აფხაზეთის ავტონომიური რესპუბლიკის ფინანსთა მინისტრმა ვასილ ხორავამ ქ.ფოთში ნაბადას დასახლებაში არსებულ ერთ-ერთი კომპაქტურ ჩასახლებაში მცხოვრები დევნილები მოინახულა და დამდეგი შობა ახალი წელი მიულოცა.

მინისტრმა აღნიშნულ კომპაქტურ ჩასახლებაში მცხოვრებ 40-მდე დევნილ ბავშვს საახალწლო საჩუქრები ჩაუტანა. დევნილმა მოზარდებმა საჩუქრად ტკბილეული, სათამაშოები და საკანცელარიო ნივთები მიიღეს.

საქველმოქმედო აქცია „პრივატ-ბანკი"-ს მხარდაჭერით მოეწყო.

ვასილ ხორავასთან ერთად დევნილთა კომპაქტური ჩასახლების ობიექტს ფოთის მერი დავით სარსანია და „პრივატ-ბანკის" წარმომადგენლები სტუმრობდნენ.