აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია სტუდენტთა საერთაშორისო დღესთან დაკავშირებით, ვალერი არქანიას სახელობის არტ-გალერეაში აფხაზეთის ავტონომიური რესპუბლიკის საჯარო სკოლებისა და ოკუპირებულ ტერიტორიაზე მოქმედი სკოლების კურსდამთავრებულებს შეხვდა, დღევანდელი დღე მიულოცა და სიმბოლური საჩუქრები გადასცა. აღნიშნული ახალგაზრდები მიმდინარე წელს ჩაირიცხნენ საქართველოს სხვადასხვა უმაღლეს სასწავლებლებში.
ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი და აფხაზეთის ავტონომიური რესპუბლიკის უმაღლესი საბჭოს დეპუტატები ესწრებოდნენ.
