აფხაზეთის ავტონომიური რესპუბლიკის მთავრობის თავმჯდომარის გიორგი ბარამიას ინიციატივითა და ფონდი „კეთილი სამარინელი საქართველოში" მხარდაჭერით სამეგრელოს რეგიონში ჩასახლებულმა დევნილმა ბავშვებმა საჩუქრები მიიღეს. 

აფხაზეთის მთავრობის წარმომადგენლები სამეგრელო-ზემო სვანეთის რეგიონში, წალენჯიხის რაიონ სოფელ ფოცხო-ეწერსა და ზღვაიას დევნილთა კომპაქტურად ჩასახლების ობიექტებს სტუმრობდნენ. აღნიშნულ ობიექტებში მცხოვრებ 130-მდე ბავშვს საჩუქრები გადაეცა. საჩუქრებს ასევე მიიღებს სოფელ ჯვარის დევნილთა საბავშო ბაღი ,,ცხუმი"-ს 65 აღსაზრდელი.

აფხაზეთის ავტონომიური რესპუბლიკის მთავრობის ორგანიზებით, საჩუქრებს სამეგრელოსა და საქართველოს სხვა რეგიონებში მცხოვრები დევნილი ბავშვებიც მიიღებენ.

ფონდი „კეთილი სამარინელი საქართველოში" აფხაზეთის ავტონომიური რესპუბლიკის მთავრობასთან ერთად მსგავს ღონისძიებებს რამოდენიმე წელია ახორციელებს.