სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელშეწყობითა და ორგანიზებით „დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრის" სამეგრელო-ზემო სვანეთის განყოფილებამ ზუგდიდში ჩასახლებულ დევნილებს „C" ჰეპატიტის ელიმინაციის პროგრამის ფარგლებში გამოკვლევები ჩაუტარა.

გამოკვლევებს მონიტორინგს სამეგრელო-ზემო სვანეთის რეგიონში  აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ალექსანდრე ჩიკვაიძე უწევდა.

„C" ჰეპატიტის ელიმინაციის პროგრამის ფარგლებში გამოკვლევები გაგრძელდება და ეტაპობრივად რეგიონში ჩასახლებულ ყველა დევნილს ჩაუტარდება.