სოხუმის სახელმწიფო უნივერსიტეტის საპრეზენტაციო დარბაზში ჟიული შარტავას 70-წლისთავისადმი მიძღვნილი სამეცნიერო კონფერენციის - „თანამედროვე პოლიტიკა და მეცნიერების ამოცანები" - ფარგლებში გაიმართა სექცია-მრგვალი მაგიდა: „აფხაზეთის კონფლიქტი დღევანდელი გადასახედიდან. პრობლემები და გამოწვევები". სხდომას პროფესორები ჯონი აფაქიძე და ზურაბ პაპასქირი უძღვებოდნენ.
მრგვალი მაგიდა გახსნა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა, ვახტანგ ყოლბაიამ.
„დღევანდელი შეხვედრა იძლევა კარგ შესაძლებლობას, რათა სრულფასოვნად შეფასდეს არსებული რეალობა და შემუშავდეს წინადადებები რომლებიც ეფექტურ წვლილს შეიტანენ აფხაზეთის კონფლიქტის მშვიდობიანი მოგვარების საქმეში" - აღნიშნა ვახტანგ ყოლბაიამ.
დამსწრე საზოგადეობას ასევე სიტყვით მიმართეს აფხაზეთის ავტონომიური რესპუბლიკის უმაღლესი საბჭოს თავმჯდომარემ გია გვაზავამ და აფხაზეთის ავტონომიური რესპუბლიკის განათლებისა და კულტურისა მინისტრმა, დიმიტრი ჯაიანმა.
მრგვალ მაგიდაში მონაწილეობა მიიღეს სოხუმის უნივერსიტეტის პროფესორებმა ზურაბ პაპასკირმა, დაზმირ ჯოჯუამ, ბორის კვარაცხელიამ, ომარ არდაშელიამ და აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილემ ანზორ წოწონავამ.
ღონისძიებას აფხაზეთის მთავრობისა წევრები, მეცნიერები, სოხუმის სახელმწიფო უნივერსიტეტის პროფესორ-მასწავლებლები და სტუდენტები დაესწრნენ.
