სასტუმრო „ქორთიარდ მარიოტში" საქველმოქმედო ჰუმანიტარულმა ცენტრმა „აფხაზეთმა" 20 წლის იუბილე აღნიშნა. ორგანიზატორებმა დამსწრე საზოგადოებას მათი ცენტრის 20 წლიანი საქმიანობის მოკლე ანგარიში წარუდგინეს.
ღონისძიებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველი მოადგილე გრიგოლ გიორგაძე და საერთაშორისო და ადგილობრივი ორგანიზაციების წარმომადგენლები.
საქველმოქმედო ჰუმანიტარულმა ცენტრმა „აფხაზეთმა" საქმიანობა 1995 წელს დაიწყო და დღეისათვის მრავალ პროექტს ახორციელებს საქართველოს სხვადასხვა რეგიონში მცხოვრები დევნილი მოსახლეობისთვის.
