აფხაზეთის სულიერებისა და კულტურის ცენტრში, ცნობილი ქართველი პოეტის შოთა ნიშნიანიძის ხსოვნისადმი მიძღვნილი საღამო სახელწოდებით „ერთი მამალი აღვიძებდა ოდიშ-აფხაზეთს“ გაიმართა.
საღამოში მონაწილეობდნენ ქართული ხელოვნებისა და კულტურის სფეროს წარმომადგენლები: ელდარ გეწაძე, დიმიტრი ჯაიანი, ჯემალ სეფიაშვილი, გენო ნადირაშვილი, თეიმურაზ დავითაია, ვაჟა აზარაშვილი, თემურ შალვაძე, ციალა მესხია, ანა ქაშიბაძე, ლაშა ახალაური და სხვები.
ღონისძიებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავა, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, აგრეთვე შოთა ნიშნიანიძის მეუღლე თამარ ჩიჯავაძე და შვილი ნათია ნიშნიანიძე.
