2022-09-26 |
განათლებისა და კულტურის სამინისტრო
აფხაზეთის საჯარო სკოლების 38 პედაგოგი STEM-ის მიმართულებით გადამზადდა
აფხაზეთის ავტონომიური რესპუბლიკის განათლებისა და კულტურის სამინისტროსა და მასწავლებელთა პროფესიული განვითარების ეროვნული ცენტრის თანამშრომლობით, აფხაზეთის საჯარო სკოლების 38 პედაგოგი STEM-ის მიმართულებით გადამზადდა.
ტრენინგები მასწავლებლებს „ციფრული ტექნოლოგიებისა და ელექტროინჟინერიის საფუძვლები STEM კლუბის ხელმძღვანელი მასწავლებლებისთვის“ ფარგლებში ჩაუტარდათ.
ქ. ზუგდიდის ტექნოპარკში ტრენინგებში მონაწილე პედაგოგებთან შემაჯამებელი შეხვედრა გაიმართა და მათ მასწავლებელთა პროფესიული განვითარების ეროვნული ცენტრის სერტიფიკატები და STEM კლუბის ხელმძღვანელი მასწავლებლებისთვის საჭირო სასაჩუქრე ბოქსები გადაეცათ.
