აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია აფხაზეთის ომში დაღუპული მეომრების მშობლების ჯგუფს შეხვდა.

შეხვედრაზე წამოწეული იქნა აფხაზეთის ომში დაღუპულთა ოჯახებთან მიმართებაში სოციალური შეღავათებისა და პენსიების მოწესრიგების საკითხები.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა მათ პრობლემების მოგვარების პროცესში აქტიურად ჩართვას და შესაბამის სახელმწიფო უწყებებთან შუამდგომლობას შეპირდა.