25 დეკემბერს წიგნის საახალწლო ფესტივალის ფარგლებში საქართველოს პარლამენტის ეროვნული ბიბლიოთეკის საგამოფენო დარბაზში შორენა ლებანიძის დოკუმენტური რომანის - „მანანა ანუა - ტყვეობის ორმოცდათორმეტი დღე" პრეზენტაცია გაიმართა.

წიგნის წარდგენა საქართველოს წიგნის გამომცემელთა და გამავრცელებელთა ასოციაციის ინიციატივითა და გამომცემლობა „არტანუჯის" ორგანიზებით მოეწყო.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის ხელისუფლების წარმომადგენლები და სხვა მოწვეული სტუმრები დაესწრნენ.