აფხაზეთის ავტონომიური რესპუბლიკის მთავრობის მორიგი სხდომა გაიმართა

აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილის ხელმძღვანელობით მთავრობის მორიგი სხდომა გაიმართა, სადაც მთავრობის წევრებმა ინტეგრირებულ თეატრ „აზდაკის ბაღისთვის“ იურიდიული სტატუსის მინიჭებაზე იმსჯელეს.

ერთობლივად მიღებული გადაწყვეტილების საფუძველზე, თეატრი უახლოეს პერიოდში აფხაზეთის მთავრობის დაქვემდებარებაში გააგრძელებს ფუნქციონირებას. 

„აზდაკის ბაღისთვის“ აფხაზეთის სახელმწიფო თეატრის სტატუსის მინიჭების ინიციატივა აფხაზეთის მთავრობის თავმჯდომარე ლევან მგალობლიშვილს ეკუთვნის, რომელიც სიმბოლურად თეატრის 10 წლის იუბილეს დაემთხვა.

ინტეგრირებული თეატრი „აზდაკის ბაღი“ 2015 წელს დაარსდა და მისი დასი 20-მდე განსაკუთრებული საჭიროების მქონე პირს, მათ შორის აფხაზეთიდან დროებით დევნილ მსახიობებს აერთიანებს.

აფხაზეთის მთავრობის მორიგი სხდომა გაიმართა

აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილის ხელმძღვანელობით მთავრობის სხდომა გაიმართა.

სხდომაზე მთავრობის წევრებმა აფხაზეთიდან დროებით დევნილი მოსახლეობის საჭიროებების გათვალისწინებით 2025 წლის რესპუბლიკურ ბიუჯეტში განსახორციელებელ ცვლილებებზე იმსჯელეს.

მთავრობამ განიხილა აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ტერიტორიული ორგანოების აფხაზეთის მთავრობის აპარატის დაქვემდებარებაში გადასვლის საკითხი, რაც აფხაზეთის ავტონომიური რესპუბლიკის მთავრობის სტრუქტურული გაძლიერებით არის განპირობებული.

სხდომაზე ასევე დღის წესრიგით გათვალისწინებული სხვა საკითხები განიხილეს.

ლევან მგალობლიშვილის ხელმძღვანელობით აფხაზეთის მთავრობის მორიგი სხდომა გაიმართა

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით, აფხაზეთის მთავრობის მორიგი სხდომა გაიმართა.

სხდომის დაწყებამდე, მთავრობის თავმჯდომარემ აფხაზეთის განათლებისა და კულტურის ახალ მინისტრს ბექა ღვაჩლიანს თანამდებობაზე დანიშვნა კიდევ ერთხელ მიულოცა და წარმატებული საქმიანობა უსურვა.

ლევან მგალობლიშვილმა ასევე, მთავრობის წევრებს, აფხაზეთის ავტონომიური რესპუბლიკის მთავრობის აპარატის ახალი უფროსი დავით მორგოშია წარუდგინა და აღნიშნა, რომ განხორციელებული ცვლილება აპარატის სტრუქტურულ გაძლიერებას შეუწყობს ხელს.

სხდომაზე აფხაზეთის ავტონომიური რესპუბლიკის მთავრობის წევრებმა დღის წესრიგით გათვალისწინებული მიმდინარე საკითხები განიხილეს.

ყურადღება გამახვილდა აფხაზეთის ავტონომიური რესპუბლიკის მთავრობისა და მასში შემავალი სამინისტროების სტრუქტურული გაძლიერებისა და საქმიანობის სამომავლო გეგმებზე.

აფხაზეთის მთავრობის მორიგი სხდომა გაიმართა
აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილის ხელმძღვანელობით მთავრობის სხდომა გაიმართა, სადაც მთავრობის წევრებთან და სამინისტროების წარმომადგენლებთან ერთად, საქართველოს რეგიონებში დიდთოვლობის შედეგად შექმნილ ვითარებაზე იმსჯელეს.
 
სხდომის ფორმატში, მთავრობის თავმჯდომარის დავალებით, შეიქმნა სამუშაო ჯგუფი, რომლის შემადგენლობაში მინისტრები, მათი მოადგილეები და მრჩევლები შედიან.
 
სამუშაო ჯგუფის წევრები უკვე გაემგზავრნენ სტიქიის ზონაში - სამეგრელოს ზემო-სვანეთისა და იმერეთის რეგიონებში, სადაც ცენტრალურ და ადგილობრივ ხელისუფლებასთან კოორდინირებულად განახორციელებენ დროებით დევნილი მოსახლეობის განსახლების ადგილებში დიდთოვლობის შედეგად გამოწვეული პრობლემების ინდენტიფიცირებასა და მასზე მყისიერ რეაგირებას მოახდენენ.
 
„ქვეყანაში არსებული რთული მეტეოროლოგიური მდგომარეობის და აფხაზეთის მთავრობის ცხელ ხაზზე, 143-ზე, შემოსული შეტყობინებებიდან გამომდინარე მივიღე გადაწყვეტილება მთავრობის საგანგებო სხდომა ჩამეტარებინა. შეიქმნა სამუშაო ჯგუფი და გავდივართ სამეგრელო ზემო სვანეთისა და იმერეთის რეგიონებში, რათა ჩვენი დროებით დევნილი მოსახლეობის საჭიროებებიდან გამომდინარე მივიღოთ გადაწყვეტილებები“, - განაცხადა ლევან მგალობლიშვილმა.
ლევან მგალობლიშვილი - მნიშვნელოვანია, რომ აფხაზეთის მთავრობის საქმიანობა იყოს მაქსიმალურად ეფექტიანი და მოხდეს უწყებების ინსტიტუციური გაძლიერება

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით აფხაზეთის მთავრობის მორიგი სხდომა გაიმართა.

სხდომის ფარგლებში, აფხაზეთის ავტონომიური რესპუბლიკის მთავრობის წევრებმა აფხაზეთის მთავრობის ინსტიტუციური გაძლიერების საკითხები განიხილეს.

„ჩემთვის მნიშვნელოვანია, რომ ჩვენი მთავრობის საქმიანობა იყოს მაქსიმალურად ეფექტიანი და დროებით დევნილი მოსახლეობისთვის ხელმისაწვდომი, ამიტომ, მივიღეთ გადაწყვეტილება, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის სამინისტროდ გარდაქმნასთან დაკავშირებით, რაც უწყების ეფექტიანობის მდგრადობას და მოქალაქეთა სრულყოფილ მომსახურებას უზრუნველყოფს“, - განაცხადა ლევან მგალობლიშვილმა.

ცვლილებების თანახმად, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატს სტატუსი შეეცვალა და იუსტიციისა და სამოქალაქო ინტეგრაციის სამინისტროდ ჩამოყალიბდა.

2025 წლის 24 იანვრის აფხაზეთის მთავრობის სხდომა

აფხაზეთის ავტონომიური რესპუბლიკის მთავრობაში, აფხაზეთიდან დროებით დევნილი მოსახლეობისთვის ცხელი ხაზი - 143 ამოქმედდა, სადაც მოქალაქეებს, ნებისმიერ საკითხზე, სწრაფი და ამომწურავი პასუხის მიღება შეუძლიათ, - ამის შესახებ აფხაზეთის ავტონომიური რესპუბლიკის მთავრობის თავმჯდომარემ ლევან მგალობლიშვილმა მთავრობის სხდომაზე ისაუბრა.

მთავრობის თავმჯდომარის განცხადებით, აფხაზეთიდან დროებით დევნილი მოსახლეობის ინფორმირებისა და მთავრობის სერვისებზე ხელმისაწვდომობის გაზრდის მიზნით, მოსახლეობასთან შეხვედრები აქტიურად გრძელდება.

„ჩვენ ყველაფერს ვაკეთებთ, რომ აფხაზეთიდან იძულებით გადაადგილებული მოსახლეობისთვის, უფრო მეტად ხელმისაწვდომი გავხადოთ ჯანდაცვის, განათლების და სოციალური მიმართულებით არსებული სერვისები. ამ მიზნით, მთავრობის წევრებთან ერთად სხვადასხვა რეგიონში, დევნილი მოსახლეობის ინფორმირებულობის გაზრდის მიზნით დაიბეჭდა საინფორმაციო ბუკლეტები, რომელსაც დევნილ მოსახლეობას პირადად მინისტრები გადასცემენ, ცხელი ხაზის - 143-ის ამოქმედებამ კი მოსახლეობასთან აქტიური კომუნიკაციის კიდევ უფრო მეტი შესაძლებლობა გააჩინა“, - განაცხადა ლევან მგალობლიშვილმა.

აღსანიშნავია, რომ ცხელი ხაზის ნომერზე - 143 დაკავშირება უფასოა და შესაბამისი ინფორმაციის მიღება უკვე აფხაზურ ენაზეც არის შესაძლებელი.

2024 წლის 23 დეკემბრის აფხაზეთის მთავრობის სხდომა

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით აფხაზეთის მთავრობის სხდომა გაიმართა.

სხდომაზე აფხაზეთის ავტონომიური რესპუბლიკის მთავრობის წევრებმა 2025 წლის გეგმები განიხილეს.

ლევან მგალობლიშვილის განცხადებით, აფხაზეთის მთავრობის მომავალი წლის ბიუჯეტი მაქსიმალურად გამჭვირვალე და დევნილთა საჭიროებებზე ორიენტირებული იქნება.

დევნილთა პრობლემების იდენტიფიცირებისა და მათზე დროული რეაგირებისთვის აფხაზეთის ავტონომიური რესპუბლიკის მთავრობაში ცხელი ხაზი - 143 ამოქმედდა. აფხაზეთიდან იძულებით გადაადგილებული მოქალაქეები მათთვის საჭირო ყველა კითხვაზე დროულ და ამომწურავ ინფორმაციას მიიღებენ.

2024 წლის 10 დეკემბრის აფხაზეთის მთავრობის სხდომა

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით აფხაზეთის მთავრობის სხდომა გაიმართა.

სხდომაზე აფხაზეთის ავტონომიური რესპუბლიკის მთავრობის წევრებმა სამინისტროების მომავალი წლის სამოქმედო გეგმები განიხილეს.

ლევან მგალობლიშვილის განცხადებით, აფხაზეთის მთავრობის 2025 წლის ბიუჯეტი მაქსიმალურად იქნება ორიენტირებული აფხაზეთიდან დროებით დევნილი მოსახლეობის საჭიროებებზე.

აფხაზეთის მთავრობის პრიორიტეტების გათვალისწინებით, მაქსიმალურად მოხდება ახალგაზრდების მიმართულების გაძლიერება და დევნილთა კოლექტიური განსახლების ადგილებში არსებული საჭიროებების ეფექტური გადაწყვეტა.

2024 წლის 20 ნოემბრის აფხაზეთის მთავრობის სხდომა

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით აფხაზეთის მთავრობის სხდომა გაიმართა.

სხდომაზე აფხაზეთის ავტონომიური რესპუბლიკის მინისტრთა კაბინეტის წევრებმა მთავრობის სამომავლო გეგმები განიხილეს.

ლევან მგალობლიშვილის განცხადებით, აფხაზეთის მთავრობის 2025 წლის პრიორიტეტული მიმართულებები განათლება, ჯანდაცვა და ინფრასტრუქტურა იქნება.

მომავალ წელს დაგეგმილია სამინისტროების პროგრამული ნაწილისა და დაფინანსების ზრდა, რაც აფხაზეთიდან დროებით დევნილი მოსახლეობის საჭიროებებზე იქნება ორიენტირებული.

ანაკლიაში აფხაზეთის ავტონომიური რესპუბლიკის მთავრობის გასვლითი სხდომა გაიმართა

ანაკლიაში აფხაზეთის ავტონომიური რესპუბლიკის მთავრობის გასვლითი სხდომა გაიმართა, რომელიც აფხაზეთის მთავრობის თავმჯდომარე ლევან მგალობლიშვილმა სპეციალური მიმართვით გახსნა და ოკუპირებულ ტერიტორიაზე მცხოვრებ აფხაზ თანამოქალაქეებს აფხაზურ ენაზე მიმართა.

სხდომაზე მთავრობის წევრებმა დღის წესრიგით გათვალისწინებული საკითხები - აფხაზეთის სკოლამდელ დაწესებულებებსა და საჯარო სკოლებში არსებული მდგომარეობა, პოლიკლინიკების მომსახურების ხარისხის გაუმჯობესება და ჯანდაცვის სფეროში არსებული საჭიროებების ეფექტიანად გადაწყვეტის გზები განიხილეს.

საუბარი შეეხო სამეგრელო-ზემო სვანეთის რეგიონში მცხოვრები, დროებით დევნილი, მოსახლეობისთვის განხორციელებულ და სამომავლოდ დაგეგმილ პროექტებს.

სხდომის  ფორმატში მთავრობის წევრებმა მიმდინარე წლის 9 თვის რესპუბლიკური ბიუჯეტის შესრულების ანგარიში მოისმინეს.

2024 წლის 7 ოქტომბრის აფხაზეთის მთავრობის სხდომა

დღეს აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილის ხელმძღვანელობით აფხაზეთის მთავრობის სხდომა გაიმართა.

სხდომაზე მთავრობის თავმჯდომარემ ბიუჯეტის ხარჯვითი ნაწილის გამჭვირვალობის აუცილებლობაზე ისაუბრა, რაც დევნილი მოსახლეობის სოციალური მდგომარეობის გაუმჯობესებაზე უნდა აისახოს. ასევე, ყურადღება გაამახვილა დროებით დევნილ მოსახლეობასთან აქტიური შეხვედრებისა და პირადი კომუნიკაციის აუცილებლობაზე.

„მინდა გთხოვოთ თითოეულ მინისტრს, რომ თქვენს უწყებებთან ერთად, გახვიდეთ კომპაქტური დასახლების ადგილებში და კიდევ უფრო სიღრმისეულად შეისწავლოთ ჩვენი დევნილი მოსახლეობის პრობლემატიკა. აქვე მინდა, შევეხო ბიუჯეტის ხარჯვით ნაწილს. ჩემთვის მნიშვნელოვანია და პრიორიტეტულია, რომ ბიუჯეტიდან დახარჯული თითოეული თეთრი და თანხების მიზნობრიობა გაკონტროლდეს. რაც ყველაზე მნიშვნელოვანია, პროცესის გამჭვირვალობა იყოს უზრუნველყოფილი, რათა დევნილმა მოსახლეობამ იცოდეს თუ რა მიზნით და სად იხარჯება მათი თანხები“, - განაცხადა ლევან მგალობლიშვილმა.

მთავრობის წევრებმა სხდომაზე მოისმინეს ინფორმაცია საქართველოს კონტროლირებად ტერიტორიაზე მდებარე აფხაზეთის საჯარო სკოლებსა და აფხაზეთის ჯანდაცვის სამინისტროს დაქვემდებარებაში მყოფ სამედიცინო  დაწესებულებებში არსებული მდგომარეობის შესახებ.

2024 წლის 23 სექტემბრის აფხაზეთის მთავრობის სხდომა
დღეს აფხაზეთის ავტონომიური რესპუბლიკის მთავრობის განახლებული შემადგენლობით მთავრობის თავმჯდომარემ ლევან მგალობლიშვილმა პირველი სხდომა გამართა.
 
სხდომაზე მთავრობის თავმჯდომარემ საქართველოს პრემიერ-მინისტრს, აფხაზეთის უმაღლესი საბჭოს თავმჯდომარეს და დეპუტატებს გამოცხადებული ნდობისთვის მადლობა კიდევ ერთხელ გადაუხადა.
 
"დღეს პირველი მთავრობის სხდომაა და მინდა ვისარგებლო შემთხვევით და მადლობა გადავუხადო ბატონ პრემიერ-მინისტრს, უმაღლესი საბჭოს დეპუტატებს, მადლობა ჩვენს პოლიტიკურ გუნდს ჩემდამი გამოცხადებული ნდობისათვის. ჩემთვის დიდი პატივია დავიკავო ის პოზიცია, რომელი პოზიციაც ერთ დროს ეკავა ბატონ ჟიული შარტავას, ბატონ თამაზ ნადარეიშვილს. მათი ოცნება აუხდენელი, რომ ენახათ გაერთიანებული საქართველო, მე დარწმუნებული ვარ, რომ ძალიან მალე ახდება და ჩვენ ჩვენს აფხაზ დებთან და ძმებთან ერთად ვიზეიმებთ ამ დიდ გაერთიანებას და ერთად შევაღებთ ევროკავშირის კარებს ჩვენი ღირსებით, ადათ-წესებით და ტრადიციებით გავხდებით ღირსეული წევრი ევროკავშირის. ვეცდები, რომ მაქსიმალური წვლილი შევიტანო ამ პროცესში“, - განაცხადა ლევან მგალობლიშვილმა.
 
მისივე თქმით, აფხაზეთის მთავრობის უპირველეს პრიორიტეტს საქართველოს ოკუპირებული ტერიტორიებიდან იძულებით გადაადგილებულ პირთა უსაფრთხო და ღირსეული დაბრუნებისთვის ძალისხმევის გაძლიერება წარმოადგენს.
შეხვედრაზე აფხაზეთის მთავრობის თავმჯდომარემ რუსლან აბაშიძეს წლების განმავლობაში გაწეული საქმიანობისთვის მადლობა გადაუხადა. ასევე მადლობა გადაუხადა მთავრობის ყოფილ მინისტრებს - ნანა გაბელიას, ლევან ჩაკვეტაძეს, გიორგი გაბედავას და ოთარ გარმელიას, რომელიც წლების განმავლობაში აფხაზეთის ავტონომიური რესპუბლიკის მთავრობის აპარატის უფროსის პოზიციას იკავებდა.
 
დღესვე, მთავრობის თავმჯდომარემ მთავრობის წევრებს აფხაზეთის ავტონომიური რესპუბლიკის მთავრობის აპარატის ახალი უფროსი ნოდარ ჯალაღონია წარუდგინა.
 
ლევან მგალობლიშვილმა სხდომის ფორმატში მოსწავლეებსა და პედაგოგებს ახალი სასწავლო წლის დაწყება მიულოცა.
 
მთავრობის წევრებმა სხდომაზე განიხილეს აფხაზეთის ავტონომიური რესპუბლიკის მთავრობის სამთავრობო პროგრამის განსახორციელებლად გასატარებელი ღონისძიებები. თავმჯდომარემ ბრძანება გასცა, მაქსიმალურად შემჭიდროებულ ვადებში მოხდეს აფხაზეთის მთავრობის, სამინისტროებისა და სტრუქტურული ერთეულების საქმიანობის კიდევ უფრო მეტად კოორდინირებული მუშაობის უზრუნველყოფა დევნილი მოსახლეობის საჭიროებების გათვალისწინებით.
2024 წლის 30 ივლისს აფხაზეთის ავტონომიური რესპუბლიკის მთავრობის სხდომა გაიმართა

დღეს აფხაზეთის ავტონომიური რესპუბლიკის მთავრობის სხდომა გაიმართა, რომელსაც მთავრობის თავმჯდომარე რუსლან აბაშიძე უძღვებოდა.

სხდომაზე მთავრობის წევრებმა განიხილეს აფხაზეთის ავტონომიური რესპუბლიკის იძულებით გადაადგილებულ პირთა სამინისტროში მიმდინარე რეორგანიზაციასთან დაკავშირებით აფხაზეთის ავტონომიური რესპუბლიკის მთავრობის დადგენილებებში განსახორციელებელი ცვლილებები და დამატებები.

2024 წლის 23 ივლისს აფხაზეთის ავტონომიური რესპუბლიკის მთავრობის სხდომა გაიმართა

დღეს აფხაზეთის ავტონომიური რესპუბლიკის მთავრობის სხდომა გაიმართა, რომელსაც მთავრობის თავმჯდომარე რუსლან აბაშიძე უძღვებოდა.

სხდომაზე მთავრობამ მოიწონა აფხაზეთის ავტონომიური რესპუბლიკის საშუალოვადიანი სამოქმედო გეგმის - 2025-2028 წლების პრიორიტეტების დოკუმენტი. ასევე, მოისმინეს ინფორმაცია აფხაზეთის ავტონომიური რეპუბლიკის 2024 წლის 6 თვის რესპუბლიკური ბიუჯეტის შესრულების შესახებ და განსახილველად გადაეგზავნა აფხაზეთის ავტონომიური რესპუბლიკის უმაღლეს საბჭოს.

მთავრობის წევრებმა მოისმინეს ინფორმაცია სსიპ „კულტურის, სპორტის და ახალგაზრდულ საქმეთა სააგენტოს“ ბალანსზე არსებულ ტერიტორიაზე დაგეგმილი სპორტული აკადემიის მშენებლობისთვის განსახორციელებელი სამუშაოებისა და სსიპ „აფხაზეთის სიმღერისა და ცეკვის სახელმწიფო აკადემიური ანსამბლ „აფხაზეთის“ ბალანსზე არსებულ ტერიტორიაზე ახალი შენობა-ნაგებობის აშენების მიზნით დაგეგმილი ღონისძიებების შესახებ.

სხდომაზე ასევე განიხილეს დღის წერიგით გათვალისწინებული სხვა მიმდინარე საკითხები.

2024 წლის 2 ივლისს აფხაზეთის ავტონომიური რესპუბლიკის მთავრობის სხდომა გაიმართა

დღეს აფხაზეთის ავტონომიური რესპუბლიკის მთავრობის სხდომა გაიმართა, რომელსაც მთავრობის თავმჯდომარე რუსლან აბაშიძე უძღვებოდა.

სხდომაზე მოისმინეს აფხაზეთის ავტონომიური რესპუბლიკის იძულებით გადაადგილებულ პირთა სამინისტროს დაქვემდებარებაში არსებული საჯარო სამართლის იურიდიული პირების რეორგანიზაციის მიმდინარეობის შესახებ ინფორმაცია.

განიხილეს „გიორგი შარვაშიძის სახელობის პრემიის დაწების შესახებ“ აფხაზეთის მთავრობის 2009 წლის 22 იანვრის №1 დადგენილებაში განსახორციელებელი ცვლილებები.

მთავრობის წევრებმა ასევე განიხილეს აფხაზეთის ავტონომიური რესპუბლიკის ფინანსთა და ეკონომიკის სამინისტროში მიმდინარე რეორგანიზაციასთან დაკავშირებული საკითხები და სხდომის დღის წესრიგით გათვალისწინებული სხვა მიმდინარე საკითხები.