საქართველოს ტექნიკური უნივერსიტეტის საკონფერენციო დარბაზში აფხაზეთის საჯარო და ოკუპირებულ ტერიტორიაზე განთავსებული სკოლების მოსწავლეთა კონფერენცია „აფხაზეთის ეთნოგრაფია" გაიმართა. კონფერენცია აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით მოეწყო.

მოზარდებმა წარმოადგინეს ნაშრომები თემაზე: „აფხაზეთის ისტორა/ეთნოგრაფია უძველესი ეპოქიდან დღემდე''.

კონფერენციის მიზანია ისტორიული ფასეულობებისადმი პატივისცემის გაძლიერება, ისტორიულ თემებზე მუშაობისა და კვლევისათვის საჭირო უნარ-ჩვევების განვითარება.