აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ზუგდიდში იმყოფებოდა და მოშიმშილე დევნილებს შეხვდა.

ვახტანგ ყოლბაია დევნილებს გაესაუბრა, მათ მოთხოვნებს გაეცნო და დაჰპირდა, რომ ის ცვლილება, რასაც მოშიმშილეები ეწინააღმდეგებოდნენ კონსტიტუციაში არ შევა და აფხაზეთის ავტონომიური რესპუბლიკის მთავრობის ხელმძღვანელს კვლავ პრეზიდენტი ან პრემიერი წარადგენს.

შეხვედრის შემდეგ დევნილებმა შიმშილობის აქცია შეწყვიტეს.