აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე აფხაზეთის №11 საჯარო სკოლას ეწვია, სადაც აფხაზეთიდან დევნილ მოსწავლეებსა და მასწავლებლებს ახალი სასწავლო წლის დაწყება მიულოცა.

გიორგი ჯინჭარაძემ, აფხაზეთის განათლებისა და კულტურის მინისტრ გიორგი ძაძამიასთან ერთად, მოსწავლეებს სიტყვით მიმართა, წარმატებული სასწავლო წელი უსურვა და პირველკლასელებს საჩუქრები გადასცა.

„დღეს ჩვენ სასწავლო წლის დაწყებას ვზეიმობთ. ვეწვიეთ აფხაზეთის მე-11 სკოლას, სადაც პირველკლასელებს მივულოცეთ სწავლის დაწყება. ჩვენთვის უმნიშვნელოვანესია, ჩვენი მოსწავლეები, ჩვენი ახალგაზრდობა, მომავალი თაობა, რადგან ეს ის ბავშვები არიან ვინც უნდა შექმნას საქართველოს ძლიერი მომავალი. მათ უნდა გააერთიანონ საქართველო და ჩვენ მშვიდობიანად უნდა ვიცხოვროთ ჩვენს აფხაზ დებთან და ძმებთან ერთად. მე მინდა მივულოცო, წარმატებები ვუსურვო მათ, რათა ასახელონ საკუთარი ქვეყანა და მშობლიური კუთხე, აფხაზეთი“, - განაცხადა გიორგი ჯინჭარაძემ.

დღესვე, ახალი სასწავლო წლის დაწყება, აფხაზეთის მთავრობის წევრებმა თბილისსა და საქართველოს სხვადასხვა რეგიონში მდებარე აფხაზეთის საჯარო სკოლების მოსწავლეებსა და მასწავლებლებს მიულოცეს.

საქართველოს პარლამენტში ჯანმრთელობის დაცვისა და სოციალურ საკითხთა კომიტეტისა და ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის ერთობლივი სხდომა გაიმართა.

ერთობლივ სხდომას საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე და პარლამენტის თავმჯდომარის პირველი მოადგილე, ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი უძღვებოდნენ.

სხდომაზე დეპუტატებმა აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს საქმიანობის ანგარიში მოისმინეს, რომელიც აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ წარადგინა.

ანგარიშში ასახული იყო ჯანმრთელობისა და სოციალური დაცვის მიმართულებით განხორციელებული პროგრამები და მიღწეული შედეგები. განსაკუთრებული ყურადღება დაეთმო სამედიცინო მომსახურების ხელმისაწვდომობის გაზრდას, პრევენციულ და სკრინინგულ ღონისძიებებს და სოციალური მხარდაჭერის პროგრამებს.

გიორგი ჯინჭარაძემ ასევე ისაუბრა სამინისტროს მიმდინარე საქმიანობაზე, არსებულ გამოწვევებსა და სამომავლო პრიორიტეტებზე. აღინიშნა, რომ მოსახლეობის საჭიროებებზე მორგებული ჯანდაცვისა და სოციალური სერვისების განვითარება მთავრობის და სამინისტროს ერთ-ერთ მთავარ პრიორიტეტად რჩება.

„დღევანდელ სხდომაზე წარვადგინე აფხაზეთის ჯანდაცვის სამინისტროს საქმიანობის ანგარიში, სადაც დეტალურად განვიხილეთ ყველა ის გამოწვევა, რომელიც დღეს ჩვენს დევნილ მოსახლეობასა და ოკუპირებულ ტერიტორიებს უკავშირდება.

შეხვედრაზე გამოიკვეთა კონკრეტული რეკომენდაციები, რომლებიც უზრუნველყოფს ჩვენი საქმიანობის ეფექტიანობის გაზრდას, რასაც, რა თქმა უნდა, სრულად გავითვალისწინებთ. მსგავსი ფორმატის შეხვედრები კიდევ უფრო მეტ საჭიროებას ქმნის იმისთვის, რომ ჩვენ მიერ განხორციელებული პროგრამები იყოს უფრო დახვეწილი და მაქსიმალურად მორგებული დევნილი საზოგადოების საჭიროებებზე“, - განაცხადა გიორგი ჯინჭარაძემ.

ანგარიშის წარდგენის შემდეგ დეპუტატებმა წარმოდგენილ საკითხებთან დაკავშირებით კითხვები დასვეს და სამინისტროს საქმიანობის ძირითად მიმართულებებზე იმსჯელეს.

ერთობლივ სხდომაზე განხილული საკითხები ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარემ, პარლამენტის თავმჯდომარის პირველმა მოადგილემ, გიორგი ვოლსკიმ შეაფასა.

„საგანგებოდ მნიშვნელოვანი საკითხი განვიხილეთ და საინტერესო ინფორმაცია მოვისმინეთ აფხაზეთის ავტონომიური რესპუბლიკის მთავრობის თავმჯდომარისგან. შეხვედრაზე სხვადასხვა უწყების წარმომადგენლებთან ერთად ვიმსჯელეთ, თუ როგორ მუშაობენ ჯანმრთელობის დაცვის საკითხებზე აფხაზეთის ავტონომიური რესპუბლიკის მთავრობა, არასამთავრობო ორგანიზაციები და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო.

შეხვედრაზე საუბარი შეეხო დევნილებს და ყველა იმ ეთნიკური ჯგუფის ადამიანებს, რომლებიც ოკუპირებული ტერიტორიებიდან ჩამოდიან. ძალიან პოზიტიური ტენდენციები გამოვლინდა. საკმაოდ კონსტრუქციული იყო ამ განხილვისას ოპოზიციის ჩართულობაც. ჩვენ აქცენტები ჰუმანიტარულ ასპექტზე გადავიტანეთ - მთლიანად სახელმწიფოსა და კერძოდ, აფხაზეთის ავტონომიური რესპუბლიკის მთავრობის დიდ ძალისხმევაზე ადამიანების ჯანმრთელობის დასაცავად, მიუხედავად მათი ეთნიკური წარმოშობისა და იმ უმძიმესი პოლიტიკური ვითარებისა, რაც რეგიონში და მსოფლიოში არსებობს.

ის რეკომენდაციები, რომლებსაც უახლოეს პერიოდში მივიღებთ, საშუალებას მოგვცემს, უწყებებს შორის კოორდინაცია გაიზარდოს და ის შეფერხება, რაც ამ კუთხით არსებობს, დაიძლიოს. ეს შეხვედრა ძალიან ბევრი საკითხის პოზიტიური გადაწყვეტის წინაპირობა გახდება“, - განაცხადა გიორგი ვოლსკიმ.

კომიტეტისა და კომისიის ერთობლივ სხდომას აფხაზეთის ავტონომიური რესპუბლიკის მთავრობის წევრები, აფხაზეთის ჯანმრთელობისა და სოციალური დაცვის მინისტრის პირველი მოადგილე მანონა გეჯუა, მოადგილე დავით მიქავა, სამედიცინო ცენტრი დიომედის გენერალური დირექტორი ნათია ფარცვანია, აფხაზეთის სამედიცინო დაწესებულებებთან კოორდინაციის საგენტოს დირექტორი ნინო გულუა ,უმაღლესი საბჭოს დეპუტატები და აფხაზეთის ჯანმრთელობისა და სოციალური დაცვის სამინისტროს წარმომადგენლები ესწრებოდნენ.

საქართველოს პარლამენტში ჯანმრთელობის დაცვისა და სოციალურ საკითხთა კომიტეტისა და ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის ერთობლივი სხდომა გაიმართა.

ერთობლივ სხდომას საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე და პარლამენტის თავმჯდომარის პირველი მოადგილე, ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი უძღვებოდნენ.

სხდომაზე დეპუტატებმა აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს საქმიანობის ანგარიში მოისმინეს, რომელიც აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ წარადგინა.

ანგარიშში ასახული იყო  ჯანმრთელობისა და სოციალური დაცვის მიმართულებით განხორციელებული პროგრამები და მიღწეული შედეგები. განსაკუთრებული ყურადღება დაეთმო სამედიცინო მომსახურების ხელმისაწვდომობის გაზრდას, პრევენციულ და სკრინინგულ ღონისძიებებს და სოციალური მხარდაჭერის პროგრამებს.

გიორგი ჯინჭარაძემ ასევე ისაუბრა სამინისტროს მიმდინარე საქმიანობაზე, არსებულ გამოწვევებსა და სამომავლო პრიორიტეტებზე. აღინიშნა, რომ  მოსახლეობის საჭიროებებზე მორგებული ჯანდაცვისა და სოციალური სერვისების განვითარება მთავრობის და  სამინისტროს ერთ-ერთ მთავარ პრიორიტეტად რჩება.

„დღევანდელ სხდომაზე წარვადგინე აფხაზეთის ჯანდაცვის სამინისტროს საქმიანობის ანგარიში, სადაც დეტალურად განვიხილეთ ყველა ის გამოწვევა, რომელიც დღეს ჩვენს დევნილ მოსახლეობასა და ოკუპირებულ ტერიტორიებს უკავშირდება.

შეხვედრაზე გამოიკვეთა კონკრეტული რეკომენდაციები, რომლებიც უზრუნველყოფს ჩვენი საქმიანობის ეფექტიანობის გაზრდას, რასაც, რა თქმა უნდა, სრულად გავითვალისწინებთ. მსგავსი ფორმატის შეხვედრები კიდევ უფრო მეტ საჭიროებას ქმნის იმისთვის, რომ ჩვენ მიერ განხორციელებული პროგრამები იყოს უფრო დახვეწილი და მაქსიმალურად მორგებული დევნილი საზოგადოების საჭიროებებზე“, - განაცხადა გიორგი ჯინჭარაძემ.

ანგარიშის წარდგენის შემდეგ დეპუტატებმა წარმოდგენილ საკითხებთან დაკავშირებით კითხვები დასვეს და სამინისტროს საქმიანობის ძირითად მიმართულებებზე იმსჯელეს.

ერთობლივ სხდომაზე განხილული საკითხები ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარემ, პარლამენტის თავმჯდომარის პირველმა მოადგილემ, გიორგი ვოლსკიმ შეაფასა.

„საგანგებოდ მნიშვნელოვანი საკითხი განვიხილეთ და საინტერესო ინფორმაცია მოვისმინეთ აფხაზეთის ავტონომიური რესპუბლიკის მთავრობის თავმჯდომარისგან. შეხვედრაზე სხვადასხვა უწყების წარმომადგენლებთან ერთად ვიმსჯელეთ, თუ როგორ მუშაობენ ჯანმრთელობის დაცვის საკითხებზე აფხაზეთის ავტონომიური რესპუბლიკის მთავრობა, არასამთავრობო ორგანიზაციები და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო.

შეხვედრაზე საუბარი შეეხო დევნილებს და ყველა იმ ეთნიკური ჯგუფის ადამიანებს, რომლებიც ოკუპირებული ტერიტორიებიდან ჩამოდიან. ძალიან პოზიტიური ტენდენციები გამოვლინდა. საკმაოდ კონსტრუქციული იყო ამ განხილვისას ოპოზიციის ჩართულობაც. ჩვენ აქცენტები ჰუმანიტარულ ასპექტზე გადავიტანეთ - მთლიანად სახელმწიფოსა და კერძოდ, აფხაზეთის ავტონომიური რესპუბლიკის მთავრობის დიდ ძალისხმევაზე ადამიანების ჯანმრთელობის დასაცავად, მიუხედავად მათი ეთნიკური წარმოშობისა და იმ უმძიმესი პოლიტიკური ვითარებისა, რაც რეგიონში და მსოფლიოში არსებობს.

ის რეკომენდაციები, რომლებსაც უახლოეს პერიოდში მივიღებთ, საშუალებას მოგვცემს, უწყებებს შორის კოორდინაცია გაიზარდოს და ის შეფერხება, რაც ამ კუთხით არსებობს, დაიძლიოს. ეს შეხვედრა ძალიან ბევრი საკითხის პოზიტიური გადაწყვეტის წინაპირობა გახდება“, - განაცხადა გიორგი ვოლსკიმ.

კომიტეტისა და კომისიის ერთობლივ სხდომას აფხაზეთის ავტონომიური რესპუბლიკის მთავრობის წევრები, უმაღლესი საბჭოს დეპუტატები და აფხაზეთის ჯანმრთელობისა და სოციალური დაცვის სამინისტროს წარმომადგენლები ესწრებოდნენ.

აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის სამინისტროს ორგანიზებით, აფხაზეთიდან დევნილი, განსაკუთრებული საჭიროების მქონე მოზარდებისა და მათი მშობლებისთვის, ბაკურიანში, პროექტი „აფხაზეთიდან დევნილი შშმ მოზარდებისა და მათი მშობლების ინტეგრაციისა და სოციალიზაციის ხელშეწყობა“ განხორციელდა.

ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე და აფხაზეთის იუსტიციისა და სამოქალაქო ინტეგრაციის მინისტრი ალიონა ჩხოტუა დაესწრნენ.

მთავრობის თავმჯდომარემ მოზარდების სოციალური ინტეგრაციის ხელშეწყობაზე ისაუბრა და აღნიშნა, რომ აფხაზეთის მთავრობა მსგავსი ინიციატივების მხარდაჭერას მომავალშიც აქტიურად გააგრძელებს.

პროექტი ერთი კვირის განმავლობაში მიმდინარეობდა და მასში აფხაზეთიდან დევნილი, განსაკუთრებული საჭიროების მქონე 20 მოზარდი და მათი მშობლები მონაწილეობენ.

ახალგაზრდები ჩართული იყვნენ ხატვის, ძერწვისა და სხვადასხვა გუნდურ-შემოქმედებით აქტივობებში. მშობლებისთვის კი ჩატარდა თემატური ტრენინგები, რომლებიც შვილის განვითარების თავისებურებების უკეთ გაცნობიერებას, საჭიროებების სწორად დანახვასა და მხარდაჭერის პრაქტიკული უნარების გაძლიერებას ემსახურება.

პროექტი აფხაზეთის იუსტიციისა და სამოქალაქო ინტეგრაციის სამინისტროს მიერ ყოველწლიურად ხორციელდება და მისი მიზანია განსაკუთრებული საჭიროების მქონე მოზარდების თვითგამოხატვისა და კომუნიკაციის უნარების განვითარება, მათი სოციალიზაციის ხელშეწყობა, ასევე მშობლების გაძლიერება და შვილების განვითარების პროცესში მათი მხარდაჭერა.

ბორჯომში, აფხაზეთიდან დევნილი მოქალაქეებისთვის, აფხაზეთის ავტონომიური რესპუბლიკის მთავრობის ერთიანი ელექტრონული პორტალის პრეზენტაცია გაიმართა.

ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის იუსტიციისა და სამოქალაქო ინტეგრაციის მინისტრ ალიონა ჩხოტუასთან და სამცხე-ჯავახეთის რეგიონის სახელმწიფო რწმუნებულის მოადგილე სერგი მუშკუდიანთან ერთად დაესწრო.

ღონისძიების ფარგლებში, მთავრობის თავმჯდომარემ და მინისტრმა აფხაზეთის მთავრობის ერთიანი ელექტრონული პორტალის შესაძლებლობებზე ისაუბრეს და დევნილი მოქალაქეების შეკითხვებს უპასუხეს.

პრეზენტაციაზე, ასევე, წარმოდგენილი იყო აფხაზეთის მთავრობის მიმდინარე პროგრამების შესახებ ინფორმაცია და პორტალის პრაქტიკული გამოყენების კონკრეტული მაგალითები.

პორტალის პრეზენტაციას ბორჯომის მუნიციპალიტეტის მერი მამუკა გელაშვილი, ბორჯომის მუნიციპალიტეტის საკრებულოს თავმჯდომარე გიორგი ფერაძე, საკრებულოს დეპუტატი დავით შონია, იუსტიციისა და სამოქალაქო ინტეგრაციის მინისტრის პირველი მოადგილე ბორის გაბუნია და დევნილი საზოგადოების წარმომადგენლები ესწრებოდნენ.

პორტალი portal.abkhazia.gov.ge აფხაზეთის მთავრობის ინიციატივით აფხაზეთიდან დევნილი მოსახლეობისთვის შეიქმნა და აფხაზეთის მთავრობისა და მისი ყველა უწყების პროგრამებსა და სერვისებს ერთიან ციფრულ სივრცეში აერთიანებს. დევნილებს შესაძლებლობა აქვთ დისტანციურად მიიღონ სრულყოფილი ინფორმაცია ჯანდაცვის, განათლების, კულტურის, სპორტის, სოციალური მომსახურებისა და ეკონომიკური მხარდაჭერის მიმართულებით არსებულ ყველა პროგრამებსა და სერვისზე.

აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე გური ბაქრაძე თამარ კობერიძის მონოგრაფიის - „აფხაზეთი, ლიტერატურულ-ისტორიული პარადიგმები“, პრეზენტაციას დაესწრო. ღონისძიება საქართველოს პარლამენტის ეროვნული ბიბლიოთეკის გენერალურმა დირექტორმა, კონსტანტინე გამსახურდიამ გახსნა.

მინისტრის პირველმა მოადგილემ წიგნის ავტორსა და რედაქტორებს მნიშვნელოვანი ნაშრომის მომზადებისა და გამოცემისთვის მადლობა გადაუხადა. მონოგრაფიაზე საუბრისას აღნიშნა, რომ აფხაზეთის ისტორიულ-კულტურული მემკვიდრეობის კვლევა განსაკუთრებით მნიშვნელოვანია ეროვნული თვითმყოფადობის, ისტორიული მეხსიერებისა და ქართულ-აფხაზური ურთიერთობების შენარჩუნებისა და გაძლიერების თვალსაზრისით.

თამარ კობერიძის მონოგრაფიაში აფხაზეთი განხილულია როგორც საქართველოს მრავალსაუკუნოვანი ისტორიის, ლიტერატურისა და კულტურის განუყოფელი ნაწილი. ნაშრომში გაანალიზებულია, თუ როგორ აისახა აფხაზეთი სხვადასხვა პერიოდის მწერალთა შემოქმედებაში, ისტორიულ წყაროებსა და მხატვრულ ტექსტებში. ავტორის მრავალმხრივი მიდგომა აფხაზეთის თემას წარმოაჩენს როგორც უწყვეტ და ცოცხალ პროცესს, რომელსაც მნიშვნელოვანი ადგილი უკავია ქართულ ეროვნულ ცნობიერებასა და კულტურულ მემკვიდრეობაში.

ნაშრომის რედაქტორები ნინო მინდიაშვილი და ლადო ჭელიძე არიან. გამოცემა საქართველოს ტერიტორიული მთლიანობისთვის დაღუპულთა ხსოვნას ეძღვნება.

აფხაზეთის ავტონომიური რესპუბლიკის განათლებისა და კულტურის სამინისტროსა და სამეგრელო-ზემო სვანეთის 9 მუნიციპალიტეტის ადგილობრივი ხელისუფლების მხარდაჭერით, სვანეთში საქართველოს ინოვაციებისა და ტექნოლოგიების სააგენტოს მიერ ორგანიზებული ბიოტექნოლოგიების ბანაკი გაიმართა. მესტიამ 6 დღის განმავლობაში თითოეული მუნიციპალიტეტიდან 15-17 წლის 10 ახალგაზრდას უმასპინძლა.

შერჩეული 100 მონაწილე ბანაკის ფარგლებში ბიოტექნოლოგიების თანამედროვე მიმართულებებს, საერთაშორისო ტენდენციებსა და სხვადასხვა სფეროში მათ გამოყენებას გაეცნო; აგრეთვე, პროგრამირების, ბიოტექნოლოგიებისა და სხვა მოთხოვნადი მიმართულებების შესახებ ტრენინგები მოისმინა და ვორქშოპებში მიიღო მონაწილეობა.

ბანაკის დასკვნით ღონისძიებას აფხაზეთის ა/რ განათლებისა და კულტურის მინისტრის პირველი მოადგილე გური ბაქრაძე დაესწრო. მონაწილეებმა მოწვეულ სტუმრებს შესწავლილი მასალის საფუძველზე გუნდურად შექმნილი პროტოტიპები და სტარტაპ იდეები წარუდგინეს, ასევე მიღებული გამოცდილება გაუზიარეს.

მინისტრის მოადგილემ მოზარდებს ბანაკის წარმატებით დასრულება მიულოცა და სიმბოლური საჩუქრები გადასცა, ორგანიზატორებს კი მადლობა გადაუხადა ახალგაზრდებისთვის, მათ შორის აფხაზეთიდან დევნილი მოზარდებისთვის მსგავსი საგანმანათლებლო და განვითარებაზე ორიენტრებული შესაძლებლობის შექმნისთვის.

დასკვნით ღონისძიებას სამეგრელო-ზემო სვანეთის გუბერნატორის მოადგილე გიორგი ნადარაია, 9 მუნიციპალიტეტის მერიის წარმომადგენლები, საქართველოს ინოვაციებისა და ტექნოლოგიების სააგენტოს თავმჯდომარის მოადგილე და სხვა მოწვეული სტუმრები ესწრებოდნენ.

აფხაზეთის უმაღლესმა საბჭომ მუშაობა საშემოდგომო სესიის ფორმატით განაახლა. სხდომას აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია უძღვებოდა.

სესიაზე დეპუტატებს სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ მიმართა, რომელმაც სხდომის მონაწილეებს საშემოდგომო სესიის გახსნა მიულოცა. მთავრობის თავმჯდომარემ ყურადღება გაამახვილა დევნილ და ოკუპირებულ ტერიტორიაზე მცხოვრები მოქალაქეების მხარდაჭერის საკითხებზე და უმაღლეს საბჭოსთან ურთიერთთანამშრომლობის გაძლიერებაზე ისაუბრა.

აფხაზეთის უმაღლესი საბჭოში საშემოდგომო სესიის გახსნას აფხაზეთის მთავრობის წევრები, აფხაზეთის უმაღლესი საბჭოს დეპუტატები ესწრებოდნენ.

აფხაზეთის ა/რ განათლებისა და კულტურის სამინისტრო აფხაზეთის თემატიკასთან დაკავშირებული კულტურული ინიციატივების ფინანსური მხარდაჭერისათვის 135 600 ლარს გამოყოფს.

 საპროექტო განაცხადების მიღება 2026 წლის 10 სექტემბერს დაიწყება და 1 დეკემბრის ჩათვლით გაგრძელდება.

პროგრამა მიზნად ისახავს ქართულ-აფხაზური კულტურული და შემოქმედებითი პროცესების ხელშეწყობას, განვითარებასა და პოპულარიზაციას. განაცხადის წარდგენის უფლება აქვთ საქართველოს ტერიტორიაზე, კანონმდებლობის შესაბამისად, რეგისტრირებულ იურიდიულ პირებსა და ინდივიდუალურ მეწარმეებს, რომლებიც კულტურისა და ხელოვნების სფეროში საქმიანობენ.

 პროგრამის ფარგლებში დაფინანსდება:

• შემოქმედებითი და საიუბილეო საღამოები;
• საშემსრულებლო ხელოვნების მიმართულების პროექტები;
• ტრადიციული და სახალხო დღესასწაულები;
• ადგილობრივ და საერთაშორისო ფესტივალებში მონაწილეობა;
• ვიზუალური ხელოვნების მიმართულების ხელშეწყობის პროექტები;
• აუდიოვიზუალური ხელოვნების მიმართულების პროექტები;
• თემატური ვორქშოფები/სემინარები.

დამატებითი ინფორმაცია და სარეგისტრაციო ფორმა ხელმისაწვდომია: სამინისტროს ვებგვერდზე 

აფხაზეთის ა/რ მთავრობს ერთიან ელექტრონულ პორტალზე 

აფხაზეთის ა/რ განათლებისა და კულტურის სამინისტროს ქვეპროგრამის „აფხაზეთის სპორტული კლუბების და გუნდების ფინანსური მხარდაჭერა“ ფარგლებში განაცხადების მიღება დაიწყო და  2026 წლის 21 სექტემბრის ჩათვლით გაგრძელდება.

პროგრამა მიზნად ისახავს აფხაზეთიდან დევნილ საზოგადოებაში სპორტის სახეობების პოპულარიზაციასა და განვითარებას, სპორტული კლუბებისა და გუნდების ფინანსურ მხარდაჭერას.

ამასთან, პროგრამა ითვალისწინებს აფხაზეთის სახელით მოასპარეზე გუნდებისა და კლუბების უწყვეტი ფუნქციონირებისა და ოფიციალურ ჩემპიონატებსა და შეჯიბრებებში მონაწილეობის უზრუნველყოფას.

დაფინანსების მოსაპოვებლად განაცხადის წარდგენის უფლება აქვთ საქართველოს ტერიტორიაზე, კანონმდებლობის შესაბამისად, 2026 წლის 1 იანვრამდე რეგისტრირებულ და აფხაზეთის სახელით მოასპარეზე იურიდიულ პირებს.

პროგრამის შესახებ დამატებითი ინფორმაცია და სარეგისტრაციო ფორმა ხელმისაწვდომია:

სამინისტროს ვებგვერდზე 

აფხაზეთის ა/რ მთავრობს ერთიან ელექტრონულ პორტალზე