სიახლეები

უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ ილია II-ის ლოცვა კურთხევითა და აფხაზეთის ავტონომიური რესპუბლიკის მთავრობის ორგანიზებით დღეს, 27 სექტემბერს, ჯვართამაღლებას, ქალაქ თბილისში მშენებარე ილორის წმინდა გიორგის სახელობის ეკლესიის მეტოქიონის გუმბათზე ჯვარი აღიმართა.

ჯვრის კურთხევისა და აღმართვის ლოცვა აღავლინა და ტაძრის ეზოში შეკრებილი მრევლი დალოცა პატრიარქის მოსაყდრემ, სენაკისა და ჩხოროწყუს მიტროპოლიტმა შიომ.

„დღეს ჯვართამაღლებაა და ამავე დროს ჩვენთვის ტრაგიკული დღეა, რადგან 25 წლის წინ ამ დღეს დაეცა სოხუმი და ასიათასობით ძირძველი მოსახლე იძულებული გახდა საკუთარი სახლ-კარი დაეტოვებინა. მიუხედავად ბევრი განსაცდელისა ჩვენ დევნილეობაში მოვახერხეთ და თბილისის შუაგულში ავაშენეთ ტაძარი, რომელიც ილორის წმინდა გიორგის სახელს ატარებს. დღეს ამ ტაძარზე ჯვარი აღიმართა და მწამს, რომ ამ ჯვრის მადლით დავბრუნდებით და გავერთიანდებით", - განაცხადა ვახტანგ ყოლბაიამ.

ჯვრის აღმართვის ცერემონიას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს პრემიერ-მინისტრის მრჩეველი რეგიონალურ საკითხებში სოზარ სუბარი,  აფხაზეთის ავტონომიური რესპუბლიკის მთავრობის წევრები, უმაღლესი საბჭოს დეპუტატები, სასულიერი პირები და დევნილი საზოგადოება ესწრებოდნენ.

ჯვართამაღლების დღესთან დაკავშირებით 12 საათზე საქართველოს ტერიტორიაზე არსებულ ეკლესია-მონასტრებში ერთდროულად დაირეკა ზარი და საქართველოს ტერიტორიული მთლიანობისათვის ბრძოლაში გარდაცვლილთა სულთა საოხად პანაშვიდი გადაიხადეს.

თბილისში ილორის წმინდა გიორგის სახელობის ეკლესია სრულიად საქართველოს კათოლიკოს-პატრიარქის, უწმინდესისა და უნეტარესის ილია მეორის ლოცვა-კურთხევითა და  აფხაზეთის ავტონომიური რესპუბლიკის მთავრობის მხარდაჭერით შენდება.

1993 წლის 27 სექტემბერს აფხაზეთში განვითარებული ტრაგიკული მოვლენებიდან 25 წელი გავიდა. ამ თარიღთან დაკავშირებით, აფხაზეთის ავტონომიური რესპუბლიკის ხელისუფლებამ პატივი მიაგო აფხაზეთის ომში დაღუპულთა ხსოვნას და გმირთა მემორიალი გვირგვინით შეამკეს.

გმირთა მოედანზე აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის მთავრობის წევრები და უმაღლესი საბჭოს დეპუტატები იმყოფებოდნენ.

ასევე, აფხაზეთის ავტონომიური რესპუბლიკის ხელისუფლებამ საქართველოს ეროვნული გმირის, ჟიული შარტავას, საქართველოს უშიშროების პოლკოვნიკ მამია ალასანიას, აფხაზეთის მინისტრთა საბჭოსა და უმაღლესი საბჭოს ყოფილი თავმჯდომარის თამაზ ნადარეიშვილის, გენერალ-მაიორ გენო ადამიას, საქართველოს ეროვნული გმირის  გურამ გაბისკირიას საფლავები და ვაშლიჯვრის  ძმათა მემორიალი ყვავილებით შეამკო.

90-იანი წლებში აფხაზეთში განვითარებულ ტრაგიკულ მოვლენებს ათასობით ადამიანი ემსხვერპლა, ხოლო 300 000-ზე მეტი მშვიდობიანი მოსახლე საკუთარ ქვეყანაში დევნილად იქცა.

საქართველოს ეროვნულ მუზეუმში სოხუმის დაცემის დღესთან დაკავშირებით ფრანგი ფოტოდოკუმენტალისტის ორელიენ ვილეტის გამოფენა „სიჩუმის რეზოლუცია – აფხაზეთი” გაიხსნა. ფოტოხელოვანი დამთვალიერებელს  საშუალებას აძლევს, თვალი გადაავლოს აფხაზეთის ოდესღაც სიცოცხლით სავსე, ისტორიულ ადგილებს, რომელებიც დღეს მიტოვებული და დანგრეულია. 90-იან წლებში წარმოქმნილი შეიარაღებული კონფლიქტის შედეგები ხელოვანმა განსხვავებული, ნოსტალგიური რაკურსით გადმოსცა.

გამოფენაზე ნოდარ დუმბაძისა და გურამ ოდიშარიას ნაწარმოებების მიხედვით შექმნილი პიესიდან „გამარჯობა სოხუმო” ნაწყვეტი წარმოადგინა სოხუმის მოზარდმაყურებელთა თეატრმა „თეთრი ტალღა”.  რამდენიმე სიმღერა შეასრულა აფხაზეთის სახელმწიფო საგუნდო კაპელამაც.

ღონისძიება ფონდ „არტექოს“ ორგანიზებით, აფხაზთის მთავრობის მიერ, ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატის მხარდაჭერით განხორციელდა.

სიტყვით გამოსვლისას გამოფენის მნიშვნელობაზე ისაუბრეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა და საფრანგეთის საგანგებო და სრულუფლებიანმა ელჩმა საქართველოში პასკალ მენიემ.

საღამოს საქართველოს საკანონმდებლო და აღმასრულებელი ხელისუფლების წარმომადგენლები, აფხაზეთის ავტონომიური რესპუბლიკის უმაღლესი საბჭოს დეპუტატები, მთავრობის წევრები, საქართველოში აკრედიტებული დიპლომატიური კორპუსის წარმომადგენლები და დევნილი საზოგადოება ესწრებოდა.

გამოფენაზე წარმოდგენილი ნამუშევრების დათვალიერება საქართველოს ეროვნულ მუზეუმში 7 ოქტომბრამდე იქნება შესაძლებელი.

 1993 წლის 27 სექტემბერს აფხაზეთში განვითარებული ტრაგიკული მოვლენებიდან 25 წელი გავიდა. ამ თარიღთან დაკავშირებით, რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ალექსანდრე ჩიკვაიძე, სამეგრელო-ზემოს ვანეთის რეგიონის გუბერნატორი ალექსანდრე მოწერელია და სენაკის მერი ლევან კუპრეიშვილი ჟიული შარტავას სახელობის მუზეუმში დაესწრნენ საქართველოს ეროვნული გმირის ჟიული შარტავასა და აფხაზეთის ომში დაღუპული გმირების ხსოვნისადმი მიძღვნილ ღონისძიებას: ,,აფხაზეთი ჩვენი ტკივილია“., მათ ასევე სენაკის პარკში ეროვნული გმირის, ჟიული შარტავას ბიუსტი,აფხაზეთში დაღუპულების, გენო ადამიას, ნოდარ კანკიას, გურამ გაბესკირიას ბიუსტები გვირგვინით შეამკეს და პატივი მიაგეს მათ ხსოვნას. მოგვიანებით კი დაესწრნენ საქართველოს ტერიტორიული მთლიანობისათვის ბრძოლაში დაღუპულთა სულების მოსახსენიებელ პანაშვიდს, რომელიც  იოანე ნათლისმცემლის სახელობის სენაკის საკათედრო ტაძარში აღევლინა.
    წალენჯიხის რაიონის მუნიციპალიტეტში სოხუმის დაცემის 25 წლისთავთან დაკავშირებით სოფ:ჯგალის წმინდა გიორგის სახელობის ეკლესიაში დეკანოზ ილია ლუკავამ აფხაზეთიდ ომში დაღუპილთა სულების მოსახსენიებელი პანაშვიდი გადაიხადა. აღნიშნულ ღონისძიებას ესწრებოდნენ: სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლები, დევნილებთან ურთიერთობისა და სოციალურ საკითხთა სამსახურის უფროსი რამაზ აბლოთია, წალენჯიხის მერის მოადგილე გია ლუკავა და საკრებულოს მაღალჩინოსნები.
      ქ.ფოთში მარიამ ღვთისმშობლის სახელობის საკათედრო ტაძარში მამა ამბროსიმ აფხაზეთის ომში დაღუპილთა სულების მოსახსენიებელი პანაშვიდი გადაიხადა, ტაძარში პანაშვიდს დაესწრნენ სამეგრელო-ზემო სვანეთის რეგიონში აფხაზეთის მთავრობის წარმომადგენლები, ქალაქის მერიის წარმომადგენლები და აფხაზეთის 21 საჯარო სკოლის მოსწავლეები სკოლის პედაგოგიურ კოლექტივთან ერთად, მათ ასევე გვირგვინით შეამკეს აფხაზეთის ომში დაღუპულთა მემორიალი, ხოლო დღის ბოლოს გვირგვინი ჩაუშვეს ზღვაში და წუთიერი დუმილით პატივი მიაგეს გმირებს. 
        ზუგდიდში, მდინარე ენგურის ხიდთან გაიმართა მდუმარე აქცია. აღნიშნულ ღონისძიებაში მონაწილეობა მიიღეს სამეგრელო ზემო-სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლლებმა, გუბერნატორის პირველმა მოადგილემ ირაკლი ჯიქიამ, ქ.ზუგდიდის მუნიციპალიტეტის მერის მოვალეობის შემსრულებელმა მაიზერ ნანავამ, საკრებულოს თავმჯდომარემ მამუკა წოწერიამ. აქციის მსვლელობისას ბავშვებმა ცაში მშვიდობის სიმბოლოდ ფერადი ბუშტები და ფრანები აუშვეს.
სამეგრელო-ზემო სვანეთის რეგიონში აფხაზეთის მთავრობის წარმომადგენლები და ხელმძღვანელის მოადგილე მედეა აბლოთია იმყოფებოდნენ აფხაზეთის ომში დაღუპული ძმები ახალაიების ოჯახში და პატივი მიაგეს მათ ხსოვნას.
ვლაქერნის ყოვლადწმინდა ღვთისმშობლის ხატის საკათედროს ტაძარში მამა მალხაზმა აფხაზეთის ომში დაღუპილთა სულების მოსახსენიებელი პანაშვიდი. N1 საჯარო სკოლაში კი ჩატარდა ღონისძიება „ ჩვენ დავბრუნდებით!“. მარტვილში გაიხსნა აფხაზეთის ომში დაღუპულთა მემორიალი. მემორიალის გახსნას ესწრებოდნენ ომის ვეტერანთა დეპარტამენტის, ადგილობრივი და ლეგიტიმური ხელისუფლების , დევნილი მოსახლეობის და საზოგადოების წარმომადგენლები.

სოხუმის დაცემის დღიდან 25 წელი გავიდა. ამ დღის აღსანიშნავად საკურატორო რეგიონის რიგ ქალაქებში ღონისძიებები გაიმართა. კერძოდ, ხონის მუნიციპალიტეტში იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა ზაზა ჩაჩავამ და წარმომადგენლობის თანამშრომლებმა  აფხაზეთის ომში დაღუპულთა მემორიალი გვირგვინით შეამკეს და პატივი მიაგეს საქართველოს ტერიტორიული მთლინობისათვის ბრძოლაში დაღუპულთა ხსოვნას.  ასევე, იმყოფებოდნენ მუნიციპალიტეტის გამგებელი და ადგილობრივი თვითმმართველობის თანამდებობის პირები, აფხაზეთის ომის ვეტერანები. მემორიალის მიმდებარე ტერიტორიაზე შენდება ჯვართამაღლების სახელობის ტაძარი. წარმომადგენლობის ხელმძღვანელმა დამსწრე საზოგადოებას მოახსენა, რომ ქ. ქუთისის  საზოგადოებრივი სატრანსპორტო საშუალებების დევნილი და არადევნილი მძღოლების ინიციატივით, მათ ტაძრის მშენებლობისთვის შესწირეს საკუთარი სახსრებით შეძენილი ერთი  ტონა ცემენტი და მადლობა გადაუხადა მათ ამ კეთილშობილური საქმისათვის.

ქუთაისში საქართველოს ტერიტორიული მთლინობისათვის ბრძოლაში დაღუპულთა ხსოვნის მემორიალზე შეიკრიბა ქალაქის თვითმმართველობის წევრები, მხარის გუბერნატორი შავლეგო ტაბატაძე, სსიპ ვეტერანების საქმეთა სახელმწიფო სამსახურის იმერეთის სამმართველოს უფროსი გელა ცინაძე და ვეტერანები, კადეტთა ლიცეუმის ხელმძღვანელობა და კურსანტები,იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი და თანამშრომლები, აფხაზეთის ომის ვეტერანები. მათ გვირგვინი შეამკეთ მემორიალი და პატივი მიაგეს დაღუპულთა ხსოვნას. მემორიალზე დაღუპულთა ხსოვნის პატივსაცემად წმინდა სვიმონ კანანელის სახელობის  ტაძრის წინამძღვარმა მამა ზურაბმა (სუბელიანმა)პარაკლისი გადაიხადა.

წყალტუბოში საქართველოს ტერიტორიული მთლინობისათვის ბრძოლაში დაღუპულთა ხსოვნის მემორიალზე შეიკრიბა ქალაქის ხელმძღვანელობა, ადგილობრივი და დევნილი მოსახლეობა, აფხაზეთის ომის ვეტერანები. წარმოდგენილი იყო მხატვრული  ინსცენირება აფხაზეთის თემაზე.

1993 წლის 27 სექტემბერს აფხაზეთში განვითარებული ტრაგიკული მოვლენებიდან 25 წელი გავიდა. ამ თარიღთან დაკავშირებით, აფხაზეთის ავტონომიური რესპუბლიკის ხელისუფლებამ პატივი მიაგო აფხაზეთის ომში დაღუპულთა ხსოვნას და გმირთა მემორიალი გვირგვინით შეამკეს.გმირთა მოედანზე აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა,   აფხაზეთის   ფინანსთა  და   ეკონომიკის  მინისტრი   მურმან   ფარფალია.  აფხაზეთის მთავრობის წევრები და უმაღლესი საბჭოს დეპუტატები იმყოფებოდნენ.ასევე, აფხაზეთის ავტონომიური რესპუბლიკის ხელისუფლებამ საქართველოს ეროვნული გმირის, ჟიული შარტავას, საქართველოს უშიშროების პოლკოვნიკ მამია ალასანიას, აფხაზეთის მინისტრთა საბჭოსა და უმაღლესი საბჭოს ყოფილი თავმჯდომარის თამაზ ნადარეიშვილის, გენერალ-მაიორ გენო ადამიას, საქართველოს ეროვნული გმირის  გურამ გაბისკირიას საფლავები და ვაშლიჯვრის  ძმათა მემორიალი ყვავილებით შეამკო.90-იანი წლებში აფხაზეთში განვითარებულ ტრაგიკულ მოვლენებს ათასობით ადამიანი ემსხვერპლა, ხოლო 300 000-ზე მეტი მშვიდობიანი მოსახლე საკუთარ ქვეყანაში დევნილად იქცა.

27 სექტემბერი - ჯვართამაღლების - პატიოსანი და ცხოველმყოფელი ჯვრის ამაღლების დღეა. სოხუმის დაცემა სწორედ ამ დღეს დაემთხვა. გოლგოთის გზაზე შემდგარ აფხაზეთის მოსახლეობას დღემდე არ ტოვებს იმედი, რომ გოლგოთასა და ჯვარცმას... აღდგომა და ამაღლება მოჰყვება. ამგვარი იმედითა და რწმენით გასრულდა აფხაზეთის წართმევის 25 წელიც.

ქართველი ერისთვის ამ ტრაგიკულ დღეს გმირთა მოედანზე აფხაზეთში დაღუპულ გმირებს პატივი მიაგეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარემ ელგუჯა გვაზავამ, აფხაზეთის მთავრობის წევრებმა და უმაღლესი საბჭოს დეპუტატებმა, აფხაზეთის საზოგადოებრიობის წარმომადგენლებმა.

შემდეგ აფხაზეთის ავტონომიური რესპუბლიკის ხელისუფლებამ გვირგვინებით შეამკო საქართველოს ეროვნული გმირის, ჟიული შარტავას, აფხაზეთის მინისტრთა საბჭოსა და უმაღლესი საბჭოს ყოფილი თავმჯდომარის თამაზ ნადარეიშვილისა და გენერალ-მაიორ გენო ადამიას საფლავები.

ამავე დღეს, როგორც ჯვართამაღლების დღეს უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის ილია II-ის ლოცვა-კურთხევითა და აფხაზეთის ავტონომიური რესპუბლიკის მთავრობის ორგანიზებით, ქალაქ თბილისში მშენებარე ილორის წმინდა გიორგის სახელობის ეკლესიის თბილისის მეტოქიონის გუმბათზე ჯვარი აღიმართა.

ჯვრის კურთხევისა და აღმართვის ლოცვა აღავლინა და ტაძრის ეზოში შეკრებილი მრევლი დალოცა პატრიარქის მოსაყდრემ, სენაკისა და ჩხოროწყუს მიტროპოლიტმა შიომ.

ჯვრის აღმართვის ცერემონიას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს პრემიერ-მინისტრის მრჩეველი რეგიონალურ საკითხებში სოზარ სუბარი, აფხაზეთის ავტონომიური რესპუბლიკის მთავრობის წევრები, უმაღლესი საბჭოს დეპუტატები, სასულიერი პირები და დევნილი საზოგადოება ესწრებოდნენ.

ჯვართამაღლების დღესთან დაკავშირებით 12 საათზე საქართველოს ტერიტორიაზე არსებულ ეკლესია-მონასტრებში ერთდროულად დაირეკა ზარი და საქართველოს ტერიტორიული მთლიანობისათვის ბრძოლაში დაღუპულთა სულთა საოხად პანაშვიდი გადაიხადეს.

დღის ბოლოს საქართველოს ეროვნულ მუზეუმში სოხუმის დაცემის დღესთან დაკავშირებით ფრანგი ფოტოდოკუმენტალისტის ორელიენ ვილეტის გამოფენა „სიჩუმის რეზოლუცია - აფხაზეთი" გაიხსნა. ფოტოგამოფენაზე წარმოდგენილი იყო აფხაზეთში 90-იან წლებში განვითარებული კონფლიქტის შედეგად დანგრეული და დამწვარი შენობების ფოტოები.

ღონისძიება ფონდ „არტექოს" და მისი დამფუძნებლის დალი უბილავა-დე გრააფის ორგანიზებით და აფხაზეთის ავტონომიური რესპუბლიკის მხარდაჭერით გაიმართა.

საქართველოს ამპუტანტთა ფეხბურთის ასოციაციის ორგანიზებითა და საქართველოს ვეტერანების სახელმწიფო სამსახურის, საქართველოს ფეხბურთის ფედერაციის, საქართველოს თავდაცვის სამინისტროსა და აფხაზეთის ავტონომიური რესპუბლიკის მხარდაჭერით სპორტული კომპლექსი „იმედი"-ს სტადიონზე აფხაზეთში დაღუპულ მეომართა ხსოვნისადმი მიძღვნილი საფეხბურთო ტურნირი „აფხაზეთის თასი 2018" გაიმართა.

ფინალურ მატჩში ერთმანეთს გორის „დილა" და ზუგდიდის „ოდიში" დაუპირისპირდნენ. შეხვედრა გორის „დილას" გამარჯვებით, ანგარიშით 3:0 დასრულდა. გამარჯვებულ გუნდს ვეტერანების საქმეთა სახელმწიფო სამსახურის მიერ დაწესებული გარდამავალი თასი გადაეცა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ვეტერანების საქმეთა სახელმწიფო სამსახურის დირექტორი ვლადიმერ იმნაძე და აფხაზეთის ავტონომიური რესპუბლიკის განათლებისა და კულტურის სამინისტროს სპორტისა და ახალგაზრდულ საქმეთა სამსახურის უფროსი ვიტალი ბენდელიანი ესწრებოდნენ.

აფხაზეთის ავტონომიური რესპუბლიკის მთავრობის ორგანიზებით ვალერი არქანიას არტ-გალერეაში რუხის მეგობრობის ზეიმის ამსახველი დოკუმენტური ფილმის „რუხი ქართულ-აფხაზური ურთიერთობის კვალდაკვალ", ფოტოალბომისა და ჟურნალისტ მაყვალა ბერიანიძის წიგნის „რუხის ციხე-სიმაგრესთან ნათქვამი ფიცით..." პრეზენტაცია გაიმართა.

დარბაზში გამოფენილი იყო ქართველებსა და აფხაზებს შორის მეგობრობისა და სახალხო ზეიმის ამსახველი ისტორიული ფოტოები.

ფოტოგამოფენა ქართველებსა და აფხაზებს შორის მეგობრობას და იმ სახალხო ზეიმის ისტორიულ კადრებს ასახავდა, რომელიც 1979 წლიდან საქართველოს ეროვნული გმირის ჟიული შარტავას ინიციატივით დღევანდელი რუხის სავაჭრო ცენტრის ტერიტორიაზე იმართებოდა. სახალხო ზეიმი საყოველთაო მშვიდობის იდეას ემსახურებოდა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს პარლამენტის ყოფილი თავმჯდომარე დავით უსუფაშვილი, თბილისის ყოფილი მერი დავით ნარმანია, აფხაზეთის ავტონომიური რესპუბლიკის მთავრობის წევრები, რუხის შეხვედრების მონაწილეები, ჟიული შარტავას მეუღლე და მეგობრები და დევნილი საზოგადოება ესწრებოდნენ.

საქართველოს პარლამენტის პირველი რესპუბლიკის სახელობის დარბაზში აფხაზეთის ავტონომიური რესპუბლიკის მთავრობისა და საპარლამენტო ფრაქცია „ქართული ოცნება-მრეწველების“ ინიციატივით კონფერენცია გაიმართა. შეხვედრის თემა აფხაზეთის კონფლიქტის შეფასება ოცდახუთი წლის გადასახედიდან, ოკუპირებულ აფხაზეთში დღეს არსებული მდგომარეობა და ქართულ-აფხაზური სავაჭრო ურთიერთობების პერსპექტივა იყო.

შეხვედრაზე სიტყვით გამოვიდნენ ფრაქცია „ქართული ოცნება-მრეწველების“ თავმჯდომარე სიმონ ნოზაძე, პარლამენტის თავმჯდომარის მოადგილე გიორგი ვოლსკი და აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია.

„სოხუმშიც და თბილისშიც ვთანხმდებით, რომ აფხაზეთში შექმნილია უმძიმესი სოციალურ-ეკონომიკური მდგომარეობა. კონფლიქტიდან 25 წლის განმავლობაში, აფხაზეთში ვითარება არცერთი მიმართულებით არ გაუმჯობესებულა. ამას ვამბობ გულისტკივილით და არა ნიშნისმოგებით.

ჩვენთვის უმთავრეს ამოცანას აფხაზურ და ქართულ საზოგადოებებს შორის ნდობის აღდგენა, საკუთარ სახლებში დევნილი მოსახლეობის უსაფრთხო და ღირსეული დაბრუნება და ერთიან სახელმწიფოში მშვიდობიანი თანაცხოვრება წარმოადგენს.

საქართველოს ხელისუფლება და საზოგადოება ვთანხმდებით, რომ კონფლიქტის მოგვარების მშვიდობიან გზას ალტერნატივა არ გააჩნია, ხოლო დიალოგი ამის საუკეთესო ინსტრუმენტია. ჩვენი ამოცანაა დავარწმუნოთ ამაში აფხაზები და სერიოზულად ვიმსჯელოთ შემოთავაზებული დიალოგის წარმოებაზე", - განაცხადა ვახტანგ ყოლბაიამ.

შეხვედრაში საქართველოს პარლამენტის წევრები, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური რესპუბლიკის მთავრობის წევრები, აფხაზეთის ავტონომიური რესპუბლიკის უმაღლესი საბჭოს დეპუტატები, აფხაზეთის ავტონომიური რესპუბლიკის მთავრობის აპარატის თანამშრომლები, მეცნიერები, ექსპერტები და არასამთავრობო ორგანიზაციების წარმომადგენლები მონაწილეობდნენ.

აფხაზეთის ავტონომიური რესპუბლიკის მთავრობასა და სსიპ საქართველოს მეცნიერებათა ეროვნულ აკადემიას შორის სამეცნიერო-საგანმანათლებლო და საინფორმაციო თანამშრომლობის შესახებ ურთიერთანამშრომლობის მემორანდუმი გაფორმდა.

მემორანდუმს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და სსიპ საქართველოს მეცნიერებათა ეროვნული აკადემიის პრეზიდენტმა გიორგი კვესიტაძემ მოაწერეს ხელი.

მემორანდუმი ითვალისწინებს: ქართულ-აფხაზური კონფლიქტის დარეგულირების საკითხებისადმი მიძღვნილი სამეცნიერო-კვლევითი ნაშრომების განხილვასა და მათ საერთაშორისო ასპარეზზე წარმოჩენას. ასევე აფხაზური ენის განვითარებაზე ერთობლივ ზრუნვასა და სამეცნიერო ტერმინოლოგიის სრულყოფას;

ქართულ-აფხაზური კონფლიქტის დარეგულირების საკითხებზე მნიშვნელოვანი სამეცნიერო სამუშაოების წარმოსაჩენად აფხაზეთის ავტონომიური რესპუბლიკის მთავრობისა და საქართველოს მეცნიერებათა ეროვნული აკადემიის ერთობლივი პრემიის  დაწესებასა და მინიჭებას.

„დღეს ჩვენ საქართველოს მეცნიერებათა ეროვნულ აკადემიასთან მემორანდუმი გავაფორმეთ, რომელშიც აკადემიურადაა ჩამოყალიბებული ჩვენი თანამშრომლობის მთავარი მიმართულებები. ამით ჩვენ საქვეყნოდ ვაცხადებთ, რომ ჩვენ განათლებული და წარმატებული აფხაზეთი გვინდა! გვინდა მათი იდენტურობის შენარჩუნება და განვითარება. ამ დიად საქმეში კი მეცნიერება გადამწყვეტი როლს ასრულებს.

უდიდესი მნიშვნელობისაა ჩვენი ერთობლივი გადაწყვეტილება აფხაზური კონფლიქტის დარეგულირების საკითხებზე მნიშვნელოვანი სამეცნიერო სამუშაოების წარმოსაჩენად ერთობლივი პრემიის დაარსება და მინიჭება!", - განაცხადა ვახტანგ ყოლბაიამ.

მემორანდუმის ხელმოწერის ცერემონიას აფხაზეთის ავტონომიური რესპუბლიკის მთავრობის წევრები, საქართველოს მეცნიერებათა ეროვნული აკადემიის ვიცე-პრეზიდენტი როინ მეტრეველი, საქართველოს მეცნიერებათა ეროვნული აკადემიის  აკადემიკოს-მდივანი რამაზ ხუროძე, საქართველოს მეცნიერებათა ეროვნული აკადემიის ნამდვილი წევრები, პოლიტიკის მეცნიერებათა ეროვნული აკადემიის აღმასრულებელი დირექტორი ზურაბ ჯიბლაძე, ცხუმ-აფხაზეთის მეცნიერებათა აკადემიის პრეზიდენტი ოთარ ჟორდანია და აფხაზეთის ავტონომიური რესპუბლიკის მთავრობის აპარატის თანამშრომლები ესწრებოდნენ. 

პრაღაში გურამ ოდიშარიას წიგნის - „დევნილთა უღელტეხილი" ჩეხურენოვანი თარგმანის პრეზენტაცია გაიმართა. წიგნი მკითხველს იმ ადამიანების განცდებზე მოუთხრობს, რომლებმაც სიკვდილისგან თავის დასაღწევად, 1993 წელს ჭუბერის  უღელტეხილი ურთულეს პირობებში ფეხით გაიარეს.

ღონისძიებაში მონაწილეობის მისაღებად პრაღას წიგნის ავტორი გურამ ოდიშარია და აფხაზეთის ავტონომიური რესპუბლიკის მთავრობის თავმჯდომარე ვახტანგ ყოლბაია ესტუმრნენ.

პრეზენტაციას ჩეხეთის რესპუბლიკაში საქართველოს საელჩოს თანამშრომლები, ქართული დიასპორის წარმომადგენლები და ჩეხი სტუმრები დაესწრნენ. ასევე,  ჩეხი ეროვნების მომღერლებისგან შემდგარმა ფოლკლორულმა ჯგუფმა „ჰაერი" რამდენიმე ქართული ხალხური სიმღერა შეასრულა.

ჩეხეთის რესპუბლიკაში წიგნი გამომცემლობა „Jonathan Livingston"-ში დაიბეჭდა, ხოლო გამოსაცემად სოსო მატკავამ მოამზადა.

ქ. ბათუმში ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატის სპეციალური პროგრამის ფარგლებში  შექმნილი აფხაზური ენის თვითმასწავლებელი – ანიმაციური ელექტრონული სასაუბრო პროგრამის „ვისწავლოთ აფხაზური ენა – ზეპირმეტყველება” დისკის პრეზენტაცია შედგა.. ელექტრონული სასაუბროს საშუალებით ნებისმიერ მსურველს შესაძლებლობა ექნება გაეცნოს და შეისწავლოს აფხაზური ენა. ღონისძიება აჭარის მწერალთა სახლში გაიმართა, სადაც აფხაზი მხატვრის, ალექსანდრე შარვაშიძის ნახატების გამოფენა და მისი შემოქმედების ამსახველი დოკუმენტური ფილმის ჩვენებაც მოეწყო.

ამავე ღონისძიებაზე მოწვეულ სტუმრებს, ცნობილი ქართველი მწერლის ნოდარ დუმბაძის ქართულ და აფხაზურ ენებზე გამოცემული წიგნი – „გული” წარუდგინეს.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრი დავით გვაძაბია, ამავე სამინისტროს წარმომადგენლები, საქართველოს პარლამენტის წევრი სვეტლანა კუდბა, საქართველოს მწერალთა კავშირის აჭარის ორგანიზაციის თავმჯდომარე დავით თედორაძე აჭარაში მცხოვრები ეთნიკურად აფხაზები და სხვა მოწვეული სტუმრები ესწრებოდნენ.

ღონისძიების მიზანია ქართველებსა და აფხაზებს შორის ნდობის აღდგენისა და შერიგებისაკენ სწრაფვის გაღვივება, ასევე აფხაზური ენის შენარჩუნებაზე, განვითარებასა და პოპულარიზაციაზე ზრუნვა.

აფხაზეთის ავტონომიური რესპუბლიკის მთავრობის ორგანიზებითა და არასამთავრობო ორგანიზაცია აჭარაში „აფხაზთა თემის“ მხარდაჭერით, აჭარის მწერალთა სახლში აფხაზი მხატვრის, ალექსანდრე შარვაშიძის ნახატების გამოფენა და მისი შემოქმედების ამსახველი დოკუმენტური ფილმის ჩვენება მოეწყო. ასევე, ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატის სპეციალური პროგრამის ფარგლებში შექმნილი აფხაზური ენის თვითმასწავლებელი - ანიმაციური ელექტრონული სასაუბრო პროგრამის „ვისწავლოთ აფხაზური ენა - ზეპირმეტყველება" გაიმართა. ელექტრონული სასაუბროს საშუალებით ნებისმიერ მსურველს ექნება შესაძლებლობა გაეცნოს და შეისწავლოს აფხაზური ენა.

ამავე ღონისძიებაზე ცნობილი ქართველი მწერლის ნოდარ დუმბაძის ქართულ და აფხაზურ ენებზე გამოცემული წიგნის - „გული" პრეზენტაცია გაიმართა, რომელიც საჩუქრად „ქართულ-აფხაზურ საგას", ფერიის საჯარო სკოლას, არასამთავრობო ორგანიზაცია „ამრასა" და სხვა მოწვეულ სტუმრებს გადაეცათ.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საქართველოს პარლამენტის წევრი სვეტლანა კუდბა, ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრი დავით გვაძაბია, საქართველოს მწერალთა კავშირის აჭარის ორგანიზაციის თავმჯდომარე დავით თედორაძე, ჟურნალისტი ირმა ოსია, „ქართულ-აფხაზური საგის" ხელმძღვანელი ნათელა დუმბაძე, არასამთავრობო ორგანიზაცია აჭარაში „აფხაზთა თემის“ დამფუძნებელი ნინო ხალითბა და აჭარაში მცხოვრები ეთნიკურად აფხაზები ესწრებოდნენ.

ღონისძიების მიზანია ქართველებსა და აფხაზებს შორის ნდობის აღდგენისა და შერიგებისაკენ სწრაფვის გაღვივება, ასევე აფხაზური ენის შენარჩუნებაზე, განვითარებასა და პოპულარიზაციაზე ზრუნვა.

ქ. ბათუმში ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატის სპეციალური პროგრამის ფარგლებში  შექმნილი აფხაზური ენის თვითმასწავლებელი – ანიმაციური ელექტრონული სასაუბრო პროგრამის „ვისწავლოთ აფხაზური ენა – ზეპირმეტყველება” დისკის პრეზენტაცია შედგა.. ელექტრონული სასაუბროს საშუალებით ნებისმიერ მსურველს შესაძლებლობა ექნება გაეცნოს და შეისწავლოს აფხაზური ენა. ღონისძიება აჭარის მწერალთა სახლში გაიმართა, სადაც აფხაზი მხატვრის, ალექსანდრე შარვაშიძის ნახატების გამოფენა და მისი შემოქმედების ამსახველი დოკუმენტური ფილმის ჩვენებაც მოეწყო.

ამავე ღონისძიებაზე მოწვეულ სტუმრებს, ცნობილი ქართველი მწერლის ნოდარ დუმბაძის ქართულ და აფხაზურ ენებზე გამოცემული წიგნი – „გული” წარუდგინეს.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრი დავით გვაძაბია, ამავე სამინისტროს წარმომადგენლები, საქართველოს პარლამენტის წევრი სვეტლანა კუდბა, საქართველოს მწერალთა კავშირის აჭარის ორგანიზაციის თავმჯდომარე დავით თედორაძე აჭარაში მცხოვრები ეთნიკურად აფხაზები და სხვა მოწვეული სტუმრები ესწრებოდნენ.

ღონისძიების მიზანია ქართველებსა და აფხაზებს შორის ნდობის აღდგენისა და შერიგებისაკენ სწრაფვის გაღვივება, ასევე აფხაზური ენის შენარჩუნებაზე, განვითარებასა და პოპულარიზაციაზე ზრუნვა.