრავმატოლოგი) მიერ გაცემული ჯანმრთელობის მდგომარეობის შესახებ ცნობა-ფორმა №IV-100/ა-ის საფუძველზე.

დაფინანსების ოდენობა:

ერთ ბენეფიციარზე დაფინანსების/თანადაფინანსების ლიმიტი განისაზღვრება წელიწადში ერთხელ შემდეგი ოდენობით:

პრიორიტეტული ჯგუფი - 700 ლარი;
ყველა სხვა ბენეფიციარი- 600 ლარი;
ბინაზე მომსახურება - 1500 ლარი, როგორც ერთჯერადად, ისე წელიწადში ორჯერ დაფინანსების კატეგორიით გათვალისწინებული თანხის-ლიმიტის ამოწურვამდე.

2. ინსტრუმენტული და ენდოსკოპიური გამოკვლევები:

აღწერა - ქვეპროგრამის ფარგლებში ფინანსდება ინსტრუმენტული (თავის ტვინის და ქვედა კიდურების დოპლეროგრაფია, რენტგენოგრაფია, სპირომეტრია, ექოკარდიოგრაფია, ართროექოსკოპია, ელექტროენცეფალოგრაფია და სხვა) და ენდოსკოპიური კვლევები (გასტროდუოდენოსკოპია, კოლონოსკოპია დაქ სხვა).

დაფინანსების ოდენობა:

პრიორიტეტული ჯგუფი - 400 ლარი;
ყველა სხვა ბენეფიციარი- 300 ლარი.

3. კლინიკურ-ლაბორატორიული კვლევები:

აღწერა - ქვეპროგრამის ფარგლებში ფინანსდება ლაბორატორიული კვლევები (კუაგულოგრამა, D დიმერი, C რეაქტიული ცილა, ლიპიდური სპექტრი, ღვიძლის ფუნქციები, გლიკოზირებული ჰემოგლობინი, D ვიტამინი და სხვა).

დაფინანსების ოდენობა:

პრიორიტეტული ჯგუფი - 250 ლარი;
ყველა სხვა ბენეფიციარი - 150 ლარი.

4. ბავშვთა და მოზრდილთა სტომატოლოგია:

აღწერა - ქვეპროგრამის ფარგლებში ფინანსდება მთლიანი ან ნაწილობრივი კბილების მოსახსნელი პროტეზით მომსახურება 45 წლიდან ასაკის ბენეფიციარებისთვის, ასევე კბილების ექსტრაქცია, კისტექტომია და ფესვის რეზექცია.

დაფინანსების ოდენობა:

ქირურგიული სტომატოლოგიური მომსახურების შემთხვევაში (ექსტრაქცია, კისტექტომია, ფესვის რეზექცია):

პრიორიტეტული ჯგუფი - 300 ლარი;
ყველა სხვა ბენეფიციარი - 200 ლარი;

მოსახსნელი პროთეზი - 250 ლარი ერთი ყბის შემთხვევაში (შესაძლებელია ორივე ყბის დაფინანსება).

შენიშვნა: საჭირო დოკუმენტაციასთან ერთად ჯანმრთელობის მდგომარეობის შესახებ ცნობა - ფორმა №IV-100/ა,-ის ნაცვლად შესაძლებელია წარმოდგენილ იქნას ცნობა გასაწევი მომსახურების შესახებ.

5. რეპროდუქციული ჯანმრთელობის ხელშეწყობა:

აღწერა - ქვეპროგრამის ფარგლებში ფინანსდება პირველადი უშვილობის დადასტურებული დიაგნოზის მქონე რეპროდუქციული ასაკის პირთა ხელოვნულ განაყოფიერებასთან დაკავშირებული მომსახურებები.

დაფინანსების ოდენობა:

ერთ ბენეფიციარზე დაფინანსების/თანადაფინანსების ლიმიტის ოდენობა განისაზღვრება წელიწადში ერთხელ 3000 ლარით.

6. აფხაზეთიდან დევნილთა მრავალპროფილური სკრინინგი:

აღწერა - ქვეპროგრამა ხორციელდება აფხაზეთიდან დევნილთა მრავალპროფილურ-სამედიცინო გასინჯვების აქციის სახით თბილისსა და რეგიონებში. ქვეპროგრამა ითვალისწინებს სხვადასხვა ექიმ-სპეციალისტთა (ოჯახის ექიმი, ენდოკრინოლოგი, ოფთალმოლოგი, პედიატრი, ნევროლოგი, კარდიოლოგი და ა.შ) საკონსულტაციო მომსახურებას და სხვადასხვა ინსტრუმენტულ - ლაბორატორიულ კვლევებს. ასევე აქციის ფარგლებში ექიმის დანიშნულების შესაბამისად გაიცემა მედიკამენტები.

7. ონკოპაციენტთა სამედიცინო მომსახურება:

აღწერა - ქვეპროგრამის ფარგლებში ფინანსდება სავარაუდო ან დადასტურებული ონკოდიაგნოზის მქონე ბენეფიცირებისთვის მედიკამენტური (ქიმიოთერაპია, ჰორმონოთერაპია, იმუნოთერაპია და ა.შ) მკურნალობა, სხივური თერაპია, რადიოაქტიური იოდით მკურნალობა, პოზიტრონულ - ემისიური ტომოგრაფია (PET/CT), დიაგნოზის დიფერენცირებისთვის ბიოფსია და ბიოფსიური მასალის ციტოლოგია, მორფოლოგია და იმუნოჰისტოქიმია. ასევე გენეტიკური და სხვა კვლევები.

დაფინანსების ოდენობა:

ერთ ბენეფიციარზე დაფინანსების/თანადაფინანსების ლიმიტი განისაზღვრება წელიწადში ორჯერ შემდეგი ოდენობით:

პრიორიტეტული ჯგუფი - 1000 ლარი;
ყველა სხვა ბენეფიციარი - 800 ლარი;

პოზიტრონულ-ემისიური ტომოგრაფიის (PET/CT) დაფინანსების/თანადაფინანსების ლიმიტი განისაზღვრება წელიწადში ერთხელ;

პრიორიტეტული ჯგუფი - 1500 ლარი;
ყველა სხვა ბენეფიციარი- 1000 ლარი.

8. ბავშვთა აბილიტაცია:

აღწერა - ქვეპროგრამის ფარგლებში ფინანსდება 2-დან 16 წლამდე ასაკის პირთა აბილიტაციური მომსახურება (ქცევითი თერაპია, ოკუპაციური თერაპია, ფსიქოთერაპია. სენსორული თერაპია და ა. შ.) ნევროლოგის ან/და ფსიქოლოგის კონსულტაციის საფუძველზე.

დაფინანსების ოდენობა:

ერთ ბენეფიციარზე დაფინანსების/თანადაფინანსების ლიმიტის ოდენობა განისაზღვრება 1000 ლარით. შესაძლებელია წელიწადში ორჯერ სარგებლობა.

9. მაღალტექნოლოგიური კვლევები:

აღწერა - ქვეპროგრამის ფარგლებში ფინანსდება ამბულატორიული მაღალტექნოლოგიური კვლევები (მაგნიტურ-რეზონანსული ტომოგრაფია, კომპიუტერული ტომოგრაფია, სცინტიგრაფია და სხვა).

დაფინანსების ოდენობა:

პრიორიტეტული ჯგუფი - 500 ლარი;
ყველა სხვა ბენეფიოციარი - 400 ლარი;
დადასტურებული ონკოდიაგნოზის მქონე პაციენტებისთვის წლიური ლიმიტი განისაზღვროს 1000 ლარით, როგორც ერთჯერადად, ისე წელიწადში ორჯერ, დაფინანსების ლიმიტის ამოწურვამდე.

10. მხედველობის დაავადებათა დიაგნოსტიკა და მკურნალობა:

აღწერა - ქვეპროგრამის ფარგლებში ფინანსდება 18 დან 40 წლამდე ასაკის ბენეფიციართა თვალის საშუალო და მაღალი ხარისხის რეფრაქციული ანომალიის (ახლომხედველობა, შორსმხედველობა, ასტიგმატიზმი) ექსიმერული ლაზერით კორექცია, ექიმ-სპეციალისტის კონსულტაციისა და წინასაოპერაციო კვლევების გათვალისწინებით.

დაფინანსების ოდენობა:

გაწეული სამედიცინო მომსახურების ეპიზოდი სრულად ფინანსდება ელექტრონულ ტენდერში გამარჯვებულ სამედიცინო დაწესებულებასთან გაფორმებული სახელმწიფო შესყიდვის შესახებ ხელშეკრულების საფუძველზე.

სტაციონარული დახმარების პროგრამა

აღწერა - პროგრამა ხორციელდება ქვეპროგრამების სახით (7 ქვეპროგრამა). ბენეფიციარისთვის გაწეული სამედიცინო მომსახურების ეპიზოდი ფინანსდება თანადაფინანსების/დაფინანსების გზით დამტკიცებული ლიმიტის ფარგლებში.

მოსარგებლე - ოკუპირებული აფხაზეთის ტერიტორიიდან დევნილი პირი.

სოციალურად დაუცველი პირი;
შშმ სტატუსის მქონე პირი;
18 წლამდე ასაკის პირი;
ოკუპირებული აფხაზეთის ტერიტორიაზე მუდმივად მცხოვრები პირი;
ომისა და სამხედრო ძალების ვეტერანი;
პენსიონერი;
მარჩენალდაკარგული სტატუსის მქონე პირი, მათ შორის ომში დაღუპული ოჯახის წევრი;
მრავალშვილიანი ( ოთხი შვილი და მეტი) მშობელი;
მარტოხელა მშობელი.

განცხადება;
ჯანმრთელობის მდგომარეობის შესახებ ცნობა - ფორმა №IV-100/ა, (დედანი) რომლის ვადაც გაცემიდან სამინისტროში წარმოდგენამდე არ უნდა აღემატებოდეს 3 თვეს;
სამედიცინო დაწესებულების მიერ გაცემული ფინანსური დოკუმენტაცია (ანგარიშ-ფატურა ან/და კალკულაცია დედანი) ასანაზღაურებელი თანხის მითითებით;
პირადობის დამადასტურებელი დოკუმენტი (ასლი);
18 წლამდე ბენეფიციარებისთვის: დაბადების მოწმობა, მშობლის ან მეურვის პირადობის მოწმობა, (ასლი);
იძულებით გადაადგილებული პირის - დევნილის სტატუსის დამადასტურებელი დოკუმენტის დევნილის ბარათის ასლი ან შესაბამისი უწყების მიერ გაცემული ცნობა-დედანი);
პრიორიტეტულ ჯგუფებს მიკუთვნებული პირის სტატუსის დამადასტურებელი დოკუმენტი (ასლი);
ასევე, შესაძლებელია წარმოდგენილ იქნას დამატებით სხვა დოკუმენტ(ებ)ი ( ყველა სხვა დამფინანსებლის მიერ გაცემული მიმართვები ასეთის არსებობის შემთხვევაში (ასლი) და ა.შ.);

1. დიაგნოსტიკისა და სტაციონარული მომსახურების თანადაფინანსება:

აღწერა - ქვეპროგრამის ფარგლებში ფინანსდება სტაციონარულ პირობებში ოპერაციული და დიაგნოსტიკური მომსახურებები, ასევე სამკურნალო მანიპულაციები/პროცედურები როგორც ამბულატორიულ, ისე სტაციონარულ პირობებში.

დაფინანსების ოდენობა:

პრიორიტეტული ჯგუფი - 1000 ლარი;
ყველა სხვა ბენეფიციარი- 800 ლარი.
ქვეყნის ფარგლებში ჩატარებული მომსახურების შემთხვევაში მომსახურების მიმწოდებელ დაწესებულებაში დავალიანების არსებობისას - 500 ლარი (მომსახურების მიწოდებიდან სამინისტროში დოკუმენტაციის წარმოდგენის ვადა არ უნდა აღემატებოდეს 1 თვეს);
სამედიცინო მომსახურება, რომელიც არ ფინანსდება საყოველთაო ჯანდაცვის სახელმწიფო პროგრამით - 500 ლარი;
ბენეფიციარებისათვის, რომლის თანადაფინანსების თანხა აღემატება 5000 ლარს - 2000 ლარი;

შენიშვნა: ჩატარებული მომსახურების შემთხვევაში სხვა დოკუმენტაციასთან ერთად საჭიროა ცნობა/ხელშეკრულება/შეთანხმება დაწესებულების მიმართ დავალიანების არსებობის თაობაზე (დედანი).

2. ჰიგიენური სამედიცინო დანიშნულების საგნებით დახმარება:

აღწერა - ქვეპროგრამა ითვალისწინებს სამედიცინო დანიშნულების საგნების, ინდივიდუალური დაცვის და პაციენტთა მოვლის საშუალებების შეძენას და გადაცემას პრიორიტეტულ კატეგორიას მიკუთვნებულ ბენეფიციარებზე.

დაფინანსების წესი:

ერთ ბენეფიციარზე სამედიცინო დანიშნულების საგნები გაიცემა წელიწადში ერთხელ - 300 ლარის ღირებულების ფარგლებში.
ჟანგბადის კონცენტრატორები და ლეიბი მწოლიარე პაციენტებისათვის წელიწადში ერთხელ გაიცემა - ინდივიდუალური საჭიროების შესაბამისად.

3. მენჯ-ბარძაყის სახსრის ენდოპროთეზირება:

აღწერა - ქვეპროგრამა ითვალისწინებს მენჯ-ბარძაყის სახსრის ენდოპროთეზირების დაფინანსებას არასაპენსიო ასაკის ბენეფიციარებისთვის.

დაფინანსების ოდენობა:

ქ.თბილისში რეგისტრირებული ბენეფიციარებისთვის - 2000 ლარი;
საქართველოს ყველა სხვა რეგიონში რეგისტრირებული ბენეფიციარებისთვის - 4000 ლარი.

4. საზღვარგარეთ მკურნალობის თანადაფინანსება:

აღწერა - ქვეპროგრამა ითვალისწინებს ოკუპირებული აფხაზეთის ტერიტორიიდან დევნილთა საზღვარგარეთ ჩატარებული ან ჩასატარებელი მომსახურების თანადაფინანსებას იმ შემთხვევაში, თუ მოთხოვნილი სამედიცინო სერვისის მიღება საქართველოში შეუძლებელია საქართველოს სამკურნალო დაწესებულებებში სერვისის არარსებობის გამო ან/და პირისათვის სერვისის საჭიროების მიღება რეკომენდირებულია საზღვარგარეთ და აქვს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს რეფერალური მომსახურების პროგრამის ფარგლებში დაფინანსება.

დაფინანსების ოდენობა:

ერთ ბენეფიციარზე დაფინანსების/თანადაფინანსების ლიმიტის ოდენობა განისაზღვრება წელიწადში ერთხელ - 5 000 ლარი.

შენიშვნა: ბენეფიციარის ასაკის, სოციალურ-ეკონომიური მდგომარეობის ან დაავადების სიმძიმიდან გამომდინარე შესაძლებელია კომისიის გადაწყვეტილებით დაფინანსების ლიმიტის გაზრდა არაუმეტეს 10 000 ლარისა.

უცხოეთიდან წარმოდგენილი სამედიცინო დოკუმენტაცია უნდა იყოს თარგმნილი ქართულად და დამოწმებული ნოტარიუსის მიერ.

5. ვეტერანთა რეაბილიტაციის ხელშეწყობა:

აღწერა - ქვეპროგრამა წარმოდგენილია ორი კომპონენტით: ვეტერანთა სარეაბილიტაციო მომსახურების კომპონენტი - ითვალისწინებს წელიწადში ერთხელ ბენეფიციართა სასტუმროთი უზრუნველყოფას, ექიმ-რეაბილიტოლოგის კონსულტაციას და შესაბამის სარეაბილიტაციო მომსახურებას. სოციალური დახმარების კომპონენტი - საქართველოს ტერიტორიული მთლიანობის, თავისუფლებისა და დამოუკიდებლობისთვის საბრძოლო მოქმედებების შედეგად მკვეთრად გამოხატული შშმ სტატუსის მქონე ვეტერანთა ერთჯერად ფინანსურ დახმარებას.

მოსარგებლე - აფხაზეთიდან დევნილი საქართველოს ტერიტორიული მთლიანობის, თავისუფლებისა და დამოუკიდებლობისთვის საბრძოლო მოქმედებების შედეგად შეზღუდული შესაძლებლობის სტატუსის მქონე ვეტერანი.

დაფინანსების ოდენობა:

ერთ ბენეფიციარზე დაფინანსების ოდენობა განისაზღვრება წელიწადში ერთხელ შემდეგი ოდენობით:

სარეაბილიტაციო მომსახურების კომპონენტი - ტენდერის შედეგების შესაბამისად;
სოციალური დახმარების კომპონენტი - 500 ლარი;

შენიშვნა: ქვეპროგრამის ფარგლებში დაფინანსებისას უპირატესობა ენიჭება ვეტერანს, რომელსაც წინა წლის ანალოგიურ პროგრამაში მონაწილეობა არ მიუღია.

6. განსაკუთრებულ შემთხვევათა და პათოლოგიათა მკურნალობის ხელშეწყობა:

აღწერა - ქვეპროგრამის ფარგლებში ფინანსდება იმ სამედიცინო მომსახურებების (ძვირადღირებული სპეციფიური მედიკამეტური მკურნალობა, ინექცია, ბლოკადა, ინტრავენური ინფუზია, პლაზმოფერეზის პროცედურები, სადიაგნოსტიკო მომსახურებები, და სხვა) ხარჯები, რაც არ იფარება როგორც ცენტრალური, ისე აფხაზეთის ჯანმრთელობისა და სოციალური დაცვის სამინისტროს პროგრამებით, ასევე შეიძლება დაფინანსდეს ისეთი მომსახურებებიც, რომლებზეც კომისიის დისკრეციული უფლებით მიიღება განსხვავებული გადაწყვეტილება, ვიდრე ქვეპროგრამით არის გათვალისწინებული ბენეფიციარების ასაკის, სოციალურ-ეკონომიური მდგომარეობის ან დაავადების სიმძიმიდან გამომდინარე.

დაფინანსების ოდენობა:

პრიორიტეტული ჯგუფი - 1200 ლარი;
ყველა სხვა ბენეფიციარი - 1000 ლარი;
სპეციფიური მედიკამენტური მკურნალობის შემთხვევაში, ფინანდება არაუმეტეს 3 თვის საჭირო რაოდენობა ლიმიტის ფარგლებში.

შენიშვნა: მედიკამენტების დაფინასების შემთხვევაში დამატებით საჭიროა ფინანსური დოკუმენტაცია ფარმაცევტული დაწესებულებებიდან.

7. შინ მოვლა:

აღწერა - ქვეპროგრამის ფარგლებში ფინანსდება ქ. თბილისში რეგისტრირებული მარტოხელა და ხანდაზმული ბენეფიციარები, რომლებიც მიეკუთვნებიან პრიორიტეტული კატეგორიებიდან ერთ-ერთს მაინც და რომლისთვისაც უძლურების შეფასების „ბართელის“ კითხვარის მიხედვით მინიჭებული ქულა არ აღემატება 100 ერთეულს. ქვეპროგრამა ითვალისწინებს:

მოსარგებლის შეფასებას - კითხვარის მიხედვით 6 თვეში ერთხელ და შესაბამისი ბართელის ინდექსის მინიჭებას;
მოსარგებლის შესახებ ინფორმაციის მოგროვებას, გარემოს შეფასებას, საჭიროებების გამოვლენასა და ინდივიდუალური გეგმის შედგენას;
მოსარგებლის საექთნო მომსახურებას- ექთნის ვიზიტებს მოსარგებლესთან ბინაზე, ფიზიკურ შემოწმებას, სასიცოცხლო ნიშნების მონიტორინგს, გეგმის მიხედვით პროცედურების ჩატარებას, მედიკამენტების მიწოდებას.
მოსარგებლის პერსონალური მოვლას.

დაფინანსების წესი:

ერთი ვიზიტის ღირებულება განისაზღვრება ელექტრონული ტენდერის შედეგების შესაბამისად.
მოსარგებლესთან ინდივიდუალური ვიზიტები და მომსახურება ხორციელდება განსაზღვრული გეგმის შესაბამისად.

სამედიცინო პერსონალის გადამზადების პროგრამა

აღწერა - პროგრამა ფარგლებში ხორციელდება:

სამედიცინო დაწესებულებაში დასაქმებული უმაღლესი განათლების მქონე, სერტიპიცირებული ექიმის უწყვეტი პროფესიული განათლების მოკლევადიანი პროგრამის დაფინანსებას/თანადაფინანსება კრედიტ-ქულების მინიჭებისთვის.
საბაკალავრო ან მასთან გათანაბრებული დიპლომირებული ნებისმიერი სპეციალისტის ტრენინგის თანადაფინანსებას ჯანდაცვის მენეჯმენტის/ადმინისტრირების მიმართულებით.
დამოუკიდებელი სამედიცინო საქმიანობის უფლების მოპოვების მიზნით სარეზიდენტო პროგრამების თანადაფინანსება.

მოსარგებლე - ოკუპირებული აფხაზეთის ტერიტორიიდან დევნილი ექიმები და დამოუკიდებელი სამედიცინო საქმიანობის უფლების მოპოვების მსურველი ბენეფიციარები;

პროგრამით სარგებლობისათვის ოკუპირებული აფხაზეთის ტერიტორიიდან დევნილმა/მისი ნდობით აღჭურვილმა პირმა/კერძო (საჯარო) დაწესებულებამ უნდა მიმართოს სამინისტროს და წარმოადგინოს შესაბამისი დოკუმენტაცია:

განცხადება;
პირადობის დამადასტურებელი მოწმობის ან პასპორტის ქსეროასლი;
იძულებით გადაადგილებული პირის - დევნილის სტატუსის დამადასტურებელი დოკუმენტი დევნილის ბარათის ასლი ან შესაბამისი უწყების მიერ გაცემული ცნობა-დედანი);
განათლების დამადასტურებელი დოკუმენტის- დიპლომის (ასლი);
სახელმწიფო სერტიფიკატი პროფილურ საქმიანობაში;
ცნობა სამუშაო ადგილიდან ან/და რეკომენდაცია;
რეზიდენტურის პროგრამების/ტრენინგის და/ან აკრედიტირებული პროგრამების (კრედიტ- ქულები) ღირებულების დამადასტურებელი ფინანსური დოკუმენტი;
ასევე, შესაძლებელია წარმოდგენილ იქნას დამატებით სხვა დოკუმენტ(ებ)ი.

დაფინანსების წესი:

ერთ ბენეფიციარზე დაფინანსების/თანადაფინანსების ლიმიტი განისაზღვრება შემდეგი ოდენობით:

კრედიტ-ქულების და ტრენინგების კომპონენტის ფარგლებში წლიურად - 500 ლარი, როგორც ერთჯერადად, ისე წელიწადში ორჯერ, დაფინანსების თანხის ლიმიტის ამოწურვამდე.
რეზიდენტურის თანადაფინანსების კომპონენტის ფარგლებში - 2000 ლარი წელიწადში ერთხელ.

აფხაზეთის ავტონომიური რესპუბლიკის იძულებით გადაადგილებულ პირთა სამინისტრო

ტელეფონი: (+995) 231 32 06

ელ.ფოსტა: devnilta.info@gmail.com და idpsab@gmail.com

მისამართი: ვაჟა-ფშაველას გამზირი №16, სართული 7, 0186, თბილისი, საქართველო

2025 წლის პროგრამები

1. „დევნილთა სოციალური უზრუნველყოფა“

პროგრამა ითვალისწინებს ოკუპირებულ აფხაზეთის ტერიტორიაზე ლეგიტიმურად მცხოვრებ და აფხაზეთიდან დევნილთა სოციალური მდგომარეობის გაუმჯობესებას ერთჯერადი ფულადი დახმარების სახით, რომელიც გაიცემა შესაბამისი კრიტერიუმის მქონე პირებზე საბიუჯეტო წლის განმავლობაში ერთხელ.

ბენეფიციართა მიზნობრივი ჯგუფი:

ა) მეორე მსოფლიო ომის მონაწილე დევნილი.

ბ) 30 000-მდე სოციალური სარეიტინგო ქულის მქონე, მკვეთრად გამოხატული შეზღუდული შესაძლებლობების სტატუსის მქონე დევნილი .

გ) 30 000-მდე სოციალური სარეიტინგო ქულის მქონე მარჩენალდაკარგული დევნილი .

დ) დედ-მამით ობოლი არასრულწლოვანი დევნილი, თითოეულზე .

ე) 100 წელს გადაცილებული დევნილი .

ვ) 30 000-მდე სოციალური სარეიტინგო ქულის მქონე, შეზღუდული შესაძლებლობის სტატუსის მქონე არასრულწლოვანი დევნილი .

ზ) 30 000-მდე სოციალური სარეიტინგო ქულის მქონე, ონკოლოგიური დაავადების მქონე დევნილი სოციალურად დაუცველი .

თ) აუტიზმის სპექტრული აშლილობის მქონე არასრულწლოვანი დევნილი .

ი) სტიქიური უბედურების ან უბედური შემთხვევის შედეგად დაზარალებული ბენეფიციარი.

კ) აფხაზეთის ავტონომიური რესპუბლიკის ოკუპირებული ტერიტორიიდან გადმოსვენებული უგზო-უკვლოდ დაკარგული პირის ოჯახის წევრი (დედა, მამა, შვილი, ძმა, და, მეუღლე).

ლ) სხვა მოწყვლადი ბენეფიციარი, რომლის უმწეო მდგომარეობას მისი განცხადების გათვალისწინებითა და შეფასებით ექსკლუზიური უფლებამოსილების ფარგლებში განსაზღვრავს კომისია.

პროგრამაში ჩასართავად ბენეფიციარმა სამინისტროს სისტემაში უნდა წარმოადგინოს:

ა) განცხადება;

ბ) ბენეფიციარის პირადობის დამადასტურებელი და დევნილის მოწმობა (ასლი);

გ) შესაბამისი კატეგორიის დამადასტურებელი შესაბამისი დოკუმენტაცია.

2. „დევნილთა დროებითი საცხოვრებლით უზრუნველყოფა“

პროგრამა ითვალისწინებს აფხაზეთიდან დევნილ და ოკუპირებულ აფხაზეთის ტერიტორიაზე ლეგიტიმურად მცხოვრებთა, სოციალურად მძიმე კატეგორიის ოჯახებისათვის საცხოვრებლით უზრუნველყოფაში მხარდაჭერას, ქირის თანხის ანაზღაურების გზით (300 ლარამდე) საბიუჯეტო წლის განმავლობაში ერთხელ სამ/ექვს თვემდე ვადით.

ბენეფიციართა მიზნობრივი ჯგუფი:

ა) საქართველოს ტერიტორიაზე სტიქიური უბედურების ან უბედური შემთხვევის შედეგად დაზარალებული ბენეფიციარი;

ბ) 65 000-მდე სოციალური სარეიტინგო ქულის მქონე დევნილი ოჯახი;

გ) მარტოხელა დევნილი მშობელი;

დ) აფხაზეთის ომში დაღუპული პირის დევნილი მშობელი;

ე) ოკუპირებულ აფხაზეთის ტერიტორიაზე მცხოვრები პირი/ოჯახი;

ვ) დევნილი ოჯახი, რომლის შემადგენლობაში არის მკვეთრად გამოხატული შეზღუდული შესაძლებლობის სტატუსის მქონე პირი;

ზ) სხვა მოწყვლადი ბენეფიციარი, რომლის უმწეო მდგომარეობას მისი განცხადების გათვალისწინებითა და შეფასებით ექსკლუზიური უფლებამოსილების ფარგლებში განსაზღვრავს კომისია.

ა) განცხადება;

ბ) ბენეფიციარის პირადობის დამადასტურებელი და დევნილის მოწმობა (ასლი);

გ) შესაბამისი კატეგორიის დამადასტურებელი შესაბამისი დოკუმენტაცია;

დ) ცნობა/წერილი სსიპ – „დევნილთა, ეკომიგრანტთა და საარსებო წყაროებით უზრუნველყოფის სააგენტოდან“ ან/და შესაბამისი მუნიციპალიტეტის მერიიდან/გამგეობიდან ქირის თანხის დაფინანსების არმიღების თაობაზე;

ე) ამონაწერი საჯარო რეესტრიდან დაქირავებული საცხოვრებელი ფართის შესახებ.

3. „აფხაზეთიდან დევნილი ომისა და სამხედრო ძალების ვეტერანების მხარდაჭერა“

პროგრამა ითვალისწინებს აფხაზეთიდან დევნილ სოციალურად მძიმე კატეგორიის ომისა და სამხედრო/თავდაცვის ვეტერანთა ერთჯერად დახმარებას საბიუჯეტო წლის განმავლობაში ერთხელ.

ბენეფიციართა მიზნობრივი ჯგუფი:

ა) 30 000-მდე სოციალური სარეიტინგო ქულის მქონე, საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედების დევნილი ვეტერანი.

ბ) აფხაზეთის ომში დაღუპული მებრძოლის დევნილი ოჯახის წევრი, რომელიც არ სარგებლობს სახელმწიფო კომპენსაციისა და სახელმწიფო აკადემიური სტიპენდიის შესახებ საქართველოს კანონით გათვალისწინებული ყოველთვიური კომპენსაციით.

გ) საბრძოლო მოქმედებებში მონაწილეობის დროს მიღებული ჭრილობის შედეგად მკვეთრად გამოხატული შეზღუდული შესაძლებლობის მქონე დევნილი საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედების ვეტერანი.

დ) საბრძოლო მოქმედებების დროს მიღებული დაზიანების შედეგად ამპუტირებული კიდურების მქონე საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედების ვეტერანი.

ე) სხვა მოწყვლადი ბენეფიციარი, რომლის უმწეო მდგომარეობას მისი განცხადების გათვალისწინებითა და შეფასებით ექსკლუზიური უფლებამოსილების ფარგლებში განსაზღვრავს კომისია.

ა) განცხადება;

ბ) ბენეფიციარის პირადობის დამადასტურებელი და დევნილის მოწმობა (ასლი);

გ) შესაბამისი კატეგორიის დამადასტურებელი შესაბამისი დოკუმენტაცია.

4. „აფხაზეთიდან დევნილთა განსახლების ობიექტებში მცხოვრები დევნილი ოჯახების გამრიცხველიანება/აბონირება“

პროგრამა ითვალისწინებს აფხაზეთიდან დევნილ სოციალურად მძიმე კატეგორიის ოჯახებისათვის საცხოვრებელ ფართებზე გამრიცხველიანება/აბონირებისათვის აუცილებელი თანხის ანაზღაურებას.

ბენეფიციართა მიზნობრივი ჯგუფი:

აფხაზეთიდან დევნილი ოჯახები, რომლებიც ცხოვრობენ დევნილთა განსახლების ობიექტებში ან სახელმწიფო საკუთრებაში არსებულ ფართებში და არ გააჩნიათ დენის, წყლისა და გაზის აბონირება.

ა) განცხადება;

ბ) ბენეფიციარის პირადობის დამადასტურებელი და დევნილის მოწმობა (ასლი);

გ) ინფორმაცია დევნილთა განსახლების ობიექტის მესაკუთრის შესახებ (საჯარო რეესტრის ამონაწერი, საჭიროების შემთხვევაში, მესაკუთრის თანხმობა აბონირებაზე);

დ) შესაბამისი კატეგორიის დამადასტურებელი შესაბამისი დოკუმენტაცია.

5. „სოციალური სოლიდარობა“

პროგრამა ითვალისწინებს ოკუპირებულ აფხაზეთის ტერიტორიაზე ლეგიტიმურად მცხოვრები და აფხაზეთიდან დევნილი გარკვეული კატეგორიის სოციალურად მძიმე მდგომარეობის მქონე პირთათვის სადღესასწაულო დღეებში საჩუქრების გადაცემას.

ბენეფიციართა მიზნობრივი ჯგუფი:

პროგრამის ფარგლებში დახმარება/საჩუქარი გაიცემა აფხაზეთის მოსახლეობაზე, რომლებიც წარმოადგენენ გარკვეული სოციალური კატეგორიის მქონე ბენეფიციარებს,

ა) განცხადება;

ბ) ბენეფიციარის პირადობის დამადასტურებელი და დევნილის მოწმობა (ასლი);

გ) ინვოისი.

5.1 „ბინათმესაკუთრეთა მხარდაჭერის და ბინათმესაკუთრეთა ამხანაგობების მუნიციპალური პროგრამებით სარგებლობის თანამონაწილეობა“

პროგრამა ითვალისწინებს აფხაზეთიდან დევნილთა საცხოვრებელი პირობების გაუმჯობესების მიზნით დევნილთა განსახლების ობიექტში შექმნილი ბინათმესაკუთრეთა ამხანაგობების მიერ წარდგენილი განაცხადის შესაბამისად, მუნიციპალური ორგანოების მიერ დაფინანსებულ ინფრასტრუქტურულ პროექტებში თანადაფინანსებას ამხანაგობის წილობრივი თანამონაწილეობის ფარგლებში.

პროგრამის ფარგლებში, ასევე, ხორციელდება ამხანაგობების ჩამოყალიბების ხელშეწყობა და მათი კონსულტირება შესაბამის სახელმწიფო პროგრამებში მონაწილეობის უზრუნველყოფის მიზნით.

მოსარგებლე ბენეფიციართა მიზნობრივი ჯგუფი:

დევნილთა განსახლების ობიექტში შექმნილი ბინათმესაკუთრეთა ამხანაგობები.

ჩასართავად ბენეფიციარმა სამინისტროს სისტემაში უნდა წარმოადგინოს:

ა) დევნილთა განსახლების ობიექტის ბინათმესაკუთრეთა ამხანაგობის განცხადება/მიმართვა;

ბ) ბენეფიციარის წარმომადგენლის პირადობის დამადასტურებელი მოწმობა (ასლი), დევნილის მოწმობა (ასლი), ამხანაგობის რეგისტრაციის დოკუმენტი და ამხანაგობის კრების ოქმი პროგრამის ფარგლებში მიმართვის თაობაზე;

გ) ქალაქ თბილისის მუნიციპალიტეტის შემთხვევაში, შესაბამისი რაიონის გამგეობის, ხოლო სხვა მუნიციპალიტეტების შემთხვევაში – შესაბამისი მუნიციპალიტეტის მერიის მიერ გაცემული დოკუმენტი, რომელშიც მოცემულია შესასრულებელი სამუშაოებისა და ამ სამუშაოების მუნიციპალიტეტისა და ამხანაგობის თანადაფინანსების/მონაწილეობის ოდენობა და შესასრულებელი სამუშაოების/მონაწილეობის ხარჯთაღრიცხვა.

5.2 „დევნილთა საცხოვრებლებში მცირეფასიანი დაგადაუდებელი სარემონტო სამუშაოების უზრუნველყოფა“

პროგრამა ითვალისწინებს დევნილთა საცხოვრებელი პირობების გაუმჯობესების მიზნით მცირე და გადაუდებელი სარემონტო-აღდგენითი სახის სამუშაოების ჩატარებას.

დევნილთა განსახლების ობიექტში მცხოვრებ დევნილებს (ბინათმესაკუთრეთა ამხანაგობებს და საინიციატივო ჯგუფებს) უფლება აქვთ ისარგებლონ პროგრამის ფარგლებში 3000 ლარამდე მცირე და გადაუდებელი სარემონტო-აღდგენითი სახის სამუშაოების დაფინანსებით.

ბენეფიციართა მიზნობრივი ჯგუფი:

დევნილთა განსახლების ობიექტში მცხოვრები დევნილები (ბინათმესაკუთრეთა ამხანაგობა და საინიციატივო ჯგუფი).

ჩასართავად ბენეფიციარმა სამინისტროს სისტემაში უნდა წარმოადგინოს:

ა) დევნილთა განსახლების ობიექტის ბინათმესაკუთრეთა ამხანაგობის ან განსახლების ობიექტში მცხოვრებ დევნილთა განცხადება/მიმართვა;

ბ) ბენეფიციარის პირადობის დამადასტურებელი მოწმობა (ასლი);

გ) ბენეფიციარის დევნილის მოწმობა (ასლი).

5.3 „დევნილთა განსახლების ობიექტებში სარემონტო-აღდგენითი სამუშაოების ჩატარების უზრუნველყოფა“

პროგრამა ითვალისწინებს დევნილთა განსახლების ობიექტებში სარემონტო და სარეაბილიტაციო სამუშაოების განხორციელებას (წყალკანალიზაციის პრობლემები, შენობა-ნაგებობის სახურავის აღდგენა/გამოცვლა).

ბენეფიციართა მიზნობრივი ჯგუფი:

დევნილთა განსახლების ობიექტში მცხოვრები დევნილები (ბინათმესაკუთრეთა ამხანაგობა/ საინიციატივო ჯგუფი).

ჩასართავად ბენეფიციარმა სამინისტროს სისტემაში უნდა წარმოადგინოს:

ა) დევნილთა განსახლების ობიექტის ბინათმესაკუთრეთა ამხანაგობის ან საინიციატივო ჯგუფის განცხადება/მიმართვა;

ბ) ბინათმესაკუთრეთა ამხანაგობის აღრიცხვის ფურცელი;

გ) ბინათმესაკუთრეთა ამხანაგობის თავმჯდომარის პირადობის დამადასტურებელი მოწმობა და დევნილის მოწმობა (ასლი);

დ) საინიციატივო ჯგუფის წევრთა პირადობის მოწმობა და დევნილის მოწმობა (ასლი).

5.4 ქვეპროგრამა „აფხაზეთიდან დევნილი შეჭირვებული მოსახლეობისათვის სარემონტო/სამშენებლო მასალებით დახმარება“

პროგრამა ითვალისწინებს შესაბამისი სოციალური კატეგორიის მქონე ოჯახების სამშენებლო/სარემონტო მასალებით დახმარებას.

ბენეფიციართა მიზნობრივი ჯგუფი:

ა) დევნილი ოჯახი, რომელიც ცხოვრობს დევნილთა განსახლების ობიექტში, რომელზეც არ განხორციელებულა სრული სარეაბილიტაციო სამუშაოები და არის:

ა.ა) მარტოხელა სოციალურად დაუცველი, რომელიც რეგისტრირებულია სოციალურად დაუცველი ოჯახების მონაცემთა ბაზაში;

ა.ბ) ოჯახის შემადგენლობის უმეტესობა არის საპენსიო ასაკის და სოციალურად დაუცველი, რომელიც რეგისტრირებულია სოციალურად დაუცველი ოჯახების მონაცემთა ბაზაში;

ბ) დევნილთა განსახლების ობიექტში შექმნილი ბინათმესაკუთრეთა ამხანაგობა, ობიექტის საერთო სარგებლობის ფართის გარემონტებისთვის სარემონტო/სამშენებლო მასალებით დახმარების მიზნით;

გ) აფხაზეთის ავტონომიური რესპუბლიკის ოკუპირებულ ტერიტორიაზე მცხოვრები პირი.

ჩასართავად ბენეფიციარმა სამინისტროს სისტემაში უნდა წარმოადგინოს:

ა) ბენეფიციარის პირადობის დამადასტურებელი მოწმობა (ასლი)/ბინათმესაკუთრეთა ამხანაგობის აღრიცხვის ფურცელი;

ბ) ბენეფიციარის დევნილის მოწმობა (ასლი);

გ) სოციალური კრიტერიუმის დამადასტურებელი დოკუმენტები.

6. „დევნილთა განსახლების ობიექტებში საერთო სარგებლობის ფართების ბინათმესაკუთრეთა ამხანაგობებისათვის გადაცემის ხელშეწყობა“

პროგრამა ითვალისწინებს დევნილთა განსახლების ობიექტებში შექმნილი ბინათმესაკუთრეთა ამხანაგობებისთვის საერთო სარგებლობაში არსებული ფართების კერძო საკუთრებაში გადაცემის ხელშეწყობას, რამდენადაც ქვეყნის მასშტაბით დევნილთა განსახლების ობიექტებზე მცხოვრებ დევნილებს სჭირდებათ მხარდაჭერა, რათა შეძლონ საერთო სარგებლობის ფართების განკარგვა მათი შეხედულებისამებრ.

პროგრამის ფარგლებში შერჩეულ ობიექტზე ბინათმესაკუთრეთა ამხანაგობების საერთო სარგებლობის ობიექტებში, წითელი ხაზების კორექტირების მიზნით, განხორციელდება საკადასტრო და შიდა აზომვითი სამუშაოები და უზრუნველყოფილი იქნება დევნილთა კონსულტირება ფართების შემდგომი რეგისტრაციის მიზნით.

ბენეფიციართა მიზნობრივი ჯგუფი:

დევნილთა განსახლების ობიექტებში მცხოვრები დევნილები.

ჩასართავად ბენეფიციარმა სამინისტროს სისტემაში უნდა წარმოადგინოს:

ბინათმესაკუთრეთა ამხანაგობის თავჯდომარის განცხადება და თავმჯდომარეობის დამადასტურებელი მოწმობა.

7. „იძულებით გადაადგილებულ პირთა იურიდიული მხარდაჭერა“

პროგრამა უზრუნველყოფს აფხაზეთიდან დევნილი ბენეფიციარებისთვის „დევნილთა საცხოვრებლით უზრუნველყოფის წესის“ შესაბამისად, საცხოვრებელი ფართის მოთხოვნის უფლების რეალიზების ხელშეწყობას სხვადასხვა მეთოდით. იძულებით გადაადგილებულ პირთათვის დევნილის სტატუსიდან გამომდინარე გრძელვადიანი საცხოვრებელი ფართის გადაცემა დაკავშირებულია სხვადასხვა რეგულაციებთან, რომლებიც მოითხოვს სპეციალურ ცოდნას და შესაბამის სამართლებრივ დახმარებას. აღნიშნული მიმართულებით დევნილთა წინაშე არსებული გამოწვევების გათვალისწინებით, პროგრამის ფარგლებში უზრუნველყოფილი იქნება დაინტერესებულ პირთა მხარდაჭერა შემდეგი მიმართულებებით:

დევნილის სტატუსიდან გამომდინარე, გრძელვადიანი საცხოვრებელი ფართით დაკმაყოფილების თაობაზე, ზეპირი ან/და წერილობითი კონსულტაციები;
სრულყოფილი დოკუმენტაციის თავმოყრისთვის შესაბამის ადმინისტრაციულ ორგანოში გადამისამართება;
საჭიროების შემთხვევაში, პროგრამის ფარგლებში, აფხაზეთიდან დევნილ პირებს შესაძლებლობა მიეცემათ ისარგებლონ სატელეფონო კონსულტაციითაც;
დაინტერესებული პირები ისარგებლებენ კონსულტაციით სარჩელების, ადმინისტრაციული საჩივრების და განმცხადებლის მოთხოვნის შესაბამისად, ადმინისტრაციულ ორგანოში წარსადგენი განცხადებების მომზადების მიმართულებით.

პროგრამის ფარგლებში, სტატუსიდან გამომდინარე, გრძელვადიანი საცხოვრებელი ფართით დაკმაყოფილების თაობაზე ბენეფიციარებს გაეწევათ კონსულტაციები და მიეწოდებათ სამართლებრივად და პროცედურულად გამართული ინფორმაცია.

ბენეფიციართა მიზნობრივი ჯგუფი:

აფხაზეთიდან იძულებით გადაადგილებულ პირთა-დევნილთა ის ჯგუფი, რომელსაც გააჩნია მოთხოვნა საცხოვრებლით დაკმაყოფილების თაობაზე „დევნილთა საცხოვრებლით უზრუნველყოფის წესის“ შესაბამისად.

ჩასართავად ბენეფიციარმა სამინისტროს სისტემაში უნდა წარმოადგინოს:

ა) განცხადება, მოთხოვნა

ბ) ბენეფიციარის პირადობის დამადასტურებელი მოწმობა (ასლი);

გ) ბენეფიციარის დევნილის მოწმობა (ასლი).

8. „დევნილთა და ოკუპირებულ ტერიტორიაზე ლეგიტიმურად მცხოვრებთა მხარდაჭერა“

პროგრამა მოიცავს აფხაზეთიდან დევნილი და ოკუპირებულ აფხაზეთის ტერიტორიაზე ლეგიტიმურად მცხოვრებთა მხარდაჭერას, მათი ჩართულობის ხელშეწყობას, მოსახლეობის საჭიროებებზე ორიენტირებულ სხვადასხვა ღონისძიებებს, მათ შორის, პროფესიული განათლებისა და თვითდასაქმების ხელშეწყობას. ასევე, პროექტების/საპროექტო წინადადებების დაფინანსებას/თანადაფინანსებას და საზაფხულო ბანაკების მოწყობას, დევნილთა საჭიროებებიდან გამომდინარე საინფორმაციო კამპანიების წარმოებას მათთვის საჭირო იმ შეღავათებსა და სიკეთეებზე, რომელთაც მათ სახელმწიფო სთავაზობს. ამასთან, პროგრამის მიზანია კონფლიქტის ტრანსფორმაციისა და მშვიდობის მშენებლობის საკითხებით დაინტერესებულ დევნილ პირთა იდენტიფიცირება, მათი ჩართვა სააგენტოს აქტივობებში და მშვიდობის მშენებლობის მიმართულებით სხვადასხვა ტიპის ღონისძიებების ორგანიზება.

პროგრამის მეშვეობით სააგენტო მხარს უჭერს დევნილთა და ოკუპირებულ ტერიტორიაზე მცხოვრებ პირებს საზოგადოებრივი, სათემო ორგანიზაციების ჩამოყალიბების პროცესში, ამასთან, ისეთი ღონისძიებების განხორციელების გზით, როგორებიცაა: აფხაზეთიდან დევნილი და ოკუპირებულ ტერიტორიაზე მცხოვრები მოსახლეობის ცნობიერების ამაღლება, დასაქმების ხელშეწყობა, პროფესიული გადამზადება და მათ საჭიროებებზე ორიენტირებული სხვადასხვა ტიპის აქტივობების ორგანიზება.

ბენეფიციართა მიზნობრივი ჯგუფი:

აფხაზეთიდან დევნილი და აფხაზეთის ოკუპირებულ ტერიტორიაზე მცხოვრები მოსახლეობა;
ქართულ-აფხაზური საზოგადოება;
აფხაზეთის თემატიკით დაინტერესებული ადგილობრივი და საერთაშორისო საზოგადოება;
აფხაზეთიდან დევნილი ემიგრანტები;
აფხაზეთში საომარი მოქმედებების დროს დაღუპულთა ოჯახის წევრები.

ჩასართავად ბენეფიციარმა სამინისტროს სისტემაში უნდა წარმოადგინოს:

ა) განცხადება/წერილი

ბ) პროექტი;

გ) პირის მაიდენტიფიცირებელი მონაცემი.

9. „დევნილთა მომსახურების ცენტრები“

პროგრამით გათვალისწინებულია აფხაზეთიდან დევნილი და აფხაზეთის ოკუპირებულ ტერიტორიაზე მცხოვრები პირების განვითარებაზე და საჭიროებებზე ორიენტირებული აქტივობების ორგანიზება დევნილთა მომსახურების ცენტრების ბაზაზე, რომლის ფარგლებშიც განხორციელდება სხვადასხვა სახის შემეცნებითი აქტივობები, ბენეფიციართა ცნობიერების ამაღლების, პროფესიული გადამზადების, დაახლოების და ინტეგრაციის ხელშეწყობის მიზნით.

პროგრამის ფარგლებში, განხორციელდება ადგილობრივი ან/და საერთაშორისო დონის ღონისძიებები დევნილი პირების მონაწილეობით, რომლის ფარგლებში მონაწილეებს ექნებათ საშუალება გაიღრმაონ ცოდნა, წარმოაჩინონ საკუთარი უნარ-ჩვევები, შეიძინონ მათთვის მნიშვნელოვანი ახალი კონტაქტები, რაც თავის მხრივ ხელს შეუწყობს სხვადასხვა მნიშვნელობის საკითხებში დევნილთა ჩართულობის ზრდას.

ბენეფიციართა მიზნობრივი ჯგუფი:

აფხაზეთიდან იძულებით გადაადგილებული - დევნილი პირები;
აფხაზეთის ოკუპირებულ ტერიტორიაზე მცხოვრები პირები;
ქართულ-აფხაზური საზოგადოება;
ღვაწლმოსილი დევნილი პირები;
აფხაზეთის თემატიკით დაინტერესებული საზოგადოება;
შეზღუდული შესაძლებლობის მქონე პირები;
სამშვიდობო პოლიტიკის გაძლიერების მიმართულებით მომუშავე პირები.

ჩასართავად ბენეფიციარმა სამინისტროს სისტემაში უნდა წარმოადგინოს:

ა) განცხადება/წერილი

ბ) პროექტი;

გ) პირის მაიდენტიფიცირებელი მონაცემი.

10. „აფხაზეთიდან იძულებით გადაადგილებულ მეწარმეთა სოციალური გაძლიერება“

საქართველოს მასშტაბით სამეწარმეო საქმიანობის მრავალი პირია დაკავებული, მათ შორის არიან აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი პირებიც. ამასთან, სამეწარმეო საქმიანობის დაწყების მიმართულებით არსებობს მათი მაღალი ინტერესი, რაც საჭიროებს დროულ და ადეკვატურ მხარდაჭერას.

პროგრამა მოიაზრებს აფხაზეთის მოსახლეობის მეწარმეების და მეწარმეობით დაინტერესებული პირების მხარდაჭერას თბილისსა და რეგიონებში სამეწარმეო საქმიანობის მხარდაჭერის გზით; ამასთან, რეგიონებში მცხოვრები დევნილების სამეწარმეო საქმიანობის გაძლიერებას, მათი ბიზნეს უნარების განვითარებისა და სწორი სტრატეგიის დაგეგმვის გზით.

პროგრამის მიზნებია:

დევნილ მეწარმეთა გაძლიერება მათი შემოსავლების ზრდის და მდგრადი ეკონომიკური სარგებლის უზრუნველყოფის მიზნით;
ახალი სამუშაო ადგილების შექმნა და დევნილთა დასაქმების მაჩვენებლის ზრდა;
სამიზნე ჯგუფთა ტრენინგის გზით, მათი შესაძლებლობების გაძლიერება ბიზნესის მართვის, მარკეტინგის, მათ შორის, სოციალური მედია მარკეტინგის მიმართულებით;
ბენეფიციართა ტრენინგი მომხმარებელთათვის მიმზიდველი პროდუქტის შექმნის მიმართულებით;
რეგიონებში არსებული საწარმოების შესახებ ინფორმაციის გავრცელება და პოპულარიზაცია;
საქართველოში არსებული ეკონომიკური - სამეწარმეო საქმიანობის განხორციელების წესების შესახებ დევნილ პირთათვის ინფორმაციის მიწოდება;
ადგილობრივ ცენტრებში სტენდების, ფარდულების მოწყობა, რომლითაც შესაძლებელი იქნება გამოფენების, ექსპოზიციების ორგანიზება, ხელნაკეთი კულინარიული პროდუქტის დეგუსტაცია და ა.შ.;

ჩასართავად ბენეფიციარმა სამინისტროს სისტემაში უნდა წარმოადგინოს:

ა) განცხადება/წერილი

ბ) პროექტი;

გ) პირის მაიდენტიფიცირებელი მონაცემი.

------------------------------------------------------------------------------------------------------------------------------------------

აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ (დევნილის სტატუსის მაძიებელი) პირთა მუდმივი საცხოვრებელი ადგილის დადგენა ან/და ფოტოიდენტურობის დადასტურება და შესაბამისი დასკვნის/ცნობების გაცემა

აღნიშნული პროგრამის ფარგლებში, ხდება საქართველოს მოქალაქეობის მინიჭება/აღდგენის, საქართველოს ფარგლებს გარეთ მყოფ, საქართველოში დაბრუნების სურვილის მქონე თანამემამულეთა დოკუმენტაციის მოწესრიგებისა და საქართველოს ოკუპირებული ტერიტორიიდან იძულებით გადაადგილებული პირის - დევნილის სტატუსის მინიჭების/აღდგენის ხელშეწყობა.

ჩასართავად ბენეფიციარმა სამინისტროს სისტემაში უნდა წარმოადგინოს:

ა) განცხადება/ანკეტა, რომელიც ადგილზე ივსება.

აფხაზეთის ავტონომიური რესპუბლიკის განათლებისა და კულტურის სამინისტრო

ტელეფონი: (+995 32) 295 03 24

ელ.ფოსტა: apkhazeti@mes.gov.ge ან meca@abkhazia.gov.ge

მისამართი: დიმიტრი უზნაძის ქუჩა №68, 0101, თბილისი, საქართველო

2025 წლის პროგრამები

1. დროებით ოკუპირებულ ტერიტორიაზე მიღებული ზოგადი განათლების ცალკეული კლასის/საფეხურის/სემესტრის აღიარება

აფხაზეთის ავტონომიური რესპუბლიკის განათლებისა და კულტურის სამინისტრო ახდენს დროებით ოკუპირებულ ტერიტორიაზე მიღებული ზოგადი განათლების ცალკეული კლასის/საფეხურის/სემესტრის აღიარებას.

სამიზნე ჯგუფები: აფხაზეთის დროებით ოკუპირებული ტერიტორიის საშუალო სკოლების მოსწავლეები და კურსდამთავრებულები.

საკონტაქტო პირი: ხათუნა შონია 577 09 22 39

2. განათლების ხელშეწყობა

2.1 „სასკოლო ინფრასტრუქტურისა და სასწავლო გარემოს გაუმჯობესება“

ზოგადსაგანმანათლებლო დაწესებულებების საჭიროებების გათვალისწინებით დაფინანსების გამოყოფა.

ქვეპროგრამის მიზანია ზოგადსაგანმანათლებლო დაწესებულებების მატერიალურ-ტექნიკური ბაზის, სასწავლო პირობებისა და გარემოს გაუმჯობესება.

სამიზნე ჯგუფები: აფხაზეთის საჯარო და დროებით ოკუპირებული ტერიტორიის გალის რაიონის სკოლები.

საკონტაქტო პირი: ხათუნა შონია 577 09 22 39

2.2 ქვეპროგრამა - „წარმატებული ახალგაზრდების მხარდაჭერა“

აფხაზეთიდან დროებით იძულებით გადაადგილებული წარმატებული, ნიჭიერი, საზოგადოებრივად აქტიური სტუდენტი-ახალგაზრდების სწავლების ფინანსური მხარდაჭერა.

ქვეპროგრამის მიზანი: აფხაზეთის დროებით ოკუპირებული ტერიტორიიდან იძულებით გადაადგილებული საქართველოს მოქალაქე, პირადობის ნეიტრალური მოწმობის ან/და ნეიტრალური სამგზავრო დოკუმენტის მფლობელი ნიჭიერი ახალგაზრდების ფინანსური დახმარება საქართველოსა და უცხოეთის უმაღლეს სასწავლებლებში.

პროგრამის (ქვეპროგრამის) და სერვისის შემადგენელი კომპონენტები

საქართველოს უმაღლეს/პროფესიულ საგანმანათლებლო დაწესებულებებში აფხაზეთის დროებით ოკუპირებული ტერიტორიიდან იძულებით გადაადგილებულ სტუდენტთა ფინანსური დახმარება
უცხო ქვეყნის უმაღლეს საგანმანათლებლო დაწესებულებაში ჩარიცხული სტუდენტების ფინანსური დახმარება
ქვეყნის ფარგლებს გარეთ სამეცნიერო საქმიანობასთან, კონფერენციებთან, საგანმანათლებლო პროგრამებზე სწავლასთან დაკავშირებული სამგზავრო ხარჯების დაფინანსება

სამიზნე ჯგუფები: განსაკუთრებული მიღწევებით, ნიჭიერებითა და წარმატებებით წარმოჩენილი ახალგაზრდები აფხაზეთიდან:

ავტორიზებული პროფესიული საგანმანათლებლო დაწესებულებების აკრედიტებული პროგრამების სტუდენტები;
ავტორიზებული უმაღლესი საგანმანათლებლო დაწესებულებების აკრედიტირებული პროგრამების (ბაკალავრები, მაგისტრანტები) სტუდენტები;
ავტორიზებული სამედიცინო/სტომატოლოგიური დაწესებულებების აკრედიტირებული პროგრამების რეზიდენტები;
ევროკავშირის წევრი ქვეყნების, გაერთიანებული სამეფოს, ამერიკის შეერთებული შტატების, კანადის,ჩინეთის, ავსტრალიის, იაპონიის, შვეიცარიისა და ნორვეგიის უმაღლეს სასწავლებლის პირველი ან მეორე საფეხურის უმაღლეს საგანმანათლებლო აკრედიტირებული პროგრამის სტუდენტები.

საქართველოს უმაღლეს/პროფესიულ საგანმანათლებლო დაწესებულებების სტუდენტებს სამინისტროში მოეთხოვება შემდეგი დოკუმენტაციის წარდგენა:

ა) განცხადება

ბ) პირადობის დამადასტურებელი მოწმობის ასლი

გ) დევნილის მოწმობის ასლი

დ) ცნობა სასწავლებლიდან, რომ არის აკრედიტებული პროგრამის აქტიური სტატუსის მქონე სტუდენტი/რეზიდენტი

ე) რეკომენდაცია/დახასიათება სასწავლებლიდან

ვ) სასწავლო ბარათი (კომისია იხელმძღვანელებს ბოლო სემესტრის მონაცემებით)

ზ) წარმატებულობისა და განსაკუთრებული მიღწევების დამადასტურებელი სათანადო დოკუმენტაციის სერტიფიკატები, სიგელები (არსებობის შემთხვევაში)

თ) ინვოისი (ცნობა პირის მიერ განცხადების შემოტანის პერიოდში სასწავლებლისთვის დარჩენილი გადასახდელი თანხის ოდენობის თაობაზე).

ი) შემდეგი კატეგორიების შემთხვევაში:

ი.ა) ობოლი დედით ან მამით, ან უდედმამო

ი.ბ) მრავალშვილიანი ოჯახის (ოთხი და მეტი შვილი) წევრები

ი.გ) პირები, რომლებიც დაფიქსირებული არიან სოციალურად დაუცველი ოჯახების მონაცემთა ერთიან ბაზაში და მათი ოჯახების სარეიტინგო ქულა ტოლი ან ნაკლებია 70 000-ზე

ი.დ) მკვეთრად/მნიშვნელოვნად/ზომიერად გამოხატული შეზღუდული შესაძლებლობის მქონე პირები

ი.ე) კანონმდებლობით დადგენილი წესით მარტოხელა მშობლის (მარტოხელა დედის ან მარტოხელა მამის) სტატუსის მქონე პირი

ი.ვ) საქართველოს ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების შედეგად დაღუპულის შვილები, ზომიერად/მკვეთრად/მნიშვნელოვნად გამოხატული შეზღუდული შესაძლებლობის მქონე ვეტერანები ან მათი შვილები

ი.ზ) აუტიზმის სპექტრის აშლილობის (ზოგადი აშლილობების ჯგუფიდან ერთ-ერთი: F84.0, F84.1, F84.2, F84.3, F84.4, F84.5, F84.8, F84.9 მქონე პირები.

ზემოაღნიშნული კატეგორიის პირებმა დამატებით უნდა წარმოადგინონ შესაბამისი სტატუსის დამადასტურებელი დოკუმენტი, კერძოდ:

ა) განმცხადებლისა და მისი და ძმების დაბადების მოწმობების ასლები(მრავალშვილიანი ოჯახის შემთხვევაში)

ბ) მკვეთრად/მნიშვნელოვნად/ზომიერად გამოხატული შეზღუდული შესაძლებლობის დამადასტურებელი სამედიცინო ცნობის (ფორმა NIV-50/4)

გ) მშობლის/მშობლების გარდაცვალების დამადასტურებელი დოკუმენტის ასლი

დ) სსიპ - ვეტერანების საქმეთა სახელმწიფო სამსახურის მიერ გაცემული ცნობა, რომლითაც დასტურდება, რომ სტუდენტი არის საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედებების შედეგად დაღუპულის შვილი ან მკვეთრად/მნიშვნელოვნად გამოხატული შეზღუდული შესაძლებლობის მქონე ვეტერანი ან მისი შვილი

ე) ცნობა ჯანმრთელობის მდგომარეობის შესახებ (ფორმა № IV-100/ა, არაუმეტეს 2 თვით ადრე გაცემული განცხადების წარმოდგენიდან), რომელშიც დაავადებათა საერთაშორისო კლასიფიკატორის (ICD-10) მიხედვით, პირის ძირითად დიაგნოზად მითითებულია განვითარების ზოგადი აშლილობების ჯგუფიდან ერთ-ერთი: F84.0; F84.1; F84.2; F84.3; F84.4; F84.5; F84.8; F84.9. და ასევე დიაგნოზის დასმისას გამოყენებულია შემდეგი ტესტები: - აუტიზმის შესაფასებელი ინსტრუმენტი (ADOS ან/და ADI-R); - ინტელექტის შესაფასებელი ინსტრუმენტი (WAIS-IV - Wechsler Adult Intelligence Scale, 4th edition ან/და WNV - Wechsler Nonverbal Scale of Ability ან ზრდასრულთა ინტელექტის შესაფასებელი ნებისმიერი საერთაშორისოდ აღიარებული ინსტრუმენტი); - ადაპტიური ფუნქციონირების შესაფასებელი ინსტრუმენტი (მაგ., Vineland - 2, Vineland Adaptive Behavior Scales, II edition ან ABAS-3 - Adaptive Behavior Assessment System Third Edition)

ვ) შესაბამისი ადმინისტრაციული ორგანოდან გაცემული სათანადო დოკუმენტი, რომლითაც დასტურდება მარტოხელა მშობლის (მარტოხელა დედის ან მარტოხელა მამის) სტატუსი

ზ) სოციალურად დაუცველი ოჯახების მონაცემთა ერთიან ბაზაში რეგისტრაციის მოწმობის ასლი, რითაც დასტურდება რომ სტუდენტი ეკუთვნის სოციალურად დაუცველ ოჯახს და მათი ოჯახების სარეიტინგო ქულა ტოლი ან ნაკლებია 70 000-ზე (ცნობა გაცემული უნდა იყოს აღნიშნული პროგრამის სააპლიკაციო ვადის ფარგლებში).

უცხო ქვეყნის უმაღლეს საგანმანათლებლო დაწესებულებაში აკრედიტებულ საბაკალავრო პროგრამაზე პირველი კურსის პირველი სემესტრის დასაფინანსებლად საჭირო დოკუმენტების ნუსხა:

ა) განცხადება

ბ) CV

გ) აფხაზეთის ოკუპირებული ტერიტორიიდან იძულებით გადაადგილებული საქართველოს მოქალაქის პირადობის დამადასტურებელი მოწმობის/პასპორტის, აფხაზეთის ოკუპირებული ტერიტორიიდან იძულებით გადაადგილებული პირის დევნილის სტატუსის დამადასტურებელი დოკუმენტის ან/და პირადობის ნეიტრალური მოწმობის ან/და ნეიტრალური სამგზავრო დოკუმენტის ასლები

დ) უცხო ქვეყნის უმაღლეს საგანმანათლებლო დაწესებულებაში აკრედიტებულ საბაკალავრო პროგრამაზე ჩარიცხვის ხელმოწერილი ან ბეჭდით დადასტურებული დოკუმენტი

ე) ხელმოწერილი ან ბეჭდით დადასტურებული პროგრამის აკრედიტაციის დამადასტურებელი დოკუმენტი

ვ) უცხო ქვეყნის უმაღლესი საგანმანათლებლო დაწესებულების მიერ გაცემული ხელმოწერილი ან ბეჭდით დადასტურებული დოკუმენტი სწავლის სემესტრული გადასახადის (დავალიანების) თაობაზე, სასწავლებლის შესაბამისი საბანკო რეკვიზიტების მითითებით

ზ) უცხო ქვეყნის უმაღლესი საგანმანათლებლო დაწესებულების მიერ გაცემული ხელმოწერილი ან ბეჭდით დადასტურებული დოკუმენტი მოპოვებული გრანტის ოდენობის თაობაზე და თანადამფინანსებლის მიერ გაცემული ხელმოწერილი ან ბეჭდით დადასტურებული დოკუმენტი (არსებობის შემთხვევაში)

თ) კონკურსანტის ქვეყანაში არყოფნის შემთხვევაში, შესაბამისი, სანოტარო წესით დამოწმებული მინდობილობა

ი) კონკურსანტის საბანკო რეკვიზიტები

კ) აკადემიური მოსწრების შესახებ ზოგადსაგანმანათლებლო დაწესებულების მიერ გაცემული ხელმოწერილი ან ბეჭდით დადასტურებული დოკუმენტი საშუალო საფეხურის GPA (ქულა დამრგვალების გარეშე) თაობაზე.

სამგზავრო ხარჯების დაფინანსება

(აფხაზეთიდან დევნილი ბაკალავრიატისა და მაგისტრატურის სტუდენტები, ავტორიზებული სამედიცინო/სტომატოლოგიური დაწესებულებების აკრედიტირებული პროგრამების რეზიდენტები)

განმცხადებლებმა უნდა წარმოადგინონ შემდეგი დოკუმენტაცია:

ა) განცხადება მინისტრის სახელზე

ბ) CV

გ) პირადობის და დევნილის მოწმობის ასლები

დ) ინვოისები არანაკლებ ორი კომპანიიდან

ე) ქვეყნის ფარგლებს გარეთ სამეცნიერო საქმიანობასთან, კონფერენციებთან, აფხაზეთიდან დევნილი ბაკალავრიატისა და მაგისტრატურის სტუდენტების, ავტორიზებული სამედიცინო/სტომატოლოგიური დაწესებულებების აკრედიტირებული პროგრამების რეზიდენტების სწავლასთან დაკავშირებული სამგზავრო ხარჯების დაფინანსებისას წარმოდგენილი უნდა იყოს ასევე მიწვევის, სწავლის დამადასტურებელი დოკუმენტის ნოტარიულად დამოწმებული თარგმანი

ვ) საჭიროების შემთხვევაში, უცხო ქვეყანაში შესვლის ნებართვა, ანუ ვიზა.

საკონტაქტო პირი: ხათუნა შონია 577 09 22 39

2.3 „დისტანციური სწავლების სკოლა“

აფხაზეთის საშუალო და საჯარო სკოლების მოსწავლეებისთვის, არაფორმალური დისტანციური განათლების გზით ცოდნისა და უნარების განვითარების შესაძლებლობა.

ქვეპროგრამის ფარგლებში ხორციელდება ორი პროექტი - „ონლაინ საკვირაო სკოლა“ და ონლაინ კლასი - „კულტურული და ბუნებრივი მემკვიდრეობა“.

ქვეპროგრამის მიზანია დროებით ოკუპირებული გალის რაიონის საშუალო და აფხაზეთის საჯარო სკოლების მოსწავლეების არაფორმალურ დისტანციურ განათლებაში ჩართულობის, განათლების დონის ამაღლების, განვითარებისა და ინტეგრაციის ხელშეწყობა.

სამიზნე ჯგუფები: დროებით ოკუპირებული ტერიტორიის გალის რაიონის საშუალო და აფხაზეთის საჯარო სკოლების მოსწავლეები.

საკონტაქტო პირი: ხათუნა შონია 577 09 22 39

2.4 „განათლება მომავლისათვის“

ქვეპროგრამა ითვალისწინებს არაფორმალური განათლების მნიშვნელობის გაძლიერებას მშვიდობის მშენებლობის საქმეში და წიგნიერების, განვითარების ხელშემწყობ ღონისძიებებს აერთიანებს.

აფხაზური ენის პოპულარიზაცია
მასწავლებლის პროფესიის გაძლიერება, მხარდაჭერა
ინკლუზიური განათლების ხელშეწყობა
სპორტის განვითარება და პოპულარიზაცია
ახალგაზრდების საჭიროებებზე მორგებული ღონისძიებების მხარდაჭერა
არაფორმალური განათლების ხელშეწყობა.

პროგრამის (ქვეპროგრამის) და სერვისის შემადგენელი კომპონენტები

ტრენინგები, საგანმანათლებლო, საინფორმაციო და სხვადასხვა ტიპის არაფორმალური შეხვედრები, კონკურსები, სპორტული და სამოქალაქო ინტეგრაციის ხელშემწყობი ღონისძიებები და სხვა.

სამიზნე ჯგუფები:

აფხაზეთის საჯარო სკოლებისა და დროებით ოკუპირებული ტერიტორიის მოსწავლეები
აფხაზეთის საჯარო სკოლებისა და დროებით ოკუპირებული ტერიტორიის პედაგოგები
აფხაზეთის საჯარო სკოლებისა და დროებით ოკუპირებული ტერიტორიის კურსდამთავრებულები
აფხაზეთიდან დროებით იძულებით გადაადგილებული მოსწავლეები
აფხაზეთიდან დროებით იძულებით გადაადგილებული სტუდენტები
ღვაწლმოსილი პედაგოგები
სსსმ და შშმ პირები
საზოგადოების ფართო მასები.

საკონტაქტო პირი: ხათუნა შონია 577 09 22 39

2.5 აფხაზური ენის პედაგოგთა ფინანსური მხარდაჭერა

აფხაზური ენის დაცვა, პოპულარიზაცია და განვითარება.

ქვეპროგრამის მიზანია აფხაზური ენის მასწავლებლების ფინანსური დახმარება.

პროგრამის (ქვეპროგრამის) და სერვისის შემადგენელი კომპონენტები

აფხაზური ენის მასწავლებლების ფინანსური მხარდაჭერა.

სამიზნე ჯგუფები: აფხაზეთის საჯარო სკოლების აფხაზური ენის პედაგოგები.

2.6 სტიპენდიები

„დიმიტრი (არზაყან) ემუხვარისა და ჟიული შარტავას სახელობის სტიპენდიები“

ქვეპროგრამა ემსახურება სტუდენტებში აფხაზეთის თემატიკის გააქტიურებას/პოპულარიზაციას, ინტელექტუალური პოტენციალის განვითარებას. დიმიტრი (არზაყან) ემუხვარისა და ჟიული შარტავას სახელობის სტიპენდიების მოსაპოვებლად ცხადდება კონკურსი.

ქვეპროგრამის მიზანია აფხაზეთის თემატიკაზე მომუშავე განსაკუთრებული მიღწევებითა და წარმატებებით წარმოჩენილი მაგისტრატურისა და ბაკალავრიატის სტუდენტების მოტივაციის ამაღლება, აფხაზეთის თემის პოპულარიზაცია და ახალგაზრდების მხარდაჭერა.

სტიპენდიების მისანიჭებლად სტუდენტების წარდგენის უფლება აქვთ ავტორიზებულ უმაღლეს საგანმანათლებლო დაწესებულებებს. განაცხადს თან უნდა ერთოდეს შემდეგი დოკუმენტაცია:

ა) წარდგინება

ბ) რეკომენდაცია

გ) პირადობის მოწმობის ასლი

დ) სტუდენტის სასწავლო ბარათი

ე) სამეცნიერო ნაშრომის გამოქვეყნების და სამეცნიერო კონფერენციებში მონაწილეობის დამადასტურებელი დოკუმენტაცია

ვ) სიგელები, სერტიფიკატები არსებობის შემთხვევაში, ინფორმაცია საზოგადოებრივი აქტივობის შესახებ.

„აკადემიკოს ილია ვეკუას სახელობის სტიპენდია“

ქვეპროგრამა ემსახურება ახალგაზრდებში მათემატიკის, გამოყენებითი მათემატიკისა და კომპიუტერული მეცნიერებების მიმართულების საგნების პოპულარიზაციას. აკადემიკოს ილია ვეკუას სახელობის სტიპენდიის მოსაპოვებლად ცხადდება კონკურსი.

ქვეპროგრამის მიზანია მათემატიკის, გამოყენებითი მათემატიკისა და კომპიუტერული მეცნიერებების მიმართულების დისციპლინების პოპულარიზაცია.

სტიპენდიების მისანიჭებლად სტუდენტების წარდგენის უფლება აქვთ ავტორიზებულ უმაღლეს საგანმანათლებლო დაწესებულებებს. განაცხადს თან უნდა ერთვოდეს შემდეგი დოკუმენტაცია:

ა) წარდგინება

ბ) რეკომენდაცია

გ) პირადობის მოწმობის ასლი

დ) სტუდენტის სასწავლო ბარათი

,,თამაზ ნადარეიშვილის, ლორიკ მარშანიას, გურამ გაბესკირიას, მიხეილ ჯინჭარაძის, მიხეილ კოკაიას, ჯუმბერ ბეთაშვილის, რაულ ეშბას, კობა მირზაშვილის სახელობის სტიპენდიები“

უმაღლესი საგანმანათლებლო დაწესებულებების ბაკალავრიატის აკრედიტებულ საგანმანათლებლო პროგრამებზე ერთიანი ეროვნული გამოცდების შედეგად ჩარიცხული სტუდენტების განათლების ხელშეწყობა და წახალისება.

სამიზნე ჯგუფები:

აფხაზეთის თემატიკაზე მომუშავე განსაკუთრებული მიღწევებითა და წარმატებებით წარმოჩენილი აკრედიტებული უმაღლესი საგანმანათლებლო პროგრამების (ბაკალავრიატი, მაგისტრატურა) სტუდენტები.
მათემატიკის, გამოყენებითი მათემატიკისა და კომპიუტერული მეცნიერებების მიმართულების ბაკალავრიატისა და მაგისტრატურის განსაკუთრებული მიღწევებითა და წარმატებებით წარმოჩენილი ბაკალავრიატისა და მაგისტრატურის სტუდენტები.
უმაღლესი საგანმანათლებლო დაწესებულებების ბაკალავრიატის აკრედიტებულ საგანმანათლებლო პროგრამებზე ერთიანი ეროვნული გამოცდების შედეგად ჩარიცხული იძულებით გადაადგილებული პირები აფხაზეთიდან.

საკონტაქტო პირი: ხათუნა შონია 577 09 22 39

2.7 პროფესიული უნარების განვითარების მხარდაჭერა სკოლებში

ქვეპროგრამა ემსახურება ახალგაზრდებში პროფესიული განათლების პოპულარიზაციას, პროფესიული საგანმანათლებლო პროგრამების შესახებ ინფორმირებულობის ზრდასა და საინტერესო პროფესიის ფარგლებში საბაზო უნარების განვითარებას.

ქვეპროგრამის მიზანია პროფესიული განათლების პოპულარიზაცია და პროფესიული პირველადი უნარების განვითარების ხელშეწყობა.

სამიზნე ჯგუფები: აფხაზეთის საჯარო სკოლების და დროებით ოკუპირებული გალის რაიონის საშუალო სკოლის მოსწავლეები/ახალგაზრდები.

საკონტაქტო პირი: ხათუნა შონია 577 09 22 39

2.8 შემეცნებით-საგანმანათლებლო ბანაკები

ქვეპროგრამა მოიცავს სწავლასა და აქტიურ დასვენებას. ბანაკის ბენეფიციარები სხვადასხვა საგნობრივი მიმართულებით გაივლიან ტრენინგ-სემინარებს, შეძლებენ შეძენილი ცოდნისა და უნარ-ჩვევების წარმოჩენა-განვითარებას, საინტერესოდ დასვენებასა და გართობას.

ქვეპროგრამის მიზანია მოზარდების განვითარება, სამოქალაქო ცნობიერების ამღლება, ინტეგრაციის ხელშეწყობა, დასვენება, პოზიტიური ემოციებისა და განწყობის უზრუნველყოფა.

პროგრამის (ქვეპროგრამის) და სერვისის შემადგენელი კომპონენტები

საგნობრივი და სამოქალაქო ცნობიერების ამაღლების ხელშემწყობი ტრენინგები
კულტურული და შემეცნებით-გასართობი ხასიათის ღონისძიებები
სპორტულ – გამაჯანსაღებელი ღონისძიებები

სამიზნე ჯგუფები: აფხაზეთის ავტონომიური რესპუბლიკის განათლებისა და კულტურის სამინისტროს დისტანციური სწავლების სკოლის ბენეფიციარები (დროებით ოკუპირებული გალის რაიონის საშუალო და აფხაზეთის საჯარო სკოლის მოსწავლეები).

საკონტაქტო პირი: ხათუნა შონია 577 09 22 39

2.9 ინოვაციური მიდგომები საბუნებისმეტყველო საგნების სწავლებაში

ქვეპროგრამა ითვალისწინებს აფხაზეთის ზოგადსაგანმანათლებლო დაწესებულებების საბუნებისმეტყველო (ფიზიკის) რეალურ-ვირტუალური ლაბორატორიებით აღჭურვას.

ქვეპროგრამის მიზანია აფხაზეთის საჯარო სკოლებში საბუნებისმეტყველო (ფიზიკის) საგნების სწავლების გაძლიერება, მოსწავლეებში კვლევითი უნარ-ჩვევების განვითარების ხელშეწყობა.

პროგრამის (ქვეპროგრამის) და სერვისის შემადგენელი კომპონენტები

სკოლების ინფორმირება და განაცხადების რეგისტრაცია
განხილვა და გადაწყვეტილების მიღება

სამიზნე ჯგუფები: აფხაზეთის საჯარო სკოლები

საკონტაქტო პირი: ხათუნა შონია 577 09 22 39

2.10 სკოლისშემდგომი განათლების მხარდაჭერა

ქვეპროგრამა ითვალისწინებს სკოლისშემდგომი განათლებისთვის მომზადების სასწავლო კურსის სტუდენტების ფინანსურ მხარდაჭერას.

ქვეპროგრამის მიზანია აფხაზეთის დროებით ოკუპირებული ტერიტორიის კურსდამთავრებულთა უმაღლესი განათლების მიღების ხელშეწყობა.

პროგრამის (ქვეპროგრამის) და სერვისის შემადგენელი კომპონენტები

ბენეფიციართა განსაზღვრა და გადაწყვეტილების მიღება

სამიზნე ჯგუფებს წარმოადგენენ საქართველოს განათლების, მეცნიერებისა და ახალგაზრდობის სამინისტროს სკოლისშემდგომი განათლებისათვის მომზადების პროგრამის სტუდენტები აფხაზეთის დროებით ოკუპირებული ტერიტორიიდან.

საკონტაქტო პირი: ხათუნა შონია 577 09 22 39

2.11 გალის რაიონის სკოლამდელი აღზრდისა და სახელოვნებო სკოლების პედაგოგთა და ადმინისტრაციულ-ტექნიკური პერსონალის ფინანსური დახმარება

პროგრამის ფარგლებში ხორციელდება დროებით ოკუპირებული გალის რაიონის სკოლამდელი აღზრდის დაწესებულებებისა და მუსიკალური და სამხატვრო სკოლების პედაგოგებისა და ადმინტრაციულ-ტექნიკური პერსონალის ფინანსური დახმარება.

პროგრამის მიზანია დროებით ოკუპირებულ ტერიტორიაზე მცხოვრები სკოლამდელი აღზრდისა და სახელოვნებო სკოლების პედაგოგებისა და ადმინისტრაციულ-ტექნიკური პერსონალის ფინანსური მხარდაჭერა.

პროგრამის (ქვეპროგრამის) და სერვისის შემადგენელი კომპონენტები: ფინანსური დახმარება

სამიზნე ჯგუფები: დროებით ოკუპირებული გალის რაიონის სკოლამდელი აღზრდის დაწესებულებების (საბავშვო ბაღები), მუსიკალური და სამხატვრო სკოლების პედაგოგები და ადმინისტრაციულ-ტექნიკური პერსონალი.

საკონტაქტო პირი: ხათუნა შონია 577 09 22 39

3. წარმატებულ ხელოვანთა და სპორტსმენთა მხარდაჭერა

3.1„ნიკოლოზ თაბუკაშვილის სახელობის პრემია“

სახვითი და გამოყენებითი ხელოვნების დარგში ნიკოლოზ თაბუკაშვილის სახელობის პრემიის მოსაპოვებლად კონკურსი ორ წელიწადში ერთხელ ცხადდება. საკონკურსო ნამუშევრის წარდგენის უფლება აქვს როგორც ფიზიკურ პირს, ასევე სასწავლო დაწესებულებას, შემოქმედებით და სხვა საზოგადოებრივ ორგანიზაციას, რომელიც სახვითი და გამოყენებითი ხელოვნების დარგში საქმიანობს. კონკურსში გამარჯვებულს ენიჭება ნიკოლოზ თაბუკაშვილის სახელობის პრემიის ლაურეატის წოდება და დიპლომთან ერთად გადაეცემა ფულადი ჯილდო.

ქვეპროგრამის მიზანია: სახვითი და გამოყენებითი ხელოვნების დარგის განვითარების ხელშეწყობა; ხელოვანთა წახალისება, მხარდაჭერა, მოტივაციის ამაღლება და შემოქმედების პოპულარიზაცია.

სამიზნე ჯგუფები: სახვითი (ფერწერა, ქანდაკება, გრაფიკა) და გამოყენებითი ხელოვნების დარგში მოღვაწე პირები.

კონკურსში მონაწილეობის მსურველებმა საკონკურსო ნამუშევარი უნდა წარმოადგინონ სამინისტროში, მიმდინარე წლის 20 ოქტომბრიდან 20 ნოემბრამდე (შაბათ-კვირის გარდა, 10:00 საათიდან 17:00 საათამდე), შემდეგ დოკუმენტაციასთან ერთად:

ა) საკონკურსო განაცხადი;

ბ) ავტობიოგრაფია;

გ) პირადობის მოწმობის ასლი.

საკონტაქტო პირი: კახაბერ ძაძამია 555 38 43 49

3.2 „ვიქტორ სანეევის სახელობის სტიპენდია“

ვიქტორ სანეევის სახელობის სტიპენდია ენიჭებათ საკონკურსო წლისა და წინა სპორტული სეზონის განმავლობაში დადასტურებული სპორტული მიღწევების მქონე ახალგაზრდებს (16-23 წლის ჩათვლით) სპორტის ოლიმპიურ, არაოლიმპიურ და პარალიმპიურ სახეობებში.

ქვეპროგრამის მიზანია : სპორტის განვითარების ხელშეწყობა, ვიქტორ სანეევის სახელის უკვდავყოფა, აფხაზეთიდან დროებით იძულებით გადაადგილებული და აფხაზეთის სახელით მოასპარეზე ახალგაზრდა, წარმატებული სპორტსმენების წახალისება და მოტივაციის გაზრდა.

სამიზნე ჯგუფები: საქართველოს ეროვნული ან/და აფხაზეთის ავტონომიური რესპუბლიკის რეგიონალური სპორტული ფედერაციების წევრი, აფხაზეთის სახელით მოასპარეზე, აფხაზეთიდან დროებით იძულებით გადაადგილებული ახალგაზრდა, წარმატებული სპორტსმენები.

ვიქტორ სანეევის სახელობის სტიპენდიის მოსაპოვებლად კომისიაში წარდგენილ განაცხადს უნდა დაერთოს შემდეგი სახის დოკუმენტაცია:

ა) შესაბამისი სპორტული ფედერაციის წარდგინება;

ბ) სიგელები, დიპლომები, ჯილდოები და წარმატების დამადასტურებელი ფოტომასალა;

გ) მწვრთნელის რეკომენდაცია;

დ) კონკურსანტის ავტობიოგრაფია/CV;

ე) პირადობის დამადასტურებელი მოწმობის ან პასპორტის ასლი;

ვ) დევნილის მოწმობის ასლი.

საკონტაქტო პირი: კახაბერ ძაძამია 555 38 43 49

3.3 „ვიტალი დარასელიას სახელობის სტიპენდია“

ვიტალი დარასელიას სახელობის სტიპენდია ენიჭებათ საკონკურსო წლისა და წინა სპორტული სეზონის განმავლობაში დადასტურებული სპორტული მიღწევების მქონე ახალგაზრდებს (16 წლამდე) სპორტის ოლიმპიურ, არაოლიმპიურ და პარალიმპიურ სახეობებში.

ქვეპროგრამის მიზანია: სპორტის განვითარების ხელშეწყობა, ვიტალი დარასელიას სახელის უკვდავყოფა, აფხაზეთიდან დროებით იძულებით გადაადგილებული და აფხაზეთის სახელით მოასპარეზე ახალგაზრდა სპორტსმენთა მხარდაჭერა, წახალისება და მოტივაციის ამაღლება.

სამიზნე ჯგუფები: აფხაზეთიდან დროებით იძულებით გადაადგილებული და აფხაზეთის სახელით მოასპარეზე 16 წლამდე ახალგაზრდა, პერსპექტიული სპორტსმენები, სპორტის როგორც ინდივიდუალურ ასევე გუნდურ სახეობებში.

ვიტალი დარასელიას სახელობის სტიპენდიის მოსაპოვებლად კომისიაში წარდგენილ განაცხადს უნდა დაერთოს შემდეგი სახის დოკუმენტაცია:

ა) შესაბამისი სპორტული ფედერაციის წარდგინება (არადევნილი სპორტსმენის შემთხვევაში მითითებული უნდა იყოს, რომ სპორტსმენი შეჯიბრებებზე აფხაზეთის სახელით გამოდის);

გ) მწვრთნელის რეკომენდაცია;

დ) კონკურსანტის ავტობიოგრაფია/CV;

ე) პირადობის დამადასტურებელი მოწმობის ან პასპორტის ასლი;

ვ) დევნილის მოწმობის ასლი (ეს პუნქტი არ ეხება სპორტის ინდივიდუალურ სახეობებში აფხაზეთის სახელით მოასპარეზე სპორტსმენებს).

საკონტაქტო პირი: კახაბერ ძაძამია 555 38 43 49

4. კულტურულ ფასეულობათა დაცვა და პოპულარიზაცია

4.1 საგანმანათლებლო შემეცნებითი სემინარები

ქვეპროგრამის მიზანია საზოგადოების ფართო ფენების და განსაკუთრებით, მოსწავლე-ახალგაზრდობის, აფხაზეთ

აფხაზეთის ავტონომიური რესპუბლიკის ფინანსთა და ეკონომიკის სამინისტრო

ტელეფონი: (+995 32) 214 00 83

ელ.ფოსტა: mofa@abkhazia.gov.ge

მისამართი: მიხეილ თამარაშვილის ქუჩა №15ა, 0186, თბილისი, საქართველო

2025 წლის პროგრამები

სსიპ „აფხაზეთის ავტონომიური რესპუბლიკის სავაჭრო-სამრეწველო პალატა“

მისამართი: თბილისი, ვაჟა–ფშაველას გამზ. N16.

პალატის სერვისების ბენეფიციარები არიან :აფხაზეთიდან დევნილი მეწარმეები.

1. აფხაზეთის ავტონომიური რესპუბლიკის სავაჭრო-სამრეწველო პალატა

პოტენციური ბენეფიციარი უნდა იყოს აფხაზეთიდან იძულებით გადაადგილებული პირი, მათ შორის საწარმოში/ორგანიზაციაში 50% და მეტი წილის მფლობელი მეწარმე სუბიექტი და ის უნდა იყოს „აწარმოე საქართველოში“ ან „სოფლის განვითარების სააგენტოს“ მიმდინარე პროგრამის გამარჯვებული. ბენეფიციარების შერჩევა მოხდება რიგითობის მიხედვით, პროგრამისათვის გამოყოფილი თანხის სრულ ამოწურვამდე.

დაფინანსება თითოეულ მეწარმე სუბიექტზე არ უნდა აღემატებოდეს 5000 ლარს.

დანართის სახით წარმოსადგენი დოკუმენტაცია:

დანართის სახით წარმოსადგენი დოკუმენტაცია:

პირადობის მოწმობის ასლი (სავალდებულო);
დევნილის მოწმობის ასლი (სავალდებულო);
სამეწარმეო საქმიანობის დამადასტურებელი დოკუმენტი, მათ შორის: ინდმეწარმე; შპს; სააქციო საზოგადოება; მიკრო და მცირე ბიზნესის სტატუსის მქონე და სხვა (სავალდებულო);
ამონაწერი მეწარმეთა პირების რეესტრიდან (სავალდებულო);
გადასახადის გადამხდელის მოწმობა;
ცნობა, რომ ბენეფიციარი არის „აწარმოე საქართველოში“ ან „სოფლის განვითარების სააგენტო“ -ს მიმდინარე პროექტის გამარჯვებული (სავალდებულო)

გამოფენაში მონაწილეობისათვის გასაწევი ხარჯების დამადასტურებელ დოკუმენტები (სავალდებულო):

მგზავრობის დამადასტურებელი დოკუმენტი- ბილეთი
სასტუმროში განთავსების დამადასტურებელ დოკუმენტი
სტენდის ქირაობის (გადახდილი თანხის) „აწარმოე საქართველოში“ან„სოფლის განვითარების სააგენტოს მხრიდან თანადაფინანსების დამადასტურებელი დოკუმენტი/ცნობა

პალატა უფლებამოსილია, საჭიროების შემთხვევაში, განმცხადებელს მოსთხოვოს დამატებითი დოკუმენტაციის, ფოტო/ვიდეო მასალის და სხვა ინფორმაციის წარმოდგენა.

2. საერთაშორისო სისტემებისა და სტანდარტების შემუშავება და დანერგვა

პოტენციური ბენეფიციარი უნდა იყოს აფხაზეთიდან იძულებით გადაადგილებული პირი, მათ შორის საწარმოში/ორგანიზაციაში 50% და მეტი წილის მფლობელი მეწარმე სუბიექტი. ბენეფიციარების შერჩევა მოხდება რიგითობის მიხედვით, პროგრამისთვის გამოყოფილი თანხის სრულ ამოწურვამდე.

პალატა მეწარმე სუბიექტებს (რომლებიც ახორციელებენ პროდუქციის წარმოებას ან/და გადამუშავებას) დაუფინანსებს HACCP-ის საერთაშორისო სისტემის დანერგვის საფასურს.

დაფინანსება განხორციელდება აფხაზეთის ავტონომიური რესპუბლიკის კანონმდებლობის შესაბამისად, 2025 წელს პალატისათვის გამოყოფილი სახსრების ნაწილიდან „მცირე და საშუალო მეწარმეების ხელშეწყობის პროგრამის“ ფარგლებში. დაფინანსება თითოეულ მეწარმე სუბიექტზე არ უნდა აღემატებოდეს 2000 ლარს.

დანართის სახით წარმოსადგენი დოკუმენტაცია:

პირადობის მოწმობის ასლი (სავალდებულო)
დევნილის მოწმობის ასლი (სავალდებულო)
სამეწარმეო საქმიანობის დამადასტურებელი დოკუმენტი, მათ შორის: ინდმეწარმე; შპს; სააქციო საზოგადოება; მიკრო და მცირე ბიზნესის სტატუსის მქონე და სხვა (სავალდებულოა)
ამონაწერი მეწარმეთა პირების რეესტრიდან (სავალდებულო)
გადასახადის გადამხდელის მოწმობა

HACCP-ის საერთაშორისო სისტემის დანერგვის შემდგომ,

დაფინანსების მისაღებად წარმოსადგენი დოკუმენტები (სავალდებულო):

ხელშეკრულება სერვისის მომწოდებელთან
მიღება - ჩაბარების აქტი
ანგარიშ ფაქტურა (ასეთის არსებობის შემთხვევაში)
სერვისის მიღების გადახდის დამადასტურებელი დოკუმენტი

3. აფხაზეთიდან იძულებით გადაადგილებული პირებისთვის სასოფლო-სამეურნეო ტექნიკის - მოტობლოკის თანადაფინანსება

მიზანი: აფხაზეთიდან იძულებით გადაადგილებული პირებისთვის სასოფლო-სამეურნეო ტექნიკაზე ხელმისაწვდომობის გაზრდა.

აღწერა: პროგრამის ფარგლებში ბენეფიციარი იღებს თანადაფინანსებას ახალი მოტობლოკის შესაძენად, რომლის ღირებულების 80%-მდე (არაუმეტეს 1000 ლარის ოდენობით) ფინანსდება აფხაზეთის ავტონომიური რესპუბლიკის ფინანსთა და ეკონომიკის სამინისტროს მიერ. პროგრამა მოიცავს საქართველოს მთელ ტერიტორიას და მიმართულია მცირე მიწათმოქმედი დევნილების ეკონომიკური აქტიურობისა და თვითდასაქმების წახალისებაზე.

სამიზნე აუდიტორია: აფხაზეთიდან იძულებით გადაადგილებული პირები, რომლებსაც გააჩნიათ 0,2 ჰექტარიდან 3 ჰექტრამდე ფართობის სასოფლო-სამეურნეო მიწის ნაკვეთი.

წინაპირობები: პოტენციურ ბენეფიციარს მფლობელობაში უნდა გააჩნდეს სსიპ – საჯარო რეესტრში რეგისტრირებული სასოფლო-სამეურნეო 0,2 ჰექტრიდან 3 ჰექტრამდე ფართობის (ერთიანად ან ჯამურად) მიწის ნაკვეთი. მფლობელობის ფორმა შეიძლება იყოს:

საკუთრება/თანასაკუთრება;
იჯარა განაცხადის წარმოდგენიდან სულ მცირე 3 წლის ვადით;

თანადაფინანსების პირობები: პროგრამის ფარგლებში სამინისტროს თანადაფინანსების მოცულობა ერთ ბენეფიციარზე განისაზღვრება:

7 და მეტი ცხენის ძალის სიმძლავრის წვრილღერძიანი (30 მმ-მდე) სასოფლო -სამეურნეო ტექნიკის შესყიდვის შემთხვევაში – ტექნიკის ღირებულების არაუმეტეს 80%, არაუმეტეს 800 ლარის ოდენობით;
7 და მეტი ცხენის ძალის სიმძლავრის მსხვილღერძიანი (30 მმ-დან) სასოფლო-სამეურნეო ტექნიკის შესყიდვის შემთხვევაში – ტექნიკის ღირებულების არაუმეტეს 80%, არაუმეტეს 1000 ლარის ოდენობით;

შეზღუდვები: ბენეფიციარი იღებს ვალდებულებას თანადაფინანსების ხელშეკრულების გაფორმებიდან 1 კალენდარული წლის ვადაში არ გაასხვისოს, გაცვალოს ან სარგებლობაში არ გადასცეს სხვა პირს პროგრამის ფარგლებში შესყიდული სასოფლო-სამეურნეო ტექნიკა - მოტობლოკი.

პოტენციური ბენეფიციარის მიერ ელექტრონული ფორმით წარმოსადგენი დოკუმენტები:

ა)პირადობის მოწმობის ასლი;
ბ) დევნილის მოწმობის ასლი;
გ) 2025 წელს განახლებული სსიპ – საჯარო რეესტრში რეგისტრირებული სასოფლო-სამეურნეო 0,2 ჰექტრიდან 3 ჰექტრამდე ფართობის (ერთიანად ან ჯამურად) მიწის ნაკვეთის მფლობელობის დამადასტურებელი დოკუმენტი.
დ) პროგრამაში მონაწილეობის განაცხადი (ელექტრონული ფორმით);
ე) შესასყიდ სასოფლო-სამეურნეო ტექნიკაზე „მეწარმეთა შესახებ“ საქართველოს კანონის საფუძველზე რეგისტრირებული მეწარმე ფიზიკური/იურიდიული პირის მიერ პოტენციური ბენეფიციარისთვის გამოწერილი ინვოისი ქართულ ენაზე.
*ინვოისი გაცემული უნდა იყოს უშუალოდ განაცხადის წარმომდგენ პოტენციურ ბენეფიციარზე და უნდა შეიცავდეს მხარეთა რეკვიზიტებს (საიდენტიფიკაციო კოდი, დასახელება, მისამართი) და ინფორმაციას სასოფლო-სამეურნეო ტექნიკის - მოტობლოკის მახასიათებლების შესახებ ( მოდელი, სიმძლავრე, ღერძის ზომა და სხვა მახასიათებლები).
** სასოფლო-სამეურნეო ტექნიკის ღირებულება წარმოდგენილი უნდა იყოს ეროვნულ ვალუტაში;
*** ინვოისში მითითებული უნდა იყოს მისი მოქმედების ვადა;
ვ) საბანკო რეკვიზიტები;
ზ) მიკრო/მცირე/ფიქსირებული გადასახდის გადამხდელის სტატუსით სარგებლობის შემთხვევაში, შესაბამისი დამადასტურებელი დოკუმენტი

წესები და პირობები:

განაცხადში მითითებული ინფორმაცია სწორი და უტყუარია;
გაცნობილია ვებ გვერდზე - www.abkhazia.gov.ge გამოქვეყნებულ - „აფხაზეთიდან იძულებით გადაადგილებული პირებისთვის სასოფლო-სამეურნეო ტექნიკის - მოტობლოკის თანადაფინანსების“ პირობებს, შესაბამისობის კრიტერიუმებსა და თანადაფინანსების პირობებს;
ქვეპროგრამის ფარგლებში პოტენციურ ბენეფიციარს შეუძლია დაფინანსების მოთხოვნა მხოლოდ ერთ ერთეულ სასოფლო-სამეურნეო დანიშნულების ტექნიკაზე.
ქვეპროგრამის ფარგლებში ბენეფიციარისთვის თანადაფინანსება გაიცემა მხოლოდ ერთი განაცხადის შესაბამისად.
ქვეპროგრამის კომპონენტის ფარგლებში მიწის (უძრავი ქონების) ერთ საკადასტრო კოდზე რეგისტრირებულ მიწის ნაკვეთზე გაიცემა თანადაფინანსება მხოლოდ ერთ სასოფლოსამეურნეო ტექნიკაზე - მოტობლოკზე.
ბენეფიციარი იღებს ვალდებულებას თანადაფინანსების ხელშეკრულების გაფორმებიდან 1 კალენდარული წლის ვადაში არ გაასხვისოს, გაცვალოს ან სარგებლობაში არ გადასცეს სხვა პირს პროგრამის ფარგლებში შესყიდული სასოფლო-სამეურნეო ტექნიკა - მოტობლოკი.
სამინისტრო უფლებამოსილია ნებისმიერ დროს წინასწარი გაფრთხილების გარეშე გადაამოწმოს განაცხადში მითითებული ნებისმიერი ინფორმაცია, მესამე პირებთან ან/და სხვა არსებული წყაროების გამოყენებით;
იმ შემთხვევაში, თუ დადგინდა განაცხადში მითითებული ინფორმაციის ან მისი ნაწილის უზუსტობა, იქნება ეს განმცხადებლის მიერ განზრახ/გაუფრთხილებლობით ან/და მესამე პირ(ებ)ის მიზეზით მცდარი ინფორმაციის მითითება, სამინისტრო იტოვებს უფლებას უპირობოდ მიიღოს უარყოფითი გადაწყვეტილება;
იმ შემთხვევაში, თუ განმცხადებლის მიერ განაცხადში მითითებული მცდარი ინფორმაციის მიზეზით სამინისტროს მიადგება მატერიალური ან/და არამატერიალური, პირდაპირი ან/და არაპირდაპირი ზიანი, განმცხადებელი იღებს სრულ პასუხისმგებლობას აღნიშნულ ზიანთან დაკავშირებით;
სამინისტრო არ არის პასუხისმგებელი განაცხადის შევსებასთან ან/და განაცხადის წარდგენასთან დაკავშირებულ ნებისმიერ პირდაპირ/არაპირდაპირ ხარჯზე;
განაცხადი არ შეიძლება განმცხადებლის ან/და ნებისმიერი სხვა დაინტერესებული პირის მიერ განხილულ იქნეს, როგორც სამინისტროს რაიმე სახის პირდაპირი/არაპირდაპირი დაპირება;
სამინისტრო არ არის პასუხისმგებელი განაცხადთან დაკავშირებით მიღებული გადაწყვეტილების პირდაპირ / არაპირდაპირ შედეგებზე;
სამინისტრო არ არის პასუხისმგებელი პროგრამაში მონაწილეობის მიზნით განაცხადისა და წარმოდგენილი დოკუმენტების მომზადებისთვის გაწეულ დანახარჯებზე.
პოტენციური ბენეფიციარი აცნობიერებს სასოფლო-სამეურნეო ტექნიკის შემდგომი გაძვირების შესაძლებლობას და მზად არის საკუთარი თანამონაწილეობით დაფაროს გაძვირების შედეგად წარმოქმნილი ფასთა სხვაობა;
განაცხადის წარდგენიდან ხელშეკრულების გაფორმებამდე, ნივთის ფასის კლების შემთხვევაში, პროპორციულად მცირდება განაცხადით მოთხოვნილი დაფინანსების თანხის ოდენობა, თანადაფინანსების წილობრივი მაქსიმალური ოდენობის (80%) გათვალისწინებით.

განცხადის შევსება

4. აფხაზეთიდან იძულებით გადაადგილებული პირებისთვის თხილის შესაწამლი აპარატის თანადაფინანსება

მიზანი: აფხაზეთიდან იძულებით გადაადგილებული პირების თხილის შესაწამლი აპარატებს თანადაფინანსების პროგრამის თხილის პირველად წარმოებაში ჩართული აფხაზეთიდან იძულებით გადაადგილებული პირების სტიმულირება.

აღწერა: პროგრამა უზრუნველყოფს თხილის შესაწამლი აპარატების შეძენაზე თანადაფინანსებას - ტექნიკის ღირებულების 80%-მდე, ბაღის ზომის მიხედვით.
პროგრამა უწყობს ხელს თხილის მოვლა-მოყვანის გაუმჯობესებას, სარგებლის გაზრდასა და დევნილი ფერმერების ეკონომიკურ გაძლიერებას საქართველოს მთელ ტერიტორიაზე.

სამიზნე აუდიტორია: აფხაზეთიდან იძულებით გადაადგილებული პირები, რომლებსაც გააჩნიათ ა(ა)იპ სოფლის განვითარების სააგენტოს მიერ შექმნილ თხილის კადასტრში შეტანილი თხილის ბაღი და მონაწილეობა აქვთ მიღებულია(ა)იპ „სოფლის განვითარების სააგენტოს“ თხილის წარმოების ხელშეწყობის პროგრამაში, შესაბამისად უზრუნველყოფილია სასუქის შესაბამისი ოდენობით.

წინაპირობები: ბენეფიციარს 2025 წელს მიღებული უნდა ჰქონდეს სახელმწიფო სუბსიდია საქართველოს მთავრობის 2025 წლის 7 თებერვლის #32 დადგენილებით დამტკიცებული „თხილის წარმოების ხელშეწყობის პროგრამის“ ფარგლებში;

არაუმეტეს 80%, არაუმეტეს 200 ლარის ოდენობით - 0,2 ჰექტრიდან 0,5 ჰექტრამდე თხილის ბაღისთვის არანაკლებ 16 ლიტრი მოცულობის ავზის მქონე მოტორიზებული (შიდა წვის ძრავით აღჭურვილი) ზურგზე მოსაკიდებელი აპარატის შესყიდვის შემთხვევაში;
ტექნიკის ღირებულების არაუმეტეს 80%, არაუმეტეს 1100 ლარის ოდენობით - 0,5 ჰექტრიდან 3 ჰექტრამდე თხილის ბაღისთვის - 100 ლიტრი და მეტი მოცულობის ავზის მქონე ხელით გადაადგილებადი მობილური აპარატის შესყიდვის შემთხვევაში;

ა)პირადობის მოწმობის ასლი;
ბ) დევნილის მოწმობის ასლი;
გ) ცნობა ა(ა)იპ „სოფლის განვითარების სააგენტოდან“ ან ლიბერთი ბანკიდან, რომ ნამდვილად არის ა(ა)იპ „სოფლის განვითარების სააგენტოს“ თხილის წარმოების ხელშეწყობის პროგრამის 2025 წლის ბენეფიციარი, ბენეფიციარის ანგარიშზე ასახული ქულების მითითებით;
დ) პროგრამაში მონაწილეობის განაცხადი (ელექტრონული ფორმით);
ე) შესასყიდ სასოფლო-სამეურნეო ტექნიკაზე „მეწარმეთა შესახებ“ საქართველოს კანონის საფუძველზე რეგისტრირებული მეწარმე ფიზიკური/იურიდიული პირის მიერ პოტენციური ბენეფიციარისთვის გამოწერილი ინვოისი ქართულ ენაზე.
*ინვოისი გაცემული უნდა იყოს უშუალოდ განაცხადის წარმომდგენ პოტენციურ ბენეფიციარზე და უნდა შეიცავდეს მხარეთა რეკვიზიტებს (საიდენტიფიკაციო კოდი, დასახელება, მისამართი) და ინფორმაციას სასოფლო-სამეურნეო ტექნიკის მახასიათებლების შესახებ ( მოდელი, სიმძლავრე, ავზის მოცულობა და სხვა მახასიათებლები).
** სასოფლო-სამეურნეო ტექნიკის ღირებულება წარმოდგენილი უნდა იყოს ეროვნულ ვალუტაში;
*** ინვოისში მითითებული უნდა იყოს მისი მოქმედების ვადა;
ვ) საბანკო რეკვიზიტები;
ზ) მიკრო/მცირე/ფიქსირებული გადასახადის გადამხდელის სტატუსით სარგებლობის შემთხვევაში, შესაბამისი დამადასტურებელი დოკუმენტი;

წესები და პირობები:

განაცხადში მითითებული ინფორმაცია სწორი და უტყუარია;
გაცნობილია ვებ გვერდზე - www.abkhazia.gov.ge გამოქვეყნებულ - „აფხაზეთიდან იძულებით გადაადგილებული პირებისთვის თხილის შესაწამლი აპარატის თანადაფინანსების“ პირობებს, შესაბამისობის კრიტერიუმებსა და თანადაფინანსების პირობებს;
ქვეპროგრამის ფარგლებში პოტენციურ ბენეფიციარს შეუძლია დაფინანსების მოთხოვნა მხოლოდ ერთ ერთეულ სასოფლო-სამეურნეო დანიშნულების ტექნიკაზე.
ქვეპროგრამის ფარგლებში ბენეფიციარისთვის თანადაფინანსება გაიცემა მხოლოდ ერთი განაცხადის შესაბამისად.
სამინისტრო უფლებამოსილია ნებისმიერ დროს წინასწარი გაფრთხილების გარეშე გადაამოწმოს განაცხადში მითითებული ნებისმიერი ინფორმაცია, მესამე პირებთან ან/და სხვა არსებული წყაროების გამოყენებით;
იმ შემთხვევაში, თუ დადგინდა განაცხადში მითითებული ინფორმაციის ან მისი ნაწილის უზუსტობა, იქნება ეს განმცხადებლის მიერ განზრახ/გაუფრთხილებლობით ან/და მესამე პირ(ებ)ის მიზეზით მცდარი ინფორმაციის მითითება, სამინისტრო იტოვებს უფლებას უპირობოდ მიიღოს უარყოფითი გადაწყვეტილება;
იმ შემთხვევაში, თუ განმცხადებლის მიერ განაცხადში მითითებული მცდარი ინფორმაციის მიზეზით სამინისტროს მიადგება მატერიალური ან/და არამატერიალური, პირდაპირი ან/და არაპირდაპირი ზიანი, განმცხადებელი იღებს სრულ პასუხისმგებლობას აღნიშნულ ზიანთან დაკავშირებით;
სამინისტრო არ არის პასუხისმგებელი განაცხადის შევსებასთან ან/და განაცხადის წარდგენასთან დაკავშირებულ ნებისმიერ პირდაპირ/არაპირდაპირ ხარჯზე;
განაცხადი არ შეიძლება განმცხადებლის ან/და ნებისმიერი სხვა დაინტერესებული პირის მიერ განხილულ იქნეს, როგორც სამინისტროს რაიმე სახის პირდაპირი/არაპირდაპირი დაპირება;
სამინისტრო არ არის პასუხისმგებელი განაცხადთან დაკავშირებით მიღებული გადაწყვეტილების პირდაპირ / არაპირდაპირ შედეგებზე;
სამინისტრო არ არის პასუხისმგებელი პროგრამაში მონაწილეობის მიზნით განაცხადისა და წარმოდგენილი დოკუმენტების მომზადებისთვის გაწეულ დანახარჯებზე.
პოტენციური ბენეფიციარი აცნობიერებს სასოფლო-სამეურნეო ტექნიკის შემდგომი გაძვირების შესაძლებლობას და მზად არის საკუთარი თანამონაწილეობით დაფაროს გაძვირების შედეგად წარმოქმნილი ფასთა სხვაობა;
განაცხადის წარდგენიდან ხელშეკრულების გაფორმებამდე, ნივთის ფასის კლების შემთხვევაში, პროპორციულად მცირდება განაცხადით მოთხოვნილი დაფინანსების თანხის ოდენობა, თანადაფინანსების წილობრივი მაქსიმალური ოდენობის (80%) გათვალისწინებით.

განაცხადის შევსება

5. მიკრომეწარმეობის ხელშეწყობა

მიზანი: აფხაზეთიდან იძულებით გადაადგილებული პირების მიკრომეწარმეობაში ჩართვის სტიმულირება, მათი სამეწარმეო პოტენციალისა და კონკურენტუნარიანობის გაზრდა.

აღწერა: პროგრამა ითვალისწინებს გრანტის გაცემას სახელმწიფო პროგრამა „აწარმოე საქართველოს“ ფარგლებში უკვე დამტკიცებული და სრულად ათვისებული სესხის 25%-ის ოდენობით.

სამიზნე აუდიტორია: „მიკრომეწარმეობის მხარდაჭერის სახელმწიფო პროგრამის დამტკიცების შესახებ“ საქართველოს მთავრობის 2024 წლის 12 ივლისის #229 დადგენილებით განსაზღვრული, სსიპ „აწარმოე საქართველოს“ მიერ განხორციელებული, მიკრომეწარმეობის მხარდაჭერის სახელმწიფო პროგრამის ბენეფიციარი მეწარმე სუბიექტი, რომელსაც მინიჭებული აქვს აფხაზეთიდან იძულებით გადაადგილებული პირის - დევნილის სტატუსი ან „მეწარმეთა შესახებ“ კანონის საფუძველზე რეგისტრირებული მეწარმე იურიდიული პირი, რომლის 50% ან მეტ წილს ფლობს აფხაზეთიდან იძულებით გადაადგილებული პირის - დევნილის სტატუსის მქონე პირი, რომელსაც სახელმწიფო პროგრამით განსაზღვრულ ვადაში სრულად აქვს ათვისებული სახელმწიფო პროგრამის ფარგლებში დამტკიცებული სესხის სრული ოდენობა. პოტენციური ბენეფიციარი უფლებამოსილია, საგრანტო განაცხადი წარადგინოს სამინისტროში არაუგვიანეს სახელმწიფო პროგრამის ფარგლებში სესხის დამტკიცებიდან 24 თვის ვადაში.

წინაპირობები: პოტენციურ ბენეფიციარს მონაწილეობა უნდა ჰქონდეს მიღებული „მიკრომეწარმეობის მხარდაჭერის სახელმწიფო პროგრამაში“ და სესხის თანხა სრულად უნდა ჰქონდეს მიზნობრივად ათვისებული, რაც დადასტურებული იქნება შესაბამისი დოკუმენტაციით, რომელიც შეიძლება იყოს:
ა) ცნობა სსიპ „აწარმოე საქართველოდან“;
ბ) „მიკრომეწარმეობის მხარდაჭერის სახელმწიფო პროგრამის დამტკიცების შესახებ“ საქართველოს მთავრობის 2024 წლის 12 ივლისის #229 დადგენილების მე-12 მუხლით გათვალისწინებული მონიტორინგის შედეგის ამსახველი დოკუმენტი.

გრანტის გაცემის პირობები: პროგრამის ფარგლებში გრანტის მოცულობა ერთ ბენეფიციარზე განისაზღვრება სრულად ათვისებული სესხის მოცულობის (20 000 -50 000 ლარი ) 25%-ის ოდენობით. პოტენციური ბენეფიციარი უფლებამოსილია, საგრანტო განაცხადი წარადგინოს სამინისტროში არაუგვიანეს სახელმწიფო პროგრამის ფარგლებში სესხის დამტკიცებიდან 24 თვის ვადაში.

ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან
ბენეფიციარის პირადობის დამადასტურებელი დოკუმენტი (ID/პასპორტი) / იურიდიული პირის შემთხვევაში, 50% ან მეტი წილის მფლობელი აფხაზეთიდან იძულებით გადაადგილებული პირის პირადობის დამადასტურებელი დოკუმენტი (ID/პასპორტი)
ბენეფიციარის / იურიდიული პირის შემთხვევაში, 50% ან მეტი წილის მფლობელი აფხაზეთიდან იძულებით გადაადგილებული პირის დევნილის სტატუსის დამადასტურებელი დოკუმენტი
ცნობა სსიპ “აწარმოე საქართველოდან” / მონიტორინგის შედეგის ამსახველი დოკუმენტი, რომელიც ადასტურებს „მიკრომეწარმეობის მხარდაჭერის სახელმწიფო პროგრამაში ბენეფიციარის მონაწილეობასა და სესხის თანხის სრულად და მიზნობრივად ათვისებას.
შენიშვნა: სახელმწიფო პროგრამის ფარგლებში სესხის დამტკიცების თარიღისა და სესხის მოცულობის მითითებით.
იურიდიული პირის შემთხვევაში, შესაბამისი წარმომადგენლობითი უფლებამოსილების დამადასტურებელი დოკუმენტი და პირადობის დამადასტურებელი დოკუმენტი.
შენიშვნა: წარმომადგენლობითი უფლებამოსილების დამასდტურებელი დოკუმენტის წარმოდგენას არ საჭიროებს იურიდიული პირის დირექტორი.
საბანკო რეკვიზიტები (ელექტრონული ვერსია);

წესები და პირობები:

განაცხადში მითითებული ინფორმაცია სწორი და უტყუარია;
გაცნობილია ვებ გვერდზე - www.abkhazia.gov.ge გამოქვეყნებულ - „აფხაზეთიდან იძულებით გადაადგილებული პირებისთვის მიკრომეწარმეობის ხელშეწყობა“ პირობებს, შესაბამისობის კრიტერიუმებსა და თანადაფინანსების პირობებს;
ქვეპროგრამის ფარგლებში გრანტის მოცულობა ერთ ბენეფიციარზე განისაზღვრება სრულად ათვისებული სესხის მოცულობის 25%-ის ოდენობით.
ქვეპროგრამის ფარგლებში ბენეფიციარისთვის გრანტი გაიცემა მხოლოდ ერთი განაცხადის შესაბამისად.
ქვეპროგრამის ფარგლებში ერთ სესხის ხელშეკრულებაზე გრანტი გაიცემა მხოლოდ ერთი განაცხადის შესაბამისად.
ქვეპოტენციური ბენეფიციარი უფლებამოსილია, საგრანტო განაცხადი წარადგინოს სამინისტროში არაუგვიანეს სახელმწიფო პროგრამის ფარგლებში სესხის დამტკიცებიდან 24 თვის ვადაში.
სამინისტრო უფლებამოსილია ნებისმიერ დროს წინასწარი გაფრთხილების გარეშე გადაამოწმოს განაცხადში მითითებული ნებისმიერი ინფორმაცია, მესამე პირებთან ან/და სხვა არსებული წყაროების გამოყენებით;
იმ შემთხვევაში, თუ დადგინდა განაცხადში მითითებული ინფორმაციის ან მისი ნაწილის უზუსტობა, იქნება ეს განმცხადებლის მიერ განზრახ/გაუფრთხილებლობით ან/და მესამე პირ(ებ)ის მიზეზით მცდარი ინფორმაციის მითითება, სამინისტრო იტოვებს უფლებას უპირობოდ მიიღოს უარყოფითი გადაწყვეტილება;
იმ შემთხვევაში, თუ განმცხადებლის მიერ განაცხადში მითითებული მცდარი ინფორმაციის მიზეზით სამინისტროს მიადგება მატერიალური ან/და არამატერიალური, პირდაპირი ან/და არაპირდაპირი ზიანი, განმცხადებელი იღებს სრულ პასუხისმგებლობას აღნიშნულ ზიანთან დაკავშირებით;
სამინისტრო არ არის პასუხისმგებელი განაცხადის შევსებასთან ან/და განაცხადის წარდგენასთან დაკავშირებულ ნებისმიერ პირდაპირ/არაპირდაპირ ხარჯზე;
განაცხადი არ შეიძლება განმცხადებლის ან/და ნებისმიერი სხვა დაინტერესებული პირის მიერ განხილულ იქნეს, როგორც სამინისტროს რაიმე სახის პირდაპირი/არაპირდაპირი დაპირება;
სამინისტრო არ არის პასუხისმგებელი განაცხადთან დაკავშირებით მიღებული გადაწყვეტილების პირდაპირ / არაპირდაპირ შედეგებზე;
სამინისტრო არ არის პასუხისმგებელი პროგრამაში მონაწილეობის მიზნით განაცხადისა და წარმოდგენილი დოკუმენტების მომზადებისთვის გაწეულ დანახარჯებზე.

განაცხადის შევსება

აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტრო

ტელეფონი: 143 (ზარი უფასოა), (+995 32) 223 40 20

ელ.ფოსტა: justice@abkhazia.gov.ge

მისამართი: ილია ჭავჭავაძის გამზირი №17ე, 0186, თბილისი, საქართველო

2026 წლის პროგრამები

სამშვიდობო ინიციატივები, სამოქალაქო ინტეგრაცია, ნდობის აღდგენის მხარდაჭერა და დილოგისკენ მიმართული შესაძლებლობების გაძლიერება

პროგრამა ითვალისწინებს: სხვადასხვა არაფორმალური საგანმანათლებლო, პროფესიული, კულტურული და სხვა აქტივობების (საინფორმაციო კამპანიები, კონკურსები, ვებინარები, სამშვიდობო დისკუსიები, კონფერენციები, კვლევები, ტრენინგები, სასწავლო კურსები, გამოფენები, ბეჭდვითი მასალა და სხვა) განხორციელება.

პროგრამის მიზანია: აფხაზეთიდან დევნილი და აფხაზეთის ოკუპირებულ ტერიტორიაზე ლეგიტიმურად მცხოვრები პირების სამოქალაქო საზოგადოების ინტეგრაციის მხარდაჭერა; შერიგებაზე, დევნილთა საჭიროებებზე ორიენტირებული სხვადასხვა მიმართულების პროექტების განხორციელების ხელშეწყობა.

სამიზნე ჯგუფი: აფხაზეთიდან დევნილის სტატუსის მქონე და აფხაზეთის დროებით ოკუპირებულ ტერიტორიაზე ლეგიტიმურად მცხოვრები პირები, საზღვარგარეთ მცხოვრები აფხაზეთიდან დევნილი თანამემამულეები.

1. მშვიდობისა და ნდობის აღდგენის მხარდაჭერა

ქვეპროგრამა ითვალისწინებს: ქართულ-აფხაზური ურთიერთობების გაუმჯობესების მიზნით, სამშვიდობო პროცესების გააქტიურებას; კონფლიქტით გაყოფილ საზოგადოებებს შორის კომუნიკაციისა და ურთიერთობების გაძლიერებას; მხარეებს შორის კონფლიქტის შედეგად წარმოქმნილი და ხელოვნურად გაღვივებული გაუცხოების დაძლევასა და დიალოგის მხარდაჭერას; პრაგმატული მნიშვნელობის საკითხებზე თანამშრომლობის გაღრმავებას სამოქალაქო სექტორის სხვადასხვა ჯგუფების ჩართულობით.

ქვეპროგრამის მიზანია:

ქართული და აფხაზური საზოგადოებების სამოქალაქო ცნობიერების ამაღლება
შერიგების, ნდობის აღდგენისა და სამოქალაქო ინტეგრაციის პროცესებში აკადემიური წრეების, სამოქალაქო სექტორის, სახელმწიფო სტრუქტურების, საერთაშორისო და სხვა ორგანიზაციების ჩართულობის გაძლიერება
ქართულ და აფხაზურ საზოგადოებებს შორის დიალოგის ხელშეწყობა და კომუნიკაციის გაძლიერება
სახალხო დიპლომატიის, როგორც სამოქალაქო ინტეგრაციის მნიშვნელოვანი ინსტრუმენტის გააქტიურება
აფხაზეთიდან დევნილის სტატუსის მქონე და აფხაზეთის დროებით ოკუპირებულ ტერიტორიაზე ლეგიტიმურად მცხოვრები ახალგაზრდების ინიციატივებისა და ჩართულობის ხელშეწყობა
ახალგაზრდობის, მათ შორის მოხალისეთა ჩართულობის გაძლიერება სამშვიდობო პროცესებში
ევროპული სამშვიდობო და უსაფრთხოების პოლიტიკის გამოცდილების გაზიარება
ციფრული დიპლომატიისა და მედიის, როგორც სამშვიდობო რესურსის მხარდაჭერა
სოციალური ან/და საინფორმაციო მხარდაჭერა კონკრეტული სამიზნე ჯგუფებისათვის
ობიექტური და რეალური ინფორმაციის გაცვლისა და ახლებური ტიპის დიალოგის მხარდაჭერა
ქართულ-აფხაზური საზოგადოების ცნობილი წარმომადგენლებისა და ისტორიული ფიგურების პოპულარიზაცია
ჰუმანიტარული, სოციალურ-ეკონომიკური, კვლევითი, სამართლებრივი, საგანმანათლებლო, კულტურული და სხვა პროექტების განხორციელების ხელშეწყობა
ჩატარებული კვლევების საფუძველზე დევნილთა საჭიროებებისა და ინტერესების იდენტიფიცირება, რაც საფუძვლად დაედება სამინისტროს შემდგომ სამოქმედო გეგმას
კონკურსებისა და ღონისძიებების მეშვეობით აფხაზეთის თემის პოპულარიზაცია და ამ პროცესში ჩართული მონაწილეების წახალისება
აფხაზეთიდან დევნილი საზოგადო მოღვაწეებისა და ღვაწლმოსილი პირების წახალისება და მათი ღვაწლის საზოგადოებრივი აღიარება
ქართულ-აფხაზური საერთო ისტორიის, ტრადიციებისა და კულტურის პოპულარიზაცია

სამიზნე ჯგუფი: აფხაზეთიდან დევნილის სტატუსის მქონე და აფხაზეთის დროებით ოკუპირებულ ტერიტორიაზე ლეგიტიმურად მცხოვრები პირები.

2. სამოქალაქო ინტეგრაცია და დევნილ ემიგრანტთა მხარდაჭერა

ქვეპროგრამა ითვალისწინებს: კონფლიქტით გაყოფილი საზოგადოების ინტერესებისა და საჭიროებების გათვალისწინებით, შერიგებისა და ჩართულობის პოლიტიკის განხორციელების ხელშეწყობას; ქართულ და აფხაზურ საზოგადოებებს შორის კონსტრუქციული ურთიერთობების ფორმირებისა და განვითარებისათვის, სამოქალაქო ცნობიერების ამაღლებას და საზოგადოებრივი აქტივობის ზრდას; უცხოეთში მცხოვრები აფხაზეთიდან დევნილი თანამემამულეებისა და დიასპორული ორგანიზაციების ჩართულობით, ქართულ-აფხაზური დიალოგის ხელშეწყობასა და ქართულ-აფხაზური საერთო ტრადიციებისა და ფასეულობების პოპულარიზაციას.

ქვეპროგრამის მიზანია:

აფხაზეთიდან დევნილის სტატუსის მქონე და აფხაზეთის დროებით ოკუპირებულ ტერიტორიებზე ლეგიტიმურად მცხოვრები პირების სამოქალაქო ინტეგრაციის მხარდაჭერა
ჩართულობის სტრატეგიის სამოქმედო გეგმით განსაზღვრული მიზნებისა და ამოცანების ფარგლებში სამოქალაქო ინტეგრაციის ხელშეწყობა
ბენეფიციართა შესაძლებლობების გაძლიერება კომპეტენციის ამაღლების, აქტიური მოქალაქეობისათვის საჭირო უნარ-ჩვევების განვითარების გზით
ადამიანის უფლებათა დაცვის შესახებ ცნობიერების ამაღლება
აფხაზეთიდან დევნილის სტატუსის მქონე და აფხაზეთის დროებით ოკუპირებულ ტერიტორიაზე ლეგიტიმურად მცხოვრები პირების სამართლებრივი საკითხების უზრუნველყოფის მხარდაჭერა
საინფორმაციო და სოციალური მხარდაჭერა კონკრეტული სამიზნე ჯგუფებისათვის
ცნობიერების ამაღლება ევროპულ და ევროატლანტიკურ საკითხებზე
სახალხო და ციფრული დიპლომატიის რესურსის გააქტიურება ნდობის აღდგენისა და შერიგებისთვის
დეზინფორმაციის წინააღმდეგ ბრძოლა
აფხაზეთიდან დევნილის სტატუსის მქონე, აფხაზეთის დროებით ოკუპირებულ ტერიტორიაზე ლეგიტიმურად მცხოვრები და ემიგრაციაში მყოფი აფხაზეთის თემატიკით დაინტერესებული პირების ინიციატივებისა და საქმიანობის მხარდაჭერა
დევნილ ქალთა როლის გაძლიერება ინტეგრაციისა და ნდობის აღდგენის პროცესში
მოხალისეობრივი საქმიანობის ხელშეწყობა
დეოკუპაციისა და არაღიარების სახელმწიფო პოლიტიკის მხარდაჭერა
დიასპორულ ორგანიზაციებთან ურთიერთობის გაღრმავება და ერთობლივი ღონისძიებების განხორციელება
უცხოეთში მცხოვრები დევნილი თანამემამულეებისა და უცხოეთში მოქმედი ქართული დიასპორული ორგანიზაციების ჩართულობის მხარდაჭერა სამშვიდობო პროცესებში
ქართულ-აფხაზური საერთო ისტორიის, ტრადიციებისა და კულტურის პოპულარიზაცია

სამიზნე ჯგუფი: აფხაზეთიდან დევნილის სტატუსის მქონე და აფხაზეთის დროებით ოკუპირებულ ტერიტორიაზე ლეგიტიმურად მცხოვრები პირები, საზღვარგარეთ მცხოვრები აფხაზეთიდან დევნილი თანამემამულეები.