აფხაზეთის ავტონომიური რესპუბლიკის მთავრობის ორგანიზებით, ქუთაისის დევნილთა პოლიკლინიკაში, ერთ წლამდე ასაკის, 100-მდე დევნილ ბავშვს უფასო სამედიცინო გამოკვლევები ჩაუტარდა.

აქციის ფარგლებში, პატარებმა აფხაზეთის მთავრობის თავმჯდომარის სახელით საჩუქარი მიიღეს. ინიციატივა - „საჩუქარი ყველა დევნილ ბავშვს", აფხაზეთის მთავრობის თავმჯდომარეს გიორგი ბარამიას ეკუთვნის.

აფხაზეთის ავტონომიური რესპუბლიკის მთავრობის ორგანიზებით მსგავსი სახის აქცია სამეგრელო ზემო-სვანეთის რეგიონში უკვე განხორციელდა და საქართველოს სხვა რეგიონებსაც მოიცავს.