პროექტის „მშვიდობის ექსპრესი" ფარგლებში, რომელიც აფხაზეთის მთავრობის და ორგანიზაცია „ტრიო ბრაო"-ს მხარდაჭერით დაიწყო, 2014 წლის 17 ივნისს მოეწყო პირველი ტური დევნილი ბავშვებისათვის პრეზიდენტის სასახლეში. ტურის ფარგლებში დევნილ ბავშვებს მიეცათ შესაძლებლობა დაეთვალიერებინათ პრეზიდენტის სამუშაო კაბინეტი, ასევე ექვთიმე თაყაიშვილის სახელობის დარბაზი, სადაც იმართება ოფიციალური შეხვედრები.

პროექტის შემდგომ ეტაპზე, ბავშვები ესტუმრებიან პარლამენტის ეროვნულ ბიბლიოთეკას, ხოლო 20 ივნისს, ლტოლვილთა მსოფლიო დღეს, პატარებს შ.პ.ს. „ჯინო ფარადაისი" აკვა პარკში უმასპინძლებს.