2022-11-05 |
ჯანმრთელობისა და სოციალური დაცვის სამინისტრო
აჭარის რეგიონში მცხოვრებ აფხაზეთიდან დევნილებს სამედიცინო გამოკვლევები ჩაუტარდათ
აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით, აჭარის რეგიონში, დაბა ჩაქვსა და ბათუმის მუნიციპალიტეტში მცხოვრებ აფხაზეთიდან იძულებით გადაადგილებულ პირებს უფასო მრავალპროფილური სკრინინგული გამოკვლევები ჩაუტარდათ.
აქციის ფარგლებში, 200-მდე აფხაზეთიდან დევნილს ჩაუტარდა შემდეგი მომსახურებები:
➢ ოჯახის ექიმის კონსულტაცია;
➢ მხედველობის სკრინინგი:
ოფთალმოლოგის კონსულტაცია;
სათვალის რეცეპტის გაცემა (საჭიროების შემთხვევაში).
➢ პედიატრის კონსულტაცია;
➢ კარდიოლოგის კონსულტაცია;
ეკგ.
➢ ნევროლოგის კონსულტაცია;
➢ ენდოკრინოლოგის კონსულტაცია;
➢ სხვადასხვა სისტემის რადიოლოგიური კვლევა;
➢ ტესტირება COVID-19 -ის დიაგნოსტიკის მიზნით.
გამოკვლევებში საქართველოს წამყვანი კლინიკებისა და დევნილთა სამედიცინო დაწესებულებების ექიმ-სპეციალისტები მონაწილეობდნენ.
დევნილ ბენეფიციარებს დანიშნულების შესაბამისად საჭირო მედიკამენტები უსასყიდლოდ გადაეცათ.
ასევე, დაწყებითი კლასის მოსწავლეებს ჰიგიენური სასაჩუქრე ნაკრები გადაეცათ.
