აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილი, აფხაზეთის ჯანმრთელობისა და სოციალური დაცვის მინისტრ ლაშა ქარდავასთან ერთად, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ მიხეილ სარჯველაძეს შეხვდა.

სამუშაო ფორმატის შეხვედრაზე საუბარი შეეხო გამყოფი ხაზის ორივე მხარეს მცხოვრები მოსახლეობის საჭიროებებს, სოციალური მიმართულებით არსებულ პროექტებს და ჰუმანიტარული მნიშვნელობის საკითხებს.

მხარეებმა ასევე აფხაზეთიდან დროებით დევნილი მოსახლეობისთვის სამედიცინო სერვისებზე ხელმისაწვდომობის გაუმჯობესებისა და სამომავლო ურთიერთთანამშრომლობის საკითხები განიხილეს.