აფხაზეთის ავტონომიური რესპუბლიკის მთავრობა მწუხარებას გამოთქვამს ქ.სტამბულში, მიმდინარე წლის 12 იანვარს მომხდარი ტერაქტის  გამო, რომლის შედეგად მრავალი  დაღუპული და დაშავებული ადამიანია.

ტერორიზმი ერთ-ერთი სერიოზული გამოწვევათაგანია საერთაშორისო უსაფრთხოების სისტემისათვის და იმედს გამოვთქვამთ, მთელი ცივილიზებული სამყაროს ძალისხმევით დაძლეული იქნება ეს ბარბაროსული ქმედება - როგორც  ყველაზე დიდი სენი და თვითდამკვიდრების ყველაზე არაჰუმანური საშუალება.

ამ მძიმე წუთებში, მორალურ მხარდაჭერას გამოვხატავთ თურქი ხალხის, თურქეთის რესპუბლიკის ხელისუფლების, საქართველოში თურქეთის რესპუბლიკის ელჩის მიმართ და სამძიმარს ვუცხადებთ დაღუპულთა ოჯახებს.